16
1
.ಮೀಳು ದೈರ್ಯಂಸೇಡಿ ಇಂಜರಿಗುಡ್ದನಿ ದೀನ್ನಂತ ಮೀಕಿ ಸೋಪ್ನಾನು.
2
.ಮೀಕಿ ಬಹಿಸ್ಕಾರಂ ಎಸವಾಳು;ಅದಿಕಾಗುಂಡ ಮಿಮ್ಮಲ್ನಿ ಸಂಪೆವಾಡು ತಾನು ದೆವುಡ್ಗಿ ಯಜ್ಞಂನ್ನಿ ಸೇಸ್ನಾನನಿ ನೆಂಸೆಕಾಲಂ ವಸ್ತಾದಿ.
3
.ವಾಳು ತಂಡ್ರಿನೈನಾ ತಿಳ್ಗುನ್ನವಾಳೈನದ್ಗು ಇಟ್ಟದಾನ್ನಿ ಮೀಕಿ ಸೇಸ್ನಾರು.
4
.ಆ ಕಾಲoವಾಚ್ನಪ್ದು ಆತುಡು ಮಿಕಿ ಇಟ್ಟದಾನ್ನಿ ಸೋಪ್ನಾಡುಕದ ಅನಿ ಮೀಳು ನೆನಪ್ಗಿ ತಿಸ್ಗವಚ್ಚಟ್ಲಾ ಮೀ ಜೊತ್ಲಾ ಈ ಮಾಟಲ್ನಿ ಹಾಡ್ಮ್ನಾನು.
5
.ನೀನು ಮೀ ಜೊತ್ಲಾ ಉಂಡೆದಾನ್ನಿಂಕ ಮೊದ್ಲು ಇವುಟ್ನೀ ಮೀಕಿ ಸೋಪ್ಲೆದು.ಅಯ್ತೆ ಇಪ್ದು ನೀನ್ಜು ನಿನ್ನಿ ಅಮ್ಪಿಚ್ಚಿಚ್ನಾತುಡ ದೇಗ್ಗರ್ಗಿ ಪಾತಾನು.ನುವ್ವ ಯಾನ್ಗಿ ಪಾತಾವು ಅನಿ ಮೀಲ ಒಕ್ಕಡೈನಾ ನನ್ನಿ ಅಡ್ಗೆಲೇದು.
6
.ಅಯ್ತೆ ನೀನು ಈ ಮಾಟಲ್ನಿ ಮೀಕಿ ಸೊಪ್ಪುoಡದಾನ್ನಿಂಕ ಮೀ ಹೃದಯಂಮು ದುಃಖಂನ್ನಿಂಕ ನಿಂಡಿದ್ದಿ.
7
.ಅಯ್ನೂ ನೀನು ಮೀಕಿ ಸತ್ಯಮ್ನಿ ಸೋಪ್ತಾನು,ಅಡ್ಗoಡ್ಡಿ ನೀನು ಪೈಯ್ಯೇದಿ ಮೀಕಿ ಹಿತಕರಂಗವುoದ್ದಿ;ಯಟ್ಟoಟ್ಟೆ ನೀನು ಪೋಗುಂಟ್ಟೆ ಆ ಸಹಾಯಕುಡು ಮೀ ದೇಗ್ಗರ್ಗಿ ವಚ್ಚೆಲೇದು;ನೀನು ಪಾತೆ ಆತುಡ್ನಿ ಮೀ ದೇಗ್ಗರ್ಗಿ ಅಂಪಿಚ್ಚಿಸ್ತಾನು.
8
.ಆತುಡು ವಚ್ಚಿ ಪಾಪಂನೀತಿ ನ್ಯಾಯಂ ತಿರ್ವಿಕೆ ಈ ವಿಷಯಂಲಾ ಲೋಕಂಗಿ ಅರುಹುನ್ನಿ ಪುಟ್ಟಿಸ್ತಾಡು.
9
.ವಾಳು ನನ್ನಿ ನಂಬೆಗುಂಡ ಉಂಡೆದಾನ್ನಿಂಕ ಪಾಪಂನ ವಿಷಯಂಲಾನು ನೀನು ತಂಡ್ರಿಯ ದೇಗ್ಗರ್ಗಿ ಪಾಯಿ ಇಂಕಪೈನಾ ಮಿಕಿ ಕನ್ಬಿಚ್ಗುoಡ ದಾನ್ನಿಂಕ ಪಾಪಂನಾ ವಿಷಯಂಲಾ ನೀನು
10
.ತಂಡ್ರಿಯ ದೇಗ್ಗರ್ಗಿ ಪಾಯಿ ಇಂಕಪೈನ ಮೀಕಿ ಕನ್ಬಿಚ್ಚ್ಗುoಡ ಉಂಡೆದಾನ್ನಿಂಕ ನೀತಿಯ ವಿಷಯಂಲಾ
11
.ಇಹಲೋಕಂಅಧಿಪತಿಗಿ ನ್ಯಾಯಂತೀರ್ವಿಕೆ ಆಯ್ನoಡದಾನಿಂಕ ನ್ಯಾಯಂತೀರ್ವಿಕೆಯವಿಷಯಂಲಾ ಲೋಕಾನ್ಗಿ ಅರುಹುನ್ನಿ ಪುಟ್ಟಿಚ್ನಾಡು.
12
.ನೀನು ಮೀಕಿ ಸೋಪ್ಪಕಾಗುoಡ ಇಂಕ ನಿಂಡ ಉಂದಿ;ಆಯ್ತೆ ಸದ್ಯನ್ಗಿ ದಾನ್ನಿ ಮೋಸೆಕಾಯೇಲೆ.
13
.ಸತ್ಯಂನ ಆತ್ಮಡು ವಾಚ್ನಪ್ದು ಆತುಡು ದಾನ್ನಿ ಮಿಮ್ಮಲ್ನಿ ನಡ್ಪಾನೀ ಪಾಯಿ ಸಕಲಂ ವಿಷಯಂಲಾನು ಸತ್ಯನ್ಗಿ ಸೇರ್ಪಾಡು.ಆತುಡು ತನ್ನಿಷ್ಟಾನ್ಗಿ ತಾನೇ ಮಾಟಾದ್ಗುಂಡ ಇನೇಗುಂಡ ಮಾಟಲ್ನೆ ಆಡ್ನಾಡು;ಮಲಿ ಮುಂದ್ರೈನಾ ಸಂಗತಿಲ್ನಿ ಮೀಕಿ ತಿಲ್ಬಿಸ್ತಾಡು.
14
.ಆತುಡು ನಾಲೋಗದಾನ್ನಿಂಕ ತಿಸ್ಗಾನಿ ಮೀಕಿ ತಿಳ್ಬಿಸ್ತ ನನ್ನನ್ನೇ ಮಹಿಮೆಪಡ್ಬಿಸ್ತಾನು.
15
.ತಂಡ್ರಿಗಿ ಉಂಡೆದ್ದಂತ ನಾದಿ;ದಾನ್ನಿನ್ಕಾನೆ ನಾದಾಂಲೋಗನ್ನಿಂಕ ತಿಸ್ಗಾನಿ ಮೀಕಿ ತಿಳ್ಬಿಸ್ತಾನನಿ ಸೋಪ್ನಾಡು.
16
.ಕೊಂಚಂಕಾಲಂಮೈನಪೈನ ನೀನು ಮಿಕಿ ಕನ್ಬಿಚ್ಚೆಲೇದು;ನಂತರಂ ಕೊಂಚಂ ಕಾಲಂಮೈನಪೈನ ನನ್ನಿ ಸೊಸ್ತಾರು ಅನ್ನಡು.
17
.ದೀನ್ನಿ ಇನಿ ಆತುಡ ಶಿಷ್ಯಲ್ಲ ಕೆಲವ್ಳು ಇದೇಮಿ ಈತುಡು ಸೊಪ್ಪೇ ಮಾಟ?ಕೊಂಚಂ ಕಾಲಂಮೈನಪೈನ ನೀನು ಮೀಕಿ ಕನ್ಬಿಚ್ಚೆಲೇದು,ಅನಂತರಾಂ ಕೊಂಚಂಕಾಲಂಮೈನಪೈನ ನನ್ನಿ ಸೂಸ್ತಾರು ಅಂಟಾಡು;ಮಲಿ ನೀನು ತಂಡ್ರಿಯ ದೇಗ್ಗರ್ಗಿ ಪೈಯ್ಯೇದಾನ್ನಿಂಕ ಅಂಟಾಡು.ಅನಿ ವಾಳ್ವಾಳೋಗಾನೆ ಮಾಟಾಡ್ಗಾನೀ-ಕೊಂಚಂಕಾಲಂಅನಿ ಈತುಡು ಸೊಪ್ಪೇ ಈ ಮೇಟಏಮಿ.
18
.ಏಮಿ ಮಾಟಡ್ತಾದೋ ಮಾಕಿ ತಿಳ್ಚಲೇದು ಅನ್ಗoಟಾವುಟಾರು.
19
.ಯೇಸು ತನ್ನುಡ್ನೀ ಅಡ್ಗಲಾನುನ್ನದಾನ್ನಿಂಕ ತಿಳ್ಸಿ ವಾಳ್ಗಿ ಕೊಂಚಂ ಕಾಲಂಮೈನಪೈನ ನೀನು ಮೀಕಿ ಕನ್ಬಿಚ್ಚೆಲೇದು.ಇಂಕ ಕೊಂಚಂ ಕಾಲಂಮೈನ ಪೈನ ನನ್ನಿ ಸೂಸ್ತಾರು ಅನಿ ನೀನು ಸೊಪ್ಪಿನದ್ಗು ಮೀಳು ಮಿಳ್ಮಿಲೋಗ ವಿಚಾರಿಚ್ಗಟಾರು
20
.ಮೀಕಿ ನಿಜನಿಜಂಗ ಸೋಪ್ತಾನು.ಮೀಳು ಎಡುಸ್ತಾಗೋಳಾಡ್ತಾ ವುಂಟರು ಅಯ್ತೆ ಲೋಕಮು ಸಂತೋಷಿಸ್ತಾದಿ;ಮೀಕಿ ದುಃಖoಮೈತಾದಿಆಯ್ತೆ ಮೀ ದುಃಖಂಮು ಪಾಯಿ ಆನಂದಂ ವಸ್ತಾದಿ.
21
.ಒಕ್ಕ ಸ್ತ್ರೀ ಕನೇಪ್ದು ತನ್ನ ಬೇನೆಯ ಕಾಲಂ ವಚ್ಚಅನಿ ದಾನ್ಗಿ ದುಃಖoಮೈತಾದಿ ಅಯ್ತೆ ಬಿಡ್ನೀ ಕನಿನ ಪೈನ ನೀನು ಲೋಕಂಲಾ ಒಕ್ಕ ಮನುಷ್ಯಡು ಪುಟ್ನಾಡು ಅನಿ ಆನಂದಂನ್ನಿಂಕ ಆ ಬೆನೆನಿ ನೆನಿಚ್ಚೆಲೇದು.
22
.ಅಟ್ಟೆ ಮೀಕು ಇಪ್ದು ದುಃಖಂ ಉಂಡ್ನಾನು ನೀನು ಮಿಮ್ಮಲ್ನಿ ತಿರ್ಗಿ ಸೋಸ್ತಾನು.ಅಪ್ದು ಮಿ ಹೃದಯನ್ಗಿ ಆನಂದಂ ಆಯ್ತಾದಿ ಮಲಿ ಮೀ ಆನಂದಂನೀ ಯವ್ವಳು ಮೀನ್ನಿಂಕ ತಿಸೆಲೇದು.
23
.ಆ ದಿನಂಲಾ ಮೀಳು ನಾಕಿ ಯಾವ ಪ್ರಶ್ನೆನ್ನಿ ಸೆಸೇಲೇದು.
24
.ಮೀಕಿ ನಿಜನಿಜಂಗ ಸೋಪ್ತಾನು ಮೀ ತಂಡ್ರಿನ್ನಿ ಎಮೈನಾನು ಬೇಡ್ಗಂಟ್ಟೆ ದಾನ್ನಿ ಆತುಡು ನಾ ಪರ್ ಪೈನ ಮೀಕಿ ಇಸ್ತಾನು.ಮೀಳು ಇದುವರ್ಗೂ ನಾ ಪರ್ ಪೈನ ಯವ್ದಾನ್ನಿ ಬೇಡ್ಗಲೇದು;ಬೆಡ್ಗoಡ್ಡಿ ಮೀಕಿ ಸಿಕ್ತಾದಿ;ಅಪ್ಡು ಮೀ ಆನಂದಂಮು ಪರಿಪೂಣಂ ಅಯ್ತಾದಿ.
25
.ಈಸಂಗತಿಲ್ನಿ ಗೂಢರ್ಥಂಮೈ ಮೀಕಿ ಸೋಪ್ನಾನು;ಆಯ್ತೆ ಇಂಕ ಪೈನ ಸ್ವಾಮ್ಯರೂಪಂಮೈ ಮೀ ಜೊತ್ಲಾ ಮಾಟಡ್ಗುಂಡ ತಂಡ್ರಿಯ ವಿಷಯಂಮೈ ಸ್ಪಷ್ಟoಗ ತಿಲ್ಬಿಚ್ಚೆ ಕಾಲಂ ವಸ್ತಾದಿ
26
.ಆ ದಿನಂಲಾ ನಾ ಪರ್ ಪೈನ ಬೇಡ್ಗಂಡ್ಡಿ.ನೀ ತಂಡ್ರಿನ್ನಿ ಮೀಗೊಸ್ಕರಂ ಅಡಿಕ್ಕಂಟಾನು ಮೀಕಿ ಸೊಪ್ಪೇಲೇದು.
27
.ಮೀಳು ನಾ ಪೈನ ಮಮತೆ ಪೆಟ್ಟಿ ನನ್ನಿ ತಂಡ್ರಿಯ ದೇಗ್ಗರ್ಗಿ ಎಲ್ಲಿ ವಾಚ್ನವಾಡನಿ ನಂಬುಡದಾನ್ನಿಂಕ ತಂಡ್ರಿಯು ತಾನೇ ಮೀ ಪೈನ ಮಮತೆ ಪೆಟ್ತಾಡುಕದ.
28
.ತಂಡ್ರಿಯ ದೇಗ್ಗರ್ನಿಂಕ ಎಲ್ಲಿ ಈ ಲೋಕoನ್ಗಿ ವಚ್ನಾನು;ಇಂಕ ಲೋಕಂನ್ನಿ ಉಡ್ಸಿ ತಂಡ್ರಿಯ ದೇಗ್ಗರ್ಗಿ ವಸ್ತಾನು ಅನ್ನಾಡು.
29
.ದಾನ್ಗಿ ಶಿಷ್ಯಲು-ನುವ್ವ ಸೋಪ್ಪ ಸಂಗತಿನ್ನಿ ಇಪ್ದು ಗೂಢರ್ಥಂಮೈ ಸೊಪ್ಪೇಗುಂಡ ಸ್ಪಷ್ಟoಗ ಸೋಪ್ತಾವುಕದ.
30
.ನುವ್ವ ಸಮಸ್ತಮ್ನೀ ತಿಳ್ಚನವಾಡನೀ ನೀಕಿ ಪ್ರಶ್ನೆ ಸೇಯ್ಯಲುಂಡ ಅವಶ್ಯಂಲೇದನಿ ಇಪ್ದು ತಿಳ್ಚೆ;ದೀನ್ನಿಂಕ ನಿನ್ನಿ ದೇವುಡ ದೇಗ್ಗರ್ನಿoಕ್ಕ ನಂಬ್ತಾನು.
31
.ಅನ್ನಿಂದಾನ್ಗಿ ಯೇಸು-ಇಪ್ದು ನಂಬ್ತಾರೋ.
32
.ಸೂಡoಡ್ಡಿ ಮೀಲಾ ಒಕ್ಕೋಕ್ಕಡು ತನ್ನತನ್ನ ಸ್ಥಳಂಗಿ ಚದ್ರಿಪಾಯಿ ನನ್ನಿ ಒಂಟಿಗಡೈ ಉಡ್ಸೆಕಾಲಂ ವಸ್ತಾದಿ.ಇಪ್ದು ವಚ್ಚಿಂದಿ.ಆಯ್ತೆ ನೀನು ಒಂಟಿಗಡುಕಾದು ತಂಡ್ರಿಯು ನಾ ಸಂಗಡಂ ವಚ್ನಾಡು.
33
.ಮೀಳು ನಾಲೋಗ ಉಂಡಿ ಮನಶ್ಯಾಂತಿನ್ನಿ ಹೋದ್ನವಾಳೈಯ್ಯಲನಿ ಇದಂತ ಮೀಕಿ ಸೋಪ್ನಾನು.ಲೋಕoಲಾ ಮೀಕಿ ಸಂಕಟಂ ಉಂಟು;ದೈರ್ಯಂಗ ಉಂಡಡ್ಡಿ ನೀನು ಲೋಕಂನ್ನಿ ಜಯಿಚ್ನಾನು ಸೋಪ್ನಾಡು.