1
: Ibangelo di nsango leka Yesu Kristu wana loka Wangi.
2
. Oko botindo bosako komama oko bokanda boka bosakoli Isaya: lenda oko ntondo lewu ntoma ntumwa alonda mboka;
3
. bayokake iyoyi dika moto dinghanka oko bosobe, bobongia mboka eka nkolo, bosembwa bio.
4
. Yowane boyini apaswaké, ayina bato oko bosoku, ateyaké boyini bo nkalomwé, pe ntuenya bobé itina Wangi angoésamba la basumu bá nyo.
5
. bolongo bonkuma boka bo ba yuda la yelusalema, basaké oko nde, bayambolaké basumu ba bó oko meso baka bato bankuma, ngaku Yowane ayinaké bô oko ndjalé le yaladene.
6
. Yowane adiki la esende le bioso beka nyama (chamo), la nkamba le wembu oko ikongo, amoleke babambampasi, la bowué.
7
. Ateyake ndè: moto one ongoya mbisa lemi nde ampenda la nguya, ntikoke nkia ndia nkulu- abongo oko bakolo ba nde, nyimua besinga beka bikoto bi nde ye.
8
. Mi, moéyinaké oko losi lo ntonto, ngaku ndé a ngoéyina la bolimo boo tée.
9
. Oko nsio biku, yesu ayimake oko galileya, oko ndja le nazareth, Yowané aoyinaké oko njdalé le yordane.
10
. Ndengo eki nde apasuaké oko losi, ayeneke diko di lipuama, bolimo bokitelake nkonga embenga.
11
. Ngaku bayokake iyoyi imo diyima oko diko di tepela mbo binè: onè ele wana lomi lo lolango, oko nde nsotika lolango lomi lonkuma.
12
. Oko ngengo éku, bolimo bobelaké oko bosobe.
13
. Ayalaké oko ndié emo la ba nyama bi dia, oko ngengo l'eki satana omekaka nsio ntuku bineyi bombondo nteleke, pe b'andjelu bayake mbatela ndé.
14
. Ngengo eki bawutake Yowane, baotikake, yesu asake oko galileya, nde abanga nteya teya nsango dilo leka Wangi.
15
. Atepelake nde: ngengo eso koka, bonkumu boka Wangi bo ya mpika, botuénya bobe, boyambela nsango dilo.
16
. Ngengo eki balekake oko bonkii boka ndjale le galileya, ayeneke simona l'andele mbele leka simona baboka bo tey oko ndjale le nene, itina bayalake basoli.
17
. Yesu atepela: bombengami, ngoékela basoli ba batu.
18
. Mbala emo batuénya betey b'ebo, boobenga.
19
. Ngengo eki nde akasisa ké wano belè ayeneke jake wana lowele loka Zébédé la Yawane mbalele nde, labo pe bayake ako wato balonda betey.
20
. Lambel'emo abesia labo, bo batuenya isé dibo zébédé oko watu la bana besala, baobenga nde.
21
. Baleka oko ndja le capernaüm, oko losio lo eyenga, Yesu ayotua ntondo oko lowu lo Wangi ateya.
22
. Bato bakabake wuké l'eteyelo dinde, ateyaké la bonkumu, ntembe nkonga basoni béekanda bankuma ye.
23
. Ayeneke oko lowu lobô lo Wangi welo omo ayalaké la bolimo bô bé, bonghakake.
24
. Yemba bé leso la wu Yesu le nazalete? oyili itina ndiaka so, ndjaba: ole tèe eka Wangi.
25
. Yesu átumua, a tepela ndè: yá bió, pasua oko eteyi eka boto onè.
26
. Ngako bolimo bó bé bo pasua oko boto oku, akatungia la wembu anhaka wembu.
27
. Bato bankuma batumuamaké pe bakabaké, bakayiwolaké, bankina la nkina one yemba bé? one bateyo bó saba! nkonga bonkumu, la belimo Bée bé béototia.
28
. Dina dii nde lipandjuanaké oko ba ndja bii mpika mpika la galileya.
29
. Mpasua le nde oko lowu lo Wangi, asaké ndia Jake la Yowane oko lowu loka Simona la andele.
30
. Bokilo boka Simona adiki la isakema, basaké ntepele Yesu bwè bokilo boka Simona adia walé, ntondo eka Yesu ndjaka yaka, bokilo oku adiki oko isilo.
31
. Ngengo eki nde abeke mpika lande aowuta oko lobo pié aoyemia wema, nkoko ngengo eku isakima disia mbala emo, mbisa leka isakema abanga nkelela bô.
32
. La ikolo, ngengo esa botio boyila baoyelake bato ba nkuma ba biale , la pe bato badia belimo bée bé. ngengo eki bô bayokake bontika boku,
33
. Ndja enkuma, eyake oko ntondo eka lowu londe.
34
. Abikiake lonkina bato wuke bakoliki la biale betindo la betindo; akombaké pe belimo bé be, pe ntapáaka belimo bée bé ngengo batepela itina baoyebaké nta dilo.
35
. La mpendu, ediki lelô wano mpitamo, Yesu apasuake, asake oko bosobe itina abotitia.
36
. Nkonko ngengo eku Simona ndia ba mbale bá ndé, batoko la ndjalola ndé;
37
. Ngengo eki bô baoyeke, baotepela: bato bankuma bako yalola.
38
. Yesu akalolaké nde, toyimé anè to kende ndié enkina itina nso teya oko. Itina la dio diyilimi.
39
. Ngako akendeke Galileya enkuma, teya teya oko mbú bika Wangi, pe apasuake belimo bée bé.
40
. losio lomo, bokonu bo mô bo nkatoété, ayaké, akita nkulu abongo oko ntondo eka Yesu, abotitia Yesu: la olanga, ompetwé.
41
. Yesu aoyokela iseyi, asemboa lobô, pe aowuta, aonangua, ngaku aopetele, nde yala peto.
42
. Nkoko ngengo eku walé bosia, Yesu otepela nde leka.
43
. Yesu aoyisenaké isali-sali aotepela, monyo.
44
. Ntotepelaké nkia boto omo. leka oko batumbi mbeka opa ikapo nkonga oki mosé atepelake itina dia sungé oko itatoli.
45
. Ngengo eki nde asáké atepelaké la bato wuké pe oko ndié binkumela, itina dika nsango eku Yesu ntakokaké nkia mpaswa oko ndié le bato wuké. Ngengo adiki oko bosalé oko ndié bi besobé ngaku bato bayimaki bi payi la payi.