1
Yesu a yima oko ndié enki nde ayaké, ayitia OK ndjaa enki nde afulaké. bayekoli baa ndé baobengaké.
2
. Losio lo eyenga ateyaké oko lowu lo Wangi. bato wuké baoyokaké pe bakabaké wuké batepela: « mbo biè biyima nkoni? moto okopa boyedi bone nani, akela bienua bene oko ba boo ba ndé ngamoni?
3
. Ntembe nde bokeli bo babaya, wana loka maria, mbalé leka Jake, Jozé, Yudé la Simona? la ba mpaka bá nde nteko yaso labo enè?
>>>>>>> refs/heads/new
4
. Ngaku Yesu atepelaké: ntako yambé bosakoli oko ndja le ndé, oko ibotuá dii ndé, tô oko lowu lô bô.
5
. Yesu nta kokaka nkela bo mwenge oko nazaleta, amo bikiaké ndambu le boto ba biale la ntika bô ba bô oko betu oko ndié binkumela bima nde alekaki.
6
. Ngaku akabaké itina dika bato ba nazaleta ntambia boyambi. Mbisa eko Yesu asake nteya teya oko ndja bii mpika mpika la bô.
7
. Abesiaké bayekoli ba ndé diomu la ba pé, ngako atomaké bá pé la pé, apaké bó bonkumu bonkomba belimo be bée.
8
. Ngaku atoma nde: ntabobelaké nkia yemba lonyo, no mboto: nkia mampa, sakosi, falanga ye oko ibenga dii nyo.
9
. Ngako bolata nko bapapa, la esenda emó, bi pé ye.
10
. Aatepela lonkina: ngengo enganyo bo bè oko ndja enkina, boyaka ékoko lowu longa bapala tii ngengo enga nyo boyimé oko ndja eku.
11
. La baboya ndjamba nyo oko ndja eko, to baboyi ndjoka nyo, bo fumbua bakolo banyo oko, la ngaku bangoyeba bwè bakela mbé.
12
. Ngaku bayekoli basaké pe babanga teya teya bato, bokalomwa bebonda.
13
. Bakombaké belimo wuké bée mbé, babikiaké bato wuké ba bialé la ndisa bo belawu.
14
. Ngengo eki nkumu Erode ayokaké nsango leka Yesu, dina dii ndé ditépuamaka wuké. bato bankina batepelaké ndè: Yowane boyini akundwá! kiokiéku aba nguya ekela nde bimwenge binè.
15
. Ngaku bankina batepela bwuè: "ndé alé eliya, tô alé bosakoli nkonga banè bantondo.
16
. Ngengo enki nkumu Erode ayokaké bontika boko, atepela: ale nko Yowané oneki mbekeke botu, nde moto oso kundwa.
17
. Ngaku nkumu Erode atomaké bosonda bá ndé bawuté Yowané. Baolaké besinga, baotikaké oko boloko. Bokobo boka Erodiase ilaka di éngambi lika filipo. Erobe aobalaké,
18
. Ngako Yowané aopekiaké atepela ndè: bebeko etepela ntokoka mbalambala ilaka dika mbalé lewu yè.
19
. Kio kiéku Erodiase aliki la iyu oko bobonda bô nde itina dika Yowané akanaké aodiaké ngako nta kokaka.
20
. Mpamba ye Erode amolotaké Yowané, itina ayebaké ndè ale boto lo dilo pe sembo, kiokiéku ntalangaka nkié nde bô bé. Bateyo bamo seyake boyeli boo ndé, nkiangaku amolangaké ndjokéle nde.
21
. Nkané oko losio lo feti leka babotuelo bala Erode Erodiase abaké ngengo ledio itina la lobo lokinde akanaké. Erode abesiaké baa ndja, ba nkumu bika ba soda la bato bánene ba etuka le Galileya, bayolè oko lendé.
22
. Ngengo enki badiki oko mesa, wana loka Erodiase lo weto otuaké oko lowulu ngaku abanga nkanya nkanya oko meso beka Erode la baka bato bankuma banki nde abesiaké. Ayokiaké nyinga wuké. Ngaku Erode atepelaké ndé: ombondela yemba enkuma elangawu, ngoko paa kio.
24
. Abekeke seleka: “Yemba enkuma elangawu ngoko pa kio, nkia yeti lebo nkumu bóo mi ngoko pakio”.
23
. Wana oko apasuaké ndiwua nyango: “mbondele yemba bé?” nyango lende aotepela “bondela botu boka Yowané boyini.”
25
. Ngaku nde ayitaké isali oko nkumu Erode atepela: nkobondela nkaku booko ompa botu boka Yowané boyini oko le saani.
26
. Nkumu Erode ayoké iseyi wuké mpenda penda. Ngaku ntaboyaka mpekia nde itina aketaka seleka oko beso baka bato bankumela banki ndé abesiaka oko feti.
27
. Ngako atomaké soda emo itina aoyela botu boka Yowané boyini. Soda asake, ayotua, abeke Yowané botu.
28
. Soda eku atikaké botu oko saani ayako paa elenge le weto, elenge eku aleka la botu mpa ngengo.
29
. Ngengo enki bayekoli baka Yowané ngaku, basaké mposo ebembé la nkunda kio.
30
. Ngengo enki bayekoli bayitiaké badiki la boyongano bankina bo la Yesu, batepela binkuma biki bakelaké la biki bateyaké.
31
. Yesu atepela: boyaké tokende oko ndié emo left bió boyolié. Atepela ndè nganè, bato wuké bayaka bayitia bayekoli nta ba nkia ngengo le ndeke-leke.
32
. Ngaku bayotuaké oko wato ba leka bonkika oko ndié le yoyii.
33
. Ngaku bato bayeneke ndenge enki bo basaké, pe bato wuké bayima ntundu la ntundu, bo bayiiaké ntondo oko looko loki Yesu akanosa.
34
. Ngengo leki Yesu apasuaké oko wato ayeneké bato wuké, áayokelaké isei wuké oko bobonda ibango balé nkonga mpata bimpa timbia bobongoli, abangaki nteya bó mbo wuké.
36
. Bayeneke ngengo esoleka oko Yesu baotepela bwè: ndié enè elé bosobé ntonto pe ngengo eleka.
35
. Atepela bato bakende oko ndja bio mpika mpika oko tii batia la somba biemba bii ndéye leke.
38
. Yesu akalola: nyo nkika bopá bo biemba bii ndéye leke. Nkako bo baoyuwa: ngamoni tokendé somba mampa le 200 itina limpa bo?
37
. Yesu áyuwua bodiamampa kwè? Boleka bosolendé. Bayene nko bitana la sí bo Pele.
39
. Yesu atepelaké bayekoli bá nde ba kapwé bato oko bisuku, bayele ansé oko belenge.
40
. Ngako bayaké oko belongo bankina bonkama, bankina ntuku bitano.
41
. Aposoké mampa la nsí bo Pele, anangola bèso diko abotitia, Abeke mampa itina di nkapela bo oko bisuku, akapa lonkina nsí biku oko bankumela.
42
. Bato bankumela beleke pe banyotaké.
43
. Bayekoli batongoloké biteni bii mampa la bii nsí bikotikalaka boniotiaké bisaka diomu la bi pé.
44
. Banè bako leke badiki mélé 5000.
46
. La mbisa Yesu atomaké bayekoli baa ndé bayotwé oko wato pe bakende nkonga nde oko mbisa look le ndjalé, oko ndja le Betesaida. Ayisena bato oko ndja bii bô.
45
. Nkani nde atikalaké oko, Ntako asaké oko ngomba itina dika mbotitia.
47
. La ikô wato bodiki oko eteteyi le ndjalé, ngaku Yesu adiki nde nkika oko mbotu.
48
. Ayeneké bayekoli adiki la bekakatano ntakoka nkendia wato la nkapi itina mwembo baoyisenaké mbisa. ngengo enki pendu ekana eyombwa, Yesu abanga nkende kende oko diko dii losi la nsaka sako lookó lolé bóo, akano lekana.
49
. Ngengo enki bayeneke Yesu kende kende oko diko di losi bayebaké bwè alé elima bayoka boomo, ba banga ngahaka ngahaka.
50
. Ngaku bo bankumela baoyene, bayoka boomo wuké, oko ngengo eku Yesu etepela: elé mi; ntoyokaké boomo.
51
. Aleka mpika labor ayotua oko wato mwembo bo sia. Bayekoli bakabaké wuké,
52
. Kiéku ngengo eki Yesu akelaké bimwenge bi mampa bayekoli ntaba yebaké nkia lobo ye.
53
. Ané osababeke ndjalé bayale oko mbotu bi Yenezaret. bakandaké wato bôobo oko ibongo.
54
. Ngengo esa ba pasua oko wato, bato bayaké ndjaba Yesu,
55
. Ngaku basaké mposo poso bato ba bialé oko ndjaa enkuma; baabelaké oko batoko, babeaké oko ndié ekabayokaké Yesu aloku.
56
. Ndié binkumela biki Yesu alekaké eyáa oko ndja bii Nene la bii nionio la pe mpika, batikaké bato ba bialé oko mboka la bawuta esenda leka Yesu ba bika.