1
Jesus uqa haun galolo je na ma aden. Odi maden, Dana oso uqa wain cabi muden, Gel jeli talil don age cabi cof doc talah cehi muden odimei dana menqaig cabioc ebenaga na men. Odimei uqa jic oso nuen.
2
Wal men saen na uqa begabeg oso suldocob ofdoc age ca len wain aig leih utecebil ahutugia bili.
3
Odocob age qumeig yabecebil gauc ceselen.
4
Odocob uqa haun oso suldon eu ha ilo qata nimeig majag falein.
5
Odocob uqa haun oso suldon eu ha qaga doin.
6
Qenu uqa dana osol himec eu uqa melah dodoc suldon, uqa melah gun bahic eu suldocob hib bahic age ca len eu age ilag qe oduduain en.
7
Qa dana cabi cofdoc age fimeig madein, iqa melah dodoc hoya, hocobil qaga dumeb cabi i ege memeg mec nu ein.
8
Odimeig age hewimeig qagadu cabi gel gesac hewi qelegin calen.
9
Odinu wain cabi memeg eu uqa cel igian? Uqa humei dana wain cehegina eu meqec madimei, wain cabi eu umei dana leih adigian.
10
Je jaqoc bilia eu oso saniji fein fo? Men jo cehec dana age uqelegin calen eu, qila men biggug jo hewitawec calen.
11
Iqa Dogon uqana, ege amigena eu gamunan ca.
12
Age Jesus fali jeloqagan odoin qa dana caja matibahic nu cucui-imeig fela culdecebil nuwen.
13
Odinu Farisi ca Herod na dana leih ca suladebil uqa ca lein, je oso madi cahul docob fi hewoqagan nu.
14
Age uqa ca limeig madoin, "Iwaladec mele ina dana osol himec qe gawagana, Ina dana caja cunug nu nalug magna, Dogon duman na inana je eu tutuc himec. Eu nu ege Sisa men qaig cois utecnu fo qe?
15
Eu qa Jesus agena doc uhulec wele fimei ma-aden, "Ceta nu temtegina?" Men qaig aig oso uahu tecebil figa aden.
16
Odocob oso utein fimei sisil caden, "indec hahun i taweja aden, odocob madoin, Sisa hahun ein." Odocob Jesus maaden, sisa na eu sisa uteiga, Dogon na eu Dogon uteiga, odocob wawaga cacaden meci doin.
17
O-dodon, sisi mec ilo iage hoin, age ceseli cajec nu fogo cadec caqe sisil du madoin.
18
Iwaladec, Moses odi jaqugen, dana oso uqa mel caqe cal mimei caja uldocob fi, waliag ois ugian odimei mel basowasan cotig cesul doc.
19
Mel calag osahic gic leis age belein matu uqa caja ocob bilesin qa mel oso qe basalasin ododi uqa cal men.
20
Odocob waliag milum uqa caja eu on, uqa ha mel caqe cal men.
21
Odocob cotola tocalec uqa caja eu on, uqa ha odi mel caqe cal men.
22
Odi himec nu su big uqa ha hib na caja uqa ha cal men.
23
Ceseli cajec sain na ceseli cajoqagan eu indec uqa aideg biligian? calag osahic gic leis age cunug cage na caja biligian.
24
Jesus maaden, age i na cahul dogina, ceta nu je jaqoc eu nu qe fogo adel, Dogon na gagadic nu.
25
Saen ceseli cajoqagan eu dana caja ca ocobocob qe nijec dain, cunug ca kerup sau cul na nijijawe.
26
Cal mec ceseli cajec nu je bilia eu odi, "Moses na je jaqoc qe sanijegina fo? Bahu ja cijen eu na Dogon uqa madon, ija Abraham na Dogon,
27
Aisak na Dogon, Moses na Dogon?" Uqa cal mec agena Dogon qe, cebac bilec agena Dogon, "age inu qe fogo adena."
28
Sisi mec je jaqoc dana oso uqa hu dah maden, je mamadagin. Jesus uqa sisil ec eu wadac du cusa dudu en.
29
Odimei sisil don cel sisi mec je eu caqunec bahic cunug nu? odocob Jesus uqa wadac du madon, "aqunec bahic eu ihen dah magao IsraeL ben egena Dogon ina himec osol meca.
30
Ina, inana ben Dogon ina culin na ca ina doloin na ca inana isdoc cunug na ca inana gagadic na ca gawaga."
31
Uqa todoc sisi mec je eu ihen, ina ina dodoc nu nalug magana odi we ina cotin nu ha odi nalug maga. Sisi mec je oso i wol doc qe bilel.
32
Sisi mec jaqoc dana maden, "iwal adec me bahic i na mele bahic madaga, Dogon uqa himec osol, oso uqa qeih qoc caqe."
33
Culinige na ca, fogo doc na ca, gagadic na ca, gwec nu odi oso nu ha nalug mec osol biligian en, qa ben bahic dol ja na ihan egina eu, ha wol doc.
34
Jesus feci don eu je wadac du cusa don, "odimei madon ina ono ca qe tawelem. Dogon na cul nu, eu hibiloh na cucui imeig haun qe sisil doloin."
35
Jesus cuha jo na iwal aadi ma aden, eu qa adi sisi mec je jaqoc dana i age odi
36
madegina. Kristus uqa Devit melah, Devit uqa dodoc kiskun dunuh maden, ben uqa ijana ben madon, ija ebeni meula na cisec biliga.
37
Leceb ina ad dana jamen bisalu na madigen. Devit uqa edi madena, Kristus ben eu qa adi uqa Devit melah?.
38
Jesus iwala-adi ma-aden, " batut feigale aden dana sisimec je jaqogina age nu, eu age cotacot cecelaus tacemeig cegulec na alalag adoqagan nu dewenega megina nu.
39
Salac na ha bilec cabal aqunec na biliga adena, cegulec sab jec Sain na ha aqunec na biliga adena.
40
O-odoig caja wij agena jo wagalegina, inoudoc ha cecelauc bahic megina eu undec eu culumen ben bahic oqagan.
41
Jesus uqa ihanec jo ben eu na bibili bilei dana caja ca ihanec cabi na menqaig memegin fei a-adi bilen, dana cehewanga ben ben ca eu menqaig memegin.
42
Caja Wij oso hon menqaig aig leis himec Jesus uqa fefen ihanec cabi na men, fefeig ha uqana.
43
Malogom uta adeceb hu medeqocebil ma-aden mele bahic ma-adigina cunug ca ben bahic culeiga bibilen nag bahic eu ihanec nu meiga.
44
Caja Wij i cewan nag bahic eu cunug wol adimei meja cel nu cunug euna ha cuculeig naha uteiga, caja Wij le cunug ca heweja eu cunug meja oso qe hewel uqa cesuldoc nu.