Chapter 4
1
ಹನುರೇತು ಅಪನೇರ್ ಬಾಪ್ ಅಬ್ರಹಾಮ್ ಜೀವಾಡಿರ್ವಡಿ ಕಾಂಯಿ ಪಾಲೋಕನ್ ಕೇಮಾ ?
2
ಅಬ್ರಹಾಮ್ ಕಾಮೆತಿ ನಿಯತೇದಾರ್ ವೇಗೋವತೋ ಮೊಟ್ಟ ಣ್ ಕರೇನ ಕಾರಣ್ ಛ; ಅತೋಯಿ ದೇವೇರ್ ಅಂಗ ಮೊಟ್ಟ ಣ್ ಕರೇನ ಕಾರಣ್ ಛೆನಿ
3
ಏರ್ ಖಬರೇಮಾ ಗ್ರಂಧೆಮಾ ಛಜೇನ ಸೋಸ್ ಕರೋ ; ಅಬ್ರಹಾಮ್ ದೇವೇನ ವಿಶ್ವಸ್ ಕೀದೋ; ಉ ವಿಶ್ವಸ್ ಓರ್ ಲೆಕೆನ ನಿಯತ್ ವೇಗಿ ಕನ್ ಕಚ್ಚ .
4
ಕಾಮ್ ಕರೇವಾಳೆನ ಆವಜಕೋ ಕೂಲಿ ದಯಕನ್ ಕೆರಾಯೇನಿ ಪನ್ ಖಣ್ ಕನ್ ಕೇರಾವಚ.
5
ಪಣ್ ಕೂಣ್ ಕಾಮ್ ನಕರಜು ಅಪರಾದ್ ಕೀದೋಜೆನ ನಿಯದಾರೇರ್ ನ್ಯೆ ಗಣಜೇ ದೇವೇನ ನಮೇವಾಳೆನ, ಒತ್ತಿ ರಾಜೀ ಕಲೆನ್ ಓರ್ ವಿಶ್ವಾಸೇನ ದೇವ್ ದೇಕಚ .
6
ಕಾಮೇನ ನದೇಕಜು ಎಕ್ ಆದ್ಮಿನ ನಿಯತೇದಾರ್ ಕನ್ ದಾಮಿದ್ ಕೋಜಕೋವಾತ್ ಈಜ್ ಕಾಂಯಿಕತೋ
7
ಕೇರ್ ದೋಷ್ ಬುರಾಗೇಕೋ, ಕೇರ್ ಪಾಪ್ ಮಾಪ್ ವೇಗೇ೯.ಕೋ ಓಜ್ ನಸೀಬ್ ದಾರ್ .
8
ಪ್ರಭು ಕೆರ್ ಪಾಪೇನ ಲೆಕೇಮಾ ಲಾಯೇನಿಕೋ ಉ ಮನಕ್ಯಾ ನಸೀಬ್ ದಾರ್ .
9
ಈ ಅಸೀಸೇರ್ ವಾತ್ ಸಂತಾವಾಲೇನಾಜ್ ಕಾಂಯಿಸುಂತಾ ಛೆನಿಜೇನಿಕ ದೇಕ್ , ಅಬ್ರಹಾಮೆರ ಲೇಕೇನ ಓರ್ ವಿಶ್ವಸಾಜ್ ನಿಯತ ಕೆರಾಯೇಕನ್ ಕೇಮಾಚ.
10
ಉ ಕನ್ನಾ ಲೇಕೇಮ ಆಯಿ ,ಓನ ಸಂತಾ ವೇರ್ ಪಚ್ಚ ಕ, ಸಂತಾರ್ ಅಂಗ್ ಕ, ಸಂತಾರ್ ಪಚ್ಚ ಕೋನಿ, ಸಂತಾರ್ ಅಂಗಜ್ ಲೇಕೇಮಾ ಆಯಿ .
11
ಪಚ್ಚ ಸಂತಾರ್ ಕಜಾಕೋ ಚಾಲೆನ ನಮೂನಸರಿಕ್ ಪಾಲಿದೋ , ಈ ಸಂತಾರ್ ಅಂಗಜ್ ಓನ ರಕೋ ವಿಶ್ವಾಸಮೇರೋ ನಿಯತೇನ ಮುದ್ರಾ ವೇನ ರ ಹನುರಜೆತಿ , ಉ ವಿಶ್ವಸ್ ಕರೇವಾಳೆನನ್ , ಓ ಸುಂತಾ ಛೆನಿಕೋರತೋಯಿ ಬಾಪ್ ವೆಗೋ ಓಯಿ ನಿಯತೇದಾರ್ ಕೆರಾವಚ.
12
ಈಜ್ ಕೋನಿಜು , ಸಂತಾ ವಾಲೇಮಾ ಕೂಣ್ ಸಂತಾ ಕರಲಿದೆಕೋಜ್ ಕೋನಿ ಅಪನೇರ್ ಬಾಪ್ ಅಬ್ರಹಾಮೇನ ಸಂತಾವೆರ್ ಅಂಗರಕೋ ವಿಶ್ವಸೇರ ಖೋ ಜೇವೂನ್ ಝುಲನ್ ಚಾಲಚಕೋ ಉನ್ನೇನಿ ಬಾಪ್ ವೇನ್ ಛ,
13
ತು ಜಗೇನ ವಾರಸ್ ದಾರ್ ವೇಚಿಕೇರ್ ಬಚನ್ ಅಬ್ರ ಹಾಮೆನ ಹಾಮೆನ ರೇದ್ ಓರ್ ವಲಾದೇನ ರೇದ್ ಗ್ರಂಥೇತಿ ಆಯಿಜಕೋ ಕೋನಿ, ವಿಸ್ವಸ್ ಕಕೋ ನಿಯತೇತಿಜ್ ವಿಕೋ .
14
ಗ್ರಂಥೇವಾಳ್ ವಾರಸ್ ದಾರ್ ವೆವತೋ ವಿಶ್ವಸ್ ನಕಾಮುವೆಗಿ , ಬಚನ್ ಟಾಲ್ ವೇಗಿ .
15
ಕಸೇನಕತೋ ಗ್ರಂಥ್ ಜನ್ನೇನ ದೇವೇರ್ ಲಾವಚ, ಗ್ರಂಥ್ ಛೆನಿತೋ ಓನ ಲಂಗೇರೋ ಛೆನಿ.
16
ಜೇವಾಸ್ ಉ ವಾರಸ್ ಪಣ್ ಕೃಪಾ ತಿಜ್ ಮಾಲಜುರೇನ ಉ ವಿಶ್ವಾಸಮೇತಿ ಮಳಚ, ಹನು ಉ ಬಚನ ಅಬ್ರಹಾಮೆರ್ ವಲಾದೇವಳೆನ್ , ಕತೋ ಗ್ರಂಥೇನ್ ಮಾನೇಜೇನಜೆನಜ್ ಕೋನಿ ಅಬ್ರಹಾಮೆಮ ರಾಜಕೋ ವಿಶ್ವಾಸ ಛಜೆನ ಸದಾ ಘಟ್ಟೋ ಥಮಚ.
17
ಘಣ್ ಮಲೆಕ್ಕನ ತೋನ ಬಾಪೆರ್ ನ್ಯೆ ನಿಯಂಕಿದೋಚುಕನ್ ಲಕ್ಕನ್ ಛಜೇರ್ ನ್ಯೆ ಉ ವಿಶ್ವಸ್ ಕಿದೋಜಕೋ ಮಗೇಜೇನ ಜೀವ್ಯಾವಜು ಕರನ್ ಸೇ ಬಾಪ್ ವೇಗೋಛ.
18
ತಾರ್ ವಲಾದೇವಾಳ್ ಲೇಕೋ ಛೆನಿಜು ರಚ್ಚಕನ್ ಕೋಜೇರ್ ನ್ಯೆ ಉ ಘನೇ ಮಲೇಕನ ಬಾಪ್ ವೇರೋ ನಮೇರ್ ವೇನಿತೊಯಿ, ಓನ ಭರೋಸೇತಿ ವಿಶ್ವಸ್ ಕೀದೋ.
19
ಉ ಕಮ್ ಸರಸ್ ಸೋ ವಸೇರೋ ರಜನ್ನಾ ಮಾರ್ ಜೆವಡಾನ ಮರೇರ್ ದಾಡನ್ ಸಾರನ ಪೇ ಟೆತಿವೇರ್ ದಾದ್ ದಗರಗೇಕನ್ ಸೋಸ್ ಕೀದೋತೋಯಿ ಓರ್ ವಿಶ್ವಸ್ ಕಮ್ ವಿಕೋನಿ .
20
ದೇವ್ ಕೀದೋಕೋ ಬಚನೆರ್ ಖಬರೇಮಾ ಉ ಅವಿಶ್ವಸೇತಿ ಸಂದೇಕ್ ಕೀದೋಕೋನಿ .
21
ದೇವೇನ ಮಾನ್ ಕರೇವಾಳೋವೆನ್ ಉ ಓರ್ ಬಚನೆನ ಪೂರೋಕರೇನ ಜೋರೇರೋಕನ್ ಪುರೋಭರೋಭರೋ ಸೋತಿ ಘಟ್ ವಿಶ್ವಸೇವಾಳೋ ವೇಗೋ.
22
ಜೇರ್ ವಾಸ್ ಉ ವಿಶ್ವಸ್ ಓರ್ ಲೇಕೇಮಾ ನಿಯತ್ ವೇಗಿ .
23
ಪಣ್ ಉ ಲೇಕೇನ ನಿಯತ್ ಕನ್ ಕೇರಾಲೋಕೋ ಓರ್ ವಾಸಜ್ ಕೋನಿಪಣ್ ಅಪನೆವಾಸ್ ಸದಾ ಲಕ್ಕನ್ ಛ.
24
ಅಪನೆರೋ ಪ್ರಭು ಯೇಸುನ ಮ್ಮಾಗೆಜೇಮಾಯಿತಿ ವಟಾಡೋಜಕೋ ದೇವೇನ್ ವಿಶ್ವಸ್ ಕರಕೋ ಅಪನೆನಿ ವಿಶ್ವಸ್ ನಿಯತ್ ಕನ್ ಲೇಕೇಮಾ ಆವಾಚ.
25
ಓನ ಅಪನೆರ ದೋಷೆರ್ ಕಣ್ ಮೋತೆನ ಹವಾಲ್ ಕರನ್ ಅಪನೆನ ನಿಯತ್ ದಾರ್ ಕೋಕೋವ್ ಡಿ ಜೀವೇತಿ ವಟಾಡೋಚ.