¹ Paulusi, omushiminwa wa Kreste Jesu, mukwakwe Timotea kwa Filimoni, mushele wetu ne mubeleki muyenzetu, ² no kwa Afiya nci yetu, nikwa Akippasi muyenzetu mundwa, noku nkereke ei kopanela munjuo yako. ³ Echishemo chibe nenwe ne nkozo izwa kwa Nyambe shwetu ni kwa Jesu kreste. ⁴ Nikitumelanga kwa Nyambe nako yonshe. Ndimikuwanga muntapelo zangu. ⁵ Ni ndashuwa ze rato ne ntumelo eimukwesi ku Nfumu Jesu ne kubalumeli bonshe. ⁶ Ndilapela kuti echilikani cenu ce ntumelo ci zwire habuso ke nzibo ye zintu zonshe zirotu zikere mukati ketu mwa Kiresite. ⁷ Ka ndikwesi e ntabo nene caha nokuli shuwa okugoreswa omozyo, ke rato lyako, kakuli emyozyo yaba lumeli niya shweniswa kwako wemukwangu. ⁸ Cware, nanga nendi kwesi amanta onshe mwa kiresite okumiraera kutenda zintu ezo muswanela kutenda, ⁹ mihape kebaka lyerato, Ndimikumbira eme, Paulusi, mudara, mi hanu mushuminwa kebaka lya Keresite Jesu. ¹⁰ Ndikubuza kuamana nemwanangu Onesimusi, ozyo nindareta nendi kere muma wenge. ¹¹ Kakuli kali kena obutokwa kwako, kono hanu shena ntuso kwako ni kwangu. ¹² Ndamu tumi kwako, eye omozyo wangu. ¹³ Ndishaka nali ndimu libikira, ye andi sebereze mucibaka cako, nendikere muma wenge kebaka lye ebangeli. ¹⁴ Kono kali kandi shaka okutenda ecintu nendishini kuku sumwina. Kali kandishaka emi sebezi yako emilotu ibe yokuku hambika kono kentato yako ndotu. ¹⁵ Tema shira aha nakauhana newe keyo nako, kuti ee obe neye kutwara kumamanikizo. ¹⁶ Nera kali nabe mwika, kono abe zyo tanta omwika, omukwetu ozyo ashakiwa. Ashakiwa caha sihuru kwangu, mane nikwako, munyama noku Nfumu. ¹⁷ Mi cware hosindi tambura shina muyenzo, mbomu tambure mbwe ndime. ¹⁸ Haiba naku nyezi kapa aku korota ecintu, ocindilihise. ¹⁹ Eme, Paulusi, ndiziñora ezi keyanja lyangu: Mbondi zikulife. Kali kukuta yee ondikorota we mwine. ²⁰ Ee, muzware, ondi tendere ecintu cirotu ku Nfumu, ohe mpumuro kumozyo wangu mwa Kiresite. ²¹ Ndikuñorera kakuli, ndina nensepo mukute lyako. Ndizyi e mbotende ezingi kuhitila ezi ndikumbira. ²² Mwinako iswana, ondirukiseze ama raro, ndisepa mwi ntapero zako mbondi bozwe hape kwako. ²³ Epafarasi, ozyu ena mwintorongo neme kebaka lya Kiresite Jesu, aku meresa. ²⁴ Bulyaho ne Mareka, Arisitakosi, Damesi, ne Ruka, abo basebeza neme. ²⁵ Ecishemo co Nfumu wetu Jesu Kiresite cibe ne moyo wako. Amen.