¹ ಏರ ಪಚ್ಚ ಮೋಟನ್ ವಿಚಿಟರೇರೋ ಸಾ ತ್ ಭಾವೆತಿತಿ ರಾಜಕೋ ಸೋಜಾರೋ ದುಸಾರೋ ಏಕ್ ಖರಿರ್ ನಿಶಾನೆನ ಸೋಗೇರ್ಮಾ ದಿಟ್ಟೂ ಉಂದೇತಿ ದೇವೇರ್ ರಿಸ್ ಪೋರೋವಚ್ಚ . ² ಉಜ್ಜಿ ಅಂಗಾರೆತಿ ಬಳೋಜಕೋ ಕಾಚೇರ್ ಸಮುದ್ರೆಸ್ ರಿಕೋ ಏಕ್ ಸಮೂದೇನನ್ , ಜಿವರಾಶಿನನ್ ಓರ್ ಮುದರೆಸ್ರಿಕೋ ಏಕ್ ಸಮುಉದ್ರೆನನ್ ಜಿವರಾಶಿನನ್ ಒರ ಮುರತೇನನ್ ಓರ್ ನಾಮೇರ್ ಲೆಕ್ಕೆನ ವವೇನಿಜು ಜಿತೇಜಕೋ ದೇವೇರ್ ದಾಸ್ ತಂಟೆರ್ ವಿನಾವೋನ್ ಝುಲೇನ್ ; ಉ ಕಾಛೆರ್ ಸಮುದರೆರ್ ಧಾಮ್ಯಿ ಹುಬ್ಬೇಜೇನ ಡಿಟ್ಟೋ ³ ಓ ದೇವ ದೇವ್ ತಾರ್ ಕಾಮ್ ಸೇ ಮಹಿಮಾತಿನ್ ಅಚಚಂ ಕಾಲಾತಿ ಛ ; ಸೋಲಿ ತಾಕತೇರೋ ದೇವ್ ಪ್ರಭು. ಪಿಡಿಪಿಡಿರೋ ರಾಜ್ ದೇವ್ ತಾರೋ ವಾಟ್ ಸೇ ನಿಯಟನ್ ಸ್ತ ಛ . ⁴ ಪ್ರಭು ತಾರ್ ನಾಮೆನ ಛಮ್ಮೆಕ್ನಿಜು ಮಹಿಮಾ ಕರೆನಿಜು ಕುನ್ ರಚ್ಚ ದೇವ್ ತು ಎಕ್ಲೋಜ್ ಪವಿಟರ್ ಸೇ ಮಲ್ಕೆವಾಲ್ ಅನ್ ತಾರ್ ಅಂಗ ಧೋಕಛ ತಾರ್ ನೆರ್ ಸೇ ಮಾಲಂವೇಗಿಛ ಕನ್ ದೇವೇರ್ ಸೇವಾಕ್ ಮೋಷೆರ್ ಗಿದೇನನ್ ಗೋಲಿರಿ ರ್ ಪಿಲ್ಮಾರ್ ಬೊಲೇ.. ⁵ ಇಂದೇರ್ ಪಚ್ಚ ಇದೆಕ್ ಪರಮೆ ಮಾ ಗವಾಯಿರ್ ದೇರಾರ್ರ್ ದೇವಳ್ ಉಗಾದಜೇನ ಡಿಟ್ಟೋ . ⁶ ಉ ದೇವಲೇತಿ ಸಾತ್ ಭಾವತೇರ್ ಓ ಸಾತ್ ಸೋಜಾಪವಿಟರರನ್ ಝಾಂಕಜಕೋ ಪಾತೋಲಾತಾಪೇಲೇನ್ ಸೋನೆನೆರ್ ಪತಾನ ಚಾಟಿಪರ್ ಭಾಮ್ದೆನ್ ನಿಕಲೇ ⁷ ಜನಾ ಓಚಾರ್ ಜಿವಿಮಾ ಏಕ್ ಜಗುಜಗು ಮಾಯಿ ಜಿವೋಜಕೋ ದೇವೇರ್ ರೀಸೇತಿ ಭಾರಾನ್ ರಾಜಕೋ ಸಾತ್ ಸೋನೆರ್ ಕಚೋಲಿನ ಓ ಸಾತ್ ಸೋಜಾನ ದಿನೋ. ⁸ ಜನಾ ದೇವೇರ್ ಮಹಿಮಾತಿನ್ ಓರ್ ಟಾಕ ತೇತಿ ಆಯೋಜಕೋ ಧೂವಾಡಿತಿ ದೇವಲ್ ಸಾರಿ ಭಾರಾಗೋ ಓ ಸಾತ್ ಸೋಜಾರ್ ಸಾತ್ ಭಾವೆತಿ ಪುರೋವಜೆತಾನು ಕೋಯಿತೋಯಿ ದೇವಲೆಮಾ ಜಾಯೇರ್ ವೋಕೋನಿ .