¹ ಮೀಳು ಕಾರ್ತುಡ್ಲಾ ವು೦ಡ್ದ ತನಕ ಮೀ ತಡ್ರಿ ತಲ್ಲಿ ಮಾಟ್ಕಿ ವಿಧೇಯಲ್ಕಾವಲೀ ; ಇದಿ ನ್ಯಾಯಮೈನಾದೀ . ² ನೀ ತಡ್ರಿ ತಲ್ಲಿನಿ ಸನ್ಮಾ ನಿಚ್ಚಲಿ. ಇದೀ ವಾಗ್ದಾನಮ್ ಸಹಿತಮೈ ಆಜ್ಞೆ ಅಯಿದ್ದಿ. ³ ಸಂನ್ಮಾನಿಸ್ತೆ ನೀಕಿ ಮೇಲೈತಾದೀ , ನೂವ ಭೂಮಿಮಿದ್ದ ಬಹು ಕಲಾಮು ಬದ್ಕ್ತಾಲು . ⁴ ತಡ್ರಿಲೂ ಮೀ ಬಿಡ್ದುಲ್ಕಿ ಕೋಪನೀ ಎಬ್ಬೀಚ್ಚೆದೇ ದೇವುಡ್ ಶಿಕ್ಷೆಲೂನು ಉಪದೇಶಮ್ಲನೂ ವಾಳ್ನಿ ಪೇರ್ಗ್ಬಿಚ್ಚಲಾ . ⁵ ಸೇವಕೂಲ ಶರೀರಕ್ಕೂ ಅನುಸಾರಮೈ ಮೀ ಯಜಮಾನ್ಲು ಅಯ್ಯಿಯುಡ್ದೋಳ್ಕಿ ಕ್ರಿಸ್ತುಡ್ಕಿ ಅನಿ ಹೃದಯ ಪೂರ್ವಕಮೈ ವಿಧೇಯಲ್ ಅವಡ್ಡಿ . ⁶ ಮನುಷ್ಯುಲ್ನಿ ಮೇಚ್ಚಿಚೋಳು ಸೇಸೆ ಪ್ರಕಾರಮೂ ಕಣ್ಲಿಕ್ಕಿ ಕಾಮಡಿಚ್ನಾಟ್ಕ ಮಾತ್ರ ಸೇವೆ ಸೇವೆ ಸೆಸ್ದನೇ ದಾಸಲಿಕ್ಕಿ ತಕ್ಕಮೈ ದೇವುಡು ಚಿತ್ತ ಪೂರ್ವಕ೦ಗ ನಡಿಯಡ್ಡಿ . ⁷ ಕೊಸ್ಕರಮು ಕಾದು ದೇವುಡು ಕೊಸ್ಕರಮು ಸೇಸ್ತಾಮನೀ ಮೊಚ್ಚಿ ಮನಸ್ಸಿನಿಚ್ಚ ಸೇವೆ ಸೇಯಾಡ್ಡಿ . ⁸ ಒ೦ಕ್ಕ ದಾಸುಡೂಕಾನೀ ವಾಡು ಯವಾ ಸತ್ಕಾರ್ಯಮುನೀ ಸೇಸ್ತಾಡೋ ದಾನಾ ಪ್ರತಿಫಲಮುನೀ ದೇವುಡುನಿಚ್ಚ ಹೊ೦ದ್ಕಾಟಾನು ಅನಿ ತಿಲಿಚ್ಕೊನೇ ವು೦ಡಾಳು . ⁹ ಯಜಮಾನಲೇ ಮೀಳು ಅದೇ ರೀತಿಯೈ ಸೇಯಾಡ್ಡಿ . ಪರಲೋಕಮ್ಲಾ ಮೀ ಯಜಮಾನುಡ್ಲಾ ಪಕ್ಷಪಾತಮು ಲೇದನಿ ವಾಳ್ನಿ ಬೆದೆರಿಚ್ಚೆದಾನೀ ಇಸ್ಪೇಟಡ್ಡಿ. ¹⁰ ಕೊನೇದಯ್ಯಿ ನಾ ಸಹೋದುರುಲ್ಲಾ ಕರ್ತುಡ್ಲಾ ವಾಡ್ ಅತ್ಯಧಿಕಮೂ ಶಕ್ತಿಲಾ ಬಲಗೋಲ್ಲಡ್ಡಿ . ¹¹ ಮೀಳು ಸೈತಾನುಡಾ ತ೦ತ್ರೊಪಾಯಮ್ಲಾನೀ ಎದುರಿಚ್ಚಿ ನಿಲ್ಲೇದಾಕಿ ದೇವುಡ ಸಾರ್ವಆಯುಧಾಲ್ನೀ ಧರಿಚಿಕೊಡ್ಡಿ . ¹² ಮಾಮು ಹೊರಾಡೆದ್ದಿ ಮನುಷ್ಯುಲ್ ಜೊ೦ತ್ಲಾ ಕಾದು ; ರಾಜತ್ವಮಿದ್ದನೂ , ಅಧಿಕಾರಿಲ್ ಮಿದ್ದನೂ, ಈ ಲೋಕ ಅ೦ಧಕಾರದ ಅಧಿಪತಿಲ್ ಮಿದ್ದನೂ , ಆಕಾಶಮಡ್ಡಲುಮ್ಲಾವು೦ಡ ದುರಾತ್ಮಲ್ ಮಿದ್ದನೂ ಹೊರಡ್ತಾಮೂ . ¹³ ದಾಕ್ಕಯ್ಯಿ ಸೇಡ್ಡ ದಿನುಮ್ಲಾ ಮೀಳು ದಾನೀ ಎದುರಿಚ್ಚಿ ಸೇಸೆದೆಲ್ಲಾಮುನಿ ಸೇಸಿ ನಿಲ್ಚಕ್ನಾ ಶಕ್ತುಲ್ ಅಯ್ಯೇಕ್ಕಿ ದೇವುಡ ಸರ್ವಾಯುಧಲ್ನಿ ಮಿಕಯ್ಯಿ ಸಿಸ್ಕಾಡ್ಡಿ . ¹⁴ ಸತ್ಯಮು ಅನೇ ನಡುಕಟ್ಟುನೀ ಕಟ್ಟಿಕೊನಿ , ನೀತಿಯಾನೇ ಎದೆಕವಚಮ್ನೀ ಧರಿಚ್ಕೊಡ್ಡಿ . ¹⁵ ಸಮಾಧಾನಮು ಅನಾ ವಿಷಯ ಸುವಾರ್ತೆನೀ ತಿಲಿಬಿಚ್ಚದಾಟ್ಲಾ ನೂ , ಸಿದ್ದ ಮನಸ್ಸೆ೦ಬ ಕೆರಾನೀ ಮೆಟ್ಟಿಕೊನ್ನಿ ನೀಲಡ್ಡಿ . ¹⁶ ಎಲ್ಲಾಮುಕಿತ್ತ ಹೆಚ್ಚಾಯ್ಯಿ ನಬಿ೦ಕೆ ಅನೇ ಗುರಾಣಿನೀ ಪುಟ್ಕಡ್ಡಿ . ದಾನಿಚ್ಚ ಮೀಳು ಕೆದುಕುಡ ಅಗ್ನಿಬಾಣಲ್ನಿ ಆರಿಚ್ಚೆದಾಕ್ಕಿ ಶಕ್ತುಲೂ ಐತ್ತಾರೂ . ¹⁷ ಇದೀಕಾಕುಡ್ದ ರಕ್ಷಣೆ ಅನೇ ಶಿರಾಸ್ತ್ರಾಣಮುನೀ ಪೇಟ್ಕೊನೀ ದೇವುಡು ಆತ್ಮ ಇಚ್ಚ ದೇವುಡಾ ವಾಕ್ಯ ಅನೇ ಕತ್ತಿನೀ ಪುಟ್ಕಡ್ಡಿ . ¹⁸ ಮೀಳು ಆತ್ಮ ಪ್ರೇರಿತುಲು ಅಯ್ಯಿ ಎಲ್ಲಾ ಸಮಯಮ್ಲಾ ಸಕಲ ವಿಧಮೂ ಅಯ್ನಾ ವಿಜ್ಞಾಪಲ್ನಿಚ್ಚ ಪ್ರಾಥಿ೯ಚ್ಚಡ್ಡಿ . ದಿಟ್ಲಾ ಪೂರ್ಣಸ್ಥಿರಚಿತ್ತಲೂ ಅಯ್ಯಿ ಅದ್ರೂ ಪರಿಶುದ್ದ ವಿಷಯಮೂಲ ವಿಜ್ಞಾಪನೆ ಸೇಸ್ತಾ ಎಚ್ಚರಮೈಯ್ಯಿ ವು೦ಡಡ್ಡಿ. ¹⁹ ನಾನು ನೋರ್ನೀ ಸಿಸೇಪೆಡ್ಡು ಗುಪ್ತಮಯ್ಯಿನಾ ಸುವಾರ್ತೆಯ ಮರ್ಮನ್ನೀ ಧೈರ್ಯಮಯ್ಯಿ ತ್ಲಿಬಿಚ್ಚೆದಾಕ್ಕಿ ಕವಾಚುಡ್ದ ಮಾಟ್ನಿ ನಾಕಿ ಅನುಗ್ರಹಿಚ್ಚೆದಾಕ್ಕಿ ಪ್ರಾಥಿ೯ಚ್ಚಡ್ಡಿ . ²⁰ ಈ ಸುವಾರ್ತೆಯ ಮರ್ಮನಿಚ್ಚ ರಾಯಭಾರಿಡೂ ಅಯ್ನಾ ನಾನು ಬೇಡಿಲ್ಲಾ ಪೋಡುಡ್ಡ ; ಮಟ್ಲಾಡ ರೀತಿಲ್ಲಾ ನಾನು ಧೈರ್ಯಮಯ್ಯಿ ಮಾಟ್ಲಾಡೆ ಹ೦ಗೂಲು ವು೦ಡಾನು . ²¹ ಅಯ್ತೆ ನಾ ವಿಷಯಲು ಮೀಕೂ ಸಹ ಗೊತ್ತಾಯನಟ್ಗನೂ ನಾನು ಹೆಟ್ಟುಟ್ನೋ ಪ್ರಿಯ ಸಹೋದುರುಲಾ ಕರ್ತುಡ್ಲಾ ನ೦ಬಿಗಸ್ತುಡು ಸೇವುಕುಡೂ ಅಯ್ನಾ ತುಖಿಕುಡು ಮಿಕ್ಕಿ ಎಲ್ಲಾನೀ ತಿಳಿಬಿಸ್ತಾಡು . ²² ಮೀಳು ಮಾ ಸಮಾಚಾರನಿ ತಿಲಿಚಿಕೊನ್ನಾಟ್ಗಾ ವಾಡೂ ಮೀ ಹೃದಯನೀ ಸ೦ತೈಚೆಕ್ಕೂ ವಾಡ್ನೀ ಮೀ ಹತ್ರಕ್ಕಿ ಅಪ್ಪಿಚ್ನಾನೂ . ²³ ತ೦ಡ್ರಿಅಯ್ನಾ ದೇವುಡುನಿಚ್ಚನೂ, ಯೇಸು ಕ್ರಿಸ್ತನಿಚ್ಚನೂ ಶಾ೦ತಿಯೂ ನಬಿ೦ಕೇಯಿಚ್ಚ ಕೂಡಿನ ಪ್ರೀತಿಯು ಸಹೋದರ್ಲಿಕ್ಕಿ ವುಡ್ನಿ . ²⁴ ಕರ್ತುಡು ಅಯ್ನಾ ಯೇಸು ಕ್ರಿಸ್ತೂಡ್ನೀ ಯಥಾ೯ಮಿಚ್ಚ ಪ್ರೀತಿಸೇಸ್ನೋಲಾ ಪೈನಾ ಕೃಪಮೂ ವುಡ್ನೀ .