¹ ಆಮಿಂದ ಯೇಸು ಜನಲು ಗುoಪ್ಕಿ ತನ್ ಶಿಷ್ಯುಲ್ಕಿ ಸೊಪ್ಪಿನ್ದೆಮಂಟೆ - ² ಶಾಶ್ತ್ರಿಲು ಪರಿಸಾಯುಲು ಮೋಶೆ ಪೀಟುಮ್ಲ ಕುಚ್ಚೋನ್ನಾರು , ದಾನ್ನಿಂಚ ವಾಳು ³ ಮೀಕಿ ಏಮೇಮಿ ಸೊಪ್ತಾರೋ ದಾನ್ನoತ ಸೇಯಂಡ್ರಿ , ⁴ ಬಾರ್ಮಾಯಿನ ಹೊರೆಲ್ನಿ ಕಟ್ಟಿ ಜನಲು ಹೆಗ್ಲು ಮಿಂದ ಮೋಪ್ತಾರು , ಮೀರಾಯ್ತೇನೋ ಏಳ್ಳುನಿಂಚನಾಯ್ತೆನು ಅವುಟ್ಲುನಿ ಮುಟ್ಟೆಟ್ಲೆದು . ⁵ ವಾಳು ವಾಳ್ ಕೆಲ್ಸಲ್ನoತ ಜನಲ್ಕಿ ಕನಾಲ ಅನಿ ಸೇಸ್ತಾರು .ರೆ. ತಾವು ಕಟ್ಟಿಕೊಳ್ಳುವ ಜ್ಞಾಪಕಪಟ್ಟಿಗಳನ್ನು ⁶ ಇದ್ಕಾಕುನ್ನ ಔತಣ್ಮು ಪ್ರಸ್ತುಮ್ಲ ಒಕ್ನೆ ಸ್ಥಾನುಮು , ಸಬಾಮಂದಿರ್ಮುಲ ಮುಖ್ಯುಮಾಯಿನ ಪೀಟಾಲು , ಅಂಗ್ಡಿ ಬೀದಿಲ್ಲಾ ನಮಸ್ಕಾರ್ಮುಲು , ಜನಲಿಂಚ ಭೋಧಕುಡನಿ ಅನ್ಬಿಚ್ಕೊನೇದಿ , ⁷ ವಾಳ್ಕಿ ಇಷ್ಟುಮು . ಆಯ್ತೆ ಮೀರು ಭೋಧಕುಡನಿ ಅನ್ಬಿಚ್ಕೊವದಂಡ್ರಿ , ⁸ ಒಕ್ಕುಡೆ ಮೀ ಭೋಧಕುಡು , ಮೀರಂದ್ರು ಸಹೋದರುಲು ⁹ ಇದ್ಕಾಕುನ್ನ ಭೂಲೋಕ್ಮುಲ ಯೋಳ್ನಿ ನಾ ತಂಡ್ರಿ ಅನಿ ಪಿಲಿಯದಂಡ್ರಿ , ¹⁰ ಪರ್ಲೋಕ್ಮುಲ ವುಂಡೋಡೋಕ್ಡೆ ಮೀಕಿ ತಂಡ್ರಿ . ಮಲಿ ಗುರುಲು ಅನ್ಬಿಚ್ಕೊವದಂಡ್ರಿ , ಕ್ರಿಸ್ತುಡೋಕ್ಡೆ ಮೀಕಿ ಗುರು . ¹¹ ಹೆಕ್ವೋಡು ಮೀ ಸೇವಕುಡಾಯುನ್ಡಾಲ . ¹² ತನ್ನಿ ಹೆಕ್ವಸೇಸ್ಕೊನೋಡು ತಗ್ಗಿಚ್ಚೋಡಾಯ್ತಾಡು, ತನ್ನಿ ತಾನು ತಗ್ಗಿಚ್ಕೊನೋಡು ಹೆಕ್ವೊಡಾಯ್ತಾಡು ¹³ ಅಯ್ಯೋ , ಕಪಿಟಾಲಾಯಿನ ಶಾಸ್ತ್ರಿಲಾ , ಪರಿಸಾಯುಲಾ , ಪರ್ಲೋಕ್ಮು ರಾಜ್ಯುಮಿನ ವಾಕ್ಲಿನಿ ಮನುಷ್ಯುಲು ಎದ್ರುಗೆ ಮೂಸಿಡಿಸ್ತಾರು , ಮೀರಂತೂ ¹⁴ ನೋನ್ಕಿ ಪಾಯೇಟ್ಲೆದು , ನೋನ್ಕಿ ಪೋವಾಲನುನ್ಡೋಳ್ನಿ ಪಾಯೇಕಿಡ್ಸೆಟ್ಲೆದು .ನೆಮಾಡುತ್ತೀರಿ. ಆದುದರಿಂದ ನೀವು ಹೆಚ್ಚಿನ ದಂಡನೆಯನ್ನು ಹೊಂದುವಿರಿ. ಅಯ್ಯೋ, ¹⁵ ಕಪಟಿಗಳಾದ ಶಾಸ್ತ್ರಿಗಳೇ, ಫರಿಸಾಯರೇ, ನೀವು ಒಬ್ಬ ಮನುಷ್ಯನನ್ನು ¹⁶ ಅಯ್ಯೋ , ದಾವ್ ಸೂಪೆ ಗುಡ್ಡೋಳಾ , ಒಕ್ಡು ದೇವಾಲಯ್ಮು ಮಿಂದ ಆಣೆ ಪೆಟ್ಕೊಂಟೆ ಅದೇಮಿ ಆಣೆ ಕಾದು . ¹⁷ ಆಯ್ತೆ ಒಕ್ಡು ದೇವಾಲಯ್ಮು ಚಿನ್ಮು ಮಿಂದ ಆಣೆ ಪೆಟ್ಕೊಂಟೆ ದಾನ್ನಿ ನಡ್ಬಿಯಾಲ ಅನಿ ಮೀರು ಸೊಪ್ತಾರು . ¹⁸ ಒಕ್ಡು ಯಜ್ನುಮುವೇದಿ ಮಿಂದ ಆಣೆ ಪೆಟ್ಕೊಂಟೆ ಅದೇಮಿ ಆಣೆ ಕಾದು , ಆಯ್ತೆ ದಾಂಟ್ಳಾವುಂಡೆ ಕಾಣಿಕ್ಮು ಮಿಂದ ಆಣೆ ಪೆಟ್ಕೊಂಟೆ ದಾನ್ನಿ ನಡ್ಬಿಯಾಲಾ ಅನಿ ಸೊಪ್ತಾರು . ¹⁹ ಗುಡ್ಡೋಳಾ , ಯಾವ್ಡಿ ಹೆಕ್ವುದಿ ? ಕಾಣಿಕ್ಮೋ , ಆ ಕಾಣಿಕ್ಮುನಿ ಪಾವನ್ಮು ಸೇಸೆ ಯಜ್ನುಮು ವೇದಿನೋ ? ²⁰ ಇಟ್ಟುoಡೆದಾನ್ನಿಂಚ ಯಜ್ನುಮುವೇದಿಮಿಂದ ಆಣೆ ಪೆಟ್ಕೊಂಟೆ ದಾನ್ಮಿಂದಾನು ದಾಂಟ್ಲಾವುಂಡೆ ಅನ್ನಿದಾನ್ನ್ಮಿಂದನು ಆಣೆ ಪೆಟ್ಕೊನಟ್ಗಾಯೆ . ²¹ ದೇವಾಲಯ್ಮು ಮಿಂದ ಆಣೆ ಪೆಟ್ಕೊಂಟೆ ದಾನ್ಮಿಂದನು ದಾಂಟ್ಲ ವಾಸ್ಮು ಸೇಸೋಡ್ಮಿoದನು ಆಣೆ ಪೆಟ್ಕೊನಟ್ಗಾಯೇ . ²² ಪರ್ಲೋಕ್ಮು ಮಿಂದ ಆಣೆ ಪೆಟ್ಕೊಂಟೆ ದೇವುಡು ಸಿಂಹಾಸ್ಮು ಮಿಂದನು ದಾಂಟ್ಲ ಕುಚ್ಚೋನೋಡು ಮಿಂದನು ಆಣೆ ಪೆಟ್ಕೊನಟ್ಗಾಯೇ . ²³ ಅಯ್ಯೋ , ಕಪಿಟಿಲಾಯಿನ ಶಾಸ್ತ್ರಿಲಾ , ಪರಿಸಾಯುಲ , ಮೀರು ಮರಗು ಸೋಪು ಜಿಲಿಕ್ರುಲ ಪದಿಲಾ ಒಕ್ಟಿ ಪಾಲು ಇಸ್ತಾರು ಸರಿ , ಆಯ್ತೆ ²⁴ ಧರ್ಮಶಾಸ್ತ್ರುಮ್ಲ ಗೌರವ್ಮು ಆಯಿಂದಾನ್ನಿ , ಅಂಟೆ ನ್ಯಾಯ್ಮುನಿ ಕರುಣ್ಮುನಿ ನಂಬುಕ್ಮುನಿ ಇಡ್ಸಿ ಇಡ್ಸ್ನಾರು . ²⁵ ಅಯ್ಯೋ , ಕಪಿಟಿಲಾಯಿನ ಶಾಸ್ತ್ರಿಲಾ , ಪರಿಸಾಯುಲ , ಮೀರು ಪಂಚ್ಮುಪಾತ್ರ ಬಟ್ಳು ಇವುಟ್ಲು ಆಕ್ಟರ್ ಭಾಗ್ಮುನಿ ಶುಚಿ ಸೇಸ್ತಾರು , ಆಯ್ತೆ ಅವಿ ನೋನ ²⁶ ಸುಲುಕೋನೆ ಅವುಟ್ಲಿಂಚನು ಇಹಭೋಗ್ಮು ಪದಾರ್ಥ್ಮುಲುಲಿಂಚನು ನಿಂಡುನ್ಟಾದಿ . ²⁷ ಅಯ್ಯೋ , ಕಪಿಟಿಲಾಯಿನ ಶಾಸ್ತ್ರಿಲಾ , ಪರಿಸಾಯುಲ , ಮೀರು ಸುನ್ಮು ಏಸಿನ ಸಮಾಧಿಲ್ಕಿ ಹೋಲುಕ್ಮು ಆಯಿನಾರು , ಇವಿ ಆಕ್ಟರ ಬಾಗ ಕಂಟಾವಿ . ನೋನ ಸೂಸ್ತೆ ಸಚ್ನೋಳಾ ಎಲುಬುಲಿನ್ಚಾನು ಅಂತ ಹೊಲ್ಸಿಂಚಾನು ನಿಂಡುನ್ಟಾವಿ . ²⁸ ಮೀರು ಸಹ್ಮು ಆಕ್ಟರ ಜನಲ್ಕಿ ಮೊಗೊಡ್ಲಾಕ ಕನ್ಬಿಚ್ಕೊಂಟಾರು ಸರಿ ಆಯ್ತೆ ನೋನಕಪಟ್ಮಿನ್ಚಾನು ಅನ್ಯಾಯ್ಮಿನ್ಚಾನು ನಿಂಡಿನೋಳಾಯಿನಾರು . ²⁹ ಅಯ್ಯೋ , ಕಪಿಟಿಲಾಯಿನ ಶಾಸ್ತ್ರಿಲಾ , ಪರಿಸಾಯುಲ , ಮೀರು ಪ್ರವಾದಿಲು ಸಮಾದಿಲ್ನಿ ಕಟ್ಟಿ ನೀತಿವಂತುಲು ಗೋರಿಲ್ನಿ ಅಲಂಕರಿಚ್ಚಿ ³⁰ ಮಾಮು ಮಾ ಪೆದ್ದೋಳು ಕಾಲುಮ್ಲ ಉಂಟಾವುಂಟೆ ಪ್ರವಾದಿಲ್ನಿ ಸೊಂಪಿನ ಪಾಪುಮ್ಲ ಪಾಲುಗಾರುಲು ಆಯ್ತವುನ್ಡ್ಲೆದು ಅಂಟಾರು . ³¹ ಅಟ್ಟಾಯ್ತೆ ಮೀರು ಪ್ರವಾದಿಲ್ನಿ ಸೊಂಪಿನ ಬಿಡ್ಳೆ ಹೌನು ಅನೆದಾನ್ಕಿ ಮೀಕಿ ಮೀರೆ ಸಾಕ್ಷಿಲಾಯಿನಾರು . ³² ಮಂಚಿದಿ , ಮೀರು ಮೀ ಪೆದ್ದೋಳು ಪಾಪ್ಮಿನ ಅಳ್ತೆನಿ ಪೂರ್ತಿ ಸೇಯಂಡ್ರಿ . ³³ ಪಾಮ್ಲಾ , ಸರ್ಪುಮು ಜಾತಿಯೋಳಾ , ನರ್ಕುಮು ದಂಡನೆಕಿ ಎಟ್ಟ ತಪ್ಪಿಚ್ಕೊಂಟ್ರೀ ? ³⁴ ದಾನ್ನಿಂಚ ಸೂಡoಡ್ರಿ , ನಾನು ಮೀ ದೆಗ್ರುಕಿ ಪ್ರವಾದಿಲ್ನಿ ಜ್ನಾನಿಲ್ನಿ ಶಾಸ್ತ್ರಿಲ್ನಿ ಅಂಪಿಸ್ತಾನು , ವಾಳ್ಳಾ ಕೆಲುವ್ಳ್ನಿ ಸೊಂಪ್ತಾರು , ಶಿಲುಬೇಕಿ ಏಸ್ತಾರು , ಕೆಲುವ್ಲ್ನಿ ಮೀ ಸಬಾಮಂದಿರ್ಮುಲಾ ಕೊರಡೆಲಿಂಚ ಕೊಟ್ಟಿ ಊರಿಂಚ ಊರ್ಕಿ ತೊಂಬ್ರುಕೋನಿ ಪಾತಾರು . ³⁵ ಇಟ್ಟ ನೀತಿವಂತುಡಾಯಿನ ಹೆಬೇಲುಡು ರಕ್ತ್ಮು ಮೊದ್ಲುಗೋನಿ ಮೀರು ದೇವಾಲಯುಮ್ಕಿ ಯಜ್ನುಮುವೇದಿಕು ನಡ್ವ ಸೊಂಪಿ ಏಸಿನ ಬರಕೀಯುಡು ಕೊಡ್ಕಾಯಿನ ಜಕರಿಯುಡು ರಕ್ತುಮುಗಂಟ ಭೂಮಿ ಮಿಂದ ಪೋಸಿನ ಅಂತ ನೀತಿವಂತುಲಾ ರಕ್ತುಮಿಂಚ ಆಯೇ ಅಪರಾಧ್ಮು ಮೀ ತಲಕೈ ಮಿಂದ ವಸ್ತಾದಿ . ³⁶ ಅದಂತ ಈ ಸಂತತಿಯೋಳ್ಮಿಂದ ವಸ್ತಾದಿ ಅನಿ ಮೀಕಿ ಸತ್ಯುಮಾಯಿ ಸೊಪ್ತಾನು . ³⁷ ಯೆರೋಸಲೇಮಾ , ಯೆರೂಸಲೇಮಾ , ಪ್ರವಾದಿಲಾ ಪ್ರಾಣ್ಮು ಸೀಸೆದಾ , ದೇವುಡು ನೀ ದೆಗ್ರುಕಿ ಅಂಪಿಚ್ನೋಳ್ನಿ ರಾಯ್ಕೊಟ್ಟಿ ಸೊಂಪೇದಾ , ಕೋಡಿ ದಾನ್ ಪಿಲ್ಲುಲ್ನಿ ದಾನ್ ರೆಕ್ಕೆಲು ದುಗುನ ಕೂಡಿಚ್ಚಿಕೊನೆಅಟ್ಗ ನೀ ಬಿಡ್ಳುನಿ ಕೂಡಿಚ್ಚಿಕೊನೆದಾನ್ಕಿ ನಾಕಿ ಎಂತೋ ಸಾರಿ ಮನ್ಸುಂಡೆ , ಆಯ್ತೆ ಮೀಕಿ ಮನ್ಸ್ಲೇಕುನ್ನಾ ಪಾಯೇ . ³⁸ ಸೂಡoಡ್ರಿ , ಮೀ ಆಲಯ್ಮು ಮೀಕಿ ಬರಿದಾಯಿ ಇಡ್ಸಿಂದಿ . ³⁹ ಇಪ್ಡಿಂಚ - ಕರ್ತುಡು ಪೇರ್ಲಾ ವಚ್ಚೋಡ್ಕಿ ಆಶೀರ್ವಾಧ್ಮು ಅನಿ ಮೀರು ಸೊಪ್ಪೆ ಗಂಟ ಮೀರು ನನ್ನೀ ಸೂಸೇಕೆ ಲೇದು ಅನಿ ಮೀಕಿ ಸೊಪ್ತಾನು ಅನೆ .