^{1 2 3 4} 1 ಅದಿಕಿಂತಲೂ ಮುನ್ನಿ ಮನುಷ್ಯರ್ಕು ಅರಸುಗಳಿಕಿ ಆದಿ ಅಧಿಕಾರಿಕಿ ವಿಜ್ಞಾಪನೆನ್ನ ಪ್ರಾಥರ್ನೆನ ಮನವಿನ್ನ ಕೃತಜ್ಞತೆ ಸುತ್ತಿನ್ನ ಸೈಯಿರ್ದುಯಿಂಡು ಎಚ್ಚರ್ಸಾರೆ . 2 ಹಿಂಗು ನಂಗ ಶಾಂತಿ ಸಮಾದಾನತ್ಕುರು ಜೀವನನ್ನ ಪೂರ್ಣ ಭಕ್ತಿಯಿಂಡು ಗೌರವತಿಂಡು ನಡ್ಸರದಕ್ದು . 3 ಯೆಂತಿಗಿಂಡೆಕೆ ಇದು ನಗ್ಟ ರಕ್ಷಕನಾನ ದೌರ್ತ ದೃಷ್ಟಿಕುರು ನಾಲ್ಲದಾಯಿ ಅನ್ಗಿಕರ್ಸ್ರದಾಯಿದು . 4 ಆದಿ ಮನುಷ್ಯರು ರಕ್ಷಣೆನ್ನ ಹೊಂದಿ ಸತ್ಯ ಜ್ಞಾನತ್ಗು ಸೇರುರ್ದುಯಿಂಡು ಆತನು ಚಿತ್ತವಾಯಿದು. ^{5 6 7} 5 ಯೆಂತಿಗಿಂಡೆಕೆ ದೌರು ವಂಡೇ ; ದೌರು ಮದ್ಯಸ್ಥನು ವಂಡೇ ; ಆತನು ಮನುಷ್ಯನಾಯಿಕ್ರ ಕ್ರಿಸ್ತ ಯೇಸುವೇ . 6 ಆತನ ಅದೇರ್ಕು ವಿಮೋಚನೆ ಕ್ರಯವಾಯಿ (ಸಾಲ) ತನ್ನ ತಾನೇ ಒಪ್ಪಿಸಿಕೋಡ್ಜು ; ಇದೇ ತಕ್ಕ ಕಾಲತ್ಕುರು ಸಾಂಡ್ರ ಬೇಕನ್ನ ಸಾಕ್ಷಿಯಾಯಿದು . 7 ಆ ಸಾಕ್ಷಿನ್ನ ಪ್ರಸಿದ್ದಿ ಪಡ್ಸುರ್ಕು ನಾನು ಸಾರುವನಾಯಿ ಅಪೋಸ್ತಲನಾಯಿ ನಂಬಿಕೆಯಿಂಡು ಸತ್ಯತಿಂಡು ಅನ್ಯಮಂದಿಕಿ ಬೋದಿಸ್ರವಾನಯಿ ನೇಮಿಸಲ್ಪಟ್ಟೆ .(ಇತತ್ತೆಯ ಸುಳ್ಳಡ್ದೆ ಕ್ರಿಸ್ತನ್ಕುರು ಸತ್ಯವಾಯಿ ಸೋನ್ನರೆ ). ^{8 9 10} 8 ಆತಿಂಡು ಪುರುಷ್ಯರು ಆದಿ ಸ್ಥಳತ್ಕುರು ಕೋಪನು ಸಂದೇಹನು ಇಲ್ಲದೆ ಪವಿತ್ರವನ ಕೈ ಪೇಚಿ ಪ್ರಾರ್ಥನೆ ಸೈಯಿರ್ದುಯಿಂಡು ನಾನು ಆಪೆಕ್ಷಿಸಾರೆ . 9 ಹಾಂಗೆ ಪಂಲಗ್ಯ ಸ್ವಸ್ಥಬುದ್ದಿಯುಲ್ಲವಾರಯಿ ಮರ್ಯಾದೆಕಿ ಸರಿಯನ್ನ ಉಡುಪನ್ನ ಹೊಟ್ಗುರ್ದುಯಿಂಡು ಆಸೆಪಡರೆ .ಆಗ್ಯ ಜಡೆ ಚಿನ್ನ ಮುತ್ತುನ್ನ ಬೆಲೆಯಿಕ್ರ ವಸ್ತ್ರ ಇತಿಂಡು ತಗುಲ್ನ ಅಲಂಕರಿಸ್ಗುದೆ . 10(ದೌರ್ ಭಕ್ತರೆನ್ಸುಗುರ ಸ್ತ್ರೀ ಯಾರ್ಕು ಯುಕ್ತರಾಕ್ರ ಪ್ರಕಾರ ) ಸತ್ಕ್ರಿತ್ಕುರು ಅಲಂಕರಿಸ್ಗೊಡ್ನು. ^{11 12} 11 ಸ್ತ್ರೀ ಮೌನವಾಯಿಂದು ಪೂರ್ಣ ವಿದೇಯಲಾಯಿ ಕೆಕಿರ್ದು . 12 ಆನೇಕೆ ಉಪದೇಶ ಸೈರದಾನೆಕು ಅಮ್ಲಲ್ಮೆನಿ ಅದಿಕಾರ ನಡ್ಸುರ್ಕು ಸ್ತ್ರಿಕಿ ನಾನು ಅಪ್ಪಣೆ ಕುಡ್ಕ್ಮಾಟ್ಟೆ ;ಅದು ಮೌನ ವಾಯಿಕ್ಕುರ್ದು .