¹ ಹನುವತೋ ದೇವ್ ಓರ್ ಜನುನ ಛಾಯೇನಿಕನ್ ಧಕಲಿನೋಚ ಕಾಂಯಿ ಕನ್ ಪೂಚುಚೂ.ಕನ್ನಾಯಿ ಕೋನಿ ಮಸದಾ ಇಸ್ರಾಯೇಲೇವಾಳೋ , ಅಬ್ರಹಾಮೇರ್ ಪೀಡಿವಾಳೋ ಬೆನ್ಯಾಮಿನೆರ್ ಪಾಡಾರೋ ಛು. ² ದೇವ್ ಉ ಅಂಗಜ್ ಓರ್ ಜನ್ವ್ವ ನ್ ಮಲಂಕಮೇಳೋತೋಕೋ ಅಡ್ಮಿನ ದಕಲ್ಡಿನೋ ಕೋನಿ ಎಲಿಯರ್ ಖಬರೇಮಾ ಗ್ರಂಥ ಕಜಕೋ ವಾತ್ ತಮೇನ ಮಾಲಂಛೆನಿಕಾಯಿ , ³ ಉ ದೇವೇರ್ ಮುಂ ಡಾಗ ಪ್ರಭು ಓ ತಾರ್ ಭಕ್ತುದಾರುನ ಮಾರ್ನಕೇಚ ತಾರ್ ಭೋಕನೇರ್ ಪೀಟವೂನ್ ಸೇ ಪೋಡಾಕೇಚು, ಮ ಏಕೋಜ್ ಬಡೋಚೂ ಮಾರ್ ಜೀವೇನಿ ಕಾದೇನ್ ದೇಕರೇಚ ಕನ್ ಇಸ್ರಾಯೇಲೇವಾಲೇಪರ್ ಥಾವ್ ಕೋಜೇನ, ⁴ ದೇವೇರ್ ಜವಾಬ್ ಕಾಯಿಕತೋ ಬಾಳರ್ ಮೂರ್ತಿನ ಆಡೋಪಡೆಕೋನಿಕೋ ಸಾತ್ ಹಜಾರ್ ಮಾಟಿ ವೂನ ಮಾವರ್ಸ್ ಬಡಾಳೋಚು ಕಜಕೊಜ್. ⁵ ಜೇರ್ ನ್ಯೆ ಈ ಪೋ ರೇಮಾಯಿ ದೇವ್ ಕೃಪಾತಿ ಟಾಳ್ಳಿದೋಜಕೋ ತೊಡ್ಸೆ ಕ್ ಛ. ⁶ ಕೃಪಾತಿ ಟಾಳ್ಳಿ ದೋಚ ಕೇರ್ ಪಚ್ಚ ಅಚ್ ಕಾಮೇರವ್ವ ಡಿತಿ ಕೋನಿಕನಜ್ ಹನುಕೋನಿತೋ ಕೃಪಣ ಉಜ್ಜಿ ಕ್ರುಪತಿ ಕೇರ್ ವೇನಿ. ⁷ ಎತಿ ಮಾಲ್ಮ್ವಕೋ ಕಾಯಿ ಇಶ್ರ್ಯೇಲೆವಾಲ್ ದೂಮ್ದೆಕೊ ಉನ್ನೆನ ಮಲಿಕೊನಿ ಉನ್ನೆಮಾ ಟಾಳ್ಳಿ ದೇಜೇನ ಮಳಿಚ ದೂಸರ್ ಕಟಿಣ್ ವೇಗೆ . ⁸ ದೇವ್ ಉನ್ನೇರ್ ಟಾಳೋ ಸೋಸೇನ ಕತೋ ದಕಾಯೇನಿಕೋ ಅಂಕೀನನ್ ಸಾಮೆನಿಕೋ ಕಾನೇನ ದಿನೊ ಈ ಸೋಸ್ ಈ ವಗತೆತಾಣೂ ಹನುಉಜ್ ಛಕನ್ ಲಕ್ನ ರ್ ನ್ಯೆ ಉನ್ನೆನ ವೇಗೋ. ⁹ ಉಜ್ಜಿ ಉನ್ನೇ ರ್ ಖಾನೋಜ್ ಉನ್ನೇನ ಪಾಂಸಿನ್ , ಜಾಳನ್ ಟೋಕರ್ ಖಾಯೇರೋ ಭಟಾನ್, ಸಜಾ ವೇಜಾಯೇದ ¹⁰ ಉನ್ನೇರ್ ಅಂಕಿ ಅಮ್ಥರೋವೆನ್ ದೆಕಾಯೇನಿಜು ವೇಜಾಯೇದ; ಉನ್ನೇ ರ್ ಪೂಟೋ ಕನ್ನಾಯಿ ನವ್ವನ್ ರಾಜುಕರ್ ಕನ್ ದಾವೀದ್ ಕಚ್ಚ . ¹¹ ಹನುವತೋ , ಓ ಪಡನ್ ಜಾವುಜೂ ಟೋಕರ್ ಖಾದೇಕಾಯಿ ಕನ್ ಪುಉಚ್ರೋಚು; ಹನು ಕಣ್ಣಾಯಿ ಕೆನುಕೊನಿ, ಓ ಪದೆಜೆತಿ ಕ್ರಿಸ್ತುತಿ ಅವಕೋ ರಕ್ಷ್ನ್ ಪರಲ್ ಜನೇನ್ ಆಯಿ ಎವರ್ದಿತಿ ದೇವ್ ಉನ್ನೇಮಾ ಪೇಟ್ ಬಾಳಜು ಕೀದೋ. ¹² ಓ ಪದೆಗ್ಜಕೋ ಸಾರಿ ಜಗತಿರ್ ಅಸೀಸೇರ್ ವಾಸನ್ ಉ ಹಾಗೆರ್ಜಕೋ ಪರಲ್ ಜನ್ನುರ್ ಅಸೀಸೇರ್ ವಾಸ್ ವಾಟ್ ವೆನಛ; ಜೇತಿ ಉನ್ನೇ ರ್ ಪೂರೋ ಬಂದಾಯೇರೋ ಕತ್ರಾಯಿಕೋ ಜಾದ ಅಸೀಸೇನ ಕಾಣ್ ವಚ್ಚ. ¹³ ಪರಲ್ ಜನ್ ಚೊಕೋ ತಮಾತಿ ವಾತೆಕರುಚು . ಮಪರಲ್ ಜನುನ ಅಪೋ ಸ್ತ ಲ್ ಛೂ ಮಾರ್ ಕಾಮೇನ ಲೆಕೇಮಾ ಲಾವೂಚು . ¹⁴ ಹನು ಏಕದ್ವಳಾ ಖಾಸ್ ಜನ್ನೇ ಮಾ ಪೇಟ್ ಬಳಾನ್ ಉನ್ನೇಮಾ ಸದಾ ಥೋ ದೇಕ್ ಕೇನ ರಕ್ಷಣೆರ್ ವಾಟೆಮಾ ಲಂಯೂ, ¹⁵ ಕಸೇನಕತೋ ಇಸ್ರಾಯೇಲೇವಾಳೆನ್ ದಕಲ್ಡಿಜೇತಿ ಜಗತ್ ದೇವೇರ್ ಧಾಂಯಿ ಸಮಾಥಾನ್ ವೆನ್ ವಾಟ್ ವಿಜೆರ್ ಪಚ್ಚ ಉನ್ನೇನ ಭೇಳಜೇತಿ ಕಾಯಿವ ಚ್ಚ ಮಗೆಜಕೋ ಜೀವ್ಯಾಯೇ ಜು ರಚ್ಚಕೋನಿಕಾಂಯಿ . ¹⁶ ರಾಸೇಮಾರ್ ಅಗಡಿಯಾರ್ ಫಸ್ಸಿ ಸೇವೇನ್ ಛಡಾವಜೇರ್ ಪಚ್ಚ ರಾಸ್ ಸದಾ ದೇವೇರಜ್ ; ಜಡ್ ದೆವೆರ್ ರತ್ತೋ ಡೋಳಿವು ಸದಾ ದೇವೆರಾಜ್ . ¹⁷ ತ್ಹೊದ್ಸೆಕ್ ಧೋಲಾ ಭಂಜನ್ ರೇತು ಅಡಬೀರ್ ಒಲೀವಾರ್ ಝುದ್ ಚೀ ಕೋ ತು , ಓ ರಿದೇಜಕೋ ಜಾಗೇಮಾ ಖಸ್ಸಿವೆನ್, ಓಲಿವಾರ್ ಝುದೇರ್ ಜದೇನನ್ ರಸ್ಸೆನ ಸಾತ್ಯಾ ಹಾಮ್ಸೋದಾರ್ ರಸ್ಟೋ ¹⁸ ತು ಡೋಳಿರವ್ವಡಿ ಮೊಟ್ಟಣ್ ಕಲ್ಮತ್ ; ಮೋಟ್ಟೆನ್ ಕಲ್ತೋತೋ ಯಿ ಉ ಜಡೆನ ತು ಅಥಾರ ಕೋನಿ ಉ ತೋನ ಅಥಾರ್ ವೇನ್ ಛ. ¹⁹ ಈ ವಾತೇನ ಮ ಖಸಿ ಭ್ಮ್ದಾಳಜು ಡೋಲಿ ತೂಟನ್ ಪಡಗೇಚಿನ್ನ ಕನ್ ಎಕಾದ್ವಲಾ ಕೆವಾಳೋವಿಸ್. ²⁰ ತೂ ಕೆರೋಕೋ ಸಾಸ್; ಓ ವಿಶ್ವಸ್ ಕಿದೆಕೊನಿಜೆತಿ ಭ್ಮ್ಜನ್ ಪಾಡ್ಗೆ. ²¹ ತೂ ಹುಬೊಚಿಕೋ ವಿಶ್ವಾಸಮೇತಿಜ್ ಗರಬ್ ಕಂರ್ತ್ ಧಾಕೇತಿರ ; ದೇವ್ ಖಾಸ್ ಡೋಳಿವೂನ ರಕಾಡೋಕೋನಿ ಜೇರ್ ಪಚ್ಚ ತೋನಿ ರಕಾದೇನಿ . ²² ಜೇವಾರ್ಸ್ ದೇವೇರ್ ದಯಾನನ್ ಘಟ್ಟನೇನ ದೇಕ್ ;ಓಆದೇಗಜೇಪರ್ ಘಟ್ಟೋ ದಳ್ ತಾರ್ ಸಾಮ್ ತೂದೇವೇರೋ ದಯಾನ ಲೇಲೇನಜ್ ರತ್ತೂ ಓರೋ ದಯಾ; ಛೆನಿತೋ ಟೋನಿ ಭಂಜನ್ ನಾಕ್ದಿಚ . ²³ ಇಸ್ರಾಯೇಲೆವಾಲ್ ಸದಾ ಅವಿಶ್ವಸಮೆಮ ನರತ್ತೋ ಖಸೀ ಭಂದಾವಚ್ಚ ; ದೇವ್ ಉನ್ನೇನ ಫೇರ್ ಖಾಸಿ ಭಾಂದೇನ ಜೇರೇವಾಳೋ ಛ. ²⁴ ತು ಅದವಿರ್ ಜ್ಹಾದೆಮಾತಿ ಕತ್ರಾಲೆನ್ ತೋನ್ ಭಳೆನಿಜಕೋ ಗಾಮೇರ್ ಝಾಡೆಮಾ ಖಸೀ ಭಂದಾಲಜೇರವ್ಪಚ್ಚ ಓರಾಯಿ ಪೇದಾವಿಜಕೋ ಡೋಳಿವೊ ಉನೆರ್ ಖಾಸ್ ಝಾದಡೆಮಾ ಖಸ್ಸಿ ಭಂದಾಲೇರ್ ಕತ್ರಾಯಿಕೊ ಸಾಸ್ ಛಕೊನಿಕ. ²⁵ ಭಾಯಿಯೋ,ತಮೇನ ತಮ್ಮಜ್ ಗೇನಿದಾರ್ ಕನ್ ಕೇಲೇನಿಜು , ಏಕ್ ರಹಸ್ಯಾ ಮೇನ ತಮ್ ಮಾಲ್ಮ್ಕರ್ಲೆವನೂ ಕನ್ ಚು;ಉ ಕಾಯಿಕತೋ ಪರಲ್ ಜನ್ ಆಯೆರ್ ಪೂರೋ ವಜೇ ತಾಣು , ಇಸ್ರಾಯೇಲೆಮಾ ಏಕ್ ಹಂಸೋ ಕಾಟೋ ಡಾಲರ್ ವಚ್ಚ . ²⁶ ಜೇರ್ ಪಚ್ಚ ಇಸ್ರಾಯೇಲ್ ಜನ್ ಸೀ ರಕ್ಷ್ನ್ ಪಾಲಚ್. ಎನ್ ಅಥಾರ್ ಗ್ರ್ಮ್ಥೆಮಾ ಚೋಡಾ ಯೆವಾಲೋ ಚಿಯೋನೆತಿ ನಿಕ್ಲನ್ ಆನ್ ಯಾಕೊಬೇಮಾ ಛಜಕೋ ಬನಾಬಕ್ಥಿನ ಕಾಡನ್ ನಾಕಚ. ²⁷ ಮ ಉನ್ನೇತಿ ಕರ್ಲಿದೊಜಕೋ ಈ ಕರಾರ್ , ಮ ಉನ್ನೇರ್ ಪಾಪೇನ ಛೆಟಿಕರೂ ಜನನಾ ಪೋರೋವಚ್ಚ , ಕನ್ ಲಕ್ಕನ್ ಛ ²⁸ ಓ ಆಚ ಖಬರೆನ ಚಾಯೇನಿ ಕೆಜೆತಿ ದೇವ್ ತಮೇನ ಅಚ್ಹೊಕೆನ ಉನ್ನೆಅ ವ್ಯಾರಿ ಕರ್ಲಿದೊಚ .ಪನ್ ಓ ಉ ತಾಲ್ಲಿದೊಜಕೋ ಅಬ್ರಾಹಾಮ್ , ಇಸ್ಸಕ್ ಯಾಕೊಬ ಕಜೆ ವದಬುಉದೆರ್ ವಾಲಾದೇವಾಳ್ ಛಜೇತಿ , ಉನ್ನೇನ ಪ್ರೇಮೆರ್ ಸರಿಕ ಡೆಕರೋ ಚ. ²⁹ ದೇವ್ ವರಮೆವೂನ ದೆನೋಜೆಣನ್ ಜನುನ ಬಲಾಯೇಜೆನ ದುಃಖ ಪಾಯೇವಾಳೋ ಕೋನಿ . ³⁰ ಜೆಟಿ ತಮ್ ಪೆನಾರ್ ದಾಡುಮಾ ಥೇವೇರ್ ವಾಟ್ ಮಾನೆನಿಜು ರಿನ ಅಬ್ಬ ಓ ವಾಟ್ ಮಾನೆಕೋ ನಿಜೇತಿ ತಮ್ ದಯಾನ ಪಾಲೆದ್ಚೋ. ³¹ ಓ ಸದಾ ಅಬ್ಬ ವಾಟ್ ಮಾನೇನಿಜು ರಾತೋ ಯಿ ,ತಮೇನ ಲಾಬೋಜಕೋ ದಯಾತಿ ಓ ಸದಾ ದಯಾನ ಪಾಲಚ್ ³² ಸೇಪರ್ ದೇವ್ ದಯಾನ ದಕಳೆವಳೋ ಸರಿಕರೆನ್ ಸೇನ ವಾಟ್ ಮಾನೆನಿಜೆರ್ ಹೆತ ಬೂರನ್ ಭಾಂದ್ನ್ನಾಕೋ. ³³ ಆಹಾ, ದೆವೆರೋ ಸಾವಕ್ಕ್ರಪನ್ ಗೆನ ಅಕ್ಕ್ಲ್ ಕತ್ರಾಕೋ ಉಮ್ದೋ ಒರ ಕಲಾಲರ್ ವೆನಿಜು ಛ. ³⁴ ಪ್ರಭುರ್ ಮನ್ನೇನ ಮಾಲ್ಮ್ಕಿದೋಜಕೋ ಕುನ್ ಒಣ ಸಿಕ್ವಡಿ ದೇವಾಲೇರ್ ನ್ಯೆ ರಿದೋಜಕೋ ಕುನ್.? ³⁵ ಅಗದಿ ಒಣ ದೇನ್ ಪಚ್ಚ ಓತಿ ಲೇವಾಳೋ ಕುನ್ ³⁶ ಸೋಲಿ ಓತೀಜ್ ಪೇದಾವಿ ಓತೀಜ್ ಚಲಾಚ; ಒರ್ವಸಜ್ ರಚ್ಚ ಓನ ಹಮೇಶಾ ಸ್ತುತಿ ಅಮೇನ್ .