1 ¹ .ಅದಿಲಾ ದೇವುಡ ವಾಕ್ಯಂ ಉಂಡ್ಯ;ಆ ವಾಕ್ಯಂ ದೇವುಡು ದೇಗ್ಗರ ಉಂಡ್ಯ; ² .ಆ ವಾಕ್ಯಮು ದೇವುಡೈoಡ್ಯಾ.ಆ ವಾಕ್ಯಮನದಿ ಅದಿಲಾ ದೇವುಡ ದೇಗ್ಗರುoಡಾಡು. ³ .ಆತುಡ ಮೂಲಕಂಮೈ ಸಮಸ್ತಮು ಉಂಟಾಯ;ಉಂಟೈನ ವಸ್ತುಲ ಅತುಡ್ಲೆಗುಂಡ ಒಕ್ಕಟೈನ ಉಂಟ್ಕಾಲೇ. ⁴ .ಆತುಡ್ಲಜೀಮುಡ್ಯಾ;ಆ ಜೀಮು ಮನುಷ್ಯಲ್ಗಿ ಎಲ್ಗೈoಡ್ಯಾ. ⁵ .ಆ ಎಲ್ಗು ಸೀಗ್ಟಿಲಾ ಪ್ರಕಾಶಿಸ್ತವುಂಡ್ಯಾ;ಆ ಸೀಗ್ಟಿ ದಾನ್ನಿ ಮುಸುಕ್ಲೇದು. ⁶ .ದೇವುಡು ಅಂಪಿಚ್ಚಿನ ಒಕ್ಕ ಮನುಷ್ಯಡು ವಚ್ಚಾಡು;ವಾಡ ಪೇರು ಯೋಹಾನುಡು.ಈ ಯೋಹಾನುಡು ಸಾಕ್ಷಿಗೈ ವಚ್ಚಾಡು. ⁷ .ತನ್ನ ಮೂಲಕಂಗ ಅಂದ್ರೂ ನಂಬಟ್ಲ ವಾಡು ಆ ಎಲ್ಗನ ವಿಷಯಂಲಾ ಸಾಕ್ಷಿಇಚ್ಛೆದಾನ್ಗಿ ವಚ್ಚಾಡು. ⁸ .ವಾಡೆ ಆ ಎಲ್ಗುಕಾದು,ಆ ಎಲ್ಗನ ವಿಷಯಂಲಾ ಸಾಕ್ಷಿಇಚ್ಛೆದಾನ್ಗಿ ವಚ್ಚಾವಾಡು. ⁹ 9.ನಿಜಮೈನ ಎಲ್ಗು ಲೋಕಾಂಗಿ ವಚ್ಚೆದೈoಡೆ; ಆ ಎಲ್ಗೆ ಪ್ರತಿ ಮನುಷ್ಯಡ್ಗಿ ಎಲ್ಗನೀ ಇಚ್ಚೆದಿ. ^{10 11} 10.ಆತುಡು ಲೋಕಂಲ ಉಂಟಾಡು;ಮಲಿ ಲೋಕಮು ಆತುಡ ಮೂಲಕ ಉಂಟೈಯ್ಯ;ಆಯ್ನು ಲೋಕಮು ಆತುಡ್ನಿ ತಿಳಿಲೇ. 11.ಆತುಡು ತನ್ನ ಸ್ವಾಸ್ಥನ್ಗಿ ವಚ್ಚಾಡು;ಆಯ್ತೆ ಸ್ವಂತ ಜನಾಲು ಆತುಡ್ನಿ ಅನ್ಗೀಕರಿಚ್ಚಿಲೇದು. ^{12 13} 12.ಯವಲೈನ ಆತುಡ್ನಿ ಅಂಗೀಕರಿಚ್ನಾವಾಳೋ,ಅಂಟ್ಟೆ ಆತುಡ ಪೆರ್ಲಾ ನoಮಿಬಿಕ್ಕ ಪೆಟ್ನಾಳೋ,ವಾಳ್ಗಿ ದೇವುಡ ಬಿಡ್ಲಾಯ ಅಧಿಕಾರಂ ಇಚ್ಚಾಡು. 13.ಊಳು ರಕ್ತಂ ಸಂಬಂಧನಿನ್ಕಕಾನಿ ಕಾಮಂನಿಂಕಕಾನಿ ಪುರುಷಸಂಕಲ್ಪಂನಿಂಕಕಾನಿ ಪುಟ್ಟಿನವಾಳ್ಕಾದು,ದೆವುಡ್ನಿoಕಾನೆ ಪುಟ್ನವಾಳು. ^{14 15} 14.ವಾಕ್ಯಮನ ವಾಡು ನರಂಅವತಾರಂ ಎತ್ತಿ ಮಾ ಮದ್ಯಂಲಾ ವಾಸಂಸೇಸ್ನಾಡು.ಮಾಮು ಆತುಡ ಮಹಿಮಾನ್ನಿ ಸುಸ್ಥ ಮು ಆ ಮಹಿಮೊಂ ತಂಡ್ರಿ ದೆಗ್ರ ನಿಂಚ್ಚಿ ವಚ್ಚಿ ನ ಒಕ್ಕಡೆ ಕೊಡುಕುಗಿ ಉಂಡ ಮಹಮೆನಿ ಅತುಡುಕ್ರುಪೆನಿಂಕ ಸತ್ಯಂನ್ನಿಂಕ ನಿಂಡಿನವಾಡೈನಾಡು. 15.ಯೋಹಾನುಡು ಆತುಡ ವಿಷಂಮಾಯಿ ಸಾಕ್ಷಿಇಸ್ತಾಡು;ಎಟ್ಟoಟ್ಟೆ -ನಾ ಯನ್ಕವಚ್ಚೆವಾಡು ನಾಗಿಂತ ಮೊದ್ಲೇ ಉಂಡ್ನಾದಾನ್ನಿಂಕ ನಾಕಿ ಮುಂದ್ರೋಡೈನಾಡು ಅನ್ನಿ ನೀನು ಸೋಪ್ನಾವಾಡು ಈತುಡೆ ಅನಿ ಕೂಸಿ ಸೋಪ್ನಾಡು. ¹⁶ .ಧರ್ಮಶಾಸ್ತ್ರಮು ಮೋಶೆಯ ಮುಖಾತಂತರಂ ಇಚ್ಚಲ್ಪಡಿoದಿ;ಕೃಪಾಮು ಸತ್ಯಾಮು ಯೇಸು ಕ್ರೀಸ್ತುಡ ಮುಖಾಂತರo ವಚ್ನಾಮು. ¹⁷ .ಮಾಮಂದ್ರು ಆತುಡ ಪರಿಪೂರ್ಣತೆಲೋಗನ್ನಿಂಕ ಕೃಪೆಯ ಪೈನಾ ಕೃಪೆನ್ನಿ ಹೊಂದ್ನಾಮು. ¹⁸ .ದೇವುಡ್ನೀ ಯವ್ಳು ಯಪ್ದು ಸೂಡ್ಲೆ;ಯಾವ್ದು ಏಕಪುತ್ರುಡು ಸ್ವತಃ ದೇವುಡು ಅಯಿಂಡ್ಡಿ ತಂಡ್ರಿಯ ಎದ್ಲಉಂಡಾಡೂ ಆತುಡೆ ತಿಳಿಯಪಡ್ಬಿಚ್ನಾಡು. ¹⁹ .ಯೋಹಾನುಡು ಇಚ್ನಾ ಸಾಕ್ಷಿ ಯೆಮಂಟ್ಟೆ-ಯೆಹೂದ್ಯಲು ಯೆರುಸಲೆಮ್ ನ್ನಿಂಕ ಯಾಜಕುಲ್ನಿ ಲೆವಿಯಲ್ನಿ ವಾಡ ದೇಗ್ಗರ್ಗಿ ಅಂಪ್ಪಿಚ್ಚಿ -ನುವ್ವ ಯಾವ್ವುಳನಿ ಅಡ್ಗಿನ್ದಾನ್ಗು ವಾಡು ಮರೆಮಾಚ್ಗುoಡ್ಡ- ²⁰ .ನೀನು ಕ್ರೀಸ್ತುಡುಕಾದನಿ ಅಂದ್ರ ಮುಂದ್ರ ಸೋಪ್ನಾಡು. ²¹ .ಅಟ್ಟೈತೆ ನುವ್ವ ಯವ್ಳ?ಯಾನೋಡು?ಅನಿ ವಾಳು ಅಡ್ಗಲು ಕಾದನ್ನಾಡು.ನುವ್ವ ರಾಪೈನ ಆ ಪ್ರವಾದಿಯೋ?ಆನ್ನೆದಾನ್ಗೋ ಕಾದನ್ನಾಡು. ²² .ಅಪ್ಡು ವಾಳು ನುವ್ವ ಯವ್ಳು?ಮಮ್ಮಲ್ನಿ ಅಮ್ಪಿಚ್ಚವಾಲ್ಗಿ ನೀನು ಉತ್ತರಂ ಸೋಪ್ಪಾಲಕದ;ನೀ ವಿಷಯಂಗ ಏಮಿ ಸೋಪ್ತಾವು?ಅನಿ ಅಡ್ಗಲು ವಾಡು- ²³ .ಕರ್ತುಡ ದಾವ್ನಿ ನೆಟ್ಗ ಸೇಯ್ಯಂಡಿ ಅನಿ ಅಡವಿಲಾ ಕೂಸೆವಾಡ ಶಬ್ದo ಉಂಡಾದನಿ ಅನೈಯೆಶಾಯುಡ ಪ್ರವಾದಿಯ ಸೋಪ್ನಾನುಅಂತೆ;ಆ ಶಬ್ದಮೆ ನೀನು ಅನಿ ಉತ್ತರಂಇಚ್ನಾಡು. ²⁴ .ವಚ್ಚುಂಡವಾಳು ಫರಿಸಾಯುಲ ಕಡೆವಾಳೈoಡ್ಡಿ- ²⁵ .ನುವ್ವ ಕ್ರೀಸ್ತುಡು ಎಲೀಯುಡು ಆ ಪ್ರವಾದಿಯು ಕಾದಂಟ್ಟೆ ನೂಳುಪೋಬಿಚ್ಚೆದೇಮಿ?ಅನಿ ವಾಡ್ನಿ ಅಡ್ಗನಾರು. ²⁶ .ದಾನ್ಗೆ ಯೋಹಾನುಡು-ನೀನು ನುಳ್ನಿಂಕ ನೂಳುಪೋಬಿಸ್ತಾನು;ಅಯ್ತೆ ಮೀಳು ತಿಳಿಗುಂಡ ಉಡ್ನಾ ಒಕ್ಕಾತುಡು ಮೀ ಮಧ್ಯಾಲ ನಿಲ್ಚಗಾನಾಡು; ²⁷ .ಆತುಡೆ ನಾ ಯನ್ಕವಚ್ಚತಕ್ಕವಾಡು;ಆತುಡ ಸೋಪ್ಲಾ ಬಾರಂನಿ ಇಂಪೆದಾನ್ಗಿ ನೀನು ಯೋಗ್ಯಾಡುಕಾದು ಅನ್ನಾಡು. ²⁸ .ಇದಂತ ಯೋರ್ಧಾನ್ ಹೊಳೆಯ ಆತ್ಲಾಕಡ್ಲಾಉಂಡ್ನಾ ಬೆಥಾನ್ಯಂಲಾ ನಡ್ಸೆ.ಆನ ಯೋಹಾನುಡು ಸ್ನಾನಂ ಇಚ್ನಾಡು. ^{29 30 31} 29.ಮರುದಿನಂ ಯೋಹಾನುಡು ತನ್ನ ಕಡ್ಗಿ ವಚ್ಚೆ ಯೇಸುನಿ ಸೂಸಿ-ಅಗೋ [ಯಜ್ಞನ್ಗಿ]ದೇವುಡು ನೇಮಿಚ್ನಾ ಗೊರ್ರ,ಲೋಕಂ ಪಾಪಾಮ್ನಿ ನಿವಾರಣೆ ಸೇಸ್ನಾಡು. 30.ನಾ ಯನ್ಕ ವಚ್ಚೆವಾಡು ನಾಗಿಂತ ಮೊದ್ಲೇ ಉಂಡೆದಾನ್ನಿಂಕ ನಾಕಿ ಮುಂದ್ರವಾಡೈನಾಡು ಅನಿ ನೀನು ಸೋಪ್ನಾ ಮಾಟ ಈತುಡ ವಿಷಯನ್ಗಾನೆ. 31.ನಾಕು ಆತುಡು ಗುರುತುಂಡ್ಲೆ;ಆಯ್ತೆ ಆತುಡ್ನಿ ಇಸ್ರಾಯೇಳಗಿ ತಿಳಿಯಪಡಿಚ್ಚೆದಾನ್ಗೋಸ್ಕರಂ ನೀನು ನುಳ್ನಾ ಸ್ನಾನಂನೀ ಸೇಬಿಚ್ಚವಾಡೈ ವಚ್ನಾನು ಅನ್ನಾಡು. ^{32 33 34} 32.ಇದೆಕಾಗುನ್ನ ಯೋಹಾನುಡು ಸಾಕ್ಷಿ ಇಚ್ಚಿ ಸೋಪ್ಪಿಂದೆಮಟೆ -ದೆವುಡಾತ್ಮಮು ಪಾರಿವಾಳಕ್ಕ ಆಕಾಶಂನ್ನಿಂಕ ದಿಗೆದಾನ್ನಿ ಸೂಸ್ನಾನು.ಅದಿ ಆತುಡ ಪೈನಾ ನೆಲೆಗೊಂಡಿoದ್ದಿ. 33.ನಾಕು ಆತುಡ ಗುರುತುಂಡ್ಲೆ;ಅಯ್ತೆ ನುಳ್ನಾ ಸ್ನಾನಮ್ನಿ ಸೇಬಿಚ್ಚೆದಾನ್ಗಿ ನನ್ನಿ ಅಮ್ಪಿಚ್ನಾವಾಡು-ಯಾವ್ಡಪೈನ ಆತ್ಮಮು ದಿಗಿವಚ್ಚಿ ಉಂಡೆದಾನ್ನಿ ನುವ್ವ ಸೂಸ್ತಾವೋ ಆತುಡೆ ಪವಿತ್ರಾತ್ಮನ ಸ್ನಾನಂನ್ನಿ ಇಚ್ಚೆವಾಡು ಅನಿ ತಾನೇ ನಾಕಿ ಸೋಪ್ನಾಡು. 34.ನೀನು ದಾನ್ನಿ ಸೂಸಿ ಈತುಡೆ ದೇವಕುಮಾರುಡನೀ ಸಾಕ್ಷಿಇಚ್ನಾನು ಅನ್ನಾಡು. ³⁵ .ಮರುದಿನಂ ತಿರ್ಗಿ ಯೋಹಾನುಡು ವಾಡ ಶಿಷ್ಯಲ ಇದ್ರೂ ನಿಲ್ಚಗನುನ್ನಪ್ದು ಯೋಹಾನುಡು ಆನ ತಿರ್ಗಾಡ್ತಾವುನ್ನ ಯೇಸುನಿ ಸೂಸಿ - ³⁶ .ಆನೋ ಯಜ್ಞನ್ಗಿ ದೇವುಡು ನೇಮಿಚ್ನಾ ಗೊರ್ರ ಅನ್ನಾಡು. ³⁷ ಇದ್ರೂ ಶಿಷ್ಯಾಲು ದಾನ್ನಿ ಇನಿ ಯೇಸುನ ಯನ್ಕ ಪೈನಾರು. ³⁸ .ಯೇಸು ಯನ್ಕಿತಿರ್ಗಿ ವಾಳು ತನ್ನ ಯನ್ಕ ವಚ್ಚೆದಾನ್ನಿ ಸೂಸಿ-ಮೀಕಿ ಏಮಿ ಕಾವಾಲ ಅನಿ ಅಡ್ಗಲು ವಾಳು ರಬ್ಬಿಯೇ,ನುವ್ವ ದಿಗ್ಗವುಂಡಾದಿ ಯಾನ?ಅನ್ನಾರು.(ರಬ್ಬಿ ಅಂಟೆ ಗುರು). ³⁹ .ಆತುಡು-ವಚ್ಚಿ ಸೂಡoಡ್ಡಿ ಅನ್ನಪ್ದು ವಾಳು ವಚ್ಚಿ ಆತುಡು ದಿಗ್ಗನುಂಡ್ಡ ಸ್ಥಳoನ್ನಿ ಸೂಸಿ ಆ ದಿವಸಂ ಆತುಡ ಸಂಗಡಂ ಉಂಡಾರು.ಅಪ್ಡು ಹೆಚ್ಚು ಕಡ್ಮಿ ಮಾವ್ಟಲ ನಾಲ್ಗು ಗಂಟ್ಲು ಆಯ್ದೇ. ⁴⁰ .ಯೋಹಾನುಡ ಮಾಟ್ನಿ ಇನಿ ಯೇಸುನಿ ಹಿಮ್ಬಾಲಿಚ್ನಾ ಆ ಇದ್ದರ್ಲಾ ಸೀಮೊನ್ ಪೇತ್ರುಡ ತೊಮ್ಮಡೈನಾ ಅಂದ್ರೆಯಡು ಒಕ್ಕಡು. ⁴¹ .ಊಡು ಮೊದ್ಲು ತನ್ನ ಅನ್ನೈನ ಸೀಮೊನುಡ್ನಿ ಕನ್ಗಾನ್ನಿ ವಾಡ್ಗಿ- ⁴² .ಮೆಸ್ಸಿಯಡು ಮಾಕಿ ಸಿಕ್ನಾಡು ಅನಿ ಸೊಪ್ಪಿ ವಾಡ್ನಿ ಯೇಸುನ ದೇಗ್ಗರ್ಗಿ ಪಿಲ್ಚಾಗನಿ ವಚ್ನಾಡು.(ಮೆಸ್ಸಿಯಡು ಅಂಟೆ ಕ್ರೀಸ್ತುಡು.)ಯೇಸು ವಾಡ್ನಿ ಸೂಸಿ-ನುವ್ವ ಯೋಹಾನುಡ ಕೊಡ್ಕೈನಾ ಸೀಮೊನುಡು;ಇಂಕಪೈನಾ ಕೆಫನುಡುಅನ್ಬಿಚ್ಗಾoಟಾವು ಅನ್ನಾಡು(ಕೇಫನುಡು ಅಂಟೆ ಪೇತ್ರ.) ⁴³ .ಮರುದಿನಂ ಯೇಸು ಗಲಿಲಾಯನ್ಗಿ ಎಲ್ಲಿಪೋವಾಲನ್ಗನುನ್ನ ಫಿಲಿಪ್ಪಡ್ನಿ ಪಿಲ್ಚ್ಗಾನಿ-ನನ್ನಿ ಹಿಮ್ಬಾಲಿಚ್ಚು ಅನ್ನಾಡು. ⁴⁴ .ಈ ಫಿಲಿಪ್ಪುಡು ಬೇತ್ಸಾಯಿವಾಡು,ಅಂಟ್ಟೆ ಅಂದ್ರೆಯ ಪೇತ್ರಲ ಊರೋಡು. ⁴⁵ .ಫಿಲಿಪ್ಪುಡು ನತಾನಯೇಲಡ್ನೀ ಸೂಸ್ಗಾನಿ ವಾಡ್ಗಿ-ಯಾವ್ಡ ವಿಷಯಂಗ ಮೋಶೆಯ ಧರ್ಮಶಾಸ್ತ್ರಂಲಾ ರಾಸ್ನಾನೋ ಮಲಿ ಪ್ರವಾದಿಲು ರಾಸ್ನಾಳೋ, ಆತಡು ಮಾಕಿ ಸಿಕ್ನಾಡು;ಆತುಡು ಯವ್ವಡoಟ್ಟೆ ಯೋಸೆಫಡ ಕೊಡ್ಕೈನ ನಜರೆತಿನಾ ಯೇಸು ಅನಿ ಸೋಪ್ನಾಡು. ⁴⁶ .ನತಾನಯೇಲುಡ-ಮಂಚ್ಚಿದೆಮೈನಾನು ನಜರೆತ್ನಿಂಕ ವಚ್ಚೆದುಂಟೋ?ಅನ್ನಪ್ದು ಪಿಲಿಪ್ಪುಡು-ವಚ್ಚಿ ಸೂಡಿ ಅನ್ನಾಡು. ⁴⁷ .ಯೇಸು ತನ್ನ ಕಡ್ಗಿ ವಚ್ಚೆ ನತಾನಯೆಳುಡ್ನೀ ಸೂಸಿ ವಾಡ ವಿಷಯಮೈ-ಇನೋ ಊಡು ನಿಜಮೈನ ಇಸ್ರಾಯೇಲುಡು;ಊಡ್ಲಾ ಕಪಟoಲೇದು ಅನ್ನಾಡು. ⁴⁸ .ನತಾನಯೇಲುಡು-ನನ್ನಿ ನುವ್ವ ಯಟ್ಟ ಗೊತ್ತು?ಅನಿ ಯೇಸುನಿ ಅಡ್ಗಿಂದಾನ್ಗು ಆತುಡು-ಫಿಲಿಪ್ಪುಡು ನಿನ್ನಿ ಪಿಲ್ಚೆದಾನ್ಗಿoತ ಮೊದ್ಲೇ ನುವ್ವ ಆ ಅoಜೂರಂ ಮಾನ್ಕಿಂದ ಉನ್ನಪ್ದು ನಿನ್ನಿ ಸೋಸ್ನಾನು ಅನ್ನಾಡು. ⁴⁹ .ಅಂದ್ಗೆ ನತಾನಯೇಲುಡ-ಗುರುವೇ,ನುವ್ವ ದೇವಕುಮಾರುಡು ಸರಿ;ನುವ್ವೇ ಇಸ್ರಾಯೇಲ್ನಾ ಅರಸುಡು ಅನ್ನಾಡು. ⁵⁰ .ದಾನ್ಗೆ ಯೇಸು-ಆ ಅಂಜೂರಂ ಮಾನ್ಕಿಂದ ನಿನ್ನಿ ಸೂಸ್ನಾನನಿ ನೀನು ನೀಕಿ ಸೊಪ್ಪಿನ ಮಾತ್ರಂನಿಂಕ ನಂಬತಾವೋ?ದೀನ್ಗಿಂತ ಹೆಚ್ನಾ ಕಾರ್ಯಾಲ್ನಿ ಸೂಸ್ತಾವು ಅನ್ನಾಡು. ⁵¹ .ಇದಿಕಾಗುನ್ನ ವಾಡ್ಗಿ-ನೀನು ನೀಕಿ ನಿಜನಿಜಂಗ ಸೋಪ್ತಾನು,ಪರಲೋಕಮು ತೆರ್ಸೆದಾನ್ನಿ ಮನುಷ್ಯಕುಮಾರುಡ ಪೈನಾ ದೇವದೂತುಲು ಏರಿಪಾತ ದಿಗಿವಸ್ತಾ ಉಂಡೆದಾನ್ನಿ ಸೂಸ್ತಾರು ಅನಿ ಸೋಪ್ನಾಡು.