1
Der lecis qe oc ninien, sab ben, jec nu , ilo ca eu age Jesus qagadoqaig biri jic megein.
2
Sab jec sain na cain ein, curumen alec dain ein.
3
Sain eu na Jesus uqa Betani ono Pita na jo na bibiren. Caya oso mol dedeman me bahic ca hei haum Jesus ilo na basec don.
4
Odocob malogom age garacmain mein.
5
Odi meig age madein mol eu men ben bahic na sur dum men cum dana waroca eu age cesur adec ihoc ein.
6
Ocodob Jesus maden, caja ie duman me bahic odea aden.
7
Dana waroc ca eu age gaum gaid biruqaigen aden. El saen age gawimeig, cesur adoqaic en aden. Iya age gaum gaid qe biruqon aden.
8
Caja ie uqa deweni her isec nu el doia aden.
9
Odi nu dana mahamaha cunug uqan dodo eu doqaigen aden.
10
Odocob Judas uqa ilo ca ie age ca len.
11
Odocob age celein uqa nu. Odim age faihec nu doin. Odocob Judas uqa Jesus deweg nu barijigi biri jic megen.
12
Aqunec der na, sab ben sain na malagom age Jesus sisir doin, el udun na biri sab ben jec nu?"
13
Odocob uqa birimei ma- aden. Yobon ben dunuh na leig meig dana oso uqa wa har na gahidu mei hu guruch adigien aden.
14
To du li meig jo gug sisir doiga aden. Sab eu el udun na jec nu?
15
Uqa udun oso jo ohis na saijadoc hardoc eu ihac adigien aden. odocob on sab sacia docib jec nu aden.
16
Odocob berimeig uqa maden odi cunug guruc doin.
17
Wesu na uqan malagom gami jona lein.
18
Odi meig sab jiji bireig ma- aden. Age dunuh na oso uqa iya dewi nu barigien aden.
19
odocob madoin ija fo doin.
20
Odocob Jesus uqa ma- aden el dana uqa iya ca boh na sab jowona eu uqa himec aden.
21
Jec yaqoc eu todugian aden. Dana eu uqa anag qe basoub mi qa mebahic aden.
22
Sab jiji bireig, Jesus uqa bret uhu ihan imei, fenimei siwiadibiri, ma- aden, jeiga ie iya dewini aden.
23
Gabin uhihan imei, ma- aden, wa jeiga aden.
24
Ma- aden", eu iya golani, dana madi bahic esur adec nu basec dugen", aden.
25
Haun wa ec qe yigin", aden, mei na cudun na gaban dumob, Qa haun yigen aden.
26
Odocob due siri meig, olive aruc na tein.
27
Odimeig ma-aden, age ultimeig, budoqaig gen aden. Je jaqoc odi madena aden.
28
Ijaceseli asi mig, aquni Galili nugen aden.
29
Pita madon, iya ina qe urhimig, busaligin don.
30
Jesus pita madon, mere mahigina, mala qe qu leis doc niniyeb ina iya nu qec dugina ec madi iyed dogen don.
31
Odocob, Pita Jesus madon, Iya ina qe curhigin, iya ina ca carmowen don. Odocob unuch odi madoin.
32
Gethsemani ono humeig, Jesus malogom aden, "ene bireib, inon docoqa aden.
33
Jesus uqa Pita, Jems, Jon ca-adeceb tein, Uqa waug curumen ben bahic don.
34
Uqa ma- aden, iyan kis curumen ben dona aden. Ene birimeig aden.
35
Jesus uqa onoca lim inondon, curumen eu cuiduga biri.
36
Uqa maden, Dogon hina eteh unug hina ihoc odoc. Curumen eu iya dewi na dec agasitaga." Iyan gawec ain todogon inan gawec todoga."
37
Eselinim malogom cus ninijegin meicaden, odimei Pita madon, casi mei-aga don.
38
Meca inon doga don. Temhec na legen nu kis uqa gawena qa maha ganac eu qe gawer don.
39
Haun nui inon don, cecwaig osor eu na himec.
40
Haun ceseli meiadaden amaga cus ca bibiregin je ma doc nu dadan ein.
41
Iyed doc na eseli hu ma- aden, "adinu cus nijeiga?" aden. Dana melah, dana meqec i ebenega na ligien biri nu sain hoya, aden.
42
"Aseib beroqa, Dana iya curumen na mitecnu were hogina," aden.
43
Je mamadi tatayen, ilo ca age Juda surdoib dana edecb, hanadec etetec edi heimeig hoin. Jesus hejoqaig nu hoin.
44
Judas uqa ma-aden, cel dana iya ot dugina eu heimeig ofdudu hebereiga aden.
45
Judas uqa humei Jesus madon, "Iyan iwaltec, "don, odim otdon.
46
Odocob Jesus cumeig heberein.
47
Ododigin dana oso uqa sigin um, ilo ca uqan abi dana, uqan dahig agu qelen.
48
Jesus ma- aden, "Iya heye dana inwe, age adi hoiga heitegina," aden.
49
"Iya cuha jona, dana iwal adidigin, qe heiteran," aden. "gug eu odi, "je jaqoc nija, eu ihoc leya aden," aden.
50
Odocob, unug Jesus cuidumeig nuwein.
51
Jesus oin beberigin, mel haun oso uqa to aden.
52
Odocob uqa hejoqaig biri odocib uqa bubusali birei, lotoc deweg nadec cuiaden.
53
Ilomagica, benben age, hatu ofdoc dana uqan jo na meddecqoin, bibiregin, hatu ofdoc na cabi dana age Jesus heidumeig uqan jona helein.
54
Pita uqa hib hatu ofdoc na cabi dana toaden, odimei, toadi li jana biren.
55
Dana ilo magaca eu age jic memegiein, el urmen oso uqa deweg na fi meig qoqaig biri.
56
Am leih age qauec je madudu ein.
57
Geh bahic age qauec je maduduein eu qe ihoc ler.
58
Age Jesus oc u odi madein, Iya Tibud na jo eu wagalimeg der iyed na haun ehigien echja ein.
59
Qa agena je eu tutuc qe caler.
60
Odocob hatu of doc dana,Jesus sisir don, "Hina je ca fo?" don.
61
Odocob Jesus uqa je qe wadac docob nu hatu ofdoc uqa Jesus haun sisirdu madon; "Ina Tibud melah fo,' Don.
62
Odocob Jesus uqa ma-aden," Eu ija himec," Don. "Dana melah eben meura na asac gagadic odoc ca birina eu, tain na hocob fegen," Don.
63
Hatu ofdoc deweg na jamel baradumei, maden, "Ege je gagadic mudec nuhaun dana oso qe megoqon," en.
64
"Age uqan je dah mi hedoiga," aden. "Eu nu age, adi isdogina?"
65
Odcob age madein, "ege qagadoc nu ein." Odocob hatu ofdoc uqa, Jesus dana ie ebenaga na ciaden, odocob age indudu bireig qoin.
66
Pita uqa hatu ofdoc uqan udun na mahagum, bibiren hatu ofdoc uqan cbi aja oso hon.
67
Uqa Pita ja na tatajen fimei madon, "inaha Jesus na cabi dana oso don."
68
Odocob Pita uqa aja iu madon, "'Ija Jesus nu qe dugina don,'' odimei uqa calen.
69
Alihocob aja leih age dana ca mahagum tajein age madoin, "Inaha uqan malogom oso," doin.
70
"Qeo, ina Galili dec, ina uqan abidana oso,'' doin.
71
Odocob Pita uqa qesasac qon, odimei, "Ija Jesus nu qe duguna,'' en.
72
Sain eu na bahic, Mala qu lecis don,odocob, Pita uqa Jesus na Je nu isdon; Eu odi: "Ina Mala qe qu ijed doc ninijeb, Ina ija nu qe dugunaegen," don. Odocob Pita uqa amulug beceb uqa qajen.