Chapter 9
1
ಪಾಮ್ಚೋಮ ಸೋಜಾ ತುತ್ತುರ ಪುಮ್ಕ್ ಮಾರೋ ಜನಾ ಅಸ್ಮಾನೆತಿ ಧರತಿಪರ್ ಪಡೋಜಕೋ ಏಕ್ ಟಾರಾನ ಡಿಟ್ಟೋ ಓನ ಉಂದೋ ಖೇಲಾರ್ ಚಾವಿ ದೇಮಲೇ.
2
ಉ ಉಮ್ದೋ ಖೇಲಾನ ವಾಗಾದೋ ; ಅಂಗಾರೇರ್ ಖುಮ್ದೆರ್ ಧೂಯೇರ್ ಸರಿಕ್ ಧೂ ಉ ಖೇಲಾಮತಿ ನಿಕಳೋ ಉ ಖೇಕಾರ್ ಧೂಯೇತಿ ದಾದೋನ್ ಅದಮಾನ್ ಅಮ್ದಾರೋ ವೇಗೋ.
3
ಉ ಧುಯೇಮಾತಿ ಮಿಡ್ತಾ ನಿಕಳನ್ ಧರತಿಪರ್ ಆಯೇ ಉಂಡೆನ ಧರತಿಪರೇರ್ ವಿಮ್ಚುರ್ ಜೋರೇರ್ ಸರಿಕ್ ಜೋರ್ ದೆಮಲೆ .
4
ಜಮ್ಮಿ ಪರೆರ್ ಖದೆಣನ್ . ಹರೋಬಾರೋ ಕುಣ್ಸಿ ಬೋಚಕ್ಕಪರಾರ್ ಕುಣ್ಸಿ ಝಾದಿನ ಹಾಳ್ ಲಿದೆಕೋನಿಜಕೋ ಮನಕ್ಯಾನ ಜ್ ಹಾಂ ಕರೆರ್ ಹಕ್ಕೆನ ಉಂದೇನ ದೆಮಲೆ.
5
ಉಜ್ಜಿ ಉಂಡೆನ ಹತ್ಯಾಕರೇರ್ ಹಕ್ಕೆನ ದಿನೋಜುಮ್ಚ್ ಪಾಂಚ್ ಮಿನಾತಾನಿ ಉಂಡೆನ ಭಾವೇತಿ ಪದಾಯೇರ್ ಹಕ್ಕೆನಿ ದೆಮಲೆ ಉಂದೇರ್ ವಾಡಿರ್ ಭಾವೆತಿ ವಿಂಧೂ ಮಂಕ್ಯಾನ ಕತಾಜನಾ ವಜಕೋ ವೆಳಾರ್ ನ್ಯೆ ರಚ್ಚ .
6
ಓ ದಾದುಮಾ ಮನಕ್ಯಾ ಮೋತೇನ ಧುಮ್ದಚ ಘನ್ ಉಂದೇನ ಮಳೆನಿ ; ಮರ ಜಾಯೆನ ಅಸಾ ಕರಾಚ; ಪಣ್ ಮೋತ್ ಉಂದೇನ ಚೊದನ್ ಚಿಟಿ` ಧಾಸಚ.
7
ಓತಿ ದಾಕರ್ ಸಾಯನ್ ಯುಉದ್ದೆನ ತ್ಯಾರ್ ಕರ್ಮೆಲೆಜಕೋ ಘದೆರ್ ನ್ಯೆ ರ; ಉಂದೇರ್ ಮಾತೇಪರ್ ಸೋನೆರ್ ಕಿರಿಟಮೇರ್ ನ್ಯೆ ರ ; ಉಂದೇರ್ ಮುಉಮ್ದೋ ಮನಕ್ಯಾರ್ ಮುಉಮ್ದೆರ್ ನ್ಯೆ ರ
8
ಉಂದೇರ್ ಲತ್ತಾ ಭಿರ್ ಭಿರೇರ್ ಲತ್ತರ್ ನ್ಯೆ ರ; ಉಮ್ದೆರ್ ಡಾಟ್ ಸಿಮಕೋಸೇರ್ ದಂತೆರ್ ನ್ಯೆ ರ .
9
ಲೋಯೇರ್ ಧಾಳೆಸರಿಕ್ ಹಿಕ್ಕೆರ್ ಧಾಲ್ ಉಂದೇನ ರ ; ಉಂದೇರ್ ಪಕೋದಾರ್ ಆತ ಯೂದ್ದೆನ ಧಾಸಜಕೋ ಫನೆ ಘೋದೇನ ರಾಧಾಮೇಪರ್ ಭಾಮ್ದ್ಮಲಜಕೋ ಆತೆರ್ ನ್ಯೆರ .
10
ಉಂದೇನ್ ಏಕ್ ರಾಜ್ ರ ಉ ಪಾಟಾಲ ಮೇರ್ ಸೋಜಾ ಹೆಬ್ರಿವಾಟೆಮಾ ಅಬದ್ದೋನ್ ಕನನ್ ಗ್ರ್ಕ್ ವಂತೆಮಾ ಅಪೊಲ್ಲುಯೋನ್ ಕನ್ ಓನ್ ನಾಮ್ .
11
ಉಂಡೆನ್ ಏಕ್ ರಾಜ್ ರ ಉ ಪಾತಾಲ ಮೇರ್ ಸೋಜಾ ಹೆಬ್ರಿವಾತೇಮಾ ಅಬದ್ದೋನ್ ಕನನ್ ಗ್ರೀಕ್ ವಂತೆಮಾ ಅಪೋಳುಯೋನ್ ಕಣ್ ಓನ್ ನಾಮ್
12
ಅಗದಿಯಾ ಭವೇತಿ ಲಂಗನ್ ದಗರ್ ಉಂಡೆರ್ ಪಚ್ಚ ಉಜ್ಜಿ ಡಿಭಾವೆತಿ ಇದೆಕ್ ಅರಿಚ.
13
ಚೊಮೋ ಸೋಜಾ ಓರ್ ತುತ್ತೂರಾನ ಪುಮ್ಕ್ ಮಾರೋಜಾನಾದೇವೇರ್ ಅಂಗ ರಾಜಕೋ ಸೋನೆ ರ್ ಪೀಟಮೇರ್ ಚಾರ್ ಸೀಮ್ಘಮಾತಿ ಏಕ್ ಆತ ಅನ್
14
ತುತೂರಾಣ ಝುಲ್ಮಳೋಜ ಕೋ ಚೊಮೋ ಸೋಜ ನ ಡೆಕನ್ ಯುಪ್ರಕತಿನ ಮೊಟ್ ನಂಡಿರ್ ದಾಂಯಿ ಭಾಮ್ದೆಜ್ ಕೋ ಚಾರ್ ಸೋಜಾನಿ ಚೊದ್ನಾಕ್ ಕಜೇನ ಸಾಮಲೋ.
15
ನ್ಜನಾ ಮನಕ್ಯಾಮ ತಿಮ್ಮಹಂಸೋನ ಮಾನರ್ಕೆನ ಉಜ್ ಗಂಟಾವಾಸನ್ ಉಜ್ ಡಾದೇವಾಸನ್ ಉಜ್ ಮಿನಾವಾಸನ್ ಊ ಜ್ ವಸೆವರ್ಸನ್ ತಯಾರ್ ವೇಮಲೇಜಕೋ ಓ ಚಾರ್ ಸೋಜಾನಿ ಚೊಡೆ
16
ಘೋದೇರ್ ಘೋಜೆರ್ ಸಿಪ್ಪಯಿ ರ್ ಲೇಕೋ ವಿಸ್ ಕರೋಡ್ ರ ಉಂ ದೇರ್ ಲೇಕೋ ಅತ್ರಾಕನ್ ಸಮಾಲೋ .
17
ಘದೆನನ್ ಉಂದೇಪರ್ ಬೆತ್ತೆಜೇನ ದರ್ಧನ ಮೇಮಾ ಮ ಡಿಟ್ಟೋಜನ ಕಾಯಿಕತೋ ಓ ಅಂಗಾರೆರ್ ರಂಗನ್ ನೀಲಿ ರಂಗನ್ ಪಿಲೋ ರಂಗೆರ್ ನ್ಯೆ ಚಾಟಿರ್ ಹಿಕಿರ್ ಧಾಲೇರ್ ವೆಂ ರ ಚೊದೇರ್ ಮಾತೋ ಸಿಮಕೋಸೇರ್ ಮಾತೆರ್ ನ್ಯೆ ರ ಉಂದೇರ್ ಮೂಂದೇಮಾತಿ ಅಂಗರಂ ಧೂನ್ ಗಂಧಾಕ್ ನಿಕಲೋತ್ತರ.
18
ಉಂದೇರ್ ಮೂಂದೇಮಾತಿ ನಯಾಕಲೋಜ್ಕೋ ಆಮ್ಗಾರ್ ಧೂ ಗಂಧಾಕ್ ಇ ತಿನೆತಿ ಮಾನಕ್ಯಾಮ ತಿಮ್ಮೋಹಂಸೋ ಮರ್ಗೆ
19
ಓ ಘೋದೆರ್ ಜೋರ್ ಉಂದೇರ್ ಮುಂದೆಮಾನ್ ಪೂಛಡಿಮಾ ಕಿಮ್ ಕಿತೋ ಉಂದೇರ್ ಪೂಚಾಡಿ ಸಾಪೆರ್ ಮಾತೆರ್ ನ್ಯೆ ರ; ಉಮ್ದೆತಿ ಓಹಾಂ ಕರಾಚ.
20
ಭಾವೆಟಿ ಮರೆಕೋನಿಜಕೋ ದುಸರೇ ಮನಕ್ಯಾ ದೆಕೆರನ್ ಸಾಮಲೆಲೇರನ್ ಚಾಲೆರ್ ವೇನಿಜಕೋ ಸೋನೋ ರುಉಪೋ ತಾಮ್ಬೋ ಭಾಟಾ ಜ್ಹುಉದ್ ಇಮ್ದೆತಿ ಕಮೇರ್ಲೇಜ ಕೋ ಉಂದೇರ್ ಹಾತೆರ್ ಕಾಮೇರ್ ಮೂರತೇನನ್ ಸ್ಯೆತಾನೆನ್ ದೊಕ್ಕ್ದೆರ್ ಕಾಮೇತಿ ದಲ್ ಬ್ದಾದೆದೇ ಕೋನಿ .
21
ಉಂದೇರ್ ನರಹತ್ಯಾತಿನ್ ಡಾಕಿ ಜೋಗಿತಿನ್ ಛನಾಲೇತಿನ್ ಚೊರಿತಿ ದಲ್ ಬದ್ಮಯೇಕೋನಿ .