¹ Jesus uqa aben ijo curi dumi, Juda hatu na nuon, Jordan wa cemenug. Dana, aja, melsim cunugtodu lein.Odogob uqa ono haun me je iwal aden celnu, uqan sain memeg ca nuecnu bahuqe mi hedon. ² Parisi dana age humeig Jesus Sisir doin, jaqec je oso odi nia fo, dana uqa, uqana caja curi docnu? sisirec i age uqa tem doin. ³ Jusus dah mim, je war dumi ma-aden, Moses uqana je, caja dana uri doc nu oso maden fo? ⁴ Odi madoin, Moses uqa ege caja uri docnu fi, ege caja uri doc Je Bagac oso jaqimob utocomun nuiga nu doin. ⁵ Odocob, Jesus uqa odi ma-aden, age wawaga kakadic caja curi docnu.Icon nu" Moses, uqa sisimec je jaqec nu ma-aden. ⁶ Saen hahawan na Tibud sam maha ca mudimi, dana caja ca ha maren. ⁷ Je gug e-e nu dana uqa memeg anag ca urarimi ,uqana caja ca are gaban du biriwais nu en. ⁸ Dana dogob caja cel odiganu, caja dogob dana ha cel odiganu,Are firfir qe,are qila devera oscaor g aban doc biriwais nu. ⁹ Tibud uqa were gaban aren.Dana uqa,caja uri doc nu ca qe. ¹⁰ Haun Malogom age Jona limeig,je osor i-e himec sisir doin.Jesus uqa were don. ¹¹ Odimi ma-aden," Oso uqa, uqana caja uridumi,li caja oso fir na dec ufi,uqa silail miganu,uqa na caja amegna. ¹² Odi himec caja uqa ha,upana dana curidumi li dana oso ufi, uqa ha uqa na dana ameg na silail miganu. ¹³ Dana,caja tamanec huhu bireig agena mel simsim ha osoben headecebin hoin,Jesus foqaignu, odocob malogom age gemanage beceb garac madin. ¹⁴ Jesus uqa fimi gagarac maden.curadecebin ija ca hoiga.sam ur io melsim edec age na aden. ¹⁵ Jesus ma-aden ,mere bahic ma-adigina oso uqa sau ur uganu fi,uqa melsim e-e cinue fi uqa ur me birec uganu. ¹⁶ Odi mi,uqa mel simsim cedi emenug gom adimi ebeh uheti ilomoga na mimi non adidi,elha aden. ¹⁷ Jesus uqa haun malogom gaum wasein beberegin,dana oso gudugudu ca timi Jesus jaih na gob qaqa hi sisir don".Iwal adec dana mebahic,ija adi bahic odimig gaid birec catanec cugignu? ¹⁸ Jesus wadacdu madon, ina elnu ija" Iwaladec dana me bahic tegena,"dana maha enadec oso uqa mecaqe.Tibud uqa himec. ¹⁹ Ina Je Jaqec oso dogona.cain dana qecemcar mini,cain silail megen,cain heje megen,osona cehewan gugca cain fegen,uhurec je cain madegen,ain,memenca onora todudu calan maraga. ²⁰ Dana ijo haun Jesus odi madon",Iwaladec", ija je jaqec unugca todu hedom sain ija simnag na. ²¹ Jesus wardu dana fecidumi madon,ina ceteh osor himec nu gohic magan.Ina aseli nuimeg,inan,cehewain surdu menqaig umeg,saven dana iramadaga.inan saciacdoc sao na nia,"humeg totaga" ²² Cehewan dana je ii dah mim waug tuci eceb wasi nuen.uqa binan ca nu uqa waug qe mere-er. ²³ Jesus wardu malogom ma-aden dah meiga, dana uqa cahewan ca, uqa tibud na cur na lec nu curumen ca bahic. ²⁴ Jesus na malogom age dah mimeig firi-at ein. Jesus haun ma-aden, age simnag, dana oso tibud na cur na lecnu curu ien ca bahic. ²⁵ Dor manan "Kamel" uqa lotoc samap nil ameg giroc nag na uqa ihoc liganu. Men quaig dana uqa tibud na cur na leenu curumen ca. ²⁶ Malogom age je i-i dumeig dadan ben bahic ein, odimeig age dodoc sisir docob-docob ein. "In uqa me birec uganu". ²⁷ Jesus meci adimi ma-aden, dana doc leis ca ijo uqa tibud ca qe. Doc osor himec nieceb ji age tibud ca aden. Ceteh cunug dadan ca qe, ina tibud caji. ²⁸ Jesus uqa je madi hedocob, Pita madon, jaga, ege ceteh unug uri hedoqan nu hoqan ina to hoqana. ²⁹ Jesus maden, "mere ma-adigina" oso upana jo, ebinag, cajahiag, anag-meineg, simnag, uqani maha ca curi mi, idam je nu isidu ji, ija totiganu. ³⁰ Uqa ceteh curimi. Tibud na abinu waug mere-eceb nuen, icon nu tibud uqa ameg benbahic dana ijo utiganu maha ena. uqana jo, waliag, ebinag, anag, memeg simnag, maha unug agena. Dana wawaga mere-ceb, tibud na je nu, age gaid birec atanec oqaignu. ³¹ Icon nu matu, milum ibul duganu, milum, matu ibul duganu. ³² Hibna malogom age Jerusalem ono lein, Jesus uqa-catec len Jesus na malogom age firi-cit ein. Dana-caja ha cucui ein. Odo-cob Jesus uqan malogon, arag leis gic leis age jobon leis wadau na lein. Ono Jesus uqa deweg na adi aliganu teban dumi ma-aden. ³³ Age jeiga, saen age Jerusalem loqaignu, dana hage umeign, Dana melah hejoqaig nu,odimeig dana ilomoga ca benben ebenaga na mecib lecebin,deweg nu baroqaig nu,odi meig je qel qetoqaig nu,qecebin car miganu icon.Odimeg dana fir dec oso ca sur docobin teceb age heimeig age qecebin car niganu. ³⁴ Qa-aa, uqa Jesus,Tibud na melah,haun ceseli wasiganu,der Ijed hedogob. ³⁵ Jems,Jon ca are Jebedi melahur, Are Jesus sisir dosin, meca,ina ere adina atac sisir ocuh,ina irigeg nu,icon sisir hona. ³⁶ Odo-cob,Jesus onora wadacdu ma-aren,ija are adi odarigig nu? ³⁷ Odo-cob are madosin,ere ina gaun inan gogoc osor na lecnu. oso inan eben meura na biriga nu oso inan eben anise na biriganu. ³⁸ Jesus odi-aren, are qe dudu sisir esien, ceteh are qe dosina icon. Are ihoc gabin ija, jigig nu io, are jowais nu? Are ihoc jic ija eldoc igig nu io are owais nu? ³⁹ Are madosin, ere ihoc, odo-cob Jesus ma-aren, "ijo mere" are ijani gabin na wa jowais nu, eldoc na ija ugig nu, odi are owais nu. Birec nu gojoc tibud ca Jesus uqa ca, oso eqe meurana, oso ebeh arise na ijo Jesus eqeh na qe birer, odi ma-aren. ⁴⁰ Ebeh meura, ebeh anise ca ijo Jesus ebeh na qe birer. Jesus ijan ceteh qe en, are arec nu. Cel dana, cel aja, uqa saciac don biria ijo uqan. ⁴¹ Saen malogom, arag leis age Jems, Jon ca nu age gemanaga beceb gonagona mein. ⁴² Hibna Jesus uqa, uqan malogom unug odi gom adimi ma-aden " Age doc dana meci adimeig, dana, caja jirjir dec oj adiga. Agena dana benben ha age gaidgaid oj adeginanu. ⁴³ Age duman icon ain odowain, oso uqa age gemo uqa ilo ca califi, uqa agena abi dana aliganu aden. ⁴⁴ Ino oso uqa ajan ca aliganu fi, age gemona uqa abi dana biriganu aden. ⁴⁵ Dana melah uqa, ege esur docna qe ner, uqa dana aqena meqec fen oisqe nu, uqa dodoc uqa um na jai oigiganu. Egena meqe nu, deweg tu doqaignu, odi meib qe cebir car miganu. ⁴⁶ Qila age Jeriko hoin. Sain uqa jeriko uridon ijo, dana, madibahic to adian,dana ameg me qec oso ha tohaden, Timaius melah, agan Batamius,uqa gaid odi jic gesac na biri mi menqaig nu dana sisir adina nu. ⁴⁷ sain icon na uqa Jesus Nasaret dec nu don. odimi,uta don "Jesus, davit melah, ija nu wain qia don. ⁴⁸ Dana,caja ca unug gemanaga beceb garac mudoin, cain uta ininu.uqa haun gehca uta i-i maden, jesus Devit melah, ija nu wain qia don". ⁴⁹ Odo-cob Jesus dah mim tajen,odi mi ma-aden nu dana ameg cafqec u-u hebeiga aden. odocob caja,dana ca madoin, "ina wasimeg mahuc Jesus ca laga,"ina uta hina." ⁵⁰ Mahuc odi uqani Jamel tacec qelen,qeih na nunuin gudugudu ca Jesus ca len. ⁵¹ Odo-cob Jesus Batamius odi sisir don, Ija ina adi bahic odi higig nu don. odo-cob Batamius, Jesus madon," meca" ija haun mesi-igig nu don. ⁵² Odo-cob Jesus, batamius madon inan wai mere-ec himec me mihien,odo-cob ina me magan mahuc odi bahic haun ameg mecien, odi mi Jesus Jic na nunuin Batamius wasi Jesus todon.