13 ¹ واجب على كل إنسان إنُه يطيع المسؤولين اللي يحكمُونُه، لإنُه كل سلطة هي من عند الله،والحكومات الموجودة الآن ،الله هو الذي عينها. ² فاللي يُعادي السلطة ،يُعتبرمُعادي لله،ويستحق العقاب. ³ الحُكام مايخافوش من اللي يعمل الخير،يخافوا بس من اللي يعمل الشرّ.إذا ما تشتي تخاف من المسؤول اللي بالسلطة،إعمل الشيء الصحيح بيريضي عنك، ⁴ لإنُه خادم لله ويعمل لمصلحتك.لكن لو عِملت شرّ، طبيعي إنُه تخاف،لإنُه ما يتحملش سيف السُلطة باطل،فهو خادم الله يُجازي ويعاقب اللي يعمل الشرَّ. ⁵ عشان كِذا لازم إنُه نطيع الحكومة،موش بس خوف من غضب الله وعقابه،لكن من شان ضميرك يكون مرتاح كمان.

⁶ وهذا هو السبب اللي يخليكم تدفعوا الضرائب.لإنُه المسؤولين بالسلطة يخدموا الله لما يُداوموا على ذى العمل. ⁷ جيبوا لكل واحد حقُه:إدفعوا الضريبة للي يجمعوا الضرائب،والجزية لصاحب الجزية، والإحترام للي محترم ،الكرم للي هو كريم . ⁸ لا تكونوش مديونيين لأحد بشيء،إلا محبة بعضكم لبعض،فاللي يحب الآخرين،يُعتبر إنُه طبَّق التوراة كُلِّه. ⁹ لإنُه الوصايا اللي تقول:" لا تزني،لا تقتُل،لا تسرق، لا تشهد زور، لا تشتهي"وغيره من الوصايا، تتلخص بوصية واحدة :" حِبّ قريبك مثلما تحب نفسك" ¹⁰ فاللي يحب قريبه ما يُسيء لأحد،فالمحبة هي تكمِله للتوراة كُلِّه.

¹¹ وفوق هذا،أنتم عارفين الوقت،و إنُه جت الساعة اللي لازم نصحي فيبه من النوم،لإنُه نجاتنا الآن أقرب لنا من الوقت اللي آمنا فيبُه. ¹² قرّب الليل ينتهي ويطلع النهار.لازم إنُه نطرح الأعمال اللي نعمله بالظلام بعيد،ونلبس السلاح اللي نحارب فيبُه بالنور. ¹³ لازم نعيش مثلما اللي يمشي بالنِهار:لا عربده، ولا سُكار،ولا فِسق ،ولا خلاعة،ولا عداوة، ولا حسد. ¹⁴ لازم يكون السلاح اللي تلبسونُه هو الرب يسوع المسيح،ولا تفكروا كيف تشبعوا شهوات الجسم.