1 ¹ 1. ಯೇಸು ಕ್ರಿಸ್ತುಡು ದಾಸುಡು ಯಾಕೋಬುಡ ತೋಮ್ಮುಡು ಆಯಿನ ಯೂದುಡು ತಂಡ್ರಿಯಾಯಿನ ದೇವುಡ್ಲ ಪೀಯುಲಾಯಿನೋಳು ಯೇಸು ಕ್ರಿಸ್ತುಡು ಕಾಯಿ ಕಾಸಿನೋಳು ಆಯಿನೋಳಿಕಿ ರಾಸೇದೆಮಂಟೆ .. ² ದೇವುಡಿಂಚ ಪಿಲ್ಚಿನೋಳಾಯಿನ ಮೀಕಿ ಕರುಣುಮು ಶಾಂತುಮು ಪ್ರೀತಿನು ಹೆಕ್ವಾಯಿನಿ . ³ . ಪ್ರೀಯುಲು ಮಾಕಿ ಹುದುಮಾಯಿನ ರಕ್ಷಣ್ಮು ವಿಷಯುಮ್ಲ ಮೀಕಿ ರಾಸೆದಾನ್ನಿ ಪೂರ್ಣಮು ಆಸಕ್ತಿಯಿಂಕ ಪ್ರಯತ್ನುಮು ಸೇಸೆನಪ್ಡು ದೇವುಡು ಜನಲುಕು ಶಾಶ್ವತ್ಮು ಆಯುಂಡೆ ಅಟ್ಗ ಒಕ್ಕೆ ಸಾರಿ ಒಪ್ಪಿಚ್ಚಿನ ನಂಬುಕ್ಮುನಿ ಕಾಪಾಡ್ಕೋನೆದಾನ್ಕಿ ಮೀರು ಹೋರಾಡಾಲಾನಿ ಎಚ್ರಿಚ್ಚಿ ರಾಸೇದಿ ಅವಶ್ಯುಮು ಅನಿ ಸೂಪೆ . ⁴ . ಎಂದ್ಕಂಟೆ ಭಕ್ತಿ ಹೀನುಡು ಮಾ ದೇವುಡು ಕೃಪೆನಿ ನೆವ್ಮು ಸೇಸ್ಕೊನಿ ನಾಚ್ಕೆಪಡೆ ಕೃತ್ಯಲ್ನಿ ನಡ್ಬಿಚ್ಚೋಳು ಮಾ ಒಕ್ಡೆ ರಾಜುಡು ಕರ್ತುಡು ಆಯುಂಡೆ ಯೇಸು ಕ್ರಿಸ್ತುಡ್ನಿ ಅರಿಲೆನೋಳು ಆಯುಂಡೆ ಕೊಂಚ್ಮು ಜನಲು ಸಭೆಲದೊಂಗತನ್ಮಿಂಚ ಹೊಕ್ನಾರು ,ವಾಳ್ಕಿ ಈ ದಂಡನ್ಮು ಆವಾಲಾನಿ ಪೂರ್ವಮ್ಲಾನೆ ವಾಳ್ ವಿಷಯ್ಮಾಯಿ ರಾಸಿಂದಿ . ⁵ ಮೀರು ಸಮಸ್ತುಮ್ನಿ ಮೊದ್ಲೇ ತಿಳ್ಚ್ನೋಲಾಯುಂಟೇನು ನಾನು ಮುಂದ್ರ ಕೊಂಚ್ಮು ಸಂಗತಿಲ್ನಿ ಮೀ ಜ್ನಾಪಕುಮ್ನಿ ಎತ್ಕೋರಾವಲನಿ ಅಪೇಕ್ಷಿಸ್ತಾನು ಅವಿ ಯಾವಿ ಅಂಟೆ ಕರ್ತುಡು ತನ್ ಪ್ರಜೆನಿ ಐಗುಪ್ತುಮು ದೇಶ್ಮುನೋನಿಂಚ ಇಡ್ಬಿಚ್ಚಿನ್ಮಿಂದ ವಾಳ್ ನೋನ ನಂಬ್ಕುಣ್ಣ ಪಾಯಿನೋಳ್ಕಿ ನಾಶ್ಮು ಸೇಸೆ . ⁶ . ವಾಳ್ ದೊರೆತನ್ಮುನಿ ಕಾಪಾಡ್ಕುಣ್ಣ ವಾಳ್ಕಿ ತಕ್ಮು ವಾಸ್ಮು ಸ್ಥಾನುಮ್ನಿ ಇಡ್ಸಿನ ದೇವುಡು ದೂತುಲ್ಕಿ ದೇವುಡು ನಿತ್ಯು ಮೈನ ಬೇಡಿಲ್ನಿ ಏಸಿ ಪೆದ್ ದಿನಾಲ್ಲಾ ಆಯೇ ದಂಡನ್ಮು ತೀರ್ಪಿಕಾಯಿ ವಾಳ್ಕಿ ಸೀಕುಟ್ಲ ಪೆಟ್ನಾಡು . ⁷ ಸೋದೊಮು ಗೋಮೊರ ಪಟ್ಟಣ್ಮು ವಾಳು ಅವುಟ್ಲು ಸುತ್ತ ಮುತ್ತಲುಲ ಪಟ್ಲು ಮೊಳು ಆ ದೂತುಲಾಕಿ ನಡ್ಕೋನಿ ವಾಳ್ಕಿ ಜಾರತ್ವoಕಿ ಒಪ್ಪಿಚ್ಚಿಡ್ಸಿ ಸ್ವಭಾವ್ಮು ವಿರುದ್ಮು ಆಯಿನ ಭೋಗುಮ್ನ ಅನುಸರಿಚ್ಚಿದಾನ್ನಿಂಚ ವಾಳು ನಿತ್ಯುಮೈನ ಅಗ್ಗಿನ ದಂಡನ್ಮುನಿ ಅನುಭವಿಸ್ತ ದುರ್ಮಾಗಿಲ್ನಿ ಆಯೇ ದುರ್ಗತಿಕ ಉದಾರಣ್ಮು ಮಾಯಿ ಪೆಟ್ಟಿನಾರು . ⁸ .ಇಟ್ಟುoಟೆನು ಈ ಜನಲು ಸ್ವಪ್ನಮು ವ್ಯವಸ್ಥೆಲವುಂಡೋಳ್ಳಾಕ ಅದೇ ರೀತಿಯಾಯಿ ಶರೀರ್ಮುನಿ ಶೆಡ್ಪ್ನೊಂಡಾರು .ಪ್ರಭುತ್ವುಮುನಿ ಅಸೇಡ್ದೆನಿ ಸೇಸ್ತಾರು ಪೆದ್ದ ಪದವಿಯೊಳ್ಳಿ ದೂಷಿಸ್ತಾರು . ⁹ ಆಯ್ತೆ ಪ್ರಧಾನ್ಮು ದೇವುಡು ದೂತುಡಾಯಿನ ಮೀಕಾಯೇಲುಡು ಮೋಶೆ ಶವ್ಮು ವಿಷಯುಮ್ಲ ಸೈತಾನುಡು ಮಿಂದ ಧೂಷಣ್ಮು ಅಭಿಪ್ರಾಯುಮ್ನಿ ಸೋಪ್ಪೆದಾನ್ನು ದೈರ್ಯಮು ಸಿಸ್ಕೋಕುಣ್ಣ ಕರ್ತುಡು ನಿನ್ನಿ ಖಂಡಿಯ್ನಿ ಅನೆ . ¹⁰ .ಆಯ್ತೆ ಈ ಜನಲು ವಾಳ್ಕಿ ಗೋತ್ಲೆಲೇನಿನ ಅಂತಾನು ದೋಷಿಸ್ತಾರು .ಮಲಿ ವಾಳು ವಿವೆಕ್ಮುಲೇನಿನ ಪಶುಲುಲಾಕ ಸ್ವಾಭಾವಿಕ್ಮಾಯಿ ಯಾವುಟ್ಲುನಿ ತಿಳ್ಚ್ನೊಂಟಾರೋ ಅವುಟ್ಲು ವಾಳ್ಳಿ ಶೆಡ್ಬಿಚ್ಕೊಂಟಾರು .ವಾಳ್ ಗತಿನಿ ಏಮಿ ಸೋಪ್ಪುದ್ನು . ¹¹ . ವೂಳು ಕಾಯಿನುಡು ಮಾರ್ಗುಮ್ನಿ ಪಟ್ಟಿನೋಳು ದ್ರವ್ಯ ಸಂಪಾದನ್ಮುಕೋಸ್ಕರ್ಮು ಬಿಳಾಮುಡು ಭಾರಿತಿಲ ಪೂರ್ತಿಯಾಯಿ ಮುಣುಗಿನೋಳು ಕೊರಹುಡುಲಾಕ ಎದ್ರುಮಾಟ್ಲುನಿ ಆಡಿ ನಾಶ್ಮಾಯಿ ಪಾಯೆ ಅಂಟೋಳು ಆಯಿನಾರು . ¹² . ವೂಳು ಸಮುದ್ರುಮನೋನವುಂಡೆ ಗುಪ್ತುಮೈನ ಬಂಡುಲುಲಾಕಿ ವುಂಡಿ ಮೀ ಪ್ರೆಮಮು ಭೋಜನುಮ್ಲ ಸೇರಿತಿನಿ ತಾಗ್ತಾರು ನಿರ್ಭಯ್ಮಾಯಿ ಸ್ವಂತ ಕೊಡುಪ್ನೆ ಸೂಸ್ಕೋನೆ ಕುರುಮುಲು ಆಯಿನಾರು .ವೂಳು ಗಾಲಿಯಿಂಚ ಕೊಟ್ಟಿಚ್ಕೊನಿ ಪಾಯೇ ನೂಳುಲೆನನಿ ಮೇಘಲು ಹಾಕ್ಲು ಹುಂದಿ ಪಂಡ್ಳು ಪುಟ್ನುಣ್ಣ ಎಂಡ್ಪಾಯಿ ಬೇರು ಸಹಿತ್ಮು ಪೆರ್ಕಿ ಪಡಿನ ಮಾನ್ಲು . ¹³ . ಸ್ವಂತ ಅವಮಾನ್ಮು ಅನೆ ನೋರೆನಿ ಕಾರೆ ಸಮುದ್ರುಮು ಹುಚ್ಚು ತೆರೆಲು ಆಯಿನಾರು .ಅಲ್ಸೆ ನಕ್ಷತ್ರುಲಾಯಿನ ವೂಳ್ ಪಾಲಿಕಿ ಕಾರ್ಗತ್ತಲುಮು ಎಪ್ಪುಕು ಪೆಟ್ಟುoಟಾದಿ . ¹⁴ . ಇಟ್ಟೋಳ್ ವಿಷಯುಮ್ಲಾನೆ ಆದಾಮುಡ್ನಿ ಯೋಡ್ನೆ ತಲಕೈಯೋಡಾಯಿನ ಹನೋಕುಡು .- ¹⁵ . ಇಗೋ ಕರ್ತುಡು ಲಕ್ಷಾಂತರುಮು ಪರಿಶುದ್ಧ್ಮು ದೂತುಲ್ನಿ ಕೂಡಿಕೋನಿ ಅಂದ್ರುಕಿ ನ್ಯಾಯ್ಮು ತೀರಿಚ್ಚೆದಾನ್ನು ಭಕ್ತಹಿನುಲು ಅಂದ್ರು ಸೇಸಿನ ಭಕ್ತಿಲೇನನಿ ಅನ್ನಿ ಕೃತ್ಯುಲುಲ ವಿಷಯ್ಮಾಯಿ ಮಲಿ ಭಕ್ತಲೇನಿನ ಪಾಪಿಷ್ಟುಲು ತನ್ಮಿಂದ ಸೊಪ್ಪಿನ ಅಂತಾ ಕಷ್ಟಮೈನ ಮಾಟ್ಳುಲು ವಿಷಯ್ಮುಯಿ .ವಾಳ್ಳಿ ಖಂಡಿಚ್ಚೆದಾನ್ನು ವಚ್ಚೆ ಅನಿ ಪ್ರವಾದಿಚ್ಚೆ . ¹⁶ . ವೂಳು ಗುಣುಗುಟ್ಟೆ ವಾಳು ವಾಳ್ ಗತಿನಿ .ನಿಂದಿಪ್ಯೇ ವಾಳು ವಾಳ್ ನೋರಿಂಚ ಪೆದ್ ಪೆದ್ ಮಾಟ್ಲು ವಸ್ತಾವಿ ವೂಳು ವಾಳ್ ಪ್ರಯೋಜ್ನುಮುಕಾಯಿ ಪೈನ ಮಖ್ಮು ಸುತ್ತಿನಿ ಸೇಸ್ತಾರು . ¹⁷ . ಪ್ರಿಯುಲಾ ,ಮೀರಾಯ್ತೆನೋ ಮಾ ಕರ್ತುಡೈನ ಯೇಸು ಕ್ರಿಸ್ತುಡಾ ಅಪೋಸ್ತಲುಲು ಮೊದ್ಲು ಸೊಪ್ಪಿನ ಮಾಟ್ಲುನಿ ಜ್ಞಾಪಕ್ಮು ಸೇಸ್ಕೊಂಡಿ . ¹⁸ . ಭಕ್ತಿಕಿ ವಿರುದ್ಮಾಯಿನ ಮೀ ಆಶೆಲ್ನಿ ಅನುಸರಿಚ್ಚಿ ನಡ್ಸೆ ಕುಚೋದ್ಯಗಾರುಲು ಅಂತ್ಯುಮು ಕಾಲುಮ್ಲ ವುಂಟಾರನಿ ವಾಳು ಮಕಿ ಸೋಪ್ನಾರೆ . ¹⁹ . ವೂಳು ಬೇದಲ್ನಿ ಉಂಟುಸೇಸೆ ವಾಳು ಪ್ರಾಕೃತ್ಮು ಮನುಷ್ಯುಲು ದೇವುಡು ಅತ್ಮುಮು ಲೇನಿನೋಳು ಆಯಿನಾರು . ²⁰ . ಪ್ರಿಯುಲು ,ಮೀರಾಯ್ತೆನೋ ಮೀಕುಂಡೆ ಅತಿ ಪರಿಶುದ್ದ್ಮಾಯಿನ ಕ್ರಿಸ್ತುಡು ನಂಬಿಕೆನಿ ಆಧಾರ್ಮು ಸೇಸ್ಕೊನಿ ಭಕ್ತಿಲ ಹೊಂದಬೇಕು . ²¹ . ಪವಿತ್ರಾತ್ಮು ಪ್ರೇರಿತುಲಾಯಿ ಪ್ರಾರ್ಥನ್ಮು ಸೆಸ್ತಾ ನಿತ್ಯ ಜೂಡ್ನಾಯಿ ಮಾ ಕರ್ತುಡಾಯಿನ ಯೇಸು ಕ್ರಿಸ್ತುಡ ಕರುಣೆನಿ ಎದ್ರು ಸೂಸ್ತ ಮಿಮ್ಮುಲ್ನಿ ದೇವುಡು ಪ್ರೀತಿಲ ಕಾಪಾಡ್ಕೊಂಡ್ರಿ . ²² . ಸಂದೇಹುಮು ಪಡೆ ಕೊಂಚ್ಮು ಜನಲ್ನಿ ಕರುಣೆನಿ ಸೂಪಿಯಂಡ್ರಿ ,ವಾಳ್ಳಿ ಅಗ್ಗಿನೋರಿಂಚ ಎಳ್ಸ್ಕೊನಿ ರಕ್ಷಿಯಂಡ್ರಿ . ²³ . ಕೆಲುವ್ಲು ಭಯಮು ಮುಕ್ತುಲಾಯಿ ಕರುಣಿಯಂಡ್ರಿ ಹೊಲ್ಸು ನಡತೆಯಿಂಚ ಮೈಲಿಗೆಯಾಯಿನ ವಾಳ್ ಅಂಗಿನಿ ಅಸಹ್ಯಿಂಚoಡ್ರಿ . ²⁴ ಎಡ್ವಿ ಪಡ್ಕುಣ್ಣ ಮಿಮ್ಮುಲ್ನಿ ಕಾಪಾಡೆದಾನ್ನು ತನ್ ಪ್ರಭಾವಮಿನ ಸಮಕ್ಷಮಮುಲ ಮಿಮ್ಮುಲ್ನಿ ನಿರ್ದೋಷಲನ್ನಾಯಿ ಹರ್ಷುಮುಯಿಂಚ ನಿಲ್ಚಿಚ್ಚೆದಾನ್ನು ²⁵ ಶಕ್ತುಡಾಯುಂಡೆ ಮಾ ರಕ್ಷಕಡಾಯಿನ ಒಕ್ಟೆ ದೇವುಡಿಕಿ ಮಾ ಕರ್ತುಡಾಯಿನ ಯೇಸು ಕ್ರಿಸ್ತುಡು ಮೂಲಕ್ಮು ಪ್ರಭಾವಮು ಮಹತ್ವಮು ಅಧಿಪತ್ಯುಮು ಅಧಿಕಾರಮು ಅನ್ನಿ ಕಾಲ್ಮುಕ್ಕಿಂತ ಮೊದ್ಲು ವುಂಡಿನಟ್ಗ ಇಪ್ಪುಡು ಎಪ್ಡು ವುಂಡ್ನಿ .ಆಮೆನ್ .