1
Jesus uqa odi ma- aden, mere ma- adigina, agena tajeiga leih qe - armowain. Sain Dogon na sau cur gagadic odoc ca hocob foqaigen sain na.
2
Der sigis decob. Jesus ca Jems ca Pita ca, Cedeceb age himec bahic aruh ohis oso na berein. On Jesus uqa age cuwadi nuwon.
3
Uqan deweg na fe nu cojoc bala gug firfir odi alen. Dana maha ene age ceteh usocum odoc alecwe qe odi alen.
4
Haun fein eu, Elaija ca Moses ca Jesus ca je mamadegin feci adein.
5
Pita Jesus ma- don, "iwal gec , Ois ege inan jo oso Moses na oso Elaija na oso ca inan ca cehi adec nu don.
6
Uqa qe dor uqa nu el oso igien, El nu age geh bahic cucuien.
7
Odocob tain oso age yahur aden. Ododon tain iu dunuch na uta ec ben oso cali- hocob dah mein, "Eu iyan mel. Iya gawec ben bahic gawigina en, Age uqa jejeg dah meiga aden.
8
Qe tri ec ninijen, haun falec du meci ein ono dan ca qe. Age Jesus gaum himec.
9
Sain age aruh ohis dec toni ne meia ma- aden, Age ene ono feiga eu cain bahic madowain aden, Odocob dana Melah car mec na dec ceseli wasigen.
10
Age je ma-aden eu jajahun bireig. Adi nu bahic uqa car mimei ceseli wasigien nu gabandu biri meig je fanigein.
11
Age sisir doin, "Je ma- adein eu Elijia uqa aquni hon fo doin?"
12
Uqa odi ma- aden, :Elijia uqa aquni hon eu ceteh cunug ca cedi heli age casac berein na madigien, Adi nu dana Melah uqa curumen benben gahidugien? Eu fec nu uqa dana ayan ca qe in we.
13
Elijia uqa hu mei cel ceteh muden? Age gawegina eu Dogon na je ha eu nu maden. Jesus uqa odi ma- aden.
14
Age haun malagom leih cuwadi berein na ceseli humeig, Dana caya ca am madi ca bahic egurein niniyegin feci adein. Odocob je gadac yaqoc dana feci adi meig je geh bahic ma- dein.
15
Jesus hocob fi meig dana caya ca madi bahic age asi ti Jesus fer doin.
16
Uqan Malagom sisir aden. Age adinu dana caya ca i age gaum grac megina aden.
17
Dana oso ecgurec eu na dec Jesus na je wadac don, "O iwalgec. Kis meqec iyan mel dunah birim oducodob je qe madena, Eu u hauga don, Kis meqec eu mel i hei qeleceb toni mei cucufec nuina.
18
Aig giti dudu deweg tigog ena on don. Inan Malogom kis meqec ititac doc nu ma- adiga qa age qe itatac dorin don.
19
Uqa wadac du ma- aden, " Age dana caya ca age wawaga qe mere ena eu, Sain ganic iya age ma- adigen.
20
Mel eu heihaweiga aden. Mel hei hau tobic, kis meqec eu Jesus fi mei, Mel eu gagadic ca bahic bahic odi hei qeleceb maha na toni qocob biyah cucufec nuwen.
21
Jesus uqa mel memeg sisir don. Mel eu uqa sain madi bahic edi odon fo don?" Odocob jejeg umei madon. Sain uqa sim momodo na sanan mudon.
22
Uqa sain madi bahic na uc qeleceb ya na tonana, Wa na ha tonana, Odidi biri meqec mudidi biri tem dona don. Ina dodoc oso age cesur gec nu bireceb fi wa hohog gigi escur gaga.
23
Jesus madon, "Ina ihoc fi'? Etech cunug ca odi dana wawaga mere ec eu ina ihoc,
24
Etna bahic memeg casi gagadic uta i madon. Iga wawi mere eya, Duman lehi ija wai qe mere ena eu nu cesur taga.
25
Dana caya ca madi bahic odi emenug lecib Jesus gemac na kis meqec madon, Dahinag itqoc, firicet ec kis ina dunuh dec cali nuga, Haun dunuh cain legen.
26
Kis meqec uqa mel deweg dunuh dec ali hu nuwen. Odocob uqa car mec inwe niniyen fein.
27
Jesus mel nag eu ebeh hegeceb asi mei tutuc tayen.
28
Jesus hu jo dunuh leceb, Uqna Malagom ma- doin, " Adi nu ege kis meqec yobocoum nuwec we qe?" qedoin.
29
Odi ma- aden gauc bahic ihoc qe. Inon doc na himec ihoc."
30
Age udun eu cuimeig Galili uqan naha isac berein. El dana caya ca sim nag oso feci adowain nu,
31
Jesus upan malogom maaden age dana melah ad dana ebenag na meib qaga docib armen. Der iyed hedoco, haun esel asigien aden.
32
Age je uqa maden eu qe uc usa dumeig haun sisir doc nu cucui ein.
33
Age gapeniam jobon limeig. Jo dunuh qe lec ninijen. Uqa sisir aden, "age jic na huhu bireig el je madeiga?
34
"Age je oso qe maderein. el nu age jic na cocob bireig, age dodoc je na hagarein. In age gemo uqa age na aqunec dana alec nu.
35
Jesus uqa birimei uqan malogom edi gaban adi ma-aden, "Oso uqa age na ilo ca alec nu fi. Uqa hib nijegina cagena aqunec dana alegina.
36
Uqa mel nag oso uc age gemo mudimei .haun uc gemadu tai-mei ma-aden,
37
In oso uqa sim nag iya ayani-na ona fi iya ca oso ben ca ederina, in oso uqa oi ti na fi. dana iya sur teeb nem ca oso ben ca edirina
38
Jon madon, "Iwalge, ege dana leih ina ayain na kis meqec ititac adeib ahac adom, age qe togegi na eu age.
39
Jesus madon, " Ain ahac dogon, dana oso ca qe, iya ayani na abi u-u-birei togi obona
40
In oso uqa ege qe ad migina fi.
41
Uqa ege na bahic, in oso uqa gabin wa ihina, el nu ina Jesus na sihul. Mere ma-adigina, uqa uqan abi ameg qe cuwec dain.
42
In oso sihul am nag bahic i odadeceb wawaga qe mere ena fi, dana eu men iyed be na qagimeig macas gemo qeleiga.
43
Ina eben silail meceb fi, qeti qelega, eu mebahic ina sau ur na eben osor na legen, cudun man sononec qe ar megina na, ja cojoc qe ufalena na
44
ca.
45
Ina yaim naha silail meceb fi qetiqelega, mebahic eu ina sau ur na yaim osor na legen, gadgad yaim leis ca odocib cudum meqec ja dunuh qelihowain. Maha eu na man sononec ar qe megina na, cojoc ha qe ufalena
46
na.
47
Ina amen oso silail mena fi, besi uc qelega, mebahic eu ina amen osor na sau ur na legen, gadgad amen leis ca odi ja cudun na qelihecib legen.
48
Udun ono man sononec mahanadec qe ar megina na ja ha qe ufalena na.
49
El nu, cunug ya iya digien.
50
Sol sab lalan qelegina odi. Sol uqa mebahic, qa uqan teban qemeceb fi, adi odocum uqan teban mebahic aligien, sol age gemo bireceb, wawaga qoc leih nu ha age ca biriya.