15 ¹ .ನೀನೆ ನಿಜಮೈನ ದ್ರಾಕ್ಷೆಬಳ್ಳಿ.ನಾ ತಂಡ್ರಿ ತ್ವಟಗಾರುಡು ² .ನಾಲಉಂಡಿ ಫಲಂಇಗುಂಡಉಂಡ್ಡ ಪ್ರತಿಯೋಕ್ಕ ಕೊಂಬೆನ್ನಿ ಆತುಡು ತಿಸೆಸ್ತಾಡು;ಫಲಂ ಇಚ್ಚ ಪ್ರತಿಯೋಕ್ಕ ಕೊಂಬೇಮು ಹೆಚ್ಚು ಫಲಂ ಇಚ್ಚ ಅಟ್ಟೆ ದಾನ್ನಿ ಶುದ್ದಿಸೇಸ್ತಾಡು. ^{3 4} 3.ನೀನು ಮೀಕಿ ಸೋಪ್ನ ವಾಕ್ಯಂನ ದೆಸೆನ್ನಿಂಕ ಇಪ್ದು ಶುದ್ದಲೈನಾಳು. 4.ಮೀಳು ನಾ ನೆಲೆಗೊಡ್ಡoಡ್ಡಿ,ನಾನು ಮೀಲ ನೆಲೇಗೊಂಡ್ನಾನು.ಕೊಂಬಮು ದೇಗ್ಗರ ನೆಲೆಗೊಂಡ್ಗುoಟ್ಟೆ ಯಟ್ಟೋ ತನ್ನಿಸ್ಟನ್ಗಿ ತಾನೇ ಫಲಂ ಇಚ್ಛೆಲೈಯ್ಯೇಲೇದು ಅಟ್ಟೆ ಮೀಳು ನಾಲ ನೆಲೆಗೊಂಡ್ಗುoಟ್ಟೆ ಫಲಂಇಚ್ಛೆಲೈಯ್ಯೆಲೇದು. ⁵ .ನಾನು ದ್ರಾಕ್ಷಾಬಳ್ಳಿ,ಮೀಳು ಕೊಂಬೇಳು ;ಒಕ್ಕಡು ನಾಲಾನು ನೀನು ವಾಡ್ಲಾನು ನೆಲೆಗೊಂಡುoಟ್ಟೆ ವಾಡೆ ನಿಂಡ ಫಲಂ ಇಸ್ತಾಡು;ಮೀಳು ನನ್ನಿ ಉಡ್ಸಿ ಏಮು ಸೇಯ್ಯಲೆಯ್ಯೇಲೇದು. ⁶ .ಯವ್ವಡು ನಾಲ ನೆಲೆಗೊಂಡುoಡ್ಲೆದೋ ವಾಡು ಆ ಕೊಂಬೆಲಗಾನೇ ಇತರ್ಗಿ ಪಾರೆಸ್ನಾ ಎಂಡಿಪಾತಾಡು;ಅಟ್ಟ ಕೊಂಬಾಲ್ನಿ ಕೂಡ್ಪಿ ಅಗ್ಲಾ ಎಸ್ತಾರು,ಅವಿ ಕಾಲಿಪಾತಾವಿ. ⁷ .ಮೀಳು ನಾಲಾನು ನಾ ವಾಕ್ಯಾಳು ಮೀಲಾನು ನೆಲೆಗೊಂಡುoಟ್ಟೆ ಏಮಿಕಾವಾಲ್ನು ಬೇಡ್ಗಂಡ್ಡಿ,ಅದಿ ಮೀಕಿ ದೊರಕ್ತಾದಿ. ⁸ .ಮೀಳು ನಿಂಡ ಫಲಂಇಗುಂಡನೆ ಇಚ್ಛೆದಾನ್ನಿಂಕಾನೆ ನಾ ತಂಡ್ರಿಗಿ ಮಹಿಮೆ ಉಂಟೈತಾದಿ;ಮಲಿ ನಾ ಶಿಷ್ಯಲೈತಾಳು ⁹ .ತಂಡ್ರಿ ನನ್ನಿ ಪ್ರೀತಿಚ್ನಾ ಅಟ್ಟೆ ನೀನು ಮಿಮ್ಮಲ್ನಿ ಪ್ರೀತಿಚ್ನಾನು;ನಾ ಪ್ರೀತಿಲಾ ನೆಲೆಗೊಂಡoಡ್ಡಿ. ¹⁰ .ನೀನು ನಾ ತಂಡ್ರಿಯ ಆಜ್ಞೆಲ್ನಿ ಸೈಗಾನಿ ನಡ್ಸಿ ಆತುಡ ಪ್ರೀತಿಲ ನೆಲೆಗೊoಡ್ನಾ ಮೇರೆಗಿ ಮೀಳು ನಾ ಅಜ್ನೆಲ್ನಿ ಸೈಗನಿ ನಡ್ಸತೆ ನಾ ಪ್ರೀತಿಲ ನೆಲೆಗೊಂಡುoಡoಡ್ಡಿ. ¹¹ .ನಾಲಾಉಂಡ್ನಾ ಆನಂಧಮು ಮೀಲಾನು ಉಂಡಾಲನಿ ಮೀ ಆನಂಧಮು ಪರಿಪೂರ್ಣoಕಾವಾಲನಿ ದೀನ್ನಂತ ಮೀಕಿ ಸೋಪ್ನಾನು. ¹² .ನೀನು ಮಿಮ್ಮಲ್ನಿ ಪ್ರೀತಿಚ್ನ ಮೇರೆಗಿ ಮೀಳು ಒಕ್ಕಲೋಕ್ಕಲ್ನಿ ಪ್ರೀತಿಚ್ಚಾಲನದೇ ನೀನು ಇಚ್ಛೆ ಆಜ್ಞೆಆಯ್ಡಿ. ¹³ .ಪ್ರಾಣoನ್ನೆ ಸ್ನೆಹಿತಲ್ಗೋಸ್ಕರಂ ಇಚ್ಛೆ ಪ್ರೀತಿನ್ನಿಂಕ ಹೆಚ್ನಾ ಪ್ರೀತಿಯು ಯಾವ್ದು ಲೇದು. ¹⁴ .ನೀನು ಮೀಕಿ ಇಚ್ನ ಆಜ್ಞೆಲ್ನಿ ಸರಿಯಂಗ ಮಿಳು ನಡಸ್ತೆ ಮೀಳು ನಾ ಸ್ನೇಹಿತ್ಲು. ¹⁵ .ಇಂಕ ಪೈನ ನೀನು ಮಿಮ್ಮಲ್ನಿ ಮನ್ಸಿಲು ಅನೆಲೆದ;ಯಜಮಾನುಡು ಸೇಸೆಆಟ್ಟೆದಿ ಮನ್ಸಿಗಿ ತಿಲ್ಸೆಲೇದು.ಮಿಮ್ಮಲ್ನಿ ಸ್ನೇಹಿತಾಲನಿ ಸೋಪ್ನಾನು;ತಂಡ್ರಿಯ ಕಡ್ನಿoಕ್ಕ ನೀನು ಇನ್ನಾನುಕದ ಮೀಕಿ ತಿಲ್ಬಿಚ್ನಾನು. ¹⁶ .ಮೀಳು ನನ್ನಿ ಆರ್ಪಿ ತಿಸ್ಗಾಲೇದು;ನಾನು ಮಿಮ್ಮಲ್ನಿ ಆರ್ಪಿಚ್ಚಿ ತಿಸ್ಗನ್ನಾನು.ಮೀಳು ಎಲ್ಲಿ ಪಾಯಿ ಫಲಂಇಚ್ಚವಾಳ್ಕಾವಾಲನಿ ಮಿಮ್ಮಲ್ನಿ ನೇಮಿಚ್ನಾನು.ಇಟ್ಟುoಡಗ ನಾ ಪೆರ್ಲಾ ತಂಡ್ರಿನ್ನಿ ಎಮೇಮಿ ಬೇಡ್ಗಂಟಾರೋ ದನ್ನಿ ಆತುಡ ಮೀಕಿ ಇಸ್ತಾನು. ¹⁷ .ಮೀಳು ಒಕ್ಕಲೋಕ್ಕಲ್ನಿ ಪ್ರೀತೊಚಾಲನಿ ಇವುಟ್ನೀ ಮೀಕಿ ಆಜ್ಞಾಪಿಸ್ತಾನು. ¹⁸ .ಲೋಕಮು ಮೀ ಪೈನ ದ್ವೆಷಂಸೇಸೆದೈತೆ ಅದಿ ಮೊದ್ಲು ನಾ ಪೈನ ದ್ವೆಷಂಸೇಸ್ತಾನನಿ ತಿಳ್ಚoಗoಡ್ಡಿ ¹⁹ .ಮೀಳು ಲೋಕಂನ ಕಡೆವಾಲೈತೆ ಲೋಕಮು ಮೀ ಪೈನ ತನ್ನವಾಳನಿ ಮಮತೆ ಪೆಟ್ಟಾತಾವುಂಟದಿ;ಆಯ್ತೆ ಮೀಳು ಲೋಕಂನ ಕಡೆವಾಳ್ಕಾಗಬಾತೆ ಉಂಡೆದಾನ್ನಿoಕಾನು ನೀನು ಮಿಮ್ಮಲ್ನಿ ಲೋಕಂಲೋಗನ್ನಿಂಕ ಆರ್ಪಿ ತಿಸ್ಗಾವುಂಡೆದಾನ್ನಿಂಕಾನು ಲೋಕಂಮು ಮೀ ಪೈನ ದ್ವೇಷo ಸೇಸ್ತಾದಿ. ²⁰ .ಧಣಿಗ್ಗಿಂತ ಮನ್ಸಿ ಪೆದ್ಡೋಡುಕಾದನಿ ನೀನು ಮೀಕಿ ಸೋಪ್ನಾ ಮಾಟ್ನೀ ಜ್ಞಾಪಕಂ ಸೇಸ್ಗoಡ್ಡಿ.ವಾಳು ನನ್ನಿ ಹಿಂಸಾಪದ್ಬಿಸ್ತೆ ಮಿಮ್ಮಲ್ನಿ ಸಹ ಹಿಂಸೆಪಡ್ಬಿಸ್ತಾರು;ವಾಳು ನಾ ಮಾಟ್ನೀ ಸೈಗನಿ ನಡ್ಸ್ತೆ ಮೀ ಮಾಟ ಸಹ ಸೈಗನಿ ನಡ್ಸತಾರು. ²¹ .ಆಯ್ತೆ ವಾಳು ನನ್ನಿ ಅಂಪಿಚ್ಚಿಚ್ನಾವಾಡ್ನಿ ತಿಳ್ಚನ್ನವಾಡೈನಾದಾನ್ನಿಂಕ ದೀನ್ನಂತ ನಾ ಪೆರ್ನ ನಿಮಿತ್ತಂ ಮೀಕಿ ಸೇಸ್ತಾರು. ²² .ನಾನು ವಚ್ಚಿ ವಾಳ ಕೂಡ ಮಾಟಾಡುoಟ್ಟೆ ವಾಳ್ಗಿ ಪಾಪಂಗೈ ವಾಳ್ಗಿ ಇಪ್ದು ನೆವಂಲೇದು. ²³ .ನಾ ಪೈನ ದ್ವೇಷoಸೇಸೆವಾಡು ನಾ ತಂಡ್ರಿಯ ಪೈನಾನು ದ್ವೇಷoಸೇಸೆವಾಡೈನಾಡು. ²⁴ .ಮಲಿಯವ್ಳು ನಡ್ಪೆಗುನ್ನ ಕ್ರೀಯೇಲ್ನಿ ನೀನು ವಾಳ ನಡ್ಪೆಗುಂಡ ಉಂಟೆ ವಾಳ್ಗಿ ಪಾಪಂಮು ಉಂಟಾವುoಡ್ಲೆ; ಆಯ್ತೆ ಇಪ್ದು ವಾಳು ಸೂಸ್ನಾರು,ಆಯ್ನು ನಾ ಪೈನಾನು ನಾ ತಂಡ್ರಿಯ ಪೈನಾನು ದ್ವೆಷಂ ಸೇಸ್ನಾರು. ²⁵ .ವಾಳು ನನ್ನಿ ನಿಷ್ಕಾರಣಂಮೈ ದ್ವೇಷಿಚ್ನಾರು ಅನಿ ವಾಳ ಧರ್ಮ ಶಾಸ್ತ್ರಂಲಾ ರಾಸುಂಡ ಮಾಟ ನೆರವೇರಟ್ಲಾ ಇಟೈಯ್ಯೇ. ²⁶ .ಅಯ್ತೆ ತಂಡ್ರಿಯ ದೇಗ್ಗರ್ನಿಂಕ ನಿಆನಿ ನೀಕಿ ಅಮ್ಪಿಚ್ಚಿಚ್ಚೆ ಸಹಾಯಕಡು,ಅಂಟ್ಟೆ ತಂಡ್ರಿಯ ದೇಗ್ಗರ್ನಿಂಕ ಎಲ್ಲೇ ಸತ್ಯಂನ ಆತ್ಮಡು,ವಚ್ನಾಪ್ದು ಆತುಡು ನನ್ನಿ ಕುರ್ಚಿ ಸಾಕ್ಷಿಸೋಪ್ನಾಡು. ²⁷ .ಮೀಳು ಮೊದ್ಲಿನ್ನಿಂಕ ನಾ ಸಂಗಡಂ ಉಂಡ್ನಾ ಕಾರಣಂ ಮೀಳು ಸಾಕ್ಷಿಲೈನಾರು.