¹ Bafalisayo we ba lonngi bakaka ba mi nsiku ba katudidi ku Yelusalem yi besi basa haka zakele Yesu. ² Ba mwene na balongoki ba Yesu ba yadiengi yi vindu ku moko di songidila ba yan sukudieku moko mu tangu di kudia mutindu mi woyele mi nsiku mi bawu. ³ Mudiambu ba fadisayi we balongi ba mi nsiku bakulu ba landa mi nsiku mi ba mbutu ba bawu: badiaku na ba sukueleku moko. ⁴ Ho bakatukidi ku sandu ba fwenoko ku dia na bayebeleku ntete ba landanga mi nsiku mingi mi ba mbuta ba bawu nga: nga mi pidinyi mkusukulu ma kobo, ma nsungu, malongo ma manzanza we matangi. ⁵ Bafedisayi we ba longi ba mi nsiku ba hiula mu Yesu na: sambu di nki ba longoki ba nge balandaku mi nsiku mi ba mbutu, ba kadiengi moko mvindu. ⁶ Yesu na: Isayi ka hoyele mambu ma mukiedika tangu ka hoyele na kuluse sambu di benu batu ba bungumbu, mutindu ba sonekene mu kanda nzambi na: batu ba nzitisa mene kaka ku munua, mana keku ku mbundu. ⁷ Kisambu basamba mene biene bi pamba sambu yi balonga mi nsiku mi batu nga na malongi ma nzambi. ⁸ Lutuku sisa mi nsiku mi Nzambi benu lutuku landa mi nsiku mi batu. ⁹ Kaba kembe lu kwatila mbala mosi mi nsiku mi nzambi mu ndiambu lu hingisa mi nsiku mi benu benu? ¹⁰ Mudiambu mose ka hoyele na: Muzitisa tataku we ngwaku ka hoyele diaka na: mutu yuna siawula tatandi ti ngwandi ba fwene kumu hondo. ¹¹ Mana benu luhonga na, homutu ka hoyi ku tatandi we ngwandi na: kusadisi kwakunu yi zola ku hana kunge kwene kolobana disongodila ma kabu mayi sieka mene ku hana ku Nzambi. ¹² Ho mutu ka hoyi bwabuna benu lu muhiekiku diaka nzila sambu di kusadisi tatandi to ngwandi. ¹³ Yi bwbunA mi nsiku mi lu hana benu yi benu mi hondanga mambu ma Nzamnbi ka hoya. benu lusanga mambu ma kaka mengi ma mutindu wawuna. ¹⁴ Tangu di, Yesu ka telele diaka batu, ka bakamba na: lungwa benukulu benu lufweti sayi na. ¹⁵ B ibimi bini bikotanga mukati ka mutu bi fwenoko ku mukumisi mvindu mana mambu na malubukaga mu kati ka mbundu mutu mana ma kumisa mutu mvindu. ¹⁶ Mutu yandiku wene yi matu ma kuwa ka wa. ¹⁷ Tangu ka sisidi Yesu batu yimene yi kakotele mu nzo di ba longoki ba yandi ba mu hiulanga mu diambu di nkumu yini. ¹⁸ Yandi ka hiula mubawu na: ata benu pe, luzeyeko na, bimi biakulu bikotanga mu nkati ka mutu bi fwenoko ku mukumisi mvindu. ¹⁹ Mudiambu bi kotaku ku mbundu yandi mana mu kifundu ki yandi mana ku manima bi lubukanga ku penze. mambu mana ka hoyele Yesu ma songisanga na batu ba fwene ku dia madia ma mosono ²⁰ Ka hoya diaka na, mambuna na lubukanga ku mbudu mutu, ma mana ma mukumisanga mutu wu mbi. ²¹ Mu biambu ma bazna mana kalubula mumbundu mutu mama mana ma mubendanga mu kusala mambu ma nsoni, ku hiba, kuhonada batu, ²² Kusala bi zumbu, ku zola bimi bi batu ba kaka ku sala batu ba kaka mbi, ku huna baatu, ku kangala kumbi, ku hula ba kwenu ki bala, ku saiwulu batu ba kaka, ku di sia we ku sala ma mbu ma buzoba. ²³ Mambu makulu ma mbi ma lubuka ku mbundu mutu, mawu ma mukumisa mutu wu mbi. ²⁴ Kumanima Yesu yi katukidi ha hana di yikele ku ndambu hata di Tidi. yi ka swama mukati kanzo mosi sambu ka zoleloko na batu ba zayi na kerne kundambu ya yina mana ka mwenoko mpila yi kuswama. ²⁵ Kukele yi mu nketu mosi kakele yi mwanadi wu mu nketu; mwana yandi ka kele yi pefi zambi. mu nketu wunu tandu ka wudi batu ba kwahoyi ma mbu ma Yesu yi fgokama yi nbkwanga mu malu ma Yesu. ²⁶ Mu nketu wene ka keloko mu Yudayo ka kele mutu nsi yi Fenisiya, ku Kizungu ki Sidiya. yi ka mu lebele mu Yesu sambu ka kula pefi zambi za kele ku mwana yandi. ²⁷ Mana Yesu ka mukambanga na: ya bula ntete bana ba dia, ba yukuta mana bu fwenoko ba bongo na pa na bana balosila ba mbwa. ²⁸ Di mu nketu wuna ka ho yanga na: ha mfumu ata ba mbwa pe ka badia bitini bi ma pa bini ba losanga bana ku nsi yi mese. ²⁹ Yesu ka hoya na: mu mambu ma hoyele nge fwene ku vutuku ku nzwaku pefi za mbi za lubukidi ku mwana nge. ³⁰ Hakayele ku nzwandi, ka ya wana mwana nimini ha tangi pefi zambi za lubukidi ntama. ³¹ Yesu ka katukidi kun kizungu Tidi, mu diambu ka vutu ku yanga di ngadidi, ka yele mu nsila hata di Sidoni, ka lutidi pe kundambu ma hata kumi. ³² Batu yi besi munatini baba di mosi, kakele pe kifwa matu ba mulebele mu Yesu na ka mu sia moko. ³³ Yesu ka munete ku kiziki ki mosi kwa kuna ba kele ba bolo kaka di Yesu ka mukotese milembu mu matu, yi ka mu lobuelele mate, yi ka musimbidi ha dilaki. ³⁴ Mana Yesu ka tadidi ku zulu, yi ka humukini ngolo ka mukamba na: Efata di songele fungulu. ³⁵ Kaka mutangu dia dina matu ma mutu wuna ma fungukidi. dilaki di yandi pe yi di kumini dinbu nkete, yi ka bandi kidi ku hoye bunu bu hoya ba kwenu. ³⁶ Yesu ka bahele mu nsiku ns: mambu ma lu kambieku batu ba kaka. hata ka ba pekese kwandi ba ya pansi nsangu ku batu ka hiki. ³⁷ Batu baku ba yitudi bungi ba ya hoyi na mambu makulu ka sala yandi mene ma bu nkete batu ba kele yi matu ma kifwa yi bawudi batu bakele ma baba ba hoyele.