¹ .ಯೇಸುವು ಕ್ರೀಸ್ತುಡುಅನಿ ನಂಬೆ ಪ್ರತಿಯೋಕ್ಕಡು ದೇವುಡ್ನಿಂಕ ಪುಟ್ನಾವಾಡೈನಾಡು.ಯಾವ್ವುಡು ಪುಟ್ಟಿಚ್ನಾ ತಂಡ್ರಿನ್ನಿ ಪ್ರೀತಿಚ್ಚ ವಾಡು ತಂಡ್ರಿನ್ನಿಂಕ ಪುಟ್ನಾವಳನ್ದ್ರನ್ನಿ. ² .ಮನ್ಮು ದೇವುಡ ಬಿಡ್ಲುನ್ನಿ ಪ್ರೀತಿಸ್ತಾಮು ಅನೆದಾನ್ನಿ ದೇವುಡ್ನಿ ಪ್ರೀತಿಚ್ಚಿ ಆತುಡ ಆಜ್ಞೆಲ್ನಿ ಅನುಸರಿಚ್ಚೆದಾನ್ನಿಂಕಾನೆ ತಿಳುಚ್ಗoಟಾಮು. ³ ದೇವುಡ ಪೈನಾ ಪ್ರೀತಿ ಎಮಂಟೆ ಆತುಡ ಆಜ್ನೆಲ್ನಿ ಸೈಗಾನಿ ನಡ್ಸೆದೇ.ಆತುಡ ಅಜ್ನೆಲು ಬಾರಂಆಯ್ನಾವಿಕಾದು. ⁴ .ಎಂದ್ಗೂಅಂಟೆ ದೇವುಡ್ನಿಂಕ ಪುಟ್ಟುoಡದಿ ಅಂತವಿ ಲೋಕಮು ಜಯಿಸ್ತಾದಿ.ಲೆಕಂನ್ನಿ ಜಯಿಚ್ನಾಟ್ಟದಿ ಮಾ ನಂಬಿಕೆನೆ. ⁵ .ಯೇಸುವು ದೇವುಡ ಕೊಡ್ಕು ಅನಿ ನಬ್ನಾವಾಳುಕಾಗ್ನೆ ಲೋಕಂನ್ನಿ ಜಯಿಚ್ಚವಾಳು ಇಂಕಯಾವ್ವುಳುಂಡಾಳು? ⁶ .ಈತುಡು,ಅಂಟೆ ಯೇಸು ಕ್ರೀಸ್ತುಡು,ನೂಳ್ನ್ನಿಂಕಾನು ರಕ್ತಂನ್ನಿಂಕಾನು ಸಾಕ್ಧಿಹೋದ್ನಾವಾಡು.ನೂಳ್ನ್ನಿಂಕ ಮಾತರಂಕಾದು,ನೂಳ್ನ್ನಿಂಕಾನು ರಕ್ತಂನ್ನಿಂಕಾನು ಸಾಕ್ಷಿ ಹೋದ್ನಾವಾಡೈನಾಡು. ⁷ .ಇದಿಕಾಗ್ನೆ ಆತ್ಮಡು ಸಾಕ್ಷಿ ಇಚ್ಚವಾಡೈನಾಡು;ಆತ್ಮುಡು ಸತ್ಯಸ್ವರೂಪುಡೆ. ⁸ .ಆತ್ಮ ನೂಳು ರಕ್ತಂ ಅನಾ ಮೂಡು ಸಾಕ್ಷಿಲು ಉಂಟು;ಈ ಮೂಡು ಒಕ್ಟೆ ಅಭಿಪ್ರಾಯಂ ಆಯಿ ಸಾಕ್ಷಿಸೋಪ್ತಾವಿ. ⁹ .ಮನ್ಮು ಮನುಷ್ಯಾಲ ಸಾಕ್ಷಿನ್ನಿ ತೀಸ್ಗಾಂಟಾಮು ಕದ ದೇವುಡ ಸಾಕ್ಷಿಯೂ ದಾನ್ಗಿoತ ವಿಶೇಷಂ ಅಯ್ನಾದಿ.ದೇವುಡು ಇಚ್ನಾ ಸಾಕ್ಷಿ ಎಮಂಟೆ ಆತುಡು ತನ್ನ ಕೊಡ್ಕ ವಿಷಯಂಲಾ ಸೊಪ್ಪುoಟಿ. ¹⁰ .ದೇವುಡ ಕೊಡ್ಕುಲಾ ನಂಬಿಕೆಪೆಟ್ನಾವಾಡು ಆ ಸಾಕ್ಷಿನ್ನಿ ತನ್ಲಾಲೇ ಹೋದ್ನಾಡು.ದೇವುಡ್ನಿ ನಂಬೆವಾಡು ಆತುಡ್ನಿ ಸುಳ್ಳುಗಾರುಡೈಯ್ಯಿ ಸೇಸ್ನಾಡು;ಎಟ್ಟoಟೆ ದೇವುಡು ತನ್ನ ಕೊಡ್ಕಾ ವಿಷಯಂಗ ಸೊಪ್ಪುoಡ ಸಾಕ್ಷಿಲಾ ವಾಡ ನಂಬಿಕೆಪೆಟ್ಲೆದು. ¹¹ .ಆ ಸಾಕ್ಷಿ ಯಾವ್ಡಿ ಅಂಟೆ ದೇವುಡು ಮನ್ಗಿ ನಿತ್ಯಾಜೀಮ್ನಿ ಅನುಗ್ರಯಿಚ್ನಾವಾಡು,ಆ ಜೀಮು ಆತುಡಕೊಡ್ಕುಲಾ ಅದೇ ಅನೇದೆ. ¹² .ಯಾವ್ವುಡು ದೇವುಡ ಕೊಡ್ಕುನ್ನಿ ಅoಗಿ ಕರಿಚ್ನಾಡೋ ವಾಡ್ಗಿ ಆ ಜೀಮುoಟು;ಯಾವ್ವುಡು ದೇವುಡ ಕೊಡ್ಕುನ್ನಿ ಅಂಗೀಕರಿಚ್ಲೇದೋ ಆ ಜೀಮುಕಾದು. ¹³ .ದೇವುಡ ಕೊಡ್ಕುಪೆರ್ಲಾ ನಂಬ್ಕೆ ಪೆಟ್ಟುoವಾಳೈನ ಮೀಲಾ ನಿತ್ಯ ಜೀಮು ಉಂದಿ ಅನಿ ಮೀಕಿ ಗೊತ್ತಎಟ್ಲಾ ಈ ಮಾಟಲ್ನಿ ರಾಸ್ನಾನು. ¹⁴ .ಮಲಿ ಮನ್ಮು ದೇವುಡ ಚಿತ್ತಂ ಅನುಸಾರಂ ಆಯಿ ಇಮೈನಾನು ಬೇಡ್ಗಂಟೆ ಆತುಡು ಮನ ವಿಜ್ನಾಪಾನ್ನಿ ಇಂಟಡುಅನೆ ದೈರ್ಯಂಮು ಆತುಡ ವಿಷಯಂಆಯಿ ಮಾಕಿ ಉಂದಿ. ¹⁵ .ಮನ್ಮು ಏಮಿ ಬೇಡ್ಗನ್ನಾನು ಆತುಡು ಮನ ವಿಜ್ನಾಪನೆನ್ನಿ ಇಂಟಡು ಅನೇದಿ ಮಾಕಿ ಗೊತ್ತುಕಾಗುoಟೆ ಮನ್ಮು ಬೇಡುoಡವಿ ಆತುಡ್ನಿoಕ ಮಾಕಿ ದೊರ್ಸ್ನಾವಿ ಅನೇದಿ ಮನ್ಗಿ ಗೊತ್ತೈನಾದಿ. ¹⁶ .ಯಾವ್ವುಡೈನಾನು ಮರಣಂಕರಂ ಕಾಗುಂಡ ಪಾಪಂಸೆಸದಾನ್ನಿ ಕಂಟೆ ವಾಡು ದೇವುಡ್ನಿ ಬೇಡ್ಗನ್ನಿ;ಅಪ್ಡು ದೇವುಡು ಮರಣಂಕರಂಕಾಗುಂಡ ಪಾಪಂಕಾಗ್ನೆ ಜೀಮ್ನಿ ದಯಪಾಲಿಸ್ತಾಡು.ಮರಣಂಕರಂ ಆಯಾ ಪಾಪಂಉಂದಿ;ಈ ಪಾಪಂ ವಿಷಯಂ ಆಯಿ ಬೇಡ್ಗಾನ್ನಡಾಯಿ ನೀನು ಸೊಪ್ಪೇಲೇದು. ¹⁷ .ನೀತಿಗಿ ವಿರುದ್ದಂಆಯ್ನಾದಂತವಿ ಪಾಪಂಆಯ್ನಾವಿ;ಆಯ್ನು ಮರಣಂಕರಂಕಾಗುಂಡ ಪಾಪಂಉಂದಿ. ¹⁸ ದೇವುಡ್ನಿಂಕ ಪುಟ್ಟುoಡವಾಡು ಪಾಪಂಸೇಸೋಡುಕಾದು ಅನಿ ಮನ್ಗಿ ಗೊತ್ತುoದಿ.ದೇವುಡ್ನಿಂಕ ಪುಟ್ಟುಟ್ನಾತುಡು ಆತುಡ್ನಿ ಕಪಾಡ್ತಾಡು;ಕೆಡ್ಕುಡು ವಾಡ್ನಿ ಪೊಟ್ಟೆಲೇದುಕಾದು. ¹⁹ .ಮನ್ಮು ದೇವುಡ್ನಿಂಕ ಪುಟ್ನಾವಾಡುಅನೆ ಲೋಕಂಅಂತಾವಿ ಕೇಡುಕೂಡ ವಶಂಲಾ ಪೊಟ್ಟಿoದಿ ಅನೆ ಮಾನ್ಗಿ ಗೊತ್ತುಂದಿ. ²⁰ .ದೇವುಡ ಕೊಡ್ಕು ವಚ್ಚಿ ಮನ್ಮು ಸತ್ಯಂಆಯ್ನಾವಾಡ್ನಿ ಅರ್ಸಾಗಾನ ಅಟ್ಟೆ ಮನ್ಗಿ ವಿವೆಕಾನ್ನಿ ಇಚ್ನಾಡುಅನೇದಿ ಮನ್ಗಿ ಗೊತ್ತುoದಿ.ಮಲಿ ಮನ್ಮು ದೇವುಡ ಕೊಡ್ಕುಆಯ್ನಾ ಯೇಸು ಕ್ರೀಸ್ತುಡ್ಲಾ ಉಂಡೆವಾಳೈ ಸತ್ಯo ಆಯ್ನಾವಾಡ್ಲಾಉಂಡಾಮು.ಆತುಡು ಸತ್ಯಂದೇವುಡು ನಿತ್ಯಾಜೀಮು ಆಯ್ನಾಡು . ²¹ .ಪ್ರೀಯಲೈನಾ, ಬಿಡ್ಲೇ,ವಿಗ್ರಹಲ್ಗಿ ದೂರ್ಮೈನಟ್ಲೇ ಮಿಮ್ಮಲ್ನಿ ಕಪಾಡ್ಗoಡ್ಡಿ.