¹ Ka bakembe diaka mu ba longoki ba yandi, yi lukembe ma kiediki batu bayiki bene ha bafwoko tikuna ba mona ki mfumu ki Nzambi ki kusu mu mesu ma bawu yi ngolo zakulu ² Kumanima ma bilumbu sambanu, Yesu ka bongele Petule, Yakobi yi Yowani yi bele ha ntandu mongo kaleyi, kwakunu bakala bawu yi bawu bamba, mana lutu di Yesu di sobele ku mesu ma bawu. ³ Milele miyandi mi yandikidi ku ngedimi, mi kumini mi kaseme mpenza? ata mutu mosi lo ha nsi mu ntoto ha fwene muku baluku bwabuna. ⁴ Tangudi balongoki ba tatu ba mwene Eliya we mose ba tuku sololo yi Yesu. ⁵ Mana Petule ka mukamba mu Yesu: mulongi kwene mboti pidi tuene ha betu? tu ngu ma fokolo ma tatu di mosi sambu di nge, di mosi sambu di mose, di hiki sambu di Eliya. ⁶ Kayeboko ki ka fwene muku hoya, sambu bomo buvulu bu mukwete yi ba longoki ba hiki. ⁷ Mana tuti yi disa ba fukudili. Ndingi yi lubukidi mutudi diene yi hoyanga na: yu kene mwana mene yi zolanga bungu lu mu wa. ⁸ Mbala mosi tangu be wa bwabuna, ba mwene noko diaka mutu yi akisiki kiene kaka Yesu pamba wusele ha hana yi bawu ⁹ Tangu ba yekulumuki ku mongo, Yesu ka ba pekese na: lu fwenoko ku hoya ata ku mutu mosi mambu ma lutuki kumo ti yi kuna ka vumbu mwana mutu mu lufwa. ¹⁰ Bandimini ku sueke mambu mana ba batu. yi ba di hiulu sene bawu yi bawu na: ki didingidila ku vumbuku ku bafwa? ¹¹ Tangu di ba hiula Yesu na: Sambu di nki ba longi ba mi nsi ba kwe hoyi na: Eliya kusu ntete? ¹² Yesu ka hoya na: mukiedi Eliya fweti kusu ntete sambu ka kusu yidika mambu ma moso mi pidi makadila. mana sambu di nki ba sone kene mu buku di Nzambi mwana mutu ka mono mpasi zengi, batu mpe ba mu vese ¹³ Mana mene yi lukamba na Eliya musu ntama. Batu ba musadidi mambu ma moso ba zolele ba muala; ba sonekele bwabunu mu buku di Nzambi mu diambu di yandi. ¹⁴ Tangu ba yesi vutuku ha kiziki ki basele ba longoki ba hiki, ba yisi wana batu bengi ba bese ha hana. ba longi ba mi nsiku ba sidi mpa yi ban longoki ba kele ha hana. ¹⁵ Ha ba mwene batu ba boso yi Yesu, yi ba nsusu mukini yi ba yetekele ba mu heke mboti. ¹⁶ mana yandi ka hiula mu balongoki bandi na: sambu di nki lu tuku sia mpaka yi bawu? ¹⁷ Mutu mosi ha nkati batu bene ka hole na: Mulongi, mene yesi kunatini mwana mene wu yakala sambu kene yi pefi mbi, pefi yene pe yi mukumisi baba. ¹⁸ Koso tangu ho pefi yi musimbidi yi mu busa kaka mu mafu: mafulu fulu ma lubuka nga mu mwa, ka yandika pe ku dia menu ngolo lutu dia ndi di bele nga muti yi bwawu yi kala ku kusanga ku balongoki bange ba musadi mana bawu ba kukidieku kule pefi yene yi mbi ¹⁹ Mana yesu na: ha batu bas lukwikilu di nkeke mene yi kale ti kwe? lumu nda tini mwana wene la. ²⁰ mana yi besele yi mwana wene. pefi yi mwene Yesu mbala mosi yi yandikidi ku mwana mwana yi kabudi ha nsi, yi ka lambene ka yandikidi ku lubuku ma fulu fulu ku mu mua. ²¹ Yesu ka mu hiulele ku tata mwana kibefu ki kiyandiki bandi nkitangu? tata na: bandiki bu mwana bu yandi. ²² Mpala zengi pefi yi zola ku muloso ku mbawu holo ku mambu yi dinga pidi yi mu honda. mana na nge fwene mu kusala ata kimi yu tu wudi ngebe, tu sadisisi. ²³ Yesu na: nge hoyele: na fwene, mambu makulu masalama ku mutu wu kwikilanga. ²⁴ Tata mwana wunu ka hoyanga mu ndingi ngolo na: mene kwikidi mana nsadisi sambu di kwikilu di mene diene di nkeke . ²⁵ Yesu tangu ka mwene na: batu batukusu bas bungi, yi ka yandikidi ku nganini pefi yi mbi na: nge pefi yi wu kitulu mwana wu baba, yu honde pe ma tu ma yandi yi ku kembe na : lubuku mu mwana wu, fweneko diaka ku mu vutukili. ²⁶ Tangu di pefi yi yamukini yinngolosakulu, yi mu ningisi ngolo mu mwana yi yilubukudi. mwana kekini na mutu fudi yi buawu batu bengi ba yandiki ku hoyi na: mwana fudi. ²⁷ mana Yesu ka musimbidi mu koko, ka mu telemes, mwana yi ka teleme ²⁸ yesu yi ba longoki bamndi yi ba kotele mu nzo, mana tangu ba kumini bawu yi bawu pamba ba longoki ba mu hiulele mu yesu na: sambu di nki petu tukonedele ku kuka ku lubula pefi yina. ²⁹ Yandi na: mukulubu pefi za bwabuna ku lomaku kimi ki kaka kaku ku samba Nsamba. ³⁰ Tangu ka katukidi Yesu yi balongoki ba yandi mu kizungu kiakina balabukibi yanga di ngadidi batu bazeyoko na yandi kumi kwakunu. ³¹ Mubiambu yandi kayele muy kwa longi we ba longoki bandi na: mwana mutu ba mu hana ku moko ma bana ba batu mana bawu ba mu hondo madi naa yandin fudi yi mene, mu ki lumbu ki ki tatu, yandi ka telama mu lufwa. ³² Mana bawu baze yoko ma ka yahoyi Yesu ba ya we bomo mu ku mu hiula. ³³ bu ba yisi kuma ku hata di batela capernaoum. tangu ba kele mu nzo, Yesu ka hiulanga mu ba longoki ba yandi na: sambu di nki lu kele ku siaka ani mpaka benu yi benu mu nzila? di bawu ba zakele kwawu. ³⁴ pueti mu diambu mu nzila ba yelesie mpaka na wene mbuta mu nakati ba bawu. ³⁵ Yesu ka zakele, ka telele ba longoki ba yandi ba kumi yi bolo yandi na: mutu yandi kulu zolele ka kumi mutu ntete na fweti kumu mutu nsuku ku batu ba kulu. ka kala kisadid ki batu bakulu. di kala kisadi ki batu bakulu. ³⁶ Mana yi ka bongele mwana nkeke yi ka musidi ha luse dibaku, ka mu bonge ha moko mayangi ka ba kembe: ³⁷ Mutu yandiku yamba mwana nkeke mu zini dimene hoyi na ka yemebe mene koso mutu wunu yembe mene, ka ymbeko mene kaka hoyi na kayemebe mutu wunu tumi mene. ³⁸ Yowani kamu kamba mu Yesu na: mulongi betu tu mwene motu mosi kakaele kwakudi opefi za mbi mu zini dingde mana ka kalaku mu kimvuki ki betu, betu tu mu kembe ka yambu diaka kwadi bwabumu mudiambu yandi keku mtu betu. ³⁹ Yesu kaba kamba na: lu fwenoko ku mukasa yandi nzila koso mutu yu kwasadi mambu ma ku yituka mu zini di mene ka fwenoko ku hoyi ma mbu mambi mu diambu dimene tangu diadi. ⁴⁰ Mutu nkondele mbeni betu kene mpamngi betu. ⁴¹ Mene yi lukamba mabu ma kiediki: koso mutu wu lu heke kobo dimamba ma kumwa mu zini di mene Chridisitu kabaka ma tabisi mandi. ⁴² Koso mutu busu mwana mosi kwikila mene mu masumu bu fwene mutu yandiwunw ba mukasa tadi di mbutu mbutu mu nsingu mana ba mu lososo wa yaga. ⁴³ Ho koko dinge di kunatanga mu ku sala masumu, ditabu; kifwene bumboti kukala yi koko di mosi mulusingu mu diambu wu bonga moyi wukiediki mana kweku bu nkete wukala yi moko molo baku loso ku bilungi kwene yi mba yi konda kuzimi. ⁴⁴ Kwene yi ba ngabulu ba dianga mi suni mi batu mana batu bene ba fwa mba mpe yi huaku. ⁴⁵ Ho kulu dinge di kunatanga mu ku sala masumu, ditabu; kifwene bumboti kukala yi kulu di mosi mulusingu mu diambu wu bonga moyi wukiediki mana kweku bu nkete wukala yi ma lulu molo baku loso ku bilungi kwene yi mba yi konda kuzimi. ⁴⁶ Kwene yi ba ngabulu ba dianga mi suni mi batu mana batu bene ba fwa mba mpe yi huaku. ⁴⁷ Ho disu dinge di kunatanga mu ku sala masumu, ditabu; kifwene bumboti kukala yi disu di mosi mulusingu mu diambu wu bonga moyi wukiediki mana kweku bu nkete wukala yi mesu molo bab ku loso ku bilungi kwene yi mba yi konda kuzimi. ⁴⁸ Kwene yi ba ngabulu ba dianga mi suni mi batu mana batu bene ba fwa mba mpe yi huaku. ⁴⁹ Mutu yandi kulu ka kumu yi mvindu mba. ⁵⁰ Mungu ka kalanga nsambu mana na nsambu yandi yi wudi nki bi fwene diaka ku vutulu nsambu ya yina? lu kala mungu mu nkati ka benu, lunga pe mu ngembe benu yi benu.