5 واحد يعتبر انُه يوم أهم من يوم، وواحد ثاني يعتبر إنو كل الأيام سواء. فكل واحد لازم انُه يكون مقتنع تماماً برأيه. 6 فاللي يعطي أهمية خاصة ليوم ،يعمل هذا إكرام لله. واللي يأكل اللحم يعمل هذا لإكرام الله، لأنه يشكر الله. واللي يرفض إنو يأكل بعض الآكلات ، يعمل هذا لإكرام الله، وهو كمان يشكر الله. 7 مافيش واحد يعيش علشان نفسه ، ولا واحد يموت علشان نفسه . 8 بحياتنا نعيش للمسيح، ولما نموت نروح لعنده، سواء بحياتنا او بعد موتنا، احنا ننتمي للمسيح. 9 ولهذا مات المسيح وقام للحياة، علشان يكون رب الأموات والأحياء.
10 فلا ينتقد أحد أخوه ، ولا يحتقر أحد أخوه، لأننا كلنا شنوقف أمام كرسي محكمة الله. 11 مثلما يقول الكتاب: " قال الله: ‘ أقسمتو بنفسي ، شيسجدوا الكل على رُكبهم ،والجميع شيشهدوا علناً إنو انا الله." 12 إذن كل واحد مننا شيعطي عن نفسه حساب لله. 13 فما ننتقدش بيننا البين،صمموا إنو ما يعملش ولا واحد حاجه تخلي أخوه يتعثرتو يفلت بالمعصية. 14 فأنا عارف، بل مقتنع من الرب يسوع ، إنو مافيش حاجه نجسة بنفسه . أما اذا واحد أعتبر حاجه نجسه ، فهي نجسه بنظره. 15 إذا اخوك متضايق بسبب أكلك، فأنت ما تعملش بمحبة . لا تخليش الأكل حقك يتسبب بأنه يهلك أخوك اللي مات المسيح علشانه. 16 أنتبه علشان الناس ما يتكلموش بالسوء على الأمور اللي تعتبرها انت صالحة لك. 17 لان مملكة الله مش أكل وشرب ، هي صلاح وسلام وفرح بالروح القدس. 18 فاللي يخدم المسيح بهذي الطريقة ،الله يرضي عنه والناس تمدحه.
19 إذن لازم نتبع اللي يودي للسلام ولتقوية بيننا البين. 20 لاتهدمش عمل الله بسبب اللي تأكله. صحيح كل الطعام حلال ، بس من الغلط أنك تعثر الأخرين بسبب ما تأكلهُ. 21 من الأحسن انك تمتنع من أكل اللحم، وشرب الخمر، وعلى اي حاجه ثانية تخلي أخوك يفلت. 22 أحتفظ باعتقادك بهذا الموضوع بينك وبين الله. هنيئاً للي مايلومش نفسه لما يعمل باللي هو حلال حسب توقعه. 23 اما اللي يأكل وعنده شك فيُحكم علوه ، لانه يتصرف من غير إيمان، واللي يجي بدون إيمان هي معصية .