6 وهذا هو السبب اللي يخليكم تدفعوا الضرائب.لإنُه المسؤولين بالسلطة يخدموا الله لما يُداوموا على ذى العمل. 7 جيبوا لكل واحد حقُه:إدفعوا الضريبة للي يجمعوا الضرائب،والجزية لصاحب الجزية، والإحترام للي محترم ،الكرم للي هو كريم . 8 لا تكونوش مديونيين لأحد بشيء،إلا محبة بعضكم لبعض،فاللي يحب الآخرين،يُعتبر إنُه طبَّق التوراة كُلِّه. 9 لإنُه الوصايا اللي تقول:" لا تزني،لا تقتُل،لا تسرق، لا تشهد زور، لا تشتهي"وغيره من الوصايا، تتلخص بوصية واحدة :" حِبّ قريبك مثلما تحب نفسك" 10 فاللي يحب قريبه ما يُسيء لأحد،فالمحبة هي تكمِله للتوراة كُلِّه.
11 وفوق هذا،أنتم عارفين الوقت،و إنُه جت الساعة اللي لازم نصحي فيبه من النوم،لإنُه نجاتنا الآن أقرب لنا من الوقت اللي آمنا فيبُه. 12 قرّب الليل ينتهي ويطلع النهار.لازم إنُه نطرح الأعمال اللي نعمله بالظلام بعيد،ونلبس السلاح اللي نحارب فيبُه بالنور. 13 لازم نعيش مثلما اللي يمشي بالنِهار:لا عربده، ولا سُكار،ولا فِسق ،ولا خلاعة،ولا عداوة، ولا حسد. 14 لازم يكون السلاح اللي تلبسونُه هو الرب يسوع المسيح،ولا تفكروا كيف تشبعوا شهوات الجسم.