13 ¹ ಸಮುದ್ರಮ್ನಿಂಚ ಮೃಗಮು ಏರಿಪೈಯ್ಯೇದಾನ್ನಿ ಸೂಸ್ತಿ . ದಾನ್ಕಿ ಯೋಡು ತಲಕೈಲೂ , ಪೋದೀ ಕೊಂಬ್ಲು , ಕೊಂಬ್ಲು ಮಿಂದ ಪೋದೀ ಮಕುಟಲು ತಲಕೈಲ್ ಮಿಂದ ದೇವದೂಷಣೆ ನಾಮಲು ವುಂಡೆ . ² ನಾನು ಸೂಸ್ನಾಟ್ಟ ಮೃಗ ಚಿರತೆ ರೀತಿ ವುಂಡೆ . ದಾನ್ ಕಾಳ್ಳು ಕರಡಿಲಕನೂ ದಾನ್ ನೋರು ಸಿಂಹ ನೋರ್ ರೀತಿ ವುಂಡೆ . ದಾನ್ಕಿ ಘಟಸರ್ಪಮೂ ಶಕ್ತಿನೀ ಸಿಂಹಾಸನ್ನಿ ಮಹಾ ಅಧಿಕಾರನ್ನಿ ಇಚ್ಚೆ . ³ ದಾನ್ ತಲಕೈಲಾ ಒಕ್ಕ ತಲಕೈ ಗಾಯಮ್ ಅಯ್ಯಿ ಸೇಚ್ಚಿ ಪಯ್ಯೆರೀತಿ ವುಂಡೆ ದಾನ್ನಿ ಸೂಸ್ತಿ . ಆ ಮರಣಕರ ಮೈನಾಟ್ಟ ಗಾಯಮು ವಾಸಿ ಅಯಾ . ಭೂಲೊಕಮ್ಲಾ ವುಂಡ ಅಂದ್ರೂ ಆ ಮೃಗನ್ನಿ ಸೂಸ್ತಾ ಆಶ್ಚರ್ಯಮ್ಪಡ್ಲಿ . ⁴ ಘಟಸರ್ಪುಡು ಆ ಮೃಗಂಕಿ ಅಧಿಕಾರನೀ ಇಚ್ಚುಂಡೆ ದಾನ್ನಿಚ್ಚ ವಾಳು ಆ ಘಟಸರ್ಪುಡ್ಕಿ ನಮಸ್ಕಾರಮ್ ಸೇಸ್ಸೋಳ್ ಅಯ್ಲಿ ; ಇದುಕಾಕು೦ಡ ಆ ಮೃಗಂಕಿ ನಮಸ್ಕಾರಮ್ ಸೇಸ್ಸಿ - ಈ ಮೃಗಂಕಿ ಸಮಾನಮೈನೋಳು ಯೋಳು ? ದೀನ್ ಮಿಂದ ಯುದ್ದಮ್ ಸೇಸ್ಸೇಕಿ ಯೋಳು ಶಕ್ತುಲು ? ಅನ್ಲಿ . ⁵ ಬಡಾಯಿ ಮಾಟ್ಲುನೀ ದೂಷಣೆ ಮಾಟ್ಲುನೀ ಆಡೆ ನೋರು ಇಚ್ಚಲ್ ಪಟ್ಟೆ . ಮಲ್ಲಿ ನಲಪೈರೊಂಡು ನೇಲ ಪರ್ಯಂತರಮೈಯ್ಯಿ ತನ್ ಕಾರ್ಯಲ್ನಿ ನಡಿಪಿಚ್ಚೆ ಅಧಿಕಾರಮು ದಾನ್ಕಿ ಇಚ್ಚಲ್ ಪಟ್ಟೆ . ⁶ ಅದಿ ನೋರು ತೇರ್ಸಿ ದೇವುಡ್ನಿ ದೂಷಿಚಿನ್ ಕಾನ್ದನೆ ಆತನ ನಾಮನ್ನಿ ಆತನ ನಿವಾಸನ್ನಿ ಪರಲೋಕ ನಿವಾಸಿಲ್ನಿ ದೂಷಿಚ್ಚೆ . ⁸