ಅದ್ಯಾಯ 3
1
2
3
1 ಕೊನೆ ಹೋಕುಯೆಂದಯಿಂಡೆಕ್ಯ ಅನ್ನಾತೆಂಬಿಮಾರ್ಲೆ ನಂಗ್ಲುಕಾಯಿ ಪ್ರಾರ್ಥನೆಸೈಯಂಗೋ .ಕರ್ತನ ವಾಕ್ಯವು ನಿಂಗ್ಲುಲ್ಲಿ ಹಬ್ನ ಪ್ರಕಾರ ಅದ್ದಿಜಾಯಿ ಬೇಗ ಹಬ್ಬಿ ಪ್ರಖ್ಯಾತಿ ಹೊಂದ್ರ ಹಾನ್ಗು
2 ದವ್ರು ನಂಗ್ಲತ್ತೆಯ ಮೂರ್ಖರಾನ ದುಷ್ಟಮಂದಿಲ್ಯ ಕೈಯಿಂಡು ತಪ್ಪಿಸ್ರ ಹಾನ್ಗೂ ಪ್ರಾರ್ಥಿಸಂಗೋ ;ಅದ್ದಿಕೋರು ಕ್ರಿಸ್ತನಂಬಿಕೆಯಿಲ್ಲಲ್ಯ .
3 ಅನೇಕೆ ಕರ್ತನು ನಂಬಿಗಸ್ತನು ;ಅದು ನಿಂಗ್ಲತ್ತೆಯ ದೃಢಪಡ್ಸಿ ನಿಂಗ ಕೆಡುಕತ್ ಕೈಕಿ ಸಿಕ್ದೇ ಕಾಪಾಡಕು.
4
5
4 ನಂಗ ಆಜ್ಞಾಪಿಸ್ರ ಪ್ರಕಾರ ನಿಂಗ ಸೈಯಾರಂಗಯಿಂಡು ಮುನ್ಕು ಸೈಯಾರಂಗಯಿಂಡು ನಿಂಗ್ಲ ವಿಷಯತ್ಗೋರು ಕರ್ತನ ಮೂಲಕವಾಯಿ ನಂಗ್ಲುಕು ಭರವಸಯಿದೂ .
5 ದವ್ರ ಪ್ರೀತಿಕೋರು ಕ್ರಿಸ್ತನ ತಾಳ್ಮೆಕೋರು ಸೇರುರ್ ತರ ಕರ್ತನೇ ನಿಂಗ್ಲತ್ತೆಯ ನಡಪ್ಕೊಟು.
6
7
8
9
6 ಅನ್ನಾತೆಂಬಿಮಾರ್ಲೆ ,ನಂಗ್ಲಿಂಡು ಹೊಂದ್ನ ಬೋಧನೆಯತ್ತೆಯ ಅನುಸರ್ಸ್ದೆ ಅಕ್ರಮವಾಯಿ ನಡುಕ್ರ ಅದ್ದಿಅನ್ನಾತೆಂಬಿಲ್ಕಿ ನಿಂಗ ತುರಯಿಕ್ಕಿರ್ದುಯಿಂಡು ನಂಗ್ಲ ಕರ್ತಆನಾ ಯೇಸು ಕ್ರಿಸ್ತನ ಪೇರ್ಕೊರು ನಿಂಗ್ಲುಕು ಆಜ್ಞಾಪಿಸಾರೋ .
7 ನಿಂಗ ನಂಗ್ಲತ್ತೆಯ ಅನುಸರ್ಸಿ ಹೇನ್ಗು ನಡ್ಕುರ್ದುಯಿಂಡು ನಿಂಗ್ಲುಕೆ ಗೋತ್ತಿದು ;
8 ನಂಗ ನಿಂಗ್ಲುಲ್ಲಿ ಅಕ್ರಮವಾಯಿ ನಡುಕ್ಲ ;ನಂಗ ದುಡ್ಲುಕುಡ್ಕದೆ ಏತ೦ಚ್ಲು ಕಲಿ ತಿಂಗ್ಲ ;ನಿಂಗ್ಲುಲಿ ಒಂಡಲ್ಕು ಭಾರಹಗ್ರುದಂಚುಯಿಂಡು ಪಗ್ಮರ್ಕು ನಾಮರ್ಕು ಕಷ್ಟತಿಂಡು ಪ್ರಯಾಸತಿಂಡು ದುಡ್ಜುಗೊಂಡು ಜೀವನನಡ್ಪಿಚೋ .
9 ನಿಂಗ್ಲಿಂಡು ಘೋಷಣೆ ಹೊಂದ್ರುಕು ನಂಗ್ಲುಕು ಹಕ್ಕಿಲ್ಲಯಿಂಡು ಹನ್ಗು ಸೈಲಾ ,ನಿಂಗ ನಂಗ್ಲತ್ತೆಯ ಅನುಸರ್ಸ್ರತ್ಗಾಯಿ ನಿಂಗ್ಲುಕು ಮಾದರಿಅಯಿಕ್ಯೋಮುಯಿಂಡೇ ಸೇಂದೋ.
10
11
12
10 ಇದಲ್ದೆ ನಂಗ ನಿಂಗ್ಲ ಜೋತೆಮೇನಿ ಇಂದಪೋದು ಪನಿ ಸೈದೇಯಿಕ್ರದು ಕಲಿತಿಂಗ್ರುದಂಚುಯಿಂಡು ನಿಂಗ್ಲುಕು ಆಜ್ಞಾಪಿಸಿರೋಅದ್ನೇ .
11 ಅನೇಕೆ ನಿಂಗ್ಲುಲ್ಲಿ ಅಳುದ್ನಳು ಎ ಪನಿನ್ನೂ ಸೈದೆ ಬೇರೆಲ್ತ್ ಪನಿಕೋರು ಅದ್ನೇ ತಲ್ಕಾಯಿ ಹೋಟು ಅಕ್ರಮವಾಯಿ ನಡ್ಕಕ್ನುಯಿಂಡು ವರ್ತಮಾನತ್ತೆಯ ಕೋಟಿರೋ .
12 ಇಂಥಗ್ಯ ತಂಗ್ಲ ಪನಿಯತ್ತೆಯ ಪಾಕ್ತ ತಂಗ್ಲೇ ಗಳ್ಸಿಕ್ರತ್ತ ಕಲಿತಿಂಗಿರ್ದುಯಿಂಡು ಕರ್ತಅನಾ ಯೇಸು ಕ್ರಿಸ್ತನ್ಕೊರು ನಂಗ ಆಜ್ಞಾಪಿಸಿ ಪ್ರಭೋಧಿಸಾರೋ.
13
14
15
13 ಅನ್ನಾತೆಂಬಿ ಮಾರ್ಲೆ ನಿಂಗನಅನೇಕು ನಲ್ಲತ್ತ ಸೈರತ್ಗೋರು ಬೇಸ್ರಆಗ್ಮನಂಗ .
14 ಈ ಪತ್ರಿಕೆಯ ಮೂಲ್ಕ ಸೋನ್ನಿಕ್ರ ಓಕುಕೂ ಎದನಾಅನೇಕು ಒಳ್ಗಗ್ದೆಯಿಂದೆಕ್ಯ ಅತ್ತತ್ತೆಯ ಗುರ್ತು ಪುಡುಸ್ಗೊಂಡು ಅತ್ಗು ನಾಚಿಕೆಆಗ್ರು ತರ ಅತ್ರ ಸಹವಾಸತ್ಗೋರು ಸೆರ್ಮಾನಂಗ .
15 ಅನೇಕು ಅತತ್ತೆಯ ವೈರಿಯಿಂಡು ಎಣ್ಸದೆ ಅನ್ನಾತೆಂಬಿಯಿಂಡು ಎಣ್ಸ್ ಗೊಂಡು ಬುದ್ದಿಸೋನಂಗೋ.
16
17
18
16 ಶಾಂತಿದಾಯಕಅನಾ ಕರ್ತನು ತಾನೇ ಸದಾ ಕಾಲುತ್ಗೊರು ಅದ್ದಿವಿಧತ್ಗೋರು ನಿಂಗ್ಲುಕು ಶಾಂತಿಯತ್ತೆಯ ದಯಪಾಲಿಸೋಟು ,ಕರ್ತನು ನಿಂಗ್ಲುಲದ್ದಿ ಇಕ್ಯೋಟು .
17 ಪೌಲಯಿಂಗ್ರ ನಾನು ಸ್ವಂತ ಕೈಯಿಂಡು ವಂದನೆಯತ್ತೆಯ ವರ್ಜಿರೇ ;ಅದ್ದಿ ಪತ್ರಿಕೆಕೋರು ಇದೇ ಗುರ್ತು ;ಹೀನ್ಗೆ ನಟ ಕೈಬರಹ .
18 ನಂಗ್ಲ ಕರ್ತಅನಾ ಯೇಸು ಕ್ರಿಸ್ತನ ಕೃಪೆಯೂ ನಿಂಗ್ಲೆಟದ್ದಿಯಿಕೋಟು.