¹ Polo, moandani mo Yesu moumesi, na mwelo Timoté, na tina e Philemo, mounda omaiso mambi nesu o lisala, ² Na mwelo o bohali Afia na Archipe bataku nesu ba hesingila na lifambani line lye na mbele eleho. ³ Mia mpasa he hai he Mungu Isé ohiso he besamelé enu na Yesu moumesi. ⁴ Hekeka fee na tonda Mungu, ohi bosumbi ohe na hulombi aha lita ine naokwa mboli iyaho. ⁵ Na boinoli obaho ngi Mangène Yesu na helenge ehaho hyali lita li bosatub fee. ⁶ Nelomba nano boimeli obaho bobé na bokbamu na tina e christo na boenesi helenge hyali na bungungu fee. ⁷ Na nangela oboya naka na bengelana bosio bo helenge ehaho, lita ilaho motema mo baito ba ngia mwabwa he hayi. ⁸ Na tina imelo, songo nde yengo na bohai bobosi imeli ohe ine ikoani, ⁹ Na tina elina li helenge he hasala hali a haho yo iyo na tomela ohe lilombi boliti helenge yengo Paolo motó ngene na to na ombwe ne moto o bayaka bo Yesu moumesi. ¹⁰ Na lomba nano natina he mona ohi, ono nabota he na menyololo me muundu. ¹¹ Hekeka hesiha etibi na bosio nga ho obune bune oba na bosio nga ho, na ngo. ¹² Natoma he lisiha ngaho mona ohi pendja pendja. ¹³ Nangotiala nane ngi ngo, litaine atongele ngo na isinga iyaho na hekeka hene hengo na bayaka ba menyololo me mboli ndjali. ¹⁴ Hekeka fee indiundi botongi soo boningi ohe, na tina ine bwali obaho botabé bo bofili, na boyo ibende na kamo eleho. ¹⁵ Hekeka hesiha esehani nano mwa hekeka na tina emelo oliye he na liyalela na liyalela. ¹⁶ Soo heeta moya, heta liyolo li moya heeta mwelo muunda mwali nango nano ilotola mbo bikeka bianga, abe na ndótó, ambeke na mangène. ¹⁷ Ambeke ohile ngo heta motaku nano, hila ka he heta ngo. ¹⁸ Ambeke atongela ohe bobé, ambeke esundja bobesi hema hemo sumba yo liolo ila. ¹⁹ Ngo Poolo, nashela ohe na hafindi aha, ne futa mbo, soo lita li bobei ine ohe mangène obengele ngo! ²⁰ Yeboyo, moelo ohi ine nebué ngaho botumbi obo hate ha mangene motema oma hai hate ha moumesi. ²¹ Bolisi hendele ehato iyo yasi helengo ohe, nabolibi ine otonga mbo bolotoli ine ya beya ngo. ²² Na boyo bongesele ngo isinga, nelibi ine wabwa mpasa na halombi. ²³ Epafalasa , motaku nango ono toandani na moya mo Yesu moumesi, ²⁴ Na palia ohe na malako, Aristarque, Demas, naka baelo a ba balisala. ²⁵ Mia ine botumbi bo mangene Yesu Christo abena hate ha moenda omaho.