¹ Ampat balas taun kemudikan, akuk bebalik lagim ke kuta Yerusalem dangan Barnabas man meangkut Titus man akuk. ² Aku bejalan karnak suatuk kenyatakan man untuk menjalaskan ke sadih tantang Injil yang kukbritakkan di antarak urang-urang bukan Yahudi. Namun, akuk melakukkannyak dalam petamukan sensurangan, yaitu hanyak dangan sadihh yang bepengaruh untuk memastikkan bahwak apak yang kukkerajakkan puang siak-siak. ³ Bahkan, Titus, yang bersamakuk, puang arus disunat walaupun nyiak adalah urang Yunani. ⁴ Al ini tejadik karnak bisik dulurkaban palsu yang diam-diam masuk man menyusup untuk mematak-mataik kebebasan yang kitak miliki dalam Yesus Kristus agan kitak diangkut lagim ke perbudakan. ⁵ Akan tetapik, kaik puang andak tunduk ke sadih sesaat pun agan kebanaran Injil tatap tinggal dalam kandih. ⁶ Namun, bangkit di urang-urang yang bepengaruh itu, yang kedudukannyak puanglah panting bagikkuk karnak Allah puang membidak-bidakkan, sadih puang menambahkan apak-apak bagikkuk. ⁷ Sebaliknyak, sadih menampai bahwak keakuk udah dipercayakkan Injil untuk urang-urang yang puang besunat, samak macam Petrus yang dipercayakkan Injil untuk urang-urang yang besunat. ⁸ Sabab, Ia yang talah bekerajak melalukik Petrus untuk menjadik rasul bagik urang-urang besunat, Nyiak jum yang bekerajak melalukik rasul bagik urang-urang bukan Yahudi. ⁹ Udah Yakobus, Petrus, man Yohanes, yang dipandang sebagai saka guruk bagik jamaat menyadarik anugrah yang didumankan keakuk, sadih mendumankan tangan kanan pesekutuan ke Barnabas man keakuk agan kaik bejalan ke urang-urang bukan Yahudi sadangkan sadih bejalan ke urang-urang besunat. ¹⁰ Sadih anyak memintak kaik untuk ingat ke dangan urang-urang miskin, satuk al yang akuk surang besemangat bujur untuk mengerajakkannyak. Paulus Menampaikan Kesalahan Petrus ¹¹ Akan tatapik, pas Kefas datang ke kuta Antiokhia, akuk tarang-tarangan manatangnyak karanak jalas sekalik nyiak besalah. ¹² karnak sabalum urang-urang tetantuk bangkit di kalangan Yakobus datang, Kefas udah biasak makan besamak urang-urang bukan Yahudi. Namun, pas sadih datang, Nyiak mulai undur man mamisahkan dirik karnak galak ke kalumpuk urang yang besunat. ¹³ Urang-urang Yahudi yang lain tentiutan betindak munafik besamaknyak, bahkan Barnabas pun tesirit ulih kamunafikan sadih. ¹⁴ Pas akuk menampai bahwa sadih betindak puang sajalan dangan kabanaran Injil, makak akuk becakap kapada Kefas di dapan semuak urang, ''Kalau kamu urang Yahudi idup macam urang bukan Yahudi, macamngapak jum kamu mamaksak urang bukan Yahudi untuk idup macam urang Yahudi?'' ¹⁵ Kitak adalah urang-urang diberanakkan sabagai bangsa Yahudi man puang urang-urang bedusak bukan Yahudi. ¹⁶ Namun, kitak tauk bahwa puang seurang pun dibanarkan karanak malakukan Hukum Taurat, malainkan malalui iman dalam Yesus Kristus. Bahkan, kitak jugak udah pecayak kapadak Yesus Kristus supayak kitak dibanarkan ulih kepercayakan dalam Kristus, puang karnak malakukan Hukum Taurat. Sabab, puang seurang pun dibanarkan karanak malakukan Hukum Taurat! ¹⁷ Akan tatapik, samantarak kitak berusahak untuk dibanarkan dalam Kristus, kitak mandapati dirik kitak jum pendusak, ngapak beartik Kristus adalah palayan dusak? Tantuk nyak puang! ¹⁸ Jikak akuk mambangun lagim ngapak udah akuk rubuhkan, akuk mambuktikan bahwa akuk adalah seurang pelanggar hukum. ¹⁹ Sabab, malaluik Hukum Taurat, akuk talah matik bagik hukum Taurat supayak akuk dapat idup untuk Allah. ²⁰ Akuk udah disalibkan dangan Kristus. Bukan agik akuk yang idup, malainkan kristus yang idup dalam akuk. Idup yang nganih nih kukidupi dalam daging adalah idup ulih iman dalam Anak Allah, yang mangasihik akuk man udah mambarikkan diri-Nyak untuk akuk. ²¹ Akuk puang mambatalkan anugrah Allah karnak jikak kabanaran datang malaluik Hukum Taurat, sia-sialah kamatikan Kristus!