¹ ಭಾಯಿಯೋ , ಇಶ್ರ್ಯೇಲೆವಾಲ್ ರಕ್ಷ್ನ್ ಪಾನೂಕಕೋಜ್ ಮಾರೋ ದಲೆರೋ ಅಸಾನ್ ದೇವೇನ ಮಕರುಕೋ ವಿಂತಿ . ² ದೇವೇವಾರ್ಡಿ ಉನ್ನೆನ ಘ ನೋ ಆಸಕ್ತಿ ಛಕನ್ ಉನ್ನೇರ್ವ್ವಡಿ ಸಾಕ್ಯಾದೇವೇರೋಚು; ಪಣ್ ಉನ್ನೇರ್ ಅಸ್ತಿ ಗೇನೆರ್ ಕೋನಿ. ³ ಓ ದೇವೇತಿ ಲಾಭಕೋ ನಿಯತೇನ ವಲಕೇನಿಜು ಖಾಸ್ ನಿಯತೇನ ಥಮಾ ದುನ ಕನ್ ದಿತೆಜೆತಿ ದೇವೇರ್ ನಿಯತೇನ ನವ್ವಕೋನಿ . ⁴ ವಿಶ್ವಸ್ ಕರೇವಾಲೇನ್ ನಿಯತೇನ ಡಿನೋ ಕೋ ಕ್ರಿಸ್ತುತಿಜ್ ಕಾಮೇರ್ ವಾಟ್ ಬುರಾಗೋಚ. ⁵ ಗ್ರ್ಮ್ಥೆವರ್ದಿತಿ ಲಾಭಕೋ ನಿ =ಯತೇರ್ ಖಬರೇಮಾ ಓನ ಮಾನನ್ ಚಾಲೇವಾಳೋಜ್ ಓತಿ ಬಂಚಚ ಕನ್ ಮೋಷೆ ಲಕ್ಕಚ . ⁶ ಪಣ್ ವಿಶ್ವಾಸಮೇತಿ ಆವಾಕೋ ನಿಯತ್ ಕಾಯಿ ಕಚ್ಚ ಕ್ರಿಸ್ತುನ ಹೇಟ್ ಬಲಂಲಯೇನ ಕೂನ್ ಉಪ್ರೇರ್ ಲೋಕೆನ ಚಡನ್ ಜಾಯೇ. ⁷ ಕನನ್ , ಕ್ರಿಸ್ಥುನ ಮಗರ್ ಜನು ಮಾತಿ ವತಾಲೆದ್ನ್ ಆಯೆನ ಕುನ್ ಪಾತಾಲೇನ ಉತರನ್ ಜಾಯೆ, ಕನ್ ⁸ ತಾರ್ ದಲೆಮಾ ಕೇಲಮತ್ ;ಉತಾರ್ ಮುಉಮ್ದೇಮಾನ್ ತಾರ್ ಡಲೆಮಾಛಕನ್ ಕಚ್ಚ ಉ ವಾತ್ ಹಮ್ ಕೇರೇಕೋ ವಿಶ್ವಸಮೇರ್ ವಾತಜ್ . ⁹ ಉ ಕಾಯಿಕತೋ , ತೂ ಯೇಸುನಜ್ ಪ್ರಭುಕನ್ ಮೂಂದೇತಿ ಕೇನ್ ದೇವ್ ಓನ ಮಗೆರ್ಜನುಮಾತಿ ವತಾದೊಚಕನ್ ದಲೆಮಾ ವಿಶ್ವಸ್ ಕರತೋ ತೋನರಕ್ಷಣ ವಚ್ಚ ಕಜಕೊಜ್. ¹⁰ ದಲೆತಿ ವಿಶ್ವಸ್ ಕರಜೆತಿ ನಿಯತ್ ಮಲಚ ; ಮುಂಡತಿ ಕೇಮಜೆತಿ ರಕ್ಷ್ನ್ ವಚ್ಚ . ¹¹ ಓಪರ್ ವಿಶ್ವಸ್ ಮೇಲಕೋ ಕೋಯಿ ಲಾಜೆಮಾ ಪಡೆನಿಕನ್ ಗ್ರಂಥ್ ಕಚ್ಚ. ¹² ಈ ಖಬರೇಮಾ ಯೂದುಲೇನನ್ ಗ್ರಕೆನ ಕಮ್ ಸರಸ್ ಛೆನಿ , ಸೇನಿ ಎಕ್ಲೋಜ್ ಪ್ರಭು ;ಓ ಒರ ನಾಮೇನ ಕೇಲೇವಾಲೇನ ಘನೋ ದೇವಾಳೋ ಛ ¹³ ಪ್ರಭುರ್ ನಾಮೇನ ಕೇಲೇವಾಳೆನ ರಕ್ಶನ್ ವಚ್ಚಕನ್ ಲಕಾನ್ ಛ. ¹⁴ ಪಣ್ ಓ ಕೆನ ವಿಶ್ವಸ್ ಕೀದೆಕೋನಿ ಕೋ ,ಒರೋ ನಾಮೇನ ಕೇಲೇರೋ ಕಿಮ್ ಅನ್ ಓರೋ ಖಬರ್ ಸಾಮೇಲ್ನಿಜು ಓನ ವಿಶ್ವಸ್ ಕರೇರೋ ಕಿಮ್ ಕೆವಾಲೋ ಛೆನಿಜು ಸಾಮೆರೋ ಕಿಮ್ ಕೇವಾಳೋ ಮೇಲಾಯೇನಿತೋ ಕೆರೋ ಕಿಮ್ . ¹⁵ ಎನ್ ಬರೋಬರ್ ಅಚ್ಹೋ ಖಬರೆನ ಕೆವಾಲೆರ ಪಾಗೆ ಕತ್ರಾಕೋ ಅಚ ಛಕನ್ ಲಕ್ಕನ್ ಛ ವಾತೋ ಉ ಅಚ್ಹೋ ಖಬರೇನ್ ಸೇ ಕಾನ್ ಡಿನನೇಕೋನಿ ¹⁶ ಈ ಖಬರೇಮಾ ಯೇಶಾಯ ಪ್ರಭು , ಹಂ ಕೆಕೋ ವಾತೇನ ಕುನ್ ವಿಶ್ವಸ್ ಕೀದೇ ಕನ್ ಕೋಚ. ¹⁷ ಜೇವಾರ್ಸ್ , ಕೆಕೋ ವಾತ್ ವಿಶ್ವಸಮೇನ ಅಥಾರ್ , ಉ ವಾತೇನ ಕ್ರಿಸ್ತುರ್ ವಾತಾಜ್ ಅಥಾರ್. ¹⁸ ವತೋ ಉನ್ನೇರ್ ಕಾನೇನ ಪಡಿಕೋನಿಕಾಯಿ ಕನ್ ಪೂಚುಚು ಪಡಿಕೋ ಸಾಸ್ ಕೇವಾಳೆರ್ ವಾತೇ ಜಮಿಸಾರಿ ಪೆಲಾಯ್ , ಉನ್ನೇರ್ ಕಡಿ ಜಗತಿರ್ ಅಖಾರಿತಾಣು ಪೂಂಚಗೋ. ¹⁹ ಪಣ್ ಇಸ್ರಾಯೇಲೇವಾಳ್ ಉ ವಾತೇನ ವಳಕಲೇಡಿಕೋನಿಕಾಂಯಿ ಕನ್ ಪೂಚುಚು ಈ ಖಬರೇಮಾ ಜಾತೇರ್ ಜನ್ ಕೋನಿಜೇವಾರ್ಡಿತಿ ತಮ್ ಪೇಟ್ ಬಾಳಜು ಕರುಚು, ಗೇನ್ ಛೆನಿಜೇ ಜನ್ನೇತ್ತಿ ತ್ಮೆನ ರಿಸ್ ಚೊಟಡುಚು ಕನ್ ಮೋಷೆ ನಿಜೆ ಜನ್ನೇತಿ ತಮೆನ ರೀಸ್ ಚೋ ಟಡುಚು ಕನ್ ಮೋಷೆ ಅಗಡಿಯಾ ಕೋಚ. ²⁰ ಉಜ್ಜಿ ಯೇಶಾಯ ಹಿಮ್ಮತೇತಿ ವಾತೇಕರನ್ ಮನ್ನಾ ಡಾಮ್ದೆಡೆ ಕೋನಿಜೇನಿ ಮಳೋ ಮಾರ್ ಖಬರ್ ವಿಚಾರ್ ಕೀದೇಕೋನಿಜೇನಿ ದೇಕಾಯೋ ಕನ್ ಕೋ. ²¹ ಪಣ್ ಉ ಇಸ್ರಾಯೇಲೇರ್ ಬಾರೇಮಾ ಮಾರ್ ವಾತೇನ ಮಾನೇನಿಜು ಛಕೋ ಜನ್ನೇನ ಮ ಸಾರಿದಾದೊ ಹಾತ್ ಲಾಬ್ರೋಕರನ್ ಬಲಾಯೋ ಕನ್ ಕಚ್ಚ.