¹ ಮನ್ನ ಘನೋ ದುಂಖ ಆನ್ ಮಾರ್ ದಲೇಮಾ ಬಾದಾಛ. ² ಈ ವಾತೇನ ಲಬ್ಬಾರ್ ಕೆನಿಜು ಕ್ರಿಸ್ತುರ್ ಮುಂಡಾಗ ಸಾಸೀಜ್ ಕೆರೋಚು; ಪವಿತ್ರಾತ್ಮ ರ್ ಹಾತೇಮಾ ಛಜಕೋ ಮಾರ್ ದಲ್ಮಜ್ ಸಾಕ್ಯಾವೇನ್ ಛ. ³ ಜೀವಡಾವಾರ್ಡಿ ತಿ ಖಾಸ್ ಜನಛಕೋ ಮಾರ್ ಭಾಯಿಯೋರ್ ವಾಸ್ ಮಜ್ ವತೋ ಕ್ರಿಸ್ತು ಚೋಡನ್ ಸರಾಪ್ ಪಾಲೆನ ತಯಾರ್ ಚೂ. ಮಜ್ ವತೋ ಕ್ರಿಸ್ಥುನ್ ಚೋಡನ್ ಸರಾಪ್ ಪಾಲೆನ ತಯಾರ್ ಚೂ . ⁴ ಓ ಇಸ್ರಯೇಲೇರ್ ವಲಾದೇವಾಳ್ ದೇವ್ ಬೆಪ್ಪಾರ್ ನ್ಯೆ ಟಾಳ್ ಮೇಲೆರ್ ಕೋವೇನ ಚ ಉನ್ನೇಮಾ ದೇವೇರ್ ಮಹಿಮಾನ್, ಕರಾರನ್ , ಗ್ರಂಥನ, ದೇವೇರ್ ಆರಾಧನಾನ್ , ವಗದೀನ್ ಉಂದೇರಜ್ . ⁵ ಅಬ್ರಹಾಂ ಇಸ್ಸಕ್ ಯಾಕೋಬ್ ಉನ್ನೇರ್ ವಡಬೂದ್ ಛ; ಕ್ರಿಸ್ತು ಜೀವಡಾವಾರ್ಡಿ ಉನ್ನೇರ್ ವಲಾದೇಮಾಚ್ ಹುಯೋ , ಉ ಸೇಪರ್ ಮೋತೋ ಶಾಶ್ವತ್ ಸ್ತುತಿ ಪಾಯೇವಾಳೋ ದೇವ್ ವೇವೆನ ಛ ಅಮನ್. ⁶ ದೇವ್ ಕೋಜಕೋವಾತ್ ಚುಕೆರ್ ಕನ್ ಅಪನ್ ಕೇಲೇನುಕೋನಿ ಕಸ್ಸೆನಕತೋ ಇಸ್ರಾಯೇಲ್ ವಲಾದೇಮಾ ಹುಯೇಕೋ ಸೇ ಇಸ್ರಾಯೇಲ್ ಕೋನಿ ; ⁷ ಹನೂಜ್ ಅಬ್ರಹಾಮೇರ್ ವಲಾದೇಮಾ ಹುಯೇಜೇತಿ ಓ ಸೇ ಬೇಪ್ಪಾವೇನಿ ಪಣ್ ಇಸಾಕೆತಿ ಹುಯೇವಾಲಜ್ ತಾರ್ ಪೀ ಡಿವಾಳ್ ಕೆರಾವಚ್ ಕನ್ ದೇವ್ ಕೋಚ. ⁸ ಉ ವಾತೀರ್ ಅಥರ್ ಕಾಮ್ಯಿಕತೋ ಜೀವಡಾವರಡಿತಿ ಹುಯೇವಾಳ್ ಸೇ ದೇವೇರ್ ಬೇಪ್ಪಾಕೋನಿ , ವಾಗಣೇವರಡಿತಿ ಹುಯೇಕೋಜ್ ಅಬ್ರಾಹಾಮೇರ್ ಪಿಡಿವಾಳ್ ಕೆರಾವಾಚ ಕಜಕೋಜ್ . ⁹ ಮುಂಡಾಗೇ ವರಾಸ್ ಈಜ್ ವಗತೇಮಾ ಆವುಂಚು , ಜನಾ ಸಾರನ ಬೇಟಾ ರಚ್ಚ ಕಜಕೋವಾತ್ ವಾಗ್ಧನ್ ವೆನ್ ಛ. ¹⁰ ಈಜ್ ಕೋನಿ ,ರೆಬೆಕ್ಕ ಸದಾ ಅಪನೇರ್ ಬಾಪ್ ಇಸ್ಸಾ ಕೇತಿ ದೀ ಭೆಪ್ಪಾನ್ ಪೇಟೆತಿ ವಿಜನಾಯಿ ಹನೂಜ್ ವಿ. ¹¹ ಬೆಪ್ಪಾ ಉಜ್ಜಿ ಪೇದಾವೇಕೋನಿಜು ಅಚ್ಹೋ ಬಲ್ಮಾ ಕುನ್ನಿತೋಯಿ ಕೀದೇಕೋನಿಜೆರಂಗ ದೇವ್ ಟಾಳ್ಳಿ ದೋಜೇರ್ ನ್ಯೆ ಛಜಕೋ ಓರೋ ನಿಯಮ್ ಕಾಮೇತಿ ಥಮ್ಮೆ ನಿಜು ಬಲಾಯೋಜೇತಿಜ್ ಘಟ್ಟೆನ್, ¹² ಮೋಟ್ಟೋ ನಾನಕ್ಯಾನ ಸೇವಾ ಕರಿಯೇಕನ್ ರೆಬೆಕ್ಕಾನ ಕೆಮಳೋ . ¹³ ಹನೂಜ್ ಯಾಕೋಬೆನ ಪ್ರೇಮ್ ಕೀದೋ ಎಸಾವೇನ ದ್ವೇಷಕೀದೋ ಕನ್ ಲಕ್ಕನ್ ಛ. ¹⁴ ಹನುವತೋ ಕಾಂಯಿ ಕೆಮಾ, ದೇವೇಮಾಬನಾನಿಯತ್ ಛಕಾ ಕನ್ನಾಯಿ ಛೆನಿ . ¹⁵ ಕೆಪರ್ ಮಾರ್ ಲಾದ್ ಛಕೋ ಓನ ಲಾದ್ ದೇಕಾಳೂಚು , ಕೇಪರ್ ಮಾರ್ ಡಯಾಛಕೋ ಓನ ಡಯಾದೇಕಾಳುಚು ಕನ್ ಧೆವ್ ಮೋಷೆನ ಕೆಮಳೋಚ. ¹⁶ ಜೇತಿ ದೇವೇರ್ ದವೇರ್ ದಯಾ ಆದ್ಮಿ ಅಸಾಕರತೋಕೋ , ಖಾತರೇತಿ ರತ್ತ್ತೋಕೋ ಮಲೇನಿಜು ದೇವ್ ದಯಾ ದಕಾಳಜೇತಿಜ್ ಮಲಚ. ¹⁷ ದೇವ್ ಘರೋರ ಬಾರೇಮಾ ಮ ತಾರೇಮಾಜೋ ರೇನ ದೇಕಾಳನ್ ಮಾರೋ ನಾಮೇನ ಜಗತಿಮಾಸೇ ಫೆಲಾಲೇನೋಕನ್ ತೋನ ಉಪ್ಪರ್ ಲಾಯೇಚುಕನ್ ಗ್ರಂಥೇರ್ ವಾತ್ ಛ. ¹⁸ ದೇವ್ ಕೇನ್ ದಯಾ ದಕಲಾತೋಯಿ ಕೇನ ಘಟ್ ಕರತೋಯಿ ಓಸ್ಟೇ ಓರೋ ಖಾತ್ರೆಸರಿಕಜ್ ಛಕನ್ ಎತಿ ಮಾಲಂವಚ್ಚ. ¹⁹ ದೇವೇರ್ ಖಾತ್ರೆನ ಹೋಟ್ಟೋ ಕೇವಾಳ್ ಛೆನಿ, ಜೇರ್ ಪಚ್ಚ ಉ ಛೂಕ್ ಕರೆರೋ ಕಿಮ್ ಕನ್ ಮನ್ನ ಪೂಚಿಚಿ . ²⁰ ಎ ಮಂಕ್ಯಾ , ಹನು ಕಮತ್ ; ದೇವೇನ ಹೋತೋಕೇನ ತು ಕವಡಾಕೋ ?ಬಣ್ಣಲಿಜಕೋ ಬನ್ಮಲಿಜಕೋ ಬಣಾಯೋಜೇನ್ ಮನ್ನ ಕಸ್ಸೆನ ಹನು ಕೀದೋ ಕನ್ ಪೂಚಿಯೇ ಕ ²¹ ಮಾನೇರ್ ಕಾಮೇವಾಸ್ ಏಕ್ ಟಾಮೇನ ಬನಾಮಾನೇರ್ ಕಾಮೇರವ್ವಸ್ ಉಜ್ಜಿ ಕ್ ಟಾಮೇನ ಎಕ್ಕಜ್ ಕೀಂಚೆತಿ ಕ ರೇನ ಕಮ್ಮ್ಮ ರೇ ನ ಧೂದೇಪರ್ ಹಕ್ ಛೆನಿಕಾಂಯಿ. ²² ಪಣ್ ದೇವ್ ಓರೋ ರೀಸೇನ ದೇಕಾಳನ್ ಓರೋ ಜೋರೇನ ಪೇಲಾನುಕ್ಲೋತೋಯಿ ಹನು ಕರನಜು ಓರ್ ರಿಸೆಮಾನಾಸ್ವಕೋ ಸೇನ್ ಘನೂ ಧಿರೇತಿ ಖಮಿದೊಚ. ²³ ಆನ್ ಮಹಿಮಾಪಾಲೇವಾಸ್ ಉ ಅಂಗಾಜ್ ತ್ಯಾರ್ ಕೀದೋಕೋ ಕೃಪಾವಾಲೇಮಾಒರೋ ಮಹಿಮಾನ ದೇಕಾಳೋಛ. ²⁴ ಉ ದಯಾ ದೇಕಳೋಕೋ ಅಪ್ನೆನ ಯೂದಲೇಮಾತಿ ಎಕಕಜ್ ಬಲಾಯೇನಿಜು ಹೋಷೆಯಾರ್ ಗ್ರಂಥೇರ್ ವಛನೀಮಾಉ ಕೋಜೂಚ ಪರಳ್ ಜನ್ನೇಮಾತಿಸದಾಬಲಾಯೋ. ²⁵ ಉ ವಚನ್ ಕಾಂಯಿಕತೋ ಮಾರ್ ಜನ್ ಕೋನಿಜೇನ ಮಾರ್ ಜನ್ ಕನ್ ಬಲಾಯೋಚು; ಮನ್ನ ಪ್ರೆಮೆವಾಲಿ ಕೋನಿಜೇನ ಪ್ರೆಮೆವಾಲಿಕನ್ ಕೋ . ²⁶ ಅನ್ ಉ ಜಾಗೇಮಾ ತ್ಮ ಮಾರ್ ಜನ್ ಕೋನಿ ಕನ್ ಕೇನ್ ಛಕೋ ಉಜ್ ಜಗೇರ್ ಓ ಜೀವ್ಚಕೋ ದೇವೇರ್ ಬೇಪ್ಪಾಕನ್ ಕೆರಾವಚ್ ಕನ್ ಕೇರಿಓ ಜ್ ²⁷ ಉಜ್ಜಿ ಯಶಾಯ ಇಶ್ರ್ಯೇಲ್ ಜನ್ನೇರ್ ಖಬರೇಮಾಪ್ರಭು ಈ ದೇಷಮೇರ ಖಬರ್ ಪೂರೋ ಘನೋ ಲೇಕಿನ ಪೆಳಚಜೇತಿ ಇಶ್ರ್ಯೇಲ್ ಲೆಕೋ ಸಮುಉದ್ರೆರ್ ಇಸ್ಕ್ಕರ್ ಲೆಕೊಚೆನಿಜತ್ರಾರಾತೋ ಉನ್ನೇಮಾ ಎಕ್ ಹಂಸೋಜ್ ರಕ್ಷ್ನ್ ಪಾಯೇಕ್ನ್ ಜೋರೆತಿ ಕೋ . ²⁸ ಉಉಜ್ ದಲ್ಮೆತಿ ಯೇಸ್ಹಾಯ ಉಜ್ಜೆಕ್ ವಚನೆಮಾ ²⁹ ನ್ಯೆನ್ಯಮೋರೋ ಪ್ರಭು ಅಪನೇನ ವಲಾದ್ ನ ರಕಾಡೋವಾತೋ ಸೋದೋಮೇರೋ ಹಾಳ್ ಅಪನೆನ ವೇತಿ ಗೋಮೋರೇರೋ ನಾಸ್ ಅಪನೆನವೇ ತಿ ಕನ್ ಕಚ್ಚ . ³⁰ ಹನುವತೋ ಕಾಯಿ ಕೇಮಾ? ನಿಯತೇನ ಪಾಲೇನ ಧುಂಡೆಕೋ ನಿಜಕೋ ಪರಳ್ ಜನ್ ನಿಯತ್ ಕತೋ ವಿಶ್ವಾಸಮೇತಿ ಮಲಕೋ ನಿಯತೇನ ಪಾಲಿದೇಚ. ³¹ ಪಣ್ ನಿಯತೇ ರ್ ಕರಾರೇನ ದೂದೇಜಕೋ ಇಶ್ರ್ಯೇಲೆವಾಲ್ ನಿಯತೇರ್ ಕರಾರೇನ ಪಾಲೆಡಿಕೋನಿಕಣ್ ಕೇನು ಛ. ³² ಓನ ಕಾರಣ್ ಕಾಯಿ , ಓ ವಿಶ್ವಾಸ ಮೇತಿ ಕೋನಿಜು ಗ್ರ್ಮ್ಥೆರ್ ನಿಯಮೇನ ಅಧಾರ್ ಕರ್ಲಿದೆಕೋಜ್ ಕಾರಣ್ . ³³ ಇದೇಕ್ , ಚಿಯೋನೆಮಾ ಟ್ಟೋಕರ್ ಖಾಯೇರ್ ಭಟಾನನ್ ಪಟ್ಕಏರ್ ಬಂಡಾನ ಮೋಳೋಚು ಕಣ್, ಓಪರ್ ವಿಶ್ವಸ್ ರಕಾದೇ ವಾಲೋ ಲಾಜೆಮಾ ಪಡೆನಿಕನ್ ಗ್ರ್ಮ್ಥೆಮಾ ಲಕ್ಕನ್ ಛ, ಉ ಟ್ಟೋಕರ್ ಖಾಯೇರ್ ಭತಾನ್ ಓತೋಕರ್ ಖಾನ್ ಪದಡೆ.