5
1
.ಇದೈನ ಪೈನಾ ಯೆಹೂದ್ಯಲದೊಕ್ಕ ಜಾತ್ರ ವಚ್ಚಿನ್ದಾಂಗು ಯೇಸು ಯೇರುಸಲೆಮ್ಗಿ ಪೈನಾಡು.
2
.ಯೇರುಸಲೇoಲ ಗೊರ್ರ ಅಗಸೆವಾಕಲಿನ ದೇಗ್ಗರ್ಲಾ ಒಕ್ಕ ಕೊಳoಉಂದಿ;ದೀನ್ಗಿ ಇಬ್ರಿಯ ಮಾಟ್ಲಾ ಬೇತ್ಸಥಾ ಅನಿ ಪೇರು.
3
.ಆನ ಐದು ಮಂಟಪಲುಉಂಡವಿ;ಇವುಟ್ಲಾ
4
ನಿಂಡಮಂದಿ ರೋಗಿಲು ಗುಡ್ದೋಲು ಕುಂಟೋಳು ಪೈಎಂಡುoಡೋಳು ಪೋಡುಂಡೋಳು.
5
.ಆನ ಮುಪ್ಪೈಎನಮದಿ ವರ್ಷಂನ್ನಿಂಕ ರೋಗಿ ಆಯಂಡ ಒಕ್ಕ ಮನುಷ್ಯಡುಂಟಾಡು.
6
ವಾಡು ಪೋಡುಂಡದಾನ್ನಿ ಯೇಸು ಸೂಸಿ ಊಡು ಇಟ್ತೈಯ್ಯಿನಿಂಡ ಕಾಲಂಆಯ್ದಿ ಅನಿ ತಿಳ್ಸಿ-ನೀಕಿ ಸ್ವಸ್ಥಂಆಯೆದಾನ್ಗಿ ಮನ್ಸುoದೋ?ಅ
7
.ನಿ ವಾಡ್ನಿ ಅಡ್ಗಿoದಾನ್ಗು ಆ ರೋಗಿಯು-ಸ್ವಾಮೀ,ನೂಳು ಉಕ್ಕೆಪ್ದು ನನ್ನಿ ಕೊಳಂಲೋಕಿ ದಿಗ್ಬಿಚ್ಚವಾಳು ಒಕ್ಕಳು ಲೇದು;ನೀನು ವಚ್ಚೆಲೋಪ್ಲಾ ನಾಗಿಂತ ಮುಂದ್ರಂಗ ಮಲೋಕ್ಕಡು ದಿಗುತಾಡು ಅನ್ನಾಡು.
8
.ಯೇಸು ವಾಡ್ಗಿ-ಲೇಸಿ ನೀ ಹಾಸ್ಗಾನ್ನಿ ಮೊಸ್ಗಾನೀ ನಡಿ ಅನಿ ಸೋಪ್ನಾಡು.
9
.ಆ ಕ್ಷಣಮೆ ಆ ಮನುಷ್ಯಡು ಸ್ವಸ್ಥಡೈಯ್ಯಿ ತನ್ನ ಹಾಸ್ಗನ್ನಿ ಮೊಸ್ಗಾನಿ ನಡ್ಸನಾಡು.
10
.ಆಯ್ತೆ ಆ ದಿವಸಂ ಸಬ್ಬತ್ ದಿನಂಮೈoಡೆ;ಇಟ್ಟುoಡದಾನ್ನಿಂಕ ಯೆಹೂದ್ಯಲು ಸ್ವಸ್ಥಂಆಯ್ದವಾಡ್ಗಿ -ಈ ಪದ್ದು ಸಬ್ಬತ್ ದಿನಂಮೈoದಿ ;
11
.ನುವ್ವ ಹಾಸಿಗಾನ್ನಿಮೋಸ್ಗನ್ನಿ ಮೊಸೆದಾನ್ನಿ ಸರಿಕಾದು ಸೋಪ್ಪಿನ್ದಾಂಗು ವಾಡು ನನ್ನಿ ಸ್ವಸ್ಥಂ ಸೇಸ್ನವಾಡೆ ನೀ ಹಾಸಿಗಾನ್ನಿ ಮೋಸೇದಿ ನಡಿ ಅನಿ ನಾಕಿ ಸೋಪ್ನಡು ಅನ್ನಡು.
12
.ಮೊಸ್ಗನಿ ನಡಿ ಅನಿ ನೀಕಿ ಸೋಪ್ನ ಮನುಷುಡು ಯವ್ವಡನೀ ವಾಡ್ನಿ ಅಡ್ಗನಾರು.
13
.ಮನುಷ್ಯಡು ಆಯ್ತೆ ವಾಡುಯವ್ವಡನೀ ಸ್ವಸ್ಥಂಆಯ್ನವಾಡ್ಗಿ ತಿಳ್ಸುoಡೆಲೇದು;ಆ ಸ್ಥಳಂಲ ಜನಾಲ ಗುಂಪು ಉಂಡೆದಾನ್ಗಿoತ ಯೇಸು ಸರಗಾನಿ ಪೈoಟಾಡು.
14
.ಇದೈನಪೈನಾ ಯೇಸು ವಾಡ್ನಿ ದೇವಾಲಯಂಲಾ ಕನ್ಗಾನ್ನಿ-ನೀಕಿ ಸ್ವಸ್ಥಂಆಯ್ಡಿಕದ;ಇಂಕ ಪೈನ ಪಾಪಸೇಯ್ಯದು;ನೀಕಿ ಹೆಚ್ಚಿನಕೇಡು ವಚ್ಚುಂದಿ ಅನ್ನಾಡು.
15
.ಆ ಮನುಷ್ಯಡು ಆನ್ನಿಂಕ ಪಾಯಿ-ನನ್ನಿ ಸ್ವಸ್ಥಂಸೇಸ್ನವಾಡು ಯೇಸುವೆ ಅನಿ ಯೆಹೂದ್ಯಲ್ಗಿ ತಿಳ್ಬಿಚ್ನಾಡು.
16
.ಆಯ್ನ ಕಾರಣಂ ಯೆಹೂದ್ಯಲು-ಯೇಸು ಸಬ್ಬ್ಬತ್ ದಿನಂಲಾ ಇಟ್ಟ ಕೆಲಸಾಲ್ನಿ ಸೇಸ್ತಾಡುಕದ ಅನಿ ಆತುಡ್ನಿ ಹಿಂಸೆಸೇಸೆವಾಳೋಳು.
17
.ಅಂದ್ಗೆ ಯೇಸು-ನಾ ತಂಡ್ರಿಯ ಇನ್ನಾಳ್ಗಂಟ ಕೆಲಸಂಸೇಸ್ತಾಡು,ನೀನು ಕೆಲಸಂಸೇಸ್ತಾನು ಅನ್ನಾಡು.
18
.ಈ ಮಾಟ್ನಿ ಸೊಪ್ಪಿoದಾನ್ಗು ಆತುಡು ಸಬ್ಬತ್ ದಿನಂನ್ನಿ ಅಲಕ್ಷ್ಯoಸೇಸಿoಕಾಗ್ನೆ ದೇವುಡ್ನೀ ತನ್ನ ತಂಡ್ರಿ ಅನಿ ಸೊಪ್ಪಿ ತನ್ನನ್ನು ದೆವುಡ್ಗಿ ಸರಿಗಟಕೊಂಡಡನೀ ಯೆಹೂದ್ಯಲು ಆತುಡ್ನಿ ಸಂಪ್ಪೆದಾನ್ಗಿ ಮಲಂತ ಪ್ರಯತ್ನಂ ಸೇಸ್ನಾರು.
19
.ದಾನ್ಗೆ ಯೇಸು ವಾಳ್ಗಿ-ಮೀಕಿ ನಿಜನಿಜಂಗ ಸೋಪ್ತಾನು,ತಂಡ್ರಿಯು ಸೇಸೆದಾನ್ನಿ ಸೂಸಿ ಕೊಡ್ಕು ಸೇಸ್ತಾಡು ಹೊರ್ತು ತನ್ನಂತ್ಗೆ ತಾನೇ ಎಮು ಸೆಸೇಲೇದು;ಆತುಡು ಸೇಸೆದಂತ ಅಟ್ಟೆಯೇ ಕೊಡ್ಕು ಸೇಸ್ತಾಡು.
20
.ತಂಡ್ರಿಯು ಕೊಡ್ಕಪೈನ ಮಮತೆಪೆಟ್ಟಿ ತಾನು ಸೇಸವಟ್ಲಾಗಿoತ ವಾಡ್ಗಿ ಸೂಪಿಸ್ತಾಡು.ಇದಿಕಾಗುನ್ನ ಇವುಟ್ಲಾಗಿಂತ ಪೆದ್ದ ಕೆಲಸಲ್ನಿ ವಾಡ್ಗಿ ಸೋಪಿಚ್ಚವಾಡು;ಅವುಟ್ಲೀನಿ ಸೂಸಿ ಮೀಕಿ ಆಶ್ಚರ್ಯಂಆಯ್ತಾದಿ.
21
.ತಂಡ್ರಿಯು ಎಟ್ಟ ಸಚ್ಚಿನೋಳ್ನಿ ಲೆಪಿಚ್ಚಿ ಬದ್ಕಿಸ್ತಾಡೋ ಅಟ್ಟೆಯೇ ಕೊಡ್ಕು ಸಹ ಬೇಕೈನೋಳ್ನಿ ಬದ್ಕಿಸ್ತಾಡನಿ ತಿಳ್ಚಗಂಡಿ.
22
.ಇದಿಕಾಗುನ್ನಾನೆ ತಂಡ್ರಿಯು ಯವ್ವಲ್ಗು ತೀರ್ಪುಸೇಸೇದಿಲೇದು;ತೀರ್ಪುಸೆಸ ಅಧಿಕಾರಂಅಂತ ಕೊಡ್ಕುಗಿ ಇಚ್ನಾಡು;
23
.ಅಂದ್ರೂ ತಾನ್ಗಿ ಮಾನಂಇಚ್ಛೆ ಪ್ರಕಾರಂಮೇ ಕೊಡ್ಕುಗು ಮಾನಂ ಇಯ್ಯಲನಿ ತಂಡ್ರಿಯು ಇಚ್ಚೈಸ್ತಾಡು.ಕೊಡ್ಕುಗಿ ಮಾನಂಇಯ್ಯೇಗುಂಡವಾಡು ವಾಡ್ನಿ ಅಮ್ಪಿಚ್ಚ್ನಾ ತಂಡ್ರಿಗೂ ಮಾನಂಇಚ್ಛೆವಾಡೈನಡು.
24
.ಮೀಕಿ ನಿಜನಿಜಂಗ ಸೋಪ್ತಾನು,ನಾ ವಾಕ್ಯಮ್ನಿ ಇನಿ ನನ್ನಿ ಅಂಪಿಚ್ಚಿನಾತುಡ್ನೀ ನಂಬೆವಾಡು ನಿತ್ಯ ಜೀಮ್ನಿ ಹೊದ್ನಾಡು.ಊಡು ತಿರ್ಪಿಗಿ ಗುರಿಆಯೇಲೆದು;ಮರಣಂನ್ನಿಂಕ ಪಾರಾಗಿ ಜೀವನ್ಗಿ ಸೇರ್ನಾಡು..
25
.ಮೀಕಿ ನಿಜನಿಜಂಗ ಸೋಪ್ತಾನು,ಸಚ್ಚಿನೋಳು ದೇವಕುಮಾರುಡ ಧ್ವನಿನ್ನಿ ಇನೇ ಕಾಲಂ ವಸ್ತಾದಿ,ಇಪ್ಡೆ ವಚ್ಚಿಂದಿ;ಇನಿನವಾಳು ಬದ್ಕೆವಾರು.
26
.ತಂಡ್ರಿಯು ತಾನು ಯಟ್ಟ ಸ್ವತಃಜೀಮುಂಡವಾಡೈನಡೋ ಸೇಸ್ನಾಡು.
27
.ಮಲಿ ಕೊಡ್ಕು ಮನುಷ್ಯಕುಮಾರುಡೈನoದ್ಗು ತೀರ್ಪುಸೇಸೆ ಅಧಿಕಾರಂನ್ನಿ ವಾಡ್ಗಿ ಇಚ್ನಾಡು.
28
.ಅಂದ್ಗೆ ಆಶ್ಚರ್ಯoಪೋಡದಂಡ್ಡಿ;ಸಮಾಧಿಲಾಉಂಡೋಳoದ್ರೂ ಆತುಡ ಧ್ವನಿನ್ನಿ ಇನಿ
29
.ಲೇಸಿ ಇತರ್ಗಿ ವಚ್ಚೆ ಕಾಲಂ ವಸ್ತಾದಿ.ಮಂಚ್ಚಿದಾನ್ನಿ ಸೆಸ್ನವಾಳ್ಗಿ ಜೀಮ್ಗಿಆಯಿ ತೀರ್ಪುಗೈ ಪುನರುತ್ತಾನಂ ಆಯ್ತಾದಿ.
30
.ನಾಅಂತ್ಗಿ ನೀನೆ ಎಮು ಸೆಸೇಲೇದು;ತಂಡ್ರಿ ಸೋಪ್ಪಿಂದಾನ್ನಿ ಇನಿ ನ್ಯಾಯಂ ತೀರ್ಪ್ತಾನು;ಮಲಿ ಸ್ವಂತ ಚಿತ್ತಂ ನೆರವೇರಲನಿ ಅಪೇಕ್ಷಿಚ್ಚದಾನ್ನಿಂಕ ನೀನು ಸೇಸೆ ತೀರ್ಪು ನ್ಯಾಯಾಂಗಉಂದಿ.
31
.ನಾ ವಿಷಯಂಗ ನೀನೆ ಸಾಕ್ಷಿ ಸೋಪ್ಗಂಟೆ ನಾ ಸಾಕ್ಷಿ ನಿಜoಕಾದು.
32
ವಿಷಯಂಗ ಸಾಕ್ಷಿ ಸೊಪ್ಪೇವಾಡು ಮಲೊಕ್ಕಡುಂಡಾಡು;ಆತುಡು ನಾ ವಿಷ್ಯಂಗ ಸೊಪ್ಪೇ ಸಾಕ್ಷಿ ನಿಜಮನಿ ತಿಳ್ಚನಾನು.
33
.ಮೀಳು ಯೋಹಾನುಡ ದೇಗ್ಗರ್ಲಾ ಇನ್ಗಾನಿ ವಚ್ಚೆದಾನ್ಗಿ ಅಂಪಿಚ್ಚಿಚ್ನಾರು;ವಾಡು ಸತ್ಯಾಂಗಿ ಸಾಕ್ಷಿ ಸೋಪ್ನಾಡು.
34
.ನೀನಂತೂ ನಾಕಿ ಬೆಕೈನ ಸಾಕ್ಷಿನ್ನಿ ಮನುಷ್ಯಲ್ನಿoಕ ತಿಸ್ಗನಲೇದು;ಅಯ್ನೂ ಮೀಕಿ ರಕ್ಷಣೆ ಕಾವಲನಿ ದೀನ್ನಿ ಸೋಪ್ನಾನು.
35
.ಯೋಹಾನುಡು ಉರ್ಸೆ ದೀಪಂಉಪಾದಿಲಾ ಪ್ರಕಾಶಿಚ್ನಾಡು.ವಾಡು ಇಚ್ಛೆ ಅಗ್ಗಿಲಾ ಕೊಂಚ್ಚಂಕಾಲಂ ವಿನೋದಂಗೊಳ್ಳೆದಾನ್ಗಿ ಮನಸ್ಸುಸೇಯ್ಯಂಡಿ.
36
.ನಾಕಂತೂ ಯೋಹಾನುಡ ಸಾಕ್ಷಿಗಿಂತ ಹೆಚ್ಚಿನ ಸಾಕ್ಷಿಉಂದಿ;ಎಟ್ಟoಟ್ಟೆ ಪೂರೈಚ್ಚೆದಾನ್ಗಿ ತಂಡ್ರಿ ನಾಕಿ ಇಚ್ಚುಂಡ ಕೆಲ್ಸಾಲು,ಅಂಟ್ಟೆ ನೀನು ಸೇಸೆ ಕೆಲ್ಸಾಲೆ ತಂಡ್ರಿಯು ನನ್ನಿ ಅಂಪಿಚ್ಚಿಚ್ನಾಡನಿ `ನಾ ವೀಶಯಂಲಾ ಸಾಕ್ಷಿ ಇಸ್ತಾನು.
37
.ಇದಿಕಾಗುನ್ನ ನನ್ನಿ ಅಮ್ಪಿಚ್ಚಿಚ್ನಾ ತಂಡ್ರಿಯು ನಾ ವಿಷಯಂಗ ಸಾಕ್ಷಿಸೋಪ್ನಾಡು.ಮೀಳು ಎಪ್ಪಡೈನಾ ಆತುಡ ಧ್ವನಿನಿ ಇನಿದ್ದು ಲೇದು,ಆತುಡು ರೂಪಂನ್ನಿ ಸೂಸಿಂದ್ದು ಲೇದು,
38
.ಆತುಡ ವಾಕ್ಯಮು ಮೀಲಾ ನೆಗೊಂಡಿದ್ದು ಲೇದು;ಆತುಡು ಅಂಪಿಚ್ಚಿಚ್ನಾವಾಡ ಮಾಟ್ನೀ ಮೀಳು ನಂಬೆಗುಂಡ ಉಂಡಳoತೆ.
39
.ಶಾಸ್ತ್ರಲ್ನಿಂಕ ನಿತ್ಯಜೀಮು ದೂರಸ್ತಾದನಿ ಮೀಳು ನೆನ್ಸಿ ಅವುಟಲ್ನಿ ವಿಚಾರಿಸ್ತಾರುಕದ;ಅವುಟಲ್ನಿ ನಾ ವಿಷಯಂಲಾ ಸಾಕ್ಷಿಇಚ್ಛೆವೈನಾವಿ.
40
.ಆಯ್ನೂ ಜೀಮು ಹೊಂದೆದಾಂಗೈ ನಾ ದೇಗ್ಗರ್ಗಿ ವಚ್ಚೆದಾನ್ಗಿ ಮೀಕಿ ಮಂಸುಲೇದು.
41
.ನೀನು ಮನುಷ್ಯಲ್ನಿಂಕೈನಾ ಮಾನಂನ್ನಿ ಅನ್ಗೀಕರಿಚ್ಚೆಲೇದು.
42
.ಆಯ್ತೆ ಮಿಮ್ಮಲ್ನಿ ನೀನು ತಿಳ್ಚನಾನು,ದೆವುಡ್ಲಾ ಮಿಕಿ ಪ್ರೀತಿಲೇದನೀ ನಾಕಿ ತಿಳ್ಸಿoದ್ದಿ.
43
.ನಾನು ನಾ ತಂಡ್ರಿಯ ಪೆರ್ಪೈನಾ ವಚ್ನಾನು;ನನ್ನಿ ಮೀಳು ಒಪ್ಗನಲೆದು;ಮಲೋಕ್ಕಡು ಸ್ವಂತ ಪೇರಪೈನ ವಸ್ತೆ ವಾಡ್ನಿ ಒಪ್ಗoಟಾರು.
44
.ಒಕ್ಕಡೆ ದೆವುಡ್ನಿoಕ ವಚ್ಚಟ್ಲಾ ಮಾನಂನ್ನಿ ಅಪೇಕ್ಷಿಚ್ಚೆಗುಂಡ ಒಕ್ಕಲ್ನಿಕೊಕ್ಕಳು ಮಾನಮ್ನ್ನಿ ಅನ್ಗೀಕರಿಚ್ಚೆ ವಾಳೈತೆ ಮೀಳು ಯಟ್ಟ ನoಬತಾರು?
45
.ನೀನು ತಂಡ್ರಿಯ ಮುಂದ್ರ ಮೀ ಪೈನ ತಪ್ಪುಹೊರ್ಬಿಸ್ತಾನನಿ ನೆನ್ಪಿಚ್ಚದoಡ್ಡಿ;ಮೀಳು ಆಶ್ರಯಿಚ್ಚಿಗನ್ನ ಮೊಶೆಯೇ ಮೀ ಪೈನ ತಪ್ಪುಹೊರ್ಬಿಸ್ತಾನು.
46
.ವಾಡು ನಾ ವಿಷಯಂಗ ರಾಸ್ನಾಡು;ದಾನ್ನಿಂಕ ಮೀಳು ಮೋಶೆಯ ಮಾಟ್ನೀ ನಂಬೆವಾಳೈತೆ ನಾ ಮಾಟ್ನೂ ನಂಬ್ತಾವುಂಟ್ರಿ.
47
.ವಾಡು ರಾಸ್ನಾ ಮಾಟಲ್ನಿ ಮೀಳು ನಂಬೆಗುಂಟೆ ನೀನು ಸೊಪ್ಪೇ ಮಾಟಲ್ನಿ ಯಟ್ಟ ನಂಬುತ್ರಿ?ಅನ್ನಾಡು.