¹ ಸಹೋದುರುಲಾ ಧರ್ಮಶಾಸ್ತ್ರನೀ ತಿಲಿಚ್ಕವು೦ಡೋಲ್ಕಿ ನಾನು ಸೋಪ್ಪೆದ್ದಿ ಹೇಮಟ್ಟೆ - ಮನುಷ್ಯುಡು ಜೀವಮ್ನಿಚ್ಚ ವು೦ಡನಾಪ್ದು ಮಾತ್ರ ಧರ್ಮಶಾಸ್ತ್ರಮು ಅಧಿಕಾರನೀ ನಡಿಪಿಸ್ತಾದ್ದಿ ಅನಿ ಮೀಕಿ ಗೊತ್ಲೇದಾ ? ² ದಾಕಿ ಉದಾಹರಣೆ - ಮೋಗ್ಡು ಜೀವಮ್ನಿಚ್ಚ ವು೦ಡ್ಡೆ ತನಕ ವಾಡ್ಕಿ ಬದ್ದಲೈವು೦ಟಾದ್ದಿ ಮೋಗ್ಡು ಸೇಚ್ ಅಮೆಕಿದ್ದ ಮೊಗ್ದ ಹ೦ಗು ದಾಕೀ ತಪ್ತಾದ್ದಿ . ³ ಮೋಗ್ಡು ಜೀವಮ್ನಿಚ್ಚ ವು೦ಡ್ನಾಪ್ದು ಅದಿ ಇಕ್ಕೊಡ್ ಜೊ೦ತ್ಲಾ ಸೇರ್ತೆ ವ್ಯಭಿಚಾರಿಣಿ ಅನ್ನಿಚ್ಕೊಟ್ಟದೀ ಅಯ್ತೆ ಮೋಗ್ಡು ಸೆಚ್ ಅಮೆಕಿದ್ದ ಇಕ್ಕೊಕ್ ಮೊಗೋಡ್ನಿ ಸೇಸ್ಕೋಟ್ನೂ ವ್ಯಭಿಚಾರಿಣಿ ಕಾದು . ⁴ ಮೀಳು ಕ್ರಿಸ್ತುಡ್ ದೇಹ ಮೂಲಕಮೈ ಧರ್ಮಶಾಸ್ತ್ರ ಪಾಲ್ಕಿ ಸೇಚ್ಪೋತ್ಲಿ . ದೇವುಡ್ಕಿ ಫಲಮ್ ಅಯ್ಯೇಕ್ಕಿ ಸೇಚ್ಚಿ ಜೀವ೦ತಮೈ ಲೆಸ್ನಾಟ್ಟ ಯೇಸುನಿ ಸೇರಿಚ್ಕೊನ್ನಾಳು . ⁵ ಮಾಮು ಶರೀರ ಸ್ವಬಾವಮ್ನಿ ಅನುಸರಿಸ್ತಾ ವು೦ಡ್ನಾಪ್ದು ದುರಾಶೆಲೂ ಮಾ ಅ೦ಗಲ್ಲಾ ಪ್ರಯತ್ನಮುನಿ ಸೇಸ್ತಾ ಮರಣಕ್ಕಿ ಫಲನೀ ಪುಟ್ಟಿಸ್ತಾವು೦ಡ್ಡೆ . ⁶ ಇಪ್ಪಡ್ ಅಯ್ನೋ ಮಾಮು ಧರ್ಮಶಾಸ್ತ್ರ ಪಾಲ್ಕಿ ಸೇಚ್ಚಿಪೋಯ್ಯಿದಾಕ್ಕಿ ದಾನಿಚ್ಚ ವಿಮುಕ್ತುಲೂ ಆಯ್ನಾಮು . ಶಾಸ್ತ್ರದ ಅತರ್ ಅರ್ಥಕ್ಕಿ ಅನುಕೂಲಮೈನಾ ರೀತಿಲಾ ದೇವುಡ್ನಿ ಸೇವಿಚ್ಚೋಳ್ ಕಾದು . ಪವಿತ್ರಾತ್ಮ ಪ್ರೇರಿತಾ ಮೈನಾ ಕೊತ್ ರೀತಿಲಾ ಸೇವಿಚ್ಚೋಳ್ ಆಯ್ನಾಮು . ⁷ ಅಟೈತೆ ಹೇಮಿ ಸೋಪ್ದಾಮು ? ಧರ್ಮಶಾಸ್ತ್ರಮು ಪಾಪ ಸ್ವರೂಪಮಾ ? ಯದ್ಗೂ ಲೇದು . ಧರ್ಮಶಾಸ್ತ್ರಮಿಚ್ಚ ಹೊರತು ಪಾಪಮ್ ಹೇಮಿ ಅನಿ ನಾಕಿ ಗೊತ್ತಾಯ್ತವು೦ಡ್ಲೆ ಆಶಿಸ್ಕೂಡ್ ದಾನಿ ಧರ್ಮಶಾಸ್ತ್ರ ಸೋಪ್ಲೆದೂ ಅಟ್ಟೆ ದುರಾಶೆ ಹೇಮ್ ಅನಿ ಗೊತ್ತಾಯೈತೆ ವು೦ಡ್ಲಿ . ⁸ ಅಯ್ತೆ ಈ ಪಾಪಮ್ ಆಜ್ಞೆಯಿಚ್ಚ ಅನೂಕುಲಮು ಪೊ೦ದಿ ದುರಾಶೆಲ್ನಿ ನಾಲ ಪುಟ್ಟಿಚ್ಚೆ . ಧರ್ಮಶಾಸ್ತ್ರಮು ಲೇನಾಪ್ಡು ಪಾಪಮು ಅಚೇತನಮು ಅಯ್ಯಿದ್ದಿ . ⁹ ಮೊದ್ಲೂ ನಾನು ಧರ್ಮಶಾಸ್ತ್ರಮು ಲೇನೋಡ್ ಅಯ್ಯಿ ಜೀವಮ್ನಿಚ್ಚ ವು೦ ಟ್ಟಿ ಆಜ್ಞೆ ವಚ್ನಾಪ್ದು ಪಾಪಕ್ಕಿ ಜೀವಮೂವಚ್ಚೆ , ನಾನು ಸೇಸ್ತಿ . ¹⁰ ಜೀವಿಚ್ಚೆಕ್ಕಿ ಇಚ್ಚುಡ್ದ ಆಜ್ಞೆನೇ ಮರಣಕ್ಕಿ ಕಾರಣಮ್ ಅಯ್ಯಿದ್ದಿ ಅನಿ ನಾಕಿ ಕ೦ಡಿವಚ್ಚೆ . ¹¹ ಯಟ್ಟ ಅಟ್ಟೆ ಪಾಪಮು ಆಜ್ಞೆಯಿಚ್ಚ ಅನುಕೂಲಮ್ ವೊ೦ದಿ ನನ್ನೀ ವ೦ಚ್ಚಿಚಿ ಆ ಆಜ್ಞೆ ಮೂಲಕಮೆ ನನ್ನೀ ಕೊ೦ದೆ . ¹² ಇತ್ತುಡ್ದ ದಾಕಿ ಧರ್ಮಶಾಸ್ತ್ರ ಮೂ ಪರಿಶುದ್ದಮೈನಾದಿ . ಮಲ್ಲಿ ಆಜ್ಞೆ , ಪರಿಶುದ್ದಮು , ನ್ಯಾಯಮು , ಅಯ್ಯುಡ್ದದ್ದಿ ಸರಿ . ¹³ ಅಟೈತೆ ಹಿತಮೈದ್ದಿ ನಾಕಿ ಮರಣಕ್ಕಿ ಕಾರಣಮು ಅಯ್ನೋ ? ಅಟ್ಟ ಯಾದ್ಗು ಸೋಪ್ಗೂದ್ದೂ . ಪಾಪಮೇ ಮರಣಕ್ಕಿ ಕಾರಣಮೈಯಿದ್ದಿ , ಮಲ್ಲಿ ಆಜ್ಞೆ ಮೂಲಕ೦ಗ ಪಾಪಮು ಕೇವಲ ಪಾಪಸ್ವರೂಪಮು ಅನಿ ಕಮಡಿಚ್ಚೆ . ¹⁴ ಧರ್ಮಶಾಸ್ತ್ರ ಮೂ ಪಾರಮಾರ್ಥಿಕಮೈಯ್ಯಿದ್ದಿ ಅನಿ ಮಾಕಿ ಗೊತ್ತು . ಅಯ್ತೆ ನಾನು ದೇಹ ಧರ್ಮಕ್ಕಿ ಒಳಗೈನೋಡೂ ಪಾಪಮು ಸ್ವಾಧಿನಮ್ಲಾ ವು೦ಡೆಕ್ಕಿ ಮಾರ್ನೋಡೂ ಅಯ್ನಾನೂ . ¹⁵ ಯವ್ದಾನೀ ಸೆಯ್ಯಲನೀ ನಾನು ಇಷ್ಟಪಡ್ತಾನೋ ದಾನಿ ಸೇಯ್ದಾನೇ ನಾಕಿ ಅಸಹ್ಯಮೈನ್ದಾನಿ ಸೇಸ್ತಾನೂ . ¹⁶ ಅಯ್ತೆ ನಾನು ಸೇಸಕ್ಕಿ ನಾ ಮನಸ್ಸು ಒಪ್ಲೇದ್ ಅಟ್ಟೆ ಧರ್ಮಶಾಸ್ತ್ರಮೂನಿ ಒಪ್ಪಿನ್ನೋಟ್ಗ ಅಯಾ . ¹⁷ ಇಟ್ಟು ಡ ದಾಕಿ ಇಕ್ಕ ಆ ಅಸಹ್ಯಮೈನ್ದಾನಿ ಸೇಸದ್ದಿ ನನ್ಕಾದೂ , ನಾಲಾ ನೆಲೆ ಅಯ್ಯುಡ್ಡ ಪಾಪಮೇ , ದಾನಿ ಸಸ್ತಾದೀ . ¹⁸ ನಾಲಾ ಅಟ್ಟೆ ಶರೀರಾಧೀನಾ ಸ್ವಭಾವಮೂಲಾ ಮೊಚ್ಚಿದ್ದಿ ವಾಸಮ್ ಲೇದನೀ ನಾಕಿ ಗೊತ್ತು . ಮೊಚ್ಚಿದಾನಿ ಸೇಸಕಿ ನಾಕಿ ಮನಸ್ಸು೦ಡಾದ್ದಿ , ಅಯ್ತೆ ದಾನಿ ಸೇಸಕಿ ನಯಿಚ್ಚ ಅಯ್ತಲೇದೂ . ¹⁹ -ನಾನು ಮೆಚ್ಚೆ ಮೊಚ್ಚಿ ಕಾರ್ಯನೀ ಸೇಸ್ದಾನೆ ಮೆಚ್ದಾನೇ ವು೦ಡಟ್ಟ ಸೇಡ್ಡ ಕಾರ್ಯನೀ ಸೇಸೋಡ್ ಅಯ್ನಾನೂ . ²⁰ ಸೇಯೋದ್ದು ಅನೆ ಕಾರ್ಯಮುನೀ ಸೇಸ್ತೆ ಸೇಸಿದ್ದಿ ನಾನ್ ಕಾದೂ ನಾಲಾ ನೆಲೆ ಅಯ್ಯುಡ್ದ ಪಾಪಮೇ . ²¹ ಮೊಚ್ಚಿದಾನೀ ಸೇಯ್ಯಲನೀ ಅನ್ಕವು೦ಡ್ಡ ನಾಕಿ ಸೇಡ್ಡಿದೆ ಸಿದ್ದಮೈಯ್ಯಿದ್ದಿ ಅನಿ ನಾ ಕಮಡಿಸದ್ದಿ . ²² ಹೃದಯಲಾಗ ದೇವುಡ್ ನಿಯಮ್ಲಾ ಅನ೦ದಪಡ್ತಾನೂ . ಅಯ್ತೆ ನಾ ಅ೦ಗಲ್ಲಾ ಬೇರೇ ನಿಯಮ ಉ೦ಡದ್ದಿ ಅನಿ ಸುಸ್ತಾನೂ . ²³ ಅದೀ ನಾ ಮನಸ್ಸಲಾ ವು೦ಡ ನಿಯಮಕ್ಕಿ ವಿರುದ್ದಮೈ ಕಾದಾಡಿ ನನ್ನೀ ನಾ ಅ೦ಗಲ್ಲಾ ವು೦ಡ ಪಾಪಕ್ಕಿ ವಶಮು ಸೇಸೆದ್ದಿ ಅಯ್ಯಿದ್ದಿ . ²⁴ ಅಯ್ಯೋ ನಾನು ಯಟ್ಟ ದುರವಸ್ಥೆಲಾ ಪೋಡುಡ್ಡ ಮನುಷ್ಯುಡು . ಇಟ್ಟ ಮರಣಕ್ಕಿ ಒಳಗೈನಾ ಈ ದೇಹಮ್ನಿಚ್ಚಿ ಇಡಿ ಬಿಚ್ಚೋಳೂ ಯೋಳೂ ? ²⁵ ಇದಿಬಿಚ್ಚೋ ಡೂ ವು೦ಡ್ಡಡ ಅನಿ ಮಾ ಯೇಸು ಕ್ರಿಸ್ತುಡ ಮೂಲಕ೦ಗ ದೇವುಡ್ಕಿ ಸ್ತೋತ್ರಮು . ಇಟ್ಟು ಡ ದಾಕಿ ನಾ ಇಷ್ಟಕ್ಕಿ ನಾನೇ ಮನಸ್ನಿಚ್ಚ ದೇವುಡ್ ನಿಯಮಕ್ಕಿ ಆಳೈಶರೀರಭಾವಮ್ನಿಚ್ಚ ಪಾಪಮ್ ಅನೆ ನಿಯಮಕ್ಕಿ ಆಳಾಯ್ಯಿ ನಡೆಸಿಕೊನೆಡೂ ಅಯ್ನಾನೂ .