1
Del eu nadana caja mati bahic hocobil Je sus gamic bilein odcob Jesus uqana malogom uta adi maden, ege qila sab jec nu oso qe-bilel.
2
Sab caqe del cijed bahic bibiloqon hoan nu wawi gagadic bahic qona.
3
Age sab qe jec wan suladecemen yobon beli feig fi oso ameg wal-docob jic na Toni qojaun.
4
Eta nu age yobon ono ca dec bahic hoigan.Disaipel age Jesus je odi wadic du toin.Ege wadau gemo na ene dec umeb dan caja ca sab adec qan.
5
Odocob Jesus age haun sisil aden, age Bret ijani hewiahoiga, Malogom wadac du toin.
6
Jesus bret edimei Dogon nion dumei, Malogom a-adi bili maaden, cedi dana caja ca siwi adcebil jeiga caden.
7
Sain eu na malogom age cul leih ha hewein. Jesus cul eu ha umei Dogon inon dumei Malogom aadi bili ma aden, edi dana caja ca siwi adecebil, jeiga aden.
8
Age sab eu jimeig wawaga am bahic ben, odocob sab ceselec eu galel 7 pela tacein.
9
Eu qa meceb Jesus 4000 danacaja ca eu sul adeceb belein.
10
Mahuc bahic Jesus uqana malogom gamic wag oso tobimeig Distrik Dalmanutha calein.
11
Hib na Farasi age humeig Jesus tem doin, hina mele bahic Dogon na cabi ogona fi, kobolkobol oso ihacgecem foqa.
12
Odocob Jesus siu gagadic bahic ehib helimei maden, qila dec sihul age, adinu kobolkobol fec nu sisil cegina? Ija mele bahic ma adigina, qila i na Dogon na kobolkobol oso qe fowain.
13
Hib na dana caja ca culadimei, Wag tobi Wa hagen naha cisec len.
14
Jesus na Malogom age Beret oso qe uhewi Wag toboloin, Bret osol himec qa Wag na ono bilen. Jesus uqana.
15
Malogom nun aadibili maaden, age Herod Farasi ca gamic agena jis nu batut feigal e aden.
16
Malogom age wawaga dadan eceb age dodoc odi madein, Bret oso qe hewolom nu fa madena.
17
Jesus uqa je eu mamadagin dah madimei ma aden, age adi nu Bret qe hewelein nu ma degina? Age adi nu agena cisdoc qe fogodol?.
18
Age amaga ca qa qe felein, age dahiniga ca qa qe dah melein, age qe cis doloin fo?
19
Ija 5000 danacaja ca sab adigen bili bret 5 fenecemin age galel ganic tacain? Odocob age je wadac du toin, galel 12 tacom doin.
20
Ija 4000 dana caja ca sab adigen bili, Bret 7 fenecemin galel ganic tacain? Odocob age wadac du toin, galel 7 doin.
21
Adi nu age qe fogo adel? eu odi sisil aden.
22
Age Betsaida ono humeig dana caja ca mati age, dana ameg meqec oso ehudi ahumeig Jesus madoin, dana i ameg me mudi toga doin.
23
Odocob Jesus uqa dana ameg meqec eu, ebeh ocob qisac du ono ca limeis, uqa sahalic ebeh bem joc na mimei ameg na miton. Odimei Jesus uqa dana ameg meqec eu sisil don, ina ceteh oso fagana fo don?.
24
Dana feci adigina qa na cinwe cocobegin feci adigina.
25
Odocob Jesus uqa haun eben ameg na men, sain eu na uqa ameg fogo docob ceteteh cunug ca feci aden.
26
Jesus dana eu sul dumei madon hina ameg camas cain cobogaun, ina inana Jo na bahic nugal e don.
27
Jesus uqana Malogom gamic Sisaria Pilipai nunuwi bileig Jesus Malogom sisil aadi maaden, " dana caja ca age ija nu in egina?"
28
Odocob Malogom age madoin, leih age Wajojadec Johanes egina, leih age Elias egina, leih age je hahun madec dana oso egina doin. Odocob uqa haun Malogom sisil aadi maaden, age ija nu in egina?.
29
Pita uqa Jesus jejeg hewi madon, "ina Dogon melah, dana caja ca ceseli cedec nu sul heceb nem."
30
Jesus uqa nu oso maadowain nu cahac aden.
31
Uqa iwaladen eu, dana melah uqa culumen ben bahic gahidugian, cof adec ca, iloca ca benben iage ca, iwaladec ca, qocobil cai meceb, qocobil cal meceb del ijed na ceseli cajigian.
32
Uqa je eu qasali maden. Hib na Petrus uqa Jesus gesac na ehudi ehilemei galac muden.
33
Jesus uqa wal dumei uqana Malogom feci den, odimei Petrus galac mudimei odi madon, "kis meqec hibilomi isec hoga, ina Dogon na ceteh nu qe isdolom, ina dana isdoc na matagana don."
34
Hib na uqa dan caja ca uqana Malogom ca cunug ca ma aden. "Oso ija totigian fi uqa dodoc nu dahig celeceb uqa na, Na Babalec gahidumei hu toteja."
35
Dana oso uqa uqadodoc nu himec cisdona eu fadaligian. Dana oso uqa uqana cebac eu ijani nu ca ijana me je nu ca felaculdina fiqa uqa cebac bilec ugian.
36
Dana oso uqa maha na dec ceteh nu gagadic cisdufei Dogon na eldoc adec oso figian?
37
Uqa odi odigian qa uqa dodoc fadal igian. Uqa ceta oso Dogon utimei uqana cebac ceseli ugian?.
38
Dana oso uqa ija ijani nu ca ijana je nu ca majagdona fi, saen nana caja age duman meqec o-odibileig hibem tegina, dana melah ha uqa nu majag dugian, saen uqana fulac doc ca Kerup am mati gamic hoqagan.