¹ ಏರ ಪಚ್ಚ ಕಾಂಚೆರ್ ಸರಿಕ್ ಅಚ್ಹೋ ದಕಾಯೇರರ ಜಿವೇರ್ ಪಾಣಿರ್ ಪವಿತ್ರಾರ್ ನಂ ದೇವೇರನ್ ಗೋಲಿರ್ ಪಿಲ್ಮಾರ್ ಸಿಮ್ಹಾಸಮೇತಿ ನಿಕಳ್ ಅವಜ್ಞ ಸೋಜಾ ಮನ ದಾಕಾಲೋ. ² ಶೆರೆರ್ ಅಲಿರ್ ವಚ್ಚನ್ ನಂಡಿರ್ ದೋಯಿಕರದೆಪರನ್ ಬಾರೆ ತರಾರ್ ಫಲ ದಜಕೋ ಜಿವೇರ್ ಪಹಲೇರ್ ಝಾದ್ ರ; ಉ ಹಯರ್ಕ್ಮಿನಾಯಿ ಓ ರ್ ಫಲೇನ ದಚಚ; ಉ ಜ್ಹಾದೆರ್ ಪಾನ್ ಜನ್ನೇನ ವಾರುಕರಛ. ³ ಅಬ್ಬೆಪ ಕುನ್ನಿ ಸರಾಒಇ ರೇನಿ; ದೆವೆರನ್ ಗೊಲಿರ್ ಪಿಲ್ಮಾರ್ ಸಿಮ್ಹಾಸನ್ ಓಮಾ ರಚ್ಚ. ⁴ ಓರ್ ಸೇವಾಕ್ ಸೇವಕರನ್ , ಓರ್ ಮುದೇನ ದರ್ಶನ್ ಕರಾಚ. ಓರ್ ನಾಮ್ ಉಂಡೆರ್ ಕಾಲೇಪರ್ ರಚ್ಚ. ⁵ ಉಜ್ಜಿ ವತ್ತ ಜರುಉರ್ ವಗತ್ ರೇನಿ ಡಿಯೋದಾಡೆರ್ ವಜಾಳೋ ಉಂಡೆನ ಜರೂರ್ ಛೆನಿ ; ದೇವ್ ಪ್ರಭುಜ್ ಉಂಡೆಪರ್ ಝಾಂಕಛ; ಓ ಜಗುಜಗು ಮ್ಮಾ ಯಿ ಪಾಲನ್ ಕರಾಚ. ⁶ ಏರ ಪಚ್ಚ ಉ ಮನ್ನಾ ಇ ವಾಟ್ ಸೇ ಸಾಸನ್ , ಸತ್ ಛ; ಜಲ್ದಿ ಚಾಲೆರ್ ಇ ಖಬರೆನ್ ಸೇ , ಒರ ಸೇವೇಕೇನ್ ದಕಾಲೆನ ಭಲ್ತಿಡಾರೇರ್ ಆತ್ಮಾರೋ ದೇವ ಪ್ರಭು, ಓರ್ ಸೋಜಾನ ಮೇಳೋ . ⁷ ಇದೆಕ್ ಮ ಜಲ್ದಿ ಆರೋಚು; ಈ ಗ್ರ್ಮ್ಥೆರ್ ಪ್ರಕಾವ್ಹನಾಮೆರ್ ವಾಟೆನ್ ಮನೆವಾಳ್ ನಶಿಬ್ ದಾರ್ ಕೇನ್ ಕೋ . ⁸ ಯೋಹಾನ್ ಮಜ ಇಂದೇನ ಡೆಕನ್ ಸಾಮಲ್ಲೋ ರಿದ್ದೋ; ಮ ಸಾಮಳನ್ ದಿತ್ತೊಜೆನ ಇಂದೇನ ಮನ್ನಾ ದಕಲೋಜಕೋ ಸೋಜಾನ ಧೋಕ್ಕೆನ ಒರ ಟಾಮ್ಗೆಮಾ ಪಡೋ. ⁹ ಉ ಮನ್ನಾ ತು ಹನು ಕರೆನ್ಸಿಜು ದೆಕ್ಮ ; ತಾರ್ ಸಾತನ್ ತಾರ್ ಭಾಯಿರ್ ಸಾತನ್ ಭಕ್ತಿಡಾರೇರ್ ಸಾತನ್ ಈಗ್ರಂಥೇರ್ ವಾತೆನ ಸೇ ಮಾನವಾಲೆರ್ ಸೇರ್ ಸಾತ್ ಮ ಸದಾ ಏಕ್ ಸೇವಕ್ ಚು ದೆವೆನಜ್ ಧೋಕನ್ ಕೋ. ¹⁰ ಉಜ್ಜಿ ಉ ಮನ್ನಾ ಈ ಗ್ರಂಥರ ಪ್ರವಚನಮೇರ್ ವಾಟೆನ್ ಮುಂದ್ರಾ ಮಾರ್ ಮಾತ್; ದಾಡ್ ದಾಂಯಿ. ಛ. ¹¹ ಅನ್ಯಾಯಿ ಕರೆವಾಲ್ ಉಜ್ಜಿ ಅನ್ಯಾಯಿ ಕರೇದ ; ಅಪವತ್ರೆರ್ ವಜ್ಜಿ ಅಪವಿರೇರ್ ವೇದ ; ನಿಯತೆರ್ ಉಜ್ಜಿ ನಿಯತೆನ ಕರೆದ; ಪವಿತರೆರ್ ಉಜ್ಜಿ ಪವಿತರ್ ವೇದ. ¹² ಇದೇಕ್ ಜಲ್ದಿ ಆರೋಚು ; ಓರೋ ಓರೋ ಕಾಮೇರ್ ವಾಡಿ ಓನ ಓನ ಮ ದೆರೋ ಫಲ ಮಾರ್ದಾಂಯಿ ಕಚ್. ¹³ ಮ ಅಲ್ವನ್ ಓಮೇಗಾನ್ ಅಗಡಿಯಾರೋರೋ ಚು ¹⁴ ಜಿವೇರ್ ಜ್ಹಾದೆಪರ್ ಹಕ್ಕೆಮೇವಳ್ ವೇನನ್ ಬಾಗಲೇರ್ ವತ್ತನ್ ಶೆರೆಮಾ ಜಾತೆನನ್ , ಉಂದೇರ್ ಲತ್ತನ ಧೋಲೇವಾಲ್ ನಶಿದಾರ್ , ¹⁵ ಕೊಟ್ರಾನ್ ಡಾಕಿ ಜೋಗಿನ್ ವಾದದಲನ್ ಹತ್ಯಾರನ್ ಮೂರೇನ್ ಧೋಕೆವಾಲ್ , ಲಬ್ಬರಿನ ಪ್ರೇಮ್ ಕರನ್ ಓರ್ ನ್ಯೆ ಚಾಲೇವಾಲ್ ಹಯರ್ಕ್ ಭಾರ ರಚ್ಚ ಕನ್ ಕೋ. ¹⁶ ಸಭಾಮಾ ಎ ಖಬಾರೆನ ಸೇ , ತಮೆನ ಗವಾಯಿ ನ್ಯೆ ಮಾಲಂಕರೇನ , ಯೇಸು ಮಜ ಮಾರ್ ಸೋಜಾನ್ ಮೇಳೋ ; ಮ ದಾವಿದೆರ್ ಜದಾನ್ ವಲಾದೆರನ್ ಜಾಮ್ಕಜಕೋ ಪರಬಾಟಿರ್ ತಾರ ಚುಕನ್ ಕೋ . ¹⁷ ಆತ್ಮಾನ್ ನವಲೇರಿ ಅಕನ್ ಬಲಾರೇಛ ; ಸಾಮಲೆವಾಳೋ ಯಿ ಅಜೋಕನ್ ಕೆದ ; ತರಸೆವಾಲೋ ಆಯೆಅ ; ಅಸಾವಾಲೋ ಜಿವೇರ್ ಪಾನಿನ ಫೋಕಟಜ್ ಲೇಲೇದ. ¹⁸ ಈ ಗ್ರ್ಮ್ಥಮೆರ್ ಪ್ರವಚನಮೇರ್ ವಾತೇನ ಸಾಮಳೋವಾಲೆನ ಮ ಗವಾಯಿರ್ ನ್ಯೆ ಕುಮ್ಯಿತೋಯಿ ಭೆಲತೋ , ಈ ಗ್ರಂತಮೆಮಾ ಲಕ್ಕ ನ್ ಸಹಜ ಕೋ ಭಾವೆತಿನ ದೇವ ಓನ ಬೇಲ್ಡಿಛ. ¹⁹ ಕೋಯಿತೋ ಈ ಪ್ರವಚನಾಮೆರ್ ಗ್ರ್ಮ್ಧೆಮಾರ್ ವಾತೇನ ಕಾಯಿತೋ ಕಾದಾತೋ ; ಈ ಗ್ರ್ಮ್ಥೆಮಾ ಲಕ್ಕನ್ ಛಜಕೋ ಜಿವೇರ್ ಝಾದೇತಿನ್ , ಪವಿತರ್ ಶೆರೆತಿಓರ್ರ್ ಹಂಸೋನ ದೇವ್ ಕಡ್ನಾ ಕಛ. ²⁰ ಇಂದಿನ ಗವಾಯಿ ದೇರೋಜ ಕೋ ಮ ಸಾಸಿಜ್ ಜಲ್ದಿ ಆರೋಚುಕನ್ ಕೆರೋಚ, ಹನುಜ್ಜೆದ; ಪ್ರಭು ಯೇಸುಅಚ್ಹೋ ²¹ ಅಪನೆರ್ ಪ್ರಭು ಯೇಸುರ್ ಕೃಪಾ ಸೆರ್ ಸೋಬ್ಯಾಟ್ ರೆದ ಅಮೆನ್.