¹ Ngasi yeshi oyemere oku Yezu ali Kristu, aburhirwe na Lulema, kandi ngasi yeshi osima owa muburhaga eyi asima n'owa burhwaga naye. ² Rhumenyere oku rhusimire abana ba Lulema, nka rhusimire Lulema, rhukagira amarhegeko gage. ³ bulala obuzigire bwa Lulema, kuli kugira nw'okusima amarhegeko gage. Na ago marhegeko gage garhazidohere, ⁴ Aliko ngasi yeshi wa burhirwe na Lulema ali murhegesi w'egulu; n'obuhimi bw'okurhegek'egulu, bw'obwemere bwerhu. ⁵ Ndoyu orhegekere egulu, orhali oyu oyemererwe oku Yezu ali mugala wa Lulema ? ⁶ Yenyine ye Yezu Kristu, yi wayindjaga n'amendji, n'eshagama; arhayinjaga n'amendji gonyine, aliko ayindjire n'amendji n'eshagama; nw'omuka gw'oguhamirize, bulala omuka kw'okuli. ⁷ Bulala abo basharhu babahamiriza okuli: ⁸ Omuka, amendji n'eshagama, n'abola basharhu barhalikene. ⁹ Nka rhuyemerere obuhamiriza bw'abantu, obuhamirizi bwa Lulema buli bunene bwenene; bulala obuhamirize bwa Lulema buli buhamiriza adjirire oku mugala wage. ¹⁰ Oyemerere omwana wa Lulema agwerhe obuhamirizi mu yenyine; orhayemerere Lulema amujira mubeshi, bul'arhayemerere obuhamirizi bwage kugerera omwana wage. ¹¹ Lolagw'obwo buhamirizi, bula Lulema arhuhere akalamu k'esiku n'amango, n'ako kalamu karhengere omu mugala. ¹² Ogwerhe omugala, agwerhe akalamu; orhagwerhe mugala wa Lulema, nta kalamu agwerhe. ¹³ Imba yandikire eyi myazi yi mumenya oku mugwerhe akalamu k'esiku n'amango, mwe muyemerere oku zino lya Mugala wa Lulema. ¹⁴ Emwage rhugwerhe obulangalire, oku nkaruhunire ekintu oku bulonza bwage, arhuyumva. ¹⁵ Nka rhumenyere okw'arhuyumvirhe, e kintu rhwaliri rhwahuna, rhwanamenya oku rukola rhugwerhe ekyo kintu rhwa muhunaga. ¹⁶ Nk'omuntu abwene mwene wabo adjira ekyaha kirhamuhekere oku lufu, ahune, na Lulema anaha oyo mwene wabo akalamu, yena kahe oku bagira ekyaha kirhahekere ewa lufu.Hali ekyaha kiheka ewa lufu; arhali eky'ola kyaha kinderhere muhunire. Ng ¹⁷ asi bubi boshi kili kyaha, hana ekyaha ky'antyo kirhaheka ewa lufu. ¹⁸ Rhumenye oku ngasi yeshi oburhirwe na Lulema, arhagira kyaha; nw;oburhirwe na Lulema akilanga yenyine, n'endyalya erhaka muhumako. ¹⁹ Rhumenyere oku rhuli ba Lulema, n'egulu lyoshi lili oku bushobozi bw'endyalya. ²⁰ Rhunamenyere oku mugala wa Lulema ayindjire ana rhulekera obukengere bw'okumenya ebishinganene, rhunali omu bushinganyanya, kugerera omugala Yezu Kristu. ²¹ Yenyine yeli lulema oshinganene, n'akalamu k'esiku n'amango. Bana badorho, mukilange omu bishushanyo.