¹ ಜೇರ್ ವಾಸ್ ಭಾಯಿಯೋ , ದೇವೇರ್ ದಯಾನ ತಮಾರ್ ಹದೆರ್ಮಾ ಲಾನ್ ತಮೇನ ಪೂಚೊರೊ ಕಾಂಯಿಕತೋ ತಮ್ ತ್ಮಾರ್ ತಮಾರ್ ಜಿವಡಾವೂನ್ ದೇವೇನ ಖಾತೆರೇರ್ ನ್ಯೆ ಚಜಕೋ ಜಿವೆರ್ ಬ್ಹೊಕನೆರ್ ನ್ಯೆ ಹವಾಳ್ ಕದೆರನೂಕನ್ ಈಜ್ ತಮಾರ್ ಅಕ್ಕಲೇರ್ ಆರಾಧಾನ ಛ. ² ಈಜಗತಿರ್ ಚಾಲೇರ್ ನ್ಯೆ ನರಾಜು ನವೋ ಮನ್ನೇನ ಲೇನ್ ಸ್ವಗೆರ್ ಡಲೆವಾಲ್ ಸರಿಕ್ ರೋ; ಹನುವತೋ ದೇವೇರ್ ಖಾತ್ರೆರ್ ನ್ಯೆ ಕತೋ ಅಚೊನ್ ಮಾನೇರನ್ ದೋಷ್ ಛೆನಿಜು ಕುಣಸ್ ಕನ್ ಸೋಸಕರನ್ ಮಾಲಂಕಲೋಚೊ ³ ದೇವ್ ಮನ್ನ ಕ್ರುಪಕಿದೊಕೋ ಸೇವಾನ ಚಲಾನ್ ತಮಾರೆಮಾ ಎಕ್ಕೆಕ್ಕೆನಿ ಕುಕೋ ಕಾಯಿಕತೋ,ಕೋಣಿ ಓರ್ ಮಾನೇತಿನ್ ಜಾದಾ ಒಣ ಸಾಸ್ ಕಲ್ರ್ನಜು , ದೇವ್ ಎಕ್ಕೆಕ್ಕೆನಿ ಕಸ್ಸ್ಸೇಕ್ ಕಸ್ಸೇಕ್ ವಿಸ್ವಸೆರ್ ಜೋರಿನ ದಿನ್ನೂಕೋ ಜೇನರ್ಯಿ ನೆವರ್ ದಲೆತಿ ಒಂನೇನ್ ಓ ಸಾಸ್ಕರೆನು. ⁴ ಕಸ್ಸೆನಕತೋ ಅಪನೇನ ಎಕ್ಕಜ್ ಜೀವಡಾಮಾ ಘನೋ ಅಂಗೆನ ಉ ಸೇ ಅಂಗೆನ ಕಿಮ್ ಎಕ್ಕಾಜ್ ಕಾಂ ರೆನಿ ಕೋ , ⁵ ಜಿಮ್ಮಜ್ ಅಪನ್ ಸೇಜ್ ಕ್ರಿಸ್ಥುಮಾ ಎಕ್ಕಜ್ ಜೀವಡಾವೇನ್ ಎಕ್ಕಕೇ ದೂಸರ್ ಅಂಗ್ವೆನ್ ಛಾ. ⁶ ದೇವ್ ಅಪನೇನಾ ಕ್ರುಪಕಿದೊಜೆನಯಿ ಅಪನ್ ದೂಸರ್ ದೂಸನೇರ್ ರೂಪ್ ರತೋ ಅಪನೆರ್ ವಿಶ್ವಸಮೇರ ವರಮೇನ ಛಾಜಜು ಪ್ರವಚನ್ ಕೇಮಾ . ⁷ ಉ ಸಭಾಸೇವಾರ್ ರೂಪ್ ರತ್ತೋ ಸಭಾಸೇವಾನ ಕರ್ತೆ ರೇಮಾ. ⁸ ಬೋಧಕರೇವಾಳೋ ಭೋಧಕರೆವಾಳೋ ಬೊಧಕರಜೇಮಾನ್ , ಅಕ್ಕಲ್ ಕೇವಾಳೋ ಅಕ್ಕ್ಲ್ ಕೇಮಾರೇದ, ದಾನ ದೇವಾಳೋ ಸಾಸ್ಸ್ ನೆರ್ ದ್ಲೆತಿ ದೇದ್,ಮೋಟ್ಟನ ಮದತ್ ಕರೆವಾಳೋ ಖುಷಿ ತಿ ಕರೆದ. ⁹ ತಮಾರ್ ಪ್ರೇಮಾ ಛೆನಿಜುರೇದ;ಬಲ್ಮ್ನ ಛೆಕರನ್ ಆಚೆನ ಘಟ್ಟೋ ಪಕಲೋ. ¹⁰ ಕ್ರಿಸ್ತು ಭಾಯಿಯೋ , ಭಾಯಿ ಭಿಯ್ಯ ಕೇನ್ ಎಕ್ಕೆನ್ ಏಕ್ ಪ್ರೇಮ್ಕರೋ ಮಾನ್ ಪಾನ್ ಕರಜೇಮಾ ಏಕೇತಿನ್ ಏಕ್ ಅಂಗರೋ ¹¹ ಜಾಗನೆರವ್ವ ಡಿ ಟಾಳೋನಖಾವಜು ಅಸಕ್ತಿಟೈರೇನ್ ಪ್ರಭುರ್ ಸೇವಾ ಕರೇವಾಲ್ವೆನ್ ರೋ . ¹² ಕ್ರಿಸ್ತುವಾಳ್ ಭರೋಸೋ ಕರಕೋ ಮೋಟೋ ಪದವಿನ ಹದೇಲಾಲೇನ್ ಖುಷಿಕರೋ ; ವೇಲಾಮಾ ಖಮ್ಮನ್ ರೋ ಕಟಾಳೋ ನಕರಜು ಅರಾಜ್ ಕರೋ. ¹³ ದೇವೇರ್ ಜನ್ನುರ್ ಕಮ್ತಿಮಾ ಮದತ್ ಕರೋ. ¹⁴ ಪಾಮಣಿನ ಬಾಟಿ ಪಾಣಿ ಘಲೇರ್ ಹೇವಕಳೋ; ತಮೇನ ಭಾವೆಟಿ ಪಡಾಯೇವಾಳೆನ ಆಸಿಸ್ ಕರೋ ಸರಾಪ್ ದೇನಿಜು ಆಸಿಸ್ ಕರೋ. ¹⁵ ಖುಷಿ ಪಾಯೇವಾಳೂರ್ ಲಾರ ಖುಷಿಪಾವೋ ; ರೋಯೇವಾಳುರ್ ಲಾರ್ ರೋವೋ. ¹⁶ ತ್ಮೆಯಾ ತಮ್ ಏಕ್ ದಲೇವಾಳ್ ವೇನರೋ ಮೊತ್ನೆಪರ್ ದ್ಲೆವಾಲ್ ನಾರಾಜು ನವನ್ ಛಜೇನೂರ್ ಸಾತ್ ಭಳನ್ ರೋ, ತಮ್ಮೆನ್ ತಮ್ ಗೇನಿದಾರ್ ಗೇನಿದಾರ್ ಕನ್ ಕೇಳೋಮಾತ್. ¹⁷ ಕೇನಿ ಕೇಡೆನ ಕೇದ್ ಕರೋಮತ್ ಸೇರ್ ನಂಜರೇಮಾ ಕುನಸ್ ಮಾನೆರೋ ಕೋ ಓನಜ್ ಸೋಸ್ ಕರನ್ ಕಮಾಳೋ . ¹⁸ ವಂಗಾವತೋ ತಮೇತಿ ವಜತ್ರಾ ಸೇತಿ ಸಮಾಧಾನೇತಿ ರೋ. ¹⁹ ಪ್ರೇಮೇವಾಳ್ , ತಮಜ್ ಡಾಸ್ಸೆನ ಡಾಸೇನಾ ಡಾಸ್ ಪೇಲೆನಿಜು ಸಜಾದೇರ್ ದೇವೇನ್ ಚೊಡೋ,ಕಸ್ಸೆನಕತೋ ಡಾಸೇನ ಡಾಸ್ ಫೆದೇರೂ ಮಾರ್ ಕಾಮ್ ,ಮಜ್ ಫೆಳೆನ ದೂಚು ಕಣ್ ಪ್ರಭು ಕೇರೋಚ ಕನ್ ಲಕ್ಕನ್ ಛ. ²⁰ ತಾರ್ ವ್ಯಾರಿ ಭೋಕೇತಿರತ್ತೋ ಓನ ಖಾನೋ ಘಾಳ್ ; ತರಸೇತಿ ರತ್ತೋ ಪಿಯೇನ ಪಾನಿ ದೊ ಹನು ಕರಜೆಟಿ ಓರ ಮಾತೇಪರ್ ಬೇಪ್ರೊ ಗೋಲಕರಜುರಚ್ಚ ²¹ ಬಲ್ಮನ್ ಹಾರೇನಿಜು ಆಚ್ಚನೆ ತಿ ಬ್ಲಾಲಾನ್ ಹರಾವೋ .