1
. Yesu, asake oko bokili boka bayuda oko loko lo yalalandene, npe esuku lebato bakelake boyongano oko lende, nkonga nde akele nsio binkuma nteya bo lokina.
2
. Bafalisayi bayibolake Yesu itina di mekande ebongo la mwele nyimia ilaka di dinde.
3
. Akalolaka nde: Bobekobe boki Mose akomelake.
4
. Bwe Mose aapake mboka wele akome bo kanda bo ndiaka ibala lambisa la nyimia nde oko ibala.
5
. Yesu atepelé ndé: Elé itina like bobonda wembu bonyo kieku Mose aepa bobeko boku.
6
. Bangalore ibangelo liolongo Wangi akelaké welé la weto.
7
. Kieku welé atwenya isé la nyango akalamia ndé la ilaka,
8
. Boapelé bango yala moto omo , ngaku ngaku bato bapelé bayà moto omo
9
. Ngaku boto nta koké nkapola yemba less Wangi alamia.
10
. Ngengo esa bayotwé oko ewulu bayekoli bayibola Yesu itina like lobo eku.
11
. Atepelé one lokomba ilaka dindé la mbala linkina Akela pité.
12
. Làpé weto aboya linkina làndé akela pité.
14
. Baobela bilege bi nini la mbuta bo ngaku bayekoli bayisena bato bamoye lilenge .
13
. Yesu ayene akalola botwenya baba nini bayé oko lemi ibango bonkumu loka Wangi bole oko bato ba botundo bobò.
15
. Metepela lososolo one ompa nto yambe bonkumu boka Wangi nga wana lo elenge leni nyango yotwa oko ye.
16
. Aposo oko babò, apambolaké atike bo babò.
17
. Ngengo eki Yesu apasuaké oko mboka boto omo asake lobango aka tika nkulu ba bolongo oko ntondo lendé : Boteyi bo dilo, nkele be itina mba bonkumu bo diko?
18
. Yesu aotepela ndé: itina bé ombesia boto lo dilo? boto lodilo nko Wangi ndé nde nkika
19
. Oyeba bebeko : Ntokele ekobo, nto diake,nto suké, nto tepé bongala ,ntosangitie mbale lobo, totia isé la nyango.
20
Aokalola: nsako memia bebeko beko be nkumela yima bolenge bo mi.
21
. Yesu aolendaké aolangaké ngaku aotepela ndé: ekamba yemba emo, tekè biemba binkumela bi liawu, pa bio oko mbolo ngaku ongoyala la bobalelo oko liko .ngaku yaka pe ombenge.
22
. Ngengo eki ndé ayokaké iteyo diku, ayiake la iseyi ibango aliki boto lo bobalelo wuke.
23
. Yesu alendaké oko mpika mpika làndé , aotepela bayekoli hands: Ele bonkumu là bato ba bò balelo nyene bonkumu bo liko .
24
. Bayekoli bakabake wuke là mbo binki Yesu atepelake, ngaku ayitielake iyoyi diko, atepela: Baba bami, Elé bonkumu là bato bane bakapa la bobalelo nyotua oko ndja eka Wangi.
25
. Ntembe bonyuku wana omo lo mpunda nyotua oko ikusu li ndongo, ngaku ele bonyuku la boto lo bobalelo wuke mba bunkumu bo liko !
26
. Bayekoli bakabake lonkina , ba tepela omo mbisa eka enkina : Boto nani lobongo mbikambika?
27
. Yesu alendake ngaku atepela : Ntembe konyo oko Boto, nkoko Wangi.ngaku binkumela bile konyo oko Wangi.
28
. Petrol atepela , tosako twenya binkumela tosako ko benga.
29
. Yesu akalola: Me tepela la bososo boto omo atwenyaka lowulu londe, ba mbale bande, ise linde , nyango lende, bana bandé la batia bendé,
30
. Boto oko iba bio mbala bonkama mpenda mbulu binde, ba mbale bande, ise linde, nyango lende, bana bandé, laba tia bande oko nsio bine ; oko nsio biyaka ango ba bunkumu bo liko
31
. Bentondo bangoyala bembisa ,be mbisa bango yala be ntondo.
32
. Baliki oko mboka itina lika base oko yelusalema ,Yesu ayake ntondo lebo bayekoli bande la bato bankina bane bako bengaka. bobankuma bayalake la bomo. Yesu alamiake bayekoli bande diomu la bapé lonkina ngaku abangaké la atepela bo mbo bingoyela.
33
. Atepela, Bolendà toleka oko yelusalema okò onga wana loka boto atekeme oko babo baka ba nkumu la ba soni be beko. ngaku bango beke etumu le iwa , ngaku bango kapa oko babo baka bakinoli,
34
. Bango tiola bango tua nsoyi bango bwa bemiekwa pé bango diaka, ngaku oko mbisa eka nsio bisato ango kunduama.
35
. Bana baka Zebede ,Sake, la Yowane bayake mpika la Yesu, boteyi oto keléa mbo bine biko bondea so.
36
. Bokana mekelee be?
37
. Baotepela tokana toyalé ansé omo oko nkoso omo oko ndeli lewu ngaku ongawu ngengo enga wu oyalé oko bonkumu .
38
. Yesu atepela : Ntoyeba yemba le mbondela nyo. bongokoka mina oko ikopo limina mi, la nyinua oko boyini boka mi nyinua? ntongokoka.
39
. Yesu akalola: elé sóo bokoka mina oko ikopo dimina mi, boka nyinuama oko boyini bo koka nyinuama mi.
40
. Ngaku itina dika onè oka ndja ansé oko ndeli là pe oko nkoso lemi, eku ntée ndenda mi ye, ndié eku Wangi asoka londa itina dika bato báa nde asako sôo.
41
. Bayekoli bandé diomu bayokela Jake là Jowane iyulu.
42
. Yesu aabesia pé atepela: Ntoyeba yè' bato banè bayene nkonga bunkumu ba biemba, bayenia bonkumu boo bô; bato banène bayenia bato bàa bô mbedi.
43
Ntengo yala ngaku oko nyo, onè olanga ndjaa nkumu ayala boto losàa loka ba mbalé.
44
. Moto onè olanga ndjaa ntondo leka bambalé, ayalé bongamba boka bambalé binkumela.
45
. La ngaku wana loka boto ayaké ntembé la ndja nkumu, ndé ayaki la nsunga bankina, ndé la mpàa bolimo bó ndé itina dika nyimia bato oko bontamba boka bato bankina.
46
. Ngengo enki bô ba baéke oko Yeliko. aku Yesu apasuaka ndé la bayekoli báa ndé, là esuku le bato wuké, wana loka Timé, Bartimé onè obondela bato biemba, asakobodia mèeso adiki ansé oko bonkii bó mboka,
47
. Ngengo enki ndé oyokaka ndè Yesu le nazalete alaku, a ngahaka wana loka Dawidi ondjokaami iseyi!
48
. Bato wuké ntalangaka ndé atepela, nkia ngaku ndé nta tuénya ntepela angahaka wembu lonkina mpenda penda: wana loka Dawidi ondjokele mi iseyi.
49
. Yesu ayémàa atepela ndè: besia ndé, baobesia moto Osaka mèso ba bodia, Baotepela kanda lômo; yéema, akobesia wu.
50
. Ngaku aboka esnda lé ndé, asotua aleka oko Yesu.
51
. Yesu aayiwua, bokana nkokelua bé? Rabouni, boto osako bodia méeso, ndanga nyene lonkina,
52
. Yesu aotepela ndè: leka boyambi bô wu bosoko bikia. La mbala emo ayene lonkina, abenga Yesu oko mboka.