3 وسلموا على بريسكلا وأكيلا، زملائي اللي يعملوا معي بخدمة المسيح يسوع، 4 اللي ضحوا بحياتهم عشاني. ومش أنا وحدي أشكرهم، فالمؤمنين كُلهم يشكروهم كمان. 5 وسلموا على المؤمنين اللي يجتمعوا ببيوتهم. وسلموا على أبينتوس حبيبي اللي هو أول واحد آمن بالمسيح بمقاطعة آسيا. 6 وسلموا على مريم اللي تعبت كثير عشانكم. 7 وسلموا على أندرونيكوس ويونياس قريبي اللي كانوا محبوسين معي بالسجن، وهم معروفين بين الرسل، وهم آمنوا بالمسيح قبلي. 8 وسلموا على أمبلياس حبيبي بالرب. 9 وسلموا على أوربانوس زملائي بخدمة المسيح، وسلموا على إستاخيس حبيبي. 10 وسلموا على أبلس، اللي أثبت إيمانه صح بالمسيح. وسلموا على اللي هم من عائلة أرستوبولوس. 11 وسلموا على هيروديون قريبي، وسلموا على المؤمنين بالمسيح من عائلة نركسيوس. 12 وسلموا على تريفينا وتريفوسا اللي يتعبوا انفسهم عشان خدمة المسيح. وسلموا على برسيس المحبوبة، اللي اتعبت نفسها كثير عشان خدمة المسيح. 13 وسلموا على روفس المؤمن المميز، وعلى أمه اللي هي كمان أمي. 14 وسلموا على أسينكريتس وفليغون وهرمس وبتروباس وهرماس والإخوة اللي معاهم. 15 وسلموا على فيلولوغوس وجوليا ونيريوس وأخته و أولمباس وكُل المؤمنين اللي معاهم. 16 وسلموا على انفسكم بينكم بين ببوسة طاهرة. وكُل المؤمنين بالمسيح يسلموا عليكم.
17 ويا أخواني اطلب منكم تنتبهوا للي يفعلوا الخلافات ويعملوا المشاكل بطريقكم، ويعلموا الناس تعليم مش نفس التعليم اللي علمناكم، ابتعدوا من هذوا 18 ومثل هذوا الناس ما يخدموش المسيح، فهم يخدموا بطونهم. ويخدعوا قلوب الناس المساكين بكلامهم الطيب والمليح. 19 وقد الناس كُلهم عرفوا عن إيمانكم، وعشان هذا انا فرحان بكم، واشتيكم تكونوا حكماء بعمل الخير وبريئين من الشر. 20 والله اللي يجيب السلام شيسحق الشيطان تحت ارجلكم قريباً. ونعمة ربنا يسوع المسيح معاكم.
21 ويسلم عليكم تيموثاوس زميلي بالخدمة، ولوكيوس وياسون وسوسيباترس أقربائي.
22 وانا ترتيوس اللي اكتب الرسالة هذه، اسلم عليكم سلام المسيح. 23 ويسلم عليكم غايوس، اللي مضيفنا ببيته ومضيف المؤمنين كُلهم ببيته. ويسلم عليكم أراستس أمين صندوق المدينة، ويسلم عليكم الأخ كوارتس. 24 ونعمة ربنا يسوع المسيح معاكم كُلكم. آمين.
25 والمجد لله القادر يثبتكم بالإيمان حسب الإنجيل اللي انا ابشر فيبه عن يسوع المسيح، وحسب إعلان السر المكتوب من زمان طويل. 26 وبعدا كشف الآن بالكتب النبوية بأمر من الله، والناس كُلها عرفت السر، عشان تجي تؤمن بالله وتطيعه. 27 المجد لله الحكيم الوحيد للأبد، بيسوع المسيح. آمين.