¹ ಜೇವಾರ್ಸ್ ಕ್ರಿಸ್ತು ಯೇಸುಮಾ ರೇವಾಲೇನ ದೋಷೆರ್ ಸಜಾ ಅಬ್ಬ ಛೆನಿ. ² ಕಸ್ಸೆನಕತೋ , ಜೇವೆನ ಪೇದಾಕರಕೋ ಪವಿತ್ತ್ರ್ ಅತ್ಹ್ಮತಿವಿಕೋ ನಿಯಮ್ ತಾನ ಪಾಪೇನನ್ ಮೋತೇನ ಕಾರ್ನ್ ಛೆಕೋ ನಿಯಮೇತಿ ಕ್ರಿಸ್ತು ಯೇಸುವರ್ಡಿ ಚೊಡಾಯಿ. ³ ಉ ಕಿಮ್ಕತೋ ಜಿವಡಾರವಡಿ ಕಮ್ ಜೋರೆತಿ ರಾಜಕೋ ಗ್ರಂಥ್ ಕರೆನಿಜಕೋ ದೇವ ಕಾಡನ್ನ ಕೇನ, ಓರ್ ತನ್ನೆರ್ ಬೇಟ್ತಾ ನ ಪಾಪೇರ್ ಜೀ ವಡಾರ್ ಸಾಯಾಮಾನ್ , ಪಾಪ್ ಫೆದೇರ್ ಭೋಕನೆರ್ ನ್ಯೆ ಮೇಲನ್ , ಓರ್ ಜಿವ ಡಾಮಾ ಪಾಪೇರ್ ಸಜಾನ್ಪೋರೋಕೀದೋ . ⁴ ಹನುರೆತು ಜಿವರ್ಡಿ ಚಾಲೇನಿಜು ಚಾಲೇ =ನಿಜು ಪವಿತ್ರಾತ್ರ್ಮಾ ರ್ವಡಿ ಚಾಲೇವಾಳ್ ಅಪನೆಮ ಗ್ರ್ಮ್ಥೆರ್ ನಿಯಮ್ ಪೂರೋ ವೇನ್ ವಾಟ್ವೇಗಿ. ⁵ ಜೀವಾವಾಡಿ ಚಾಳೆವಾಳ್ ಓನ್ ಚಾಜಜೇಪರ್ ಡಳ್ ಮೇಲಛ , ⁶ ಜೀವದಾವರ್ಡಿ ದಲ್ ಮೆಲೇರ್ ಮೋತ್ ; ಪವಿತ್ರಾತ್ಮವರ್ಡಿ ದಲ್ ಮೇ ಲೇರ್ ಜೀವಡಾವಾರ್ಡಿ ಡೇಲ್ರೋ ಶಾಂತ ಛ. ⁷ ಕಸ್ಸೆನ್ಕತೋ, ಜೀವಡಾವರಡಿ ದಲ್ಮ ಮೇಲೇರ್ ದೇವೆನ್ ವೆರಿವೆನ್ ಛ; ಅಸೋ ದಲ್ಮ ದೇವೇರ್ ನಿಯಮೇನನ್ವೆವನಿನ್ ನವೆವ್ರ್ ವೇನಿ. ⁸ ಜೀವಡಾಯರ್ಡಿ ಚಾಲೇವಾಳ್ ದೇವೇನ್ ಖಾಟವೇನಿ. ⁹ ತಮ್ , ತಮಾರೇಮಾ ದೇವೇರ್ ಆತ್ಮಾ ವಸ್ತ್ರೋ ವತೋ ಜಿವಡಾವಾರ್ಡಿರ್ ಕೋನಿ, ದೇವೇರಾತ್ಮನ ನವ್ವನ್ ಛೂ ಕೇನಿತೋಯಿ ಕ್ರಿಸ್ತುರ್ ಆತ್ಮ ಛೆನಿತೋ ಉ ಕ್ರಿಸ್ತುವಾಳೋ ಕೋನಿ . ¹⁰ ಪಣ್ ಕ್ರಿಸ್ತು ತಮಾರೇಮಾ ರತ್ತೋ ಜೀವಡಾ ಪಾಪೇವಡಿ ಮಗಿತೊಯಿ ಆತ್ಮಾ ನಿಯತೇರವ್ವ ಡಿ ಜೀವೇರೋ ರೂಪ ಛ. ¹¹ ಯೇಸುನ ಮಗೇಜೇಮಾಯಿತಿ ಜೀವ್ಯಾವಜು ಕೀದೋಜೇರ್ ಆತ್ಮಾ ಟಮಾರೇಮಾ ವಸ್ಸತೋ ಕ್ರಿಸ್ತು ಯೇಸುನ ಮಗೆಜೆಮಾಯಿತಿವತಾದೊಕೋ ತಮಾರೇಮಾ ವಸ್ತ್ರೋಕೋ ಓರೋ ಆತ್ಮಾತಿ ತಮಾರ್ ಮರೇರ್ ಜೀವಡಾವೂನಿ ಬಂಚಾಡಛ. ¹² ಹನುರೇತೋ ಭಾಮಾಯಿಯೋ , ಅಪಣ್ ಖವಡಾವಾರ್ಡಿ ಬಂಚೆರ್ ಖನೆಮಾ ಕೋನಿ . ¹³ ತಮ್ ಜೀವಡಾವಾಡಿ ಬಂಚತೋ ಮರೇರೋ ಸಾಸ್; ತಮ್ ಪವಿತ್ರಾತ್ರತಿ ಜಿವಡಾರ್ ಮಾಂದ್ ಹೇವಾವೂನ್ ಸೇ ನಾಸ್ ಕರತೋ ಬಂಚಿಯೇ. ¹⁴ ಕುಣ್ ಸೇ ದೇವೇರ್ ಆತ್ಮಾತಿ ಚಾಲಾಲಚಕೋ ಓ ದೇವೆರ್ ಬೇಪ್ಪಾ . ¹⁵ ತಮ್ ಪೇರ್ ದಾಕೇಮಾ ಪಡಜು ಬಾಂಯಾವೇನ್ ಕೋನಿಪಣ್ ಬೇಟಾರ್ ದಲೇನ ಪಾಮೇಲೇಚೊ ಈ ದಲೇತಿ ಅಪಣ್ ದೆವೆನ ಬಾಪೂ , ಬಾ ಕನ್ ಬಲಾಮಾಚ. ¹⁶ ಅಪಣ್ ದೇವೇರ್ ಬೇಟ್ತಾ ವೇಮೇಚ ಕೇನ್ ಪವಿತ್ರಾತ್ಮ ಅಪನೆರ್ ಆತ್ಮಾತಿ ಸಾಕ್ಯಾ ದಚ್ಚ . ¹⁷ ಬೇಟ್ತಾವೇತೋ ಖೇವೇವಾಳ್ ಛಾ; ದೇವೇನ ಖೇವೇವಾಳ್ , ಕ್ರಿಸ್ತುರ್ ಭಾವೇಟಿಮಾ ಅಪಣ್ ಹಾಂಸೋದಾರ್ ವತೋ ಓರ್ ಮಹಿಮಾಮಾಯಿ ಹಾಂಸೋದಾರ್ ವೇಜಾಮಾಛ. ¹⁸ ಜೆತಿ ಈದಾಡುರ್ ಬಾವೇತಿ ಅಬ್ಬೆಪರ್ ಅಪನೆಮಾದಕಾವಜಕೋ ಮಹಿಮಾನ ಚಾಜಜಕೋ ಕೋನಿಕನ್ ಕೇಳೋಚು. ¹⁹ ದೇವೇರ್ ಬೇಪ್ತಾರ್ ಮಹಿಮಾಕನ್ನಾ ದಕಯೇಕನ್ ಜಗತ್ ಘನೋ ಅಸಾತಿ ವಾತ್ ದೇಕರೀಚ್. ²⁰ ಜಗತಿ ಕಮಾಯೇನಿಜು ವೇಗಿ ; ಹನು ವೇಗಿಜಕೋ ಓರ್ ಉ ಕೋನಿ , ಓನ ಹನುಕಿದೋ ಜೇರ್ ಸೋಸೇತಿಜ್. ²¹ ಹನುವತ್ಟೋಯಿ ಒಣ ಎಕ್ ಭರೋಸಾ ಛ; ಕಾಯಿಕತೋ ಉ ಜಗತಿ ಸದಾ ನಾಸೆರ್ ಹಾತೀತಿ ಛೂತಂ ದೇವೇರ್ ಬೇಪ್ಪಾರ್ ಮಹಿಮಾಮ ಹಾಂಸೋಲೇನುಕೇರಜ್. ²² ಜಗತಿ ಸಾರಿ ಅಜೇತಾಣು ವೇಲಾತಿ ಪೀದೇಖಾತಿ ರಚ್ಕ್ಕನ್ ಅಪಣ್ ಮಾಲಂಕಮೇಲೇಛ. ²³ ಈಜ್ ಕೋನಿ ಅಗಡಿಯಾರ್ ಘಲವ್ವೇ ನ್ ಛಜಕೋ ಪವಿತ್ರಾತ್ಮ ರ್ ವರಮೇನ ಲೇಮೇಲೇಕೋ ಅಪಣ್ತೋಯಿ ದೇವೇರ್ ಬೇಪ್ಪಾರ್ ಜಾಗೇನ ಕತೋ ಜೀವಡಾನ ಮಲೇಕೋ ಛೂಟಾನ್ ಜಾಯೇರೇನಗಸಾನ್ ಅಪನೇಮಾಜ್ ವೆಲಾ ಕಕ್ರೆಚ. ²⁴ ಅಪಣ್ ರಕಶನ್ ಪಾಮೇಲೇತೋ ಉಜ್ಜಿ ವಾಟ್ ದೇಕೇವಾಳ್ ವೇನ್ ಛ ವಾಟ್ ದೇಕ್ರೆಕೋ ನಮೇರೋ ಭರೋಸೋಕೋನಿ ; ಏಕ್ಲೋ ಉ ದೇಕಜೇನ ನಮೆರೋ ಕಿಮ್ . ²⁵ ಪಣ್ ಅಪಣ್ ದೇಕಾನಿಜೇಮಾ ಭರೋಸೇತಿ ಚಾಜೇತಿ , ಉ ಆಯೇನ ಧಿರೇತಿ ವಾಟ್ ದೇಕಾಚಾ. ²⁶ ಓರ್ ನ್ಯೆ ಪವಿತ್ರಾತ್ಮ ಸದಾ ಅಪನೇರ್ ಕಮ್ಜೋರೇಮಾ ಅಪನೆನ ಮದ್ದತ್ ಕರಛ; ಅಪಣ್ ಪೂಛೆರೋ ಕಾಯಿಕನ್ ಮಾಲಂಛೆನಿಜು ಛಜೇತಿ ಪವಿತ್ರಾತ್ಮ ,ಊಜ್ ಅಪನೆವಾರ್ಡಿ ಕೇಸಕ್ಕೆನಿಜಕೋ ನಸಾಸೇತಿ ಝೂರನ್ ಅಪನೆವಾಸ್ ನೋರಾಕರಛ. ²⁷ ಪಣ್ ದಲಿನ ಖೇಳಣ್ ದೇಕೆವಾಳೋನ ಪವಿತ್ರಾತ್ಮರ್ ದಲೇರ್ ಅಸಾ ಕಾಂಯಿ ಕನ್ ಮಾಲಂಛ; ಉ ಆತ್ಮಾ ದೇವೇರ್ ಖಾತ್ರೆರ್ ನ್ಯೆ ದೇವೇರ್ ಜನ್ನುರ್ ವಾಸ್ ಪೂಚ ಕನ್ ಉ ಮಾಲಂಕಮೇಲೇಚ. ²⁸ ಉಜ್ಜಿ ದೇವೇರ್ ಖಾತ್ರೆ ರ್ ನ್ಯೆ ಬಲಾಮಾಂಗಾನ್ ಓನ ಪ್ರೇಮ್ ಕರಜೇನ ಸೋಲಿ ಭಲಾಯಿ ಚಾಲಚಕನ್ ಅಪನೆನ ಮಾಲಂಛ. ²⁹ ಕಸ್ಸೆನಕತೋ ದೇವ್ ಓರೋ ಬೇಟಾನ ಘನೋ ಆದ್ಮಿ ಭಾಯಿ ಯೇರೇನ್ ಉನ್ನೇಮಾ ಉಜ್ ಮೋಟ್ಟೋವೇನ ರೇಣುಕನ್ ಕೆಲೆನ್ ಉ ಕೆನ್ ಮಾರ್ ವಾಳ್ ಕ ನ್ ಅಂಗ ಮಾಲಂಕಲಿದೋಚಕೋ ಉನ್ನನಾ ಓರ್ ಬೇಟಾರೂಪೇಮಾರ್ ಅಂಗಜ್ ನೆಮ್ ಕೀದೋ , ³⁰ ಅನ್ ಕೆನ್ ಅಂಗಜ್ ನೇಮ್ ಕೀದೋಕೋ ಉನ್ನೇ ನ ಬಲಾಯೋ; ಕೇನ್ ನ ಬಲಾಯೋಕೋ ಉನ್ನೇ ನ ಮಹಿಮಾರ್ ಪದವಿಮಾ ಭೆಳೋಚ. ³¹ ಹನುವತೋ ಈ ಖರೇವೂಮಾ ಹಮ್ ಕಾಯಿ ಕೇಮ, ದೇವ ಅಪನೆರ್ವಾರ್ಡಿ ರಾತ್ತೋ ಅಪನೇನ ದುಸ್ಮಣ್ ಕುಣ್. ³² ಖಾಸೇರ್ ಬೇಟಾನ ರಕಡೆನಿಜು ಓನ ಅಪನೇ ಸೇರ್ ವಾಸ್ ಹವಾಳ್ ಕಿದೋಚ; ಬೇಟಾನ ದಿನೋಜೇರ್ ಪಚ್ಚ ಸೋಲಿನಿ ಅಪನೆನ ದೇನಿಜು ರಿಯೇಕಾಂಯಿ. ³³ ದೇವ್ ಟಾಳ್ಳಿದೋಜೇಪರ್ ದಾವೋ ಘಲೇವಾಳೋ ಕೂಣ್ ದೇನಿಜು ರಿಯೇಕಾಂಯಿ. ³⁴ ದೋಷಿಕನ್ ಕೇವಾಳೋ ಕುನ್ ಕ್ರಿಸ್ತು ಯೇಸು ಮರನ್ ಜೀವ್ಯಾನ್ ದೇವೇರ್ ಜಮಣ್ಣ ಡಿರೇನ್ ಅಪನೆರ್ವಾಸ್ ಅರಜ್ ಕರೊಚ. ³⁵ ಕ್ರಿಸ್ತುರ್ ಪ್ರೇಮೇತಿ ಅಪನೆನ ಛೆತಿ ಕರೇವಾಳೋ ಕುನ್ ವೇಲಾ ಕ, ಬಾದಾ ಕ, ಭಾವೇಟಿ ಕ, ಖಾನೋ ಛೆನಿಕೋ ಕ ಲತ್ತಾ ಛೆನಿಕೋ ಕ ಧೋಕೋ ಕ ತಲ್ವಾರ್ ಕ, ³⁶ ದೇವ್ , ಹಮ್ ತಾರ್ ಕಾಣ್ ದಾಡಿ ಹತ್ಯಾವಾಸ್ ಹವಾಲ್ ವೆರೆಚ ; ಆದ್ಮಿ ಹಮೆನ ಕಾಟ್ಟೆರ್ ಗೋಲಿವೂರ್ ನ್ಯೆ ಕಲೆ ಕನ್ ಲಕ್ಕನ್ ಛುಜು ಚಾಲಚ. ³⁷ ಪಣ್ ಅಪನೇನ ಪ್ರೇಮ್ ಕೀದೋಜೇವಾರ್ಡಿ ತಿ ಅಪನ್ ಎ ಸೇ ಖರೇಮಾ ಪೂರೋ ಜೀತೇನ ಪಾಲಾಚಾ. ³⁸ ಕಿಮ್ಕತೋ , ಮೊತ್ ರೇದ, ಜೀವ್ ದೇದ , ದೇವೇರ್ ಸೋಜಾರೇದ , ಭೂತ್ರೇದ ಅಬ್ಬೆರ್ ಖಬರೇದ ಮುಂಡಾಗೇರ್ ಖಬರೇದ. ³⁹ ನಿಶಾಣ್ ರೇದ ಉಂಚೆರ್ ರೇದ, ಹೆಟೆರ್ ರೇದ ದುಸರ್ ಕುನ್ನಿ ಸೃಷ್ಟಿವೇದ ಅಪನೆನ ಅಪನೆರ್ ಪ್ರಭು ಕ್ರಿಸ್ತುಮಾ ದಕಾಯಿಕೋ ದೇವೇರ್ ಪ್ರೇಮೇತಿ ಛೆಟಿಕರೇರ್ ವೇನಿ ಕನ್ ಮನ್ನ ಘಟ್ಟೋ ಮಾಲಂ.