Chapter 2
1
ಮಾರ್ ಬಾಯಿವೋ , ಅಪ್ನೆರ್ ಮಹಿಮಾರೋ ಪ್ರಭು ಯೇಸುಕ್ರಿಸ್ತುಪರೆರ್ ವಿಶ್ವಸಮೆಮಾ ಕಪಟ್ ಚೆನಿಜು ರೋ.
2
ಕಿಮ್ ಕತೋ ಸೋನೇರ್ ವಿಂತಿನ್ ಪಾಟರ್ ಲತ್ತಾ ಪೆರ್ಮಲೋಜಕೋ ಎಕ್ ಮನಕ್ಯನ್ ಘಟೋ ಲತ್ತಾ ಪೆರ್ಮೆಲೋಜಕೋ ಎಕ್ ಗರಿಜ್ ತಮಾರ್ ದೇವಲೆನ ಅವಜನಾ.
3
ಪಾಟೆರ್ ಲತ್ತಾ ಪೆಮೆಲೋಜ್ಞ ಮಾನೆತಿ ಡೆಕನ್ ತು ಈ ಅಚೋ ಜಾಗೆಮಾ ಬೆಸ್ಕಣನ್ ಉ ಗರಿಬೇನ ಡೆಕನ್ ತು ವತ್ತ ಹುಬರ್ ಕೊನಿಕತೋ ಅತ್ತ ಮಾರ್ ಪೇಜರ್ ಧಾಂಯಿ ಬೇಸ್ಕಾಕನ್ ತಮ್ ಕೇವತೋ,
4
ತಮಾರ್ ಮಾಮ್ಯಿ ತೆದಾತಿನ್ ಮಂದ್ ಸೋಸೇತಿ ನೇವ್ ಕರೆವಾಳ್ ವೋಚೋ ಕೊನಿಕ?
5
ಮಾರ್ ಪ್ರೆಮೆರ್ ಭಾಯಿ ಯೇ ಸಾಮಲೋ; ದೇವ್ ಈ ಧರತಿಮಾರ್ ಗರಿಬೇನ ವಿಶ್ವಸಮೆಮಾ ಸವೌಕಾರ್ ಓನ್ ಪ್ರೇಮ್ ಕರಜೆನ ಉ ವಚನ್ ದಿನೋಜಕೋ ರಾಜ್ಯಮೆನ ವಾರಸ್ರ್ ವೆನ ತಾಳ್ಲಿದೊ ಛ ಕೊನಿಕ?
6
ಪಂ ತಮ್ ಗರಿಬೇರ್ ಎಜ್ಜತ್ ಕಾದೊಚೋ; ಸಾವೂಕಾರಾಜ್ ತಮೆನ ಗೊಬೋ ಪಾದ್ರೆಚ ಕೋನಿ?ತಮೇನ ನೇವೆರೋ ಪಿತಿಮೇರ್ ಅಂಗ ಖೆಚೆಜಾಯೇವಾಲ್ ಓಜ್ ಕೋನಿಕ?
7
ತಮೇನ ಮಲೋಜಕೊಅಚೋ ನಾಮೆನ್ ಓಜ್ ಭುಮ್ದೊಕರೆಚ ಕೊನಿಕ?
8
ತೋನ ತು ಪ್ರೇಮ್ ಕರಸಾಜು ಬಗಲೆವಾಲೆನಿ ಪ್ರೇಮ್ ಕರನುಕ್ನ್ ಪವಿತರ್ ಗ್ರಾಂಥೆಮಾರ್ ಶೆಸ್ತ ಆಜ್ಞಾನ ತಮ್ ಪುರೋಕರತೋ ಭಲಾಯಿನ ಕರಾಚ.
9
ಸೋಮ್ಗೆವಾಲರ್ ನ್ಯೆರತೋ ಪಾಪ್ಕರನ್ ಲ್ಮ್ಗೆಜೆರ್ ನ್ಯೆ ಧರಮ್ಶಾಸ್ತ್ರೆತಿ ಪಾಪಿ ವೋಚೋ.
10
ಕಿಮ್ ಕತ್ಹೋ ಎಕ್ ಧರಂಶಸ್ತ್ರೆನ ಪುರೋಮಾಣನ್ ಎಕ್ಕೆಮಾ ಚೂಟತೊಯಿಸೋಲಿ ಅಜ್ನ್ಯಮಾ ದೊಶಿರೋ ವಚ್ಚ .
11
ಕಸೇನ ಕತೋ ವದಾಲೋ ಕರನುಕೊನಿಕನ್ ಕೊಜಕೊಜ್ ನರಹತ್ಯಯಿ ಕರಾರೆತಿ ನೇವ್ ವೆಜಾವಜೆನ ಛಾಜಾಜು ವಾತೇಕರನ್ ಓರ್ ನ್ಯೆ ಕರೋ.
12
ಸ್ವಾತಂತ್ರೆರ್ ಕರಾರೇತಿ ನೇವ್ ವೆಜಾವಜೆನ ಛಾಜಜು ವಾತೇಕರನ್ ಓರ್ ನ್ಯೆಕರೋ .
13
ಕಸೆನಕತೋ ದಯಾ ದಕಾಲೆನಿಜೆನ ದಯ ಚೆನಿಜಕೋ ನೇವ್ ಮಲಚ; ನೆವರ್ ಅಂಗ ದಯಾಜ್ ಜಿತಚ.
14
ಮಾರ್ ಭಾಯಿಯೇ ಏಕ್ ಓನ ವಿಶ್ವಾಸ ಚಕನ್ ಕೆನ್ ಉ ಕಾಂ ಕರೆನಿತೋ ಓನ ಕಾಂಯಿ ಪಾಯಿದೋ; ಉ ವಿಶ್ವಸ್ ಓನ ರಕ್ಷಣ್ ಕರಿಯೇಕ?
15
ಏಕ್ ಭಾಯಿಕೋ ಭೇನ್ ಕೋ ಲತ್ತಾಛೆನಿಜು ದಾಡೆರ್ ಬಾಟಿ ಚೆನಿಜು ರಾಜನಾ ,
16
ತಮೇಮಾ ಏಕ್ ಉಮ್ದೆನ ಡೆಕನ್ ತಮ್ ಶಾಂತಿತಿ ಜಾವೂ; ಸಿ ತಾಪೇನ್ ಭುಕ್ ಹಾತಾಲೋ ಕನ್ ಕೆನ್ ಜೀವದಾನ ಚಾವಜೆನ ಉಮ್ದೆನ ದೆನಿಕೋ ಕಾಯಿ ಒಅಯಿದೋ?
17
ಹನುಜ್ ವಿಶ್ವಸ್ ಕಾಂ ಕರೆನಿಕೋ ಓರ್ ಮಾಯಿ ಉಜ್ ಮಗೊಜೆರ್ ನ್ಯೆ ಛ.
18
ಎಕ್ ಮನಕ್ಯಾ ತೋನ ವಿಶ್ವಸ್ ಛ; ಮಣ್ಣ ಕಾಂ ಛ, ಕಾಂ ಕನೆನಿಜು ತಾರ್ ವಿಶ್ವಸೆನಮನ್ನದಕಾಲ್ ಮ್ ಮಾರ್ ವಿಶ್ವಸೇನ ಮಾರ್ ಕಾಮೆತಿ ತೋನ ದಕಾಳುಚು ಕನ್ ಕಿಯೇಕೊನಿಕ?
19
.ದೇವ್ ಎಕೊಜ್ ಕನ್ ವಿಶ್ವಸ್ ಕರನ್ ಚಕ್ನ್ನ್ ಧೂಜಛ.
20
ಕಾಮೆನಿಜಕೋ ಮನಕ್ಯಾ ಕಾಂ ಕರನಿಕೋ ವಿಶ್ವಸ್ ಮಗೊಕಕಜೆನ ಸಾಟ್ತಾ ಚಾನುಕ?
21
ಅಪ್ನೆರ್ ಭಾಪ್ ಅಬ್ರಹಾಮ್ ಓರ್ ಬೇಟಾ ಇಸಕೆನ ಭುಕನೆರ್ ಪಿತಾಪರ್ ಚದಾಯೇಜನಾ ಕಾಮೆತಿಜ್ ನಿಯುತೇದಾರ್ ವೋಕೊನಿಕ ?
22
ಓರ್ ವಿಶ್ವಾಸ ಕಾಮೇರ್ ಸಾತ್ ಕಾಂ ಕರನ್ ಕಾಮೆತಿ ವಿಶ್ವಾಸ ಪೋರೋವೊಜೆನ ದೆಕೆಚಿ .
23
ಹನುಜ್ ಅಬ್ರಾಹಾಂ ದೆವೆನ ವಿಶ್ವಾಸ ಕಿದೋ; ಓನ ಉ ನಿಯತ್ ವೋಕನ್ ಕಜಕೋ ಪವಿತರ್ ಗ್ರಥೆರ್ ವಾತ್ ಪುರೋವಿಚ; ಉ ದೆವೆರೋ ದೊಸ್ಥಿಕನ್ ಕೆರಾಲೋ.
24
ಜೇಟಿ ಮನಕ್ಯ ವಿಶ್ವಸೆತಿಜ್ ಕೊನಿಪನ್ ; ಕಾಮೆತಿ ಸದಾ ನಿಯತೆದಾರ್ ವಚ್ಚಕನ್ ತಮ್ ದೆಕೊಚೋ.
25
ಓರ್ ನ್ಯೆಜ್ ರಾಹಾಬ್ ಚನಾಲಿ, ಸೋಜಾನ ಧಾಂಯಿಕರನ್ ದುಸರೋ ವಾತೆನ ಮೇಲಿಡಿ ನಿಜೆ ಕಾಮೆತಿಜ್ ನಿಯತೆದಾನಿ ವೆಗಿಚ ಕೊನಿಕ?
26
ದಮ್ ಚೆನಿಜಕೋ ಜೀವಡಾ ಕಿಮ್ ಮಗೊಚಕೋ, ಹನುಜ್ ಕಾಂ ಕರೆನಿಜಕೋ ವಿಶ್ವಸಮಿ ಮಗೊಚ.