¹ .ಪೌಲುಡು ಮಾಹೇದುರುಗ ಉನ್ನಪುಡು ಮೆಚ್ಚೆರಿತಿಲು ಸುಭಿಸ್ತಡೂ ಮಾರಮುಲ ಉನ್ನಪುಡು ಮಮ್ಮಲ್ನಿ ತಿಳಿಚಿ ಸೆಡ್ದೇ ರಿತಿಲಾ ನಡಸಗಟ್ಟಡು ಅನಿ ಸೋಪ್ತಳು ಮಿದಾಟ್ಲಾ ಉಂಡಳು ಕದ ಆ ಪೌಲುಡು ನಾನು ಕ್ರಿಸ್ತುಡಾ ಶಾಂತಮನಸ್ಸುನಿ ಸಾತಿಕತ್ವನಿ ನೆನಪಿಗಿ ಸಿಸಕೋನಿ ಮೀಕಿ ಖಂಡಿತ ಮೈಸೋಪ್ಪೆದೀ ಎಮಂಟ್ಟೆ . ² ಮಮ್ಮಲ್ನಿ ಲೋಕಾ ಅನುಸಾರಂಮೈನಾವಾಳು ಅನಿ ಸೋಪ್ತಳು ವಾಳಗಿ ದಿಟ್ಟ ಮೈನಾ ಧೈರ್ಯಮುನಿ ಸುಪಲ ಹನಿ ಯೋಚನಂ ಸೇಸ್ತ ಉಂಡನು ನಾನು ಮೀ ಹತ್ತಿರಗಿ ವಚ್ಚಿನಪ್ಪುಡು ಅಟ್ಟ ದಿಟ್ಟತನಮುನಿ ಸೂಪ್ಪಿಚೆದಾನಗಿ ಅವಕಾಶಂ ಕಾಗುಡದು ಅನಿ ಮಿಮ್ಮಲ್ನಿ ಅಡಿಕಟ್ಟನು. ³ .ಮನಮು ಈ ಲೋಕಮು ಆಯಿ ನಾನು ಲೋಕಾನುಸಾರಂ ಆಯಿ ಯುದ್ದಮು ಸೇಸೆವಾಳು ಕಾದು . ⁴ .ಮನಮು ಉಪಯೋಗಿಚ್ಹೆದೀ ಆಯುಧಲು ಲೋಕ ಅನುಸಾರಂ ಅಯಿನಾ ಆಯುಧಲು ಕಾದು ಅವಿ ದೇವುಡು ಎನಿಕೆಲ ಬದಲಾಯಿ ಕೋಟೆಲ್ನಿ ಪೋಡೇ ಸೆಟ್ಟವಿ ಆಯಿನಾವಿ. ⁵ .ಮನಮು ಹಿತಕಾರಲುನಿ ದೇವುಡ ಜ್ಞಾಲ್ನಿ ವಿರೋಧಿ ಇಚ್ಹೆದಾನಗಿ ಎರಪಿಚ್ಚಿನ ಉನ್ನತಮೈನಾ ಅನ್ನಿ ಕೊತ್ತಲ್ನಿ ಪೋಡೆಸಿ ಅನ್ನಿ ಯೋಚಲ್ನಿ ಕ್ರಿಸ್ತುಡುಗಿ ಮೆಚ್ಚಿಗೆ ಅಯಿನಟ್ಗಾ ಸೇರೆಪೋಟ್ಟಿ ಮೀ ಮ್ಮಲ್ನಿ . ⁶ .ವಿಧೆಯತ್ವನಿ ಪರಿಪುರ್ಣಮೈನಾ ಮಿಂದ ಅನ್ನಿ ಅವಿಧೆಯತ್ವನಿ ಶಿಕ್ಷೆ ಸೇಸೆದಾನಗಿ ಸಿದ್ದಮು ಅಯಿನಾಮು ಅನಿ. ⁷ .ಮೀರು ಮುಖ್ಯಗ ಮುಂದ್ರ ಉಂಡೆದಾನ್ನಿ ಸೋಸಿ ಯೋಡೈಯ್ನ ವಾಡ್ನಿ ಕ್ರಿಸ್ತನವಾಡು ಅನಿ ನಂಬಿಗ ಟ್ಟೆ ವಾಡನಿ ತಿರಗಿ ಆಲೋಚನಮುಂ ಸೇಸಗಾನಿ ವಾಡು ಎಟ್ಟ ಕ್ರಿಸ್ತನ ವಾಡು ಅನಿ ಎಟ್ಟ ಮಾಮು ಕ್ರಿಸ್ತನ ವಾಡು ಅನಿ ತಿಳಚ್ಚಗನ್ನಿ. ⁸ .ಮಾಕಿ ಉಂಡೆದಟ್ಲಾ ಅಧಿಕಾರಮುನಿ ತಿಲಿಚ್ಚಿ ಮಾಮು ಒಗಡು ವೇಳ ಎಚ್ಹ ಆಯಿ ಹೊಗಳಿ ಗೋಟ್ಟೆ ಅಟ್ಟೆಯೇ ಹೊಗಳಿಗೋಟ್ಟಿ ದಾಂಟ್ಲ ನೆಚಿಗೆ ಪಡೆದಾನಗಿ ಕಾರಣಮು ಅಯೇಲೆ ಆತೆ ಕರ್ತುಡೂ ಈ ಅಧಿಕಾರಂ ಮುನಿ ಮೀಕಿ ಇಚ್ಚಿನಾಡು . ⁹ .ಪತ್ರಿಕೆಲ ಮಿಮ್ಲನಿ ದಡಬಿಚ್ಹೇನ ವಾಡು ಕಮಡಿಚ್ಚಿ ಗಟ್ಟಿ ನಾಕಿ ಮನಸ್ಸುಲೇದು. ¹⁰ .ವಾಡ್ನಿಕ ವಚ್ಚಿನ ಪತ್ರಲು ಗೌರಮೈನಾವಿ ಬಲವುಳ್ಳ ಮೈನಾವಿ ವಾಡು ಶಾಶ್ವತಮು ಆಯಿ ವಸ್ತೆ ವಾಡು ನಿರ್ಬಲಮೈನಾಡು ,ವಾಡು ಮಾಟ್ಲೂ ಗಣನಿಗಿ ವಚ್ಚಳೆದು ಅಂಟ್ಟಳು. ¹¹ .ಅಟ್ಟವಾಳು ಮಾಮು ಮಾರಮುಲ ಉನ್ನಪುಡು ಪತ್ರಿಕೆಲ ಮೂಲಕಮು ಆಯಿ ಮಾಟ್ಲಾ ಎಟ್ಟ ವಾಳು ಆಯಿನಾಮು ಹತ್ತರಮುಲ ಉನ್ನಪುಡು ಕಾರ್ಯಮುಲ ಅಟ್ಟವಾಳು ಅಯಿನಾಮು ಅನಿ ತಿಳಚ್ಚಗರಿ. ¹² .ಮನಮಲ್ನಿ ಮನಮೆ ಹೋಗಲಿ ಗೊನ್ನೆದ್ನಾ ಕೊಂಚಮು ಜನ ಮುಲ ಮಾಕಿ ಸೆರಬಿಚ್ಚೆ ದಾನಗಿ ವಾಲಿಗಿ ಹೊಲಿಚ್ಹೆದಾನಾಕಿ ಮಾಕಿ ಧೈರ್ಯಮು ಸಾಲೇಲೆ ವಾಳು ಅಯಿನು ವಾಳವಾಳ ಲೋಗ ವಾಲ್ನಿ ಅಳತೆ ಸೇಸಗನಿ ವಾಳವಾಳಾಗಿ ಹೊಲಬಿಚ್ಹೆಗಿನಿ ಬುದ್ದಿಲೆನವಾಳು ಐನಾಳು . ¹³ .ಮನಮು ಆಯಿನ ಬುದ್ದಿತಪ್ಪಿ ಹೋಗಳಗುನ್ನ ದೇವುಡು ಮಾಕಿ ನೆಮಿಚ್ಚಿನ ಬುದ್ದಿಲೋಗ ಉಂಡಿ ಹೋಗಲಿಗೊಂದಮು ಈ ಬುದ್ದಿಲೋಗ ಮೀ ಪ್ರಯತ್ನಮುನಿ ವಚ್ಚಿನಾಮು . ¹⁴ .ಮಾಮು ಕ್ರಿಸ್ತುಡಾ ಸುವಾರ್ತೆನೆ ಸಾರುತ್ತಾ ಬೇರೆ ಒಗಳಗಿಂತ ಮೊದಲು ಆಯಿ ಮೀ ಹತ್ತರಗಿ ವಚ್ಚಿವಾಡೇ ದಾನಿಂಕ ಮೀ ಮಿಂದ ಅಧಿಕಾರಮು ಲೆಗುನ್ನ ಅಟ್ಟಗ ಸೋಪ್ನಲುಕದ. ¹⁵ .ಮಾಮು ಬುದ್ದಿತಪ್ಪಿ ಬೇರೆ ಹೊಗಳ ಪ್ರಯಾಸನಿಗಿ ಪ್ರತಿಫಲನ್ನಿ ಎತ್ತಗೋನಿ ವಚ್ಚಿ ಇವಿ ಮಾವಿ ಅನಿ ಸೋಪ್ತಲುಕದ ಆತೆ ಮೀ ನಂಬಿಕೆನಿ ಎಚ್ಚಿನ ಮಿಂದ ಅಪ್ಪುಡು ಆಯಿನ ಮೀ ಮೂಲಕ೦ ಮು ಮಾ ಬುದ್ದಿ ಲೋಗ ಇಂಕಾ ಅಭಿವೃದ್ದಿ ಹೊಂದಿ. ¹⁶ .ಮೀಕಿ ಅಟ್ಲ ಉಂಡೆದಾಂಟ್ಲ ಸಿಮೆಲ್ನಿ ಸುವಾರ್ತೆನಿ ಸಾರಲ ಅನಿ ನಿರೀಕ್ಷೆ ಮಾಕಿ ಉಂಡದಿ ಪ್ರತಿ ಒಗಡೂ ಬುದ್ದಿನಿ ಸಿದ್ದಮು ಆಯಿ ಮಾಕಿ ಸಿಕ್ಕಿನ್ನ ಫಲಮುನಿ ತಿಲಚ್ಚಿ ಮಾಮು ಎಚ್ಚಲ ಪಡಲೇ. ¹⁷ .ಎಚ್ಚಲ ಪಡೆವಾಳು ಕರ್ತುಡುಲ ಎಚ್ಚಲಪಡ್ನಿ . ¹⁸ .ವಾಡನಿ ವಾಡೆ ಹೊಗಳ ಗಟ್ಟ್ಟೆ ಯೋಗ್ಯಮು ಹೇಮಿ ಕರ್ತುಡೂ ಯೋಡನಿ ಹೊಗಳುತ್ತಾಡೂ ವಾಡೆ ಯೋಗ್ಯಡು.