¹ Okubili bya mango n'ebisanzi, murhaherhe obulagirire, bene berhu, bw'okubayandikira. ² Bulala mwenyine mumenyere bwindja oku olusiku Nahano njo ayindja anayindja nka mwizi omu budufu. ³ Amango abantu barhondera okuderha : murhula n'omurhula ! g'amang oburhindibuke ndji bwabahikira kulala omukero guhikira omukazi oli bukule, n'ahola barhaka bufuma. ⁴ Aliko mwewe, bene berhu, murhali omu mwizimya, mpu lyolola lusiku lubahikira nka mwizi; ⁵ Muli bana bw'obulangashane n'abezuba. Rhurhali bw'obudufu n'abo mwizimya. ⁶ Rhurhahuniraga ciro nka abandi, aliko rhuyirize n'okuba n'olugero. ⁷ Bulala abalyama banalyama obudufu n'abalaluka banalaluka obudufu. ⁸ Aliko rhwewe rhuli b'ezuba, rhube n'olugero, rhuyambale endanga muherho y'obwemere n'obuzigire, n'okuba n'engofera y'obulangalire y'obuchunguke. ⁹ Bulala Lulema arharhu hamagalaga oku mujinya aliko oku buchunguke bwa nahano Yezu Kristu, ¹⁰ wafaga enyanya zerhu, lyo rhuyiriza n'okulyama, n'okulama haguma naye. ¹¹ Byebirhumire muyingingane n'okuyumbakana muguma oku muguma bulala mwana bijiraga nkw'oku binali. ¹² Rhubahunire, bene berhu, mumenyerere balala bali bachilibuza enyanya zenyu n'okubayumangira muli Nahano, n'okubayinginga. ¹³ Mube n'obzigire emunda bali, enyanya z'ebijiro byabo, mube n'omurhula ahakagarhi kenyu. ¹⁴ kandi rhbahunire, bene berhu, mubwire obola balamire omu birhashinganene, muyinginge balala barhamire, n'abarhaherhe emisi mubahebe mw'emisi, omu kushibiriza abantu boshi. ¹⁵ Nta muntu kiro n'omuguma olipage owabo amabi oku mabi, aliko mugendekere ngasi lusiku omu mendja, gabe nenyu na haguma na bwoshi. ¹⁶ Mube n'obushagaluke ngasi lusiku. ¹⁷ Muhune buzira kuleka, ¹⁸ Musime ku ngasi hyoshi, bulala ebyola bwo bulonza bwa Lulema emwenyu muli Yezu Kristu. ¹⁹ Murhazimyaga muka. ²⁰ Murhabonereraga abalebi. ²¹ Mulolereze ebintu byoshi; mufarhirize ebikwirire; ²² Mukikubule na nagsi bubi boshi. ²³ Lulema w'omurhula yenyie oyenere abakyese, n'obugumaguma bwenyu, n'emyuka n'emirhima, n'emibiri, elangwe buzira kushindjwa amango nahamwerhu Yezu Kristu ye yindje. ²⁴ Owabahamagalaga ali mwemezi na yenyine abijira. ²⁵ Bene berhu, murhuhunire. ²⁶ mulamuse bene berhu boshi oku lununuguso lwimana. ²⁷ Mbakomereze muli Nahano, oku lunola lupapuro lusomwe na bene berhu. ²⁸ Olukogo lwa Nawerhu yezu Kristu lube haaguma nenyu!