¹ ಏರ ಪಚ ಹಾತೆರ್ ಲಕಡಿ ದರಿಕ್ ಏಕ್ ಮಾಪೆರ್ ಲಕಡಿನ ಮನ ದಿನೇ ಜನಾ ದೇವೆರ್ ದೊಜಾ ಹುಬ್ರೆನ್ ಮನ್ನಾ ಡೆಕನ್ ತು ಉಟನ್ ದೇವೇರ್ ದೇವಲೇನನ್ ಭೋಕನೆರ್ ಪಿಟಮೇನನ್ ಓಮಾ ಧೋಕೇವಾಲೆನ ಮಾಪ್ ಕನ್ನಿಕ್ ² ದೇವಲೇರ್ ಬಾರಾ ಛಜೇನ ಪರಲೇವಾಲೆ ನ ದೆಮಲೆಜೆತಿ ಓನ ಮಾಪ್ಪ್ಮತ್ ಪವಿತರ್ ಷೆರೇನ ಓ ಚಾಳಿಸ್ಯಾನ್ ಡಿ ಮಿನಾಟಾನು ಕ್ಹುಂದಚ . ³ ಮಾರ್ ದೊಯಿ ಸಾಕ್ಯಾ ಬೋತ್ಕಾ ರ್ ತೋಕಡಾನ ಪೇಲೇನ್ ಏಕ್ ಹಜಾರ್ ದಿಸ್ಸೇ ತ್ ದಾದೆತಾನು ಪ್ರವಚನಂ ಕೇರೋ ಹಕ್ಕೆನ ಉಂಡೆನ ದುಉಚು. ⁴ ರತಿರ್ ಪ್ರಭುರ್ ಅಂಗ್ ಛಜಕೋ ಡಿ ಓಲಿವಾರ ಝಾದನ್ ಡಿ ಡಿಯೇರ್ ಧೋನಿ ⁵ ಏಜ್ ಕೋಯಿತೋಯಿ ಉಂದಿನ ಹಾಂ ಕರೆರ್ ದಲ್ಮೆವಳ್ ಕುನ್ನ್ಕಿ ಉಂಡೆರ್ ಮೂಂ ದೇಮಾತಿ ಅಂಗಾರ್ ನಿಕಲ ನ್ ಉದೇರ್ ವ್ಯಾರಿಯುನ ಭಾಳಚ.; ಉಂಡಿಎನ್ಎ ಹಾಂ ಕರೆರ್ ದಲ್ಮವಾಲ್ ಕುನ್ನೋಕಿ ಓ ಹನುಜ್ ಹತ್ಯಾ ವೇವನು. ⁶ ಓಪ್ರವಛನಂ ಕೇರ್ ದಾಡೆಮಾ ಪಾಣಿ ಪಡೆನಿಜು ಅಸ್ಮಾನೆನ ಥಮಾಧೆರ್ ಹಕ್ ಉಂದೇನ ಛ ; ಓಪಾಣೆನ ಳೋಯಿರ್ ನ್ಯೆ ಬದ್ಮಾಯೇನ ನ್ ಉಂಡೆನ ಖಾತರ್ ವಜನಾಸೆ ಧರತಿನ ಸೋಲಿಟರಾರ್ ಸರಾಪೆತಿ ಮೇಲಾ ಪದಾಯೇರ್ ಹಕ್ ಸದಾ ಉಂದೇನ ಛ. ⁷ ಓ ಉಂದೇರ್ ಗವಾಯಿನ ಕೇನ್ ಪೋರೋ ಕರಜನಾ ಪಾತಾಳಮೆತಿ ಚದನ್ ಅವಜಕೋ ಜಿವರಾಶ್ ಉಂಡೆತಿ ಯುದ್ದ ಕರಣ್ ಉಂಡೆರ್ ಜಿಟನ್ ಮಾರ್ನಾಕಚ. ⁸ ಉಂಡೆರ್ ಜೀವಾಡಾ ಮೋಟ್ಟೋಷೆರೇರ್ ಅಲಿಮಾ ಪದ್ರಚ ; ಉ ಷೆರ್ ಸೋದೊಂ ಕಾನನ್ ಎಗುಪ್ತ್ ಕಣ್ ಸಾತುವಾರ್ ನ್ಯೆ ಕೆರಾಚ ; ವತ್ತ ಉಂದೇರ್ ಪ್ಪ್ರಭು ಸದಾ ಶಿಳುವಾಪರ್ ಮಾರೋ ಛ ⁹ ಜನ್ನೇಮಾನ್ ವಲಾದೆಮಾನ್ ವಾಟೆಮಾನ್ ಮಲ್ಕಿಮಾರ್ ಸೇ ಉಂಡೆರ್ ಜಿವದಾನ ಸದಾತಿನ್ ದಾದೆತಾನು ದೇಕೀಯೇ ಉಂದೇರ್ ಜಿವದಾನ ಮಸಾನೆಮಾ ಘಲೇದೇನಿ ¹⁰ ಓ ದೋಯಿ ಭಕ್ತಿದಾರ್ ಧರತಿರ್ ಜನ್ನೇನ ವೇಲಾಪಡಾಯೇಜೇತಿ ಉಂದೇರ್ ವಾಡಿ ಧಾರತಿಪರ್ ವಸ್ಸೆವಾಲ್ ಉಂದೇರ್ರ್ ಹಾಳೆನ ದೇಕನ್ ಅನಂದೇತಿ ಖುಷಿಕರನ್ ಏಕ್ಕೆನ ಏಕ್ ಇನಾಮ್ ದೆಮೆಲೇಛ . ¹¹ ಸಾಡಾಟಿನ್ ದಾದೆರ್ ಪಚ್ಚ ದೇವೇತಿ ಜಿವೇರ್ ಆತ್ಮಾ ಉಂದೇಮಾ ಆಯೋಯೋ ; ಜನಾ ಓ ಉಂದೇರ್ ಟಾಮ್ಗೆಪರ್ ಹುಬ್ಬೆ ; ಉಂದೇನ ದಿಟ್ಟೆಜೇನ ಘನೋ ಧಾಕ್ವೆಗೋ ¹² ಪರಮೆತಿ ಆಟ ಛದನ್ ಅವೋ ಕಜಕೋ ಏಕ್ ಜೋರೇರ್ ಅಟ್ ಉಮ್ದೆನ ವೋಜೇನ ಓ ಸಾಮಲನ್ ವಾದಲೇಪರ್ ಛದಂ ಉಂಡೆರ್ ವ್ಯಾರಿಯೂರ್ ಅಂಕಿರ್ ಅಂಗ ಪರಮೆನ ಉಪದ್ಗೆ ¹³ ಉ ವಗತ್ ಜಮ್ಮಿ ಘನೋ ಹಾಲಿ ಜನ್ನಾಜ್ ಉ ಶೆರೆಮಾ ದಸೋಮ ಹಂಸೋ ಧಳಕನ್ ಪಡೋಜಮ್ಮಿ ಹಾಲಿಜೇತಿ ಮನಕ್ಯಾಮ ಸಾತ್ ಹಜಾರ್ ಮರ್ಗೆ ಬಡೇಕೋ ಚಜೆತಿ ಮನಕ್ಯಾಮಾ ಸಾತ್ ಹಜಾರ್ ಮರ್ಗೆ ಬಡೇಜ್ಕೋ ಛಮಕ್ಯಾ ಪರಮೆರ್ ದೇವೇನ ಮಹಿಮಾ ಕಿದೆ. ¹⁴ ಡಿಮೋ ಭಾವೆತಿ ಲಂಗನ್ ದಗರಿ ಇದೆಕ್ ತಿನ್ನೋ ಭವೇತಿ ಜಲ್ದಿ ಅರಿಛ. ¹⁵ ಸಾತ್ತೋ ಸೋಜಾ ಟುಟುರಾಣ ಔಮ್ಕ್ ಮಾರೋಜನಾ ಜಗತಿರ್ ರಾಜ್ಯಾಮೇರ್ ಪಾಲನ್ ಸೇ ಅಪನೆರ್ ದೇವೇರಂ ಓರ್ ಕ್ರಿಸ್ತುರ್ ರಾಜ್ಯಾಂವೇಗೋ ; ಉ ಜಗುಜಗು ಮಾಯಿ ಪಾಲನ್ ಕರಿಯೇಜಕೋ ಜೋರೇರ್ ಆತ ಅಸ್ಮನೆ ಮಾ ವೇಗಿ ¹⁶ ಜನಾ ದೇವೆರ್ ಅಂಗನೆಮಾ ಉಂದೇರ್ ಸಿಂ ಹಾಸನಾಮೆಪರ್ ಬೇಟ್ಟೆಜಕೋ ವಿಸನ್ ಚಾರ್ ಮೊಟ್ ಉಂದೋಪದನ್ ¹⁷ ಛಜ ಕೋನ್ ಗೋಜಕೋನ್ ಆಯೇವಆಲೋ ಸತ್ತೆರ್ ಜೋರೇರ್ ಪ್ರಭುದೇವ್ ತೋನ ಸುತ್ತಿಕರಾಚಾ ; ದೇವ್ ಘ ನೋ ಮೋತೋ ಟಾಕತರ್ತಿ ರಜ್ಯಾಮೆನ ಪಾಲನ್ ಕರೆಚಿ ¹⁸ ಮಲ್ಕೆವಾಲ್ ರಿಸ್ ಕಿದೆಜನಾ ತಾರ್ ರಿಸ್ ಉಕಲಿಯಾಯೋ ಮರ್ಗೆಜೇರ್ ವೇವೆವಾಸಾನ್ ಭಕ್ತಿದಾರ್ ತಾರ್ ಸೇವಕೇನನ್ ಅವಿಟರೇನನ್ ತಾರ್ ಸೇವಕೇನನ್ ಧಾಕೆರ್ ಭಕ್ತಿವಾಲ್ ನಾನ್ ,ಓತುನ ಫಲ ದಿನನ್ ಧರತಿನ ಹಾಳ್ ಕೀದೇಜೇನ ಹಾಳ್ ಕರಣ ವಗತ್ ಅವಗೋಜ್ಕನ್ ಕೇನ್ ದೇವೇನ ಅರಾಧಾನಾ ಕೀದೇ. ¹⁹ ಜನಾ ಪರಮೆಮಾ ದೇವೆರ್ ದೇವಲ್ ಉಗದ್ದೋ ಓ ರ್ ದೆವೆಲ್ಮ ಓ ರ್ ಕರೆರ್ ಪೇತ್ತಿ ದಕಾಯೋ ಜನಾ ವಿಜ್ ಕ್ಹವೇರನ್ ಆಟನ್ ಘನೋ ಗರಜೆರನ್ ಜಮ್ಮಿ ಹಾಳೆರಂ ಮೋಟ್ ಹೋಲಾ ದಾದಾ ಪಡೆ.