1
Jesus ma-aden, ija mele ma-adigina, leih ene taweiga age qe calmec nibnieb Dogon na cul gagadic odoc ca eu camasac migian.
2
Del calag osol gic osol hedocob Jesus Petrus, jems, Johanes ca ehadeceb age dih aluh ohis tein. Ono uqa majawudeceb malogom cijed age fein.
3
Uqani jamel eu iletec, seec bahic, eu soidoc bahic, dana mahana ene oso odi cuseceb soidoc alenawe qe.
4
Odocob Elaija, Moses ca calihocobil Jesus gami je madein.
5
Petrus eu fimei Jesus madon, "Iwalgec, eu mebahic ege ene biluqa , talah jo cijed ene cehadom mi mebahic. Ois oso inani, oso Moses na, oso Elaija na.
6
Ge eu Petrus uqa waug qe fogodol. Malogom age cunug cucujein.
7
Hut ni jahul aden, odocob hut dunuh na ono jejeg oso calihon, "Mel i ija melami, uqa culinu bahic, age uqana je dahmeiga.
8
Mahuc we age qalqul ein ono age dana oso qe felein, Jesus uqa dih ono age gami.
9
Age aluh na dec ceseli ninibileig uqa ceteh fein eu dana oso sadowain nu cahc aden, eu hibna dana melah calmec nadec ceseli cajeceb sa oqaganu.
10
Ceteh fein eu bam ca taqecebil age cadih bilen, qa age calmec na dec ceseli cajec uqana gug nu age dodoc togodoin.
11
Age sisil doin, "cetanu iwaladec age madegina, Elaija cassac aquni hugian egina.
12
Uqa jejenega hevi ma-aden, "Elaija mele aquni hon, uqa ceteh cunug tutuc mudigian nu, " Ge eu cetanu odi jaqoin, dana melah uqa culumen matibahic gahidocob, dana caja age cewudoqagan.
13
Ge ija ma-adigina eu Elaija uqa hon, Odocob age ceta odudecnu saciadoin eu wele odudein, me je uqanu madena odiwe.
14
Age malagom leih bilein na ceseli humeig, dana am ben ono meciadein, eu age iwaladec gami fedadan eegin.
15
Age Jesus fimeig, dana am ben age cunug wawaga ben bahic cel en. Odocob age guguli uqaca timeig ben bahic culaug qelein.
16
Jesus uqana malogom sisiladen, "eu age gami cetanu fedadan egina?"
17
Am euna dec dana oso jejeg hevi madon, "Iwalgec, ija melami inaca ehudi ahuga, kis meqec uqa ca eu odudeceb je madec nu ihoc qe.
18
Uqa gagadic suli hevi geladeceb mahana toni mahulimei aig gitidodon cucufec nunuibili tigogena. Inani malogom ititac docnu ma-adiga eu age odoc we qe.
19
Uqa jejenaga hevi ma-aden, "O wawaga mele ec ca qe dana caja ca, Ija sain ganic age gami bileqan? sain ganic ija age cesuladigen? ija ca hevi ahoiga."
20
Age mel eu uehilitoin, odocob kis meqec Jesus fecidumei uqa mahuwe mel eu hevi qeleceb toni aig gitidu cona cucufec nunuen nijen.
21
Jesus mel memeg sisil don, "Uqa cel sain bahic na sanan muden?" odocob memeg madon, "Sain uqa sim na bahic.
22
Uqa sain matibahic hevi qeleceb jana ca wana ca tonena odimi qemudigia odena. Ina ceteh oso odocnu ihoc fi ege nu walol heceb cesul gaga."
23
Jesus madon, eu inanu cois fi? ceteh cunugca ina wawin mele eceb eu odoc nu ihoc.
24
Mahuwe mel memeg utai maden, ija wawi mele ena, wawi leis ca mec eunu cesul tagale.
25
Jesus dana caja am ben age ca guguli hohogin, uqa kis meqec eu galac mumudi madon, " Ina dalul citqoc kis ca ija mahigina ina uqa dunuh dec alihoga, " Odimeg uqa dunuh haun cain lagaun.
26
Odocob kis meqec hevi eu dana dunuh dec eui dana hevi ihulalal du qeladeceb mahana toni calmec we ninijen alihu nuen. eu qa meca bahic odudeceb toni las don ninijen madein, "uqa cal mea ein."
27
Qa Jesus uqa eben umei suladocob aji tawen.
28
Jesus jona hocob malogom age jahuni sisil doin, "eu adi ege ititacdoc we qe?"
29
Odocob uqa ma-aden, "iedec eu gauc ititac doc we qe, inondoc na dih."
30
Age eu nadec calihu Galili jobon gemogemo nuwein. dana oso age ana bileiga ec cain dowain nu waug nien.
31
Uqa uqana malogom iwaladi ma-aden, " dana melah dana meqec ebenaga na suldocobil ligian. Odocob age qocobil cal migian uqa qocobil cal mimei del cijed hedocob haun ceseli cajigian.
32
Ge age je eunu wawaga qe fogodol nu lecnu cucujein.
33
Odocob age kapernaum hoin, ono uqa jona bibili uqa na malogom sisil aden, "jicna huhubileb age cetanu togododogin hoqa?"
34
Age tiliein, cetanu jicna huhubili age gemo na in uqa ben biligian nu fedadanein.
35
Uqa bilimi malogom cunugca hu cegulecebil ma-aden, "Oso uqa aqunec biligia fi uqa cunug agena hib bahic bilimi cevel ojale.
36
Odimi uqa melsim oso ehudi age gemo na muden, Uqa melsim eu eben na hevi suladu ihac a-adi ma-aden.
37
Oso uqa ija ijani na melsim iwe ehudigia qa uqa ija ha ehitigian. Odocob uqa ija ehitina eu ija dih qe ehitel mei sulten ha ehudina.
38
Odocob jon uqa madon, "Iwalgec, ege dana oso ina ijaina kis meqec ititac a-aden fimeb cahac doqa, cetanu uqa ege qe togel."
39
Ge Jesus maden, cain caha dowain, in oso uqa ija ijanina cabi gagadic ca ihoc ugian eu qa ijanu mahuc je meqec oso qe madeaun.
40
Ina oso egeca cad qe, uqa egena.
41
Ina kristus na euna oso uqa ina wa daaec dih iheceb jifegfi ija mele mahigina, uqana ameg eu qe culdec dain.
42
Oso odocob mel calcal ijanu wawaga mele en eundec oso silail na toneceb fi, eu mebahic uqa men ben oso u halu na qagimi be lawan tacimeig macas gemona helecebil gotoealu mi cois.
43
Eu ina eben odiheceb silailna toni feg, eben oso qeti helega, odocob eben osol ca dih me cul ogan, Eu ina eben leisca fi oloqanih na ja ben qe calmena euna qelihuqagan.
44
Eu na mamat qe calmegina, ja ha qe cafulina.
45
Eu odi dih ina jaim odiheceb silail na tonifeg qeti helega nuwia odocob ina jaim osol ca dih me cul ogan, ge ina jaim leis eu ji odiheceb oloqanih na qelihoqagan.
46
Eu na mamat qe calmegina, ja ha qecafulina.
47
Odocob ina amen odiheceb silail na tonifeg, casili helega, ge ina amen osol ca dih na me cul eu ogan. Ina amen leis fi eu oloqanih na qelihecnu cois qe.
48
Ono mamat qe calmegina ja ha qe cafulina.
49
Ge eu odi, macas sab tatac qelecebil sab jahul dona we odi dana cunug jahul adigian.
50
Macas uqa me, qa uqana tin qemeceb fi, eu adi odecem haun tinca migian? macas tin me eu age gemo na oiga, odocob cotigcotig nu wawaga lalqoc ca bileigale.