6 ¹ عشان كذا لازم نترك وراءنا الأشياء اللي تعلمنها بالماضي على المسيح، وما نرجعش نتكلم مرة ثاني على التوبة من الاعمال اللي توصل للموت ،والإيمان بالله، ² وتعليم المعموديات، وطرح اليدات،وقيامة الأموات، وعقاب الآخرة. ³ وشنتقدم بإذن الله.

⁴ أما اللي جاءوا لنور الإيمان بالمسيح، وذاقوا هدية السماء،وحصلوا نصيب من الروح القُدس، ⁵ وذاقوا كلمة الله الصالحة،وشافوا معجزات الحياة الجديدة، ⁶ وبعدين ارتدوا،مستحيل يرجعوا للتوبة مرة ثاني،لإنه هم انفسهم يصلبوا ابن الله مرة ثاني، ويستهزئوا فيبه قُدام الكل. ⁷ لما تشرب الأرض المطر اللي ينزل عليها مرات كثير،وتنتج محصول ينفع اللي زرعها، الله يباركها. ⁸ أما لو طلعت شوك وزرع ما منوش فائدة ، تكون مالش قيمة، وتستحق اللعنة، ونهايتها الحرق.

⁹ لكن أنا متأكد يا أحباب ،إنكم بحالة أفضل وانكم ماشيين بطريق النجاة. ¹⁰ فالله موش ظالم عشان ينسي عملكم،ولا محبتكم له اللي ظهرت بخدمتكم للمؤمنين من قبل والآن. ¹¹ واتمني إنه كل واحد منكم يُظهِر نفس الحماس للنهاية، وعنده الثقة الكاملة بالرجاء. ¹² لا تكونوش كسلين،واقتدوا باللي يورثوا ما وعد الله فيبه ، بالإيمان والصبر. ¹³ لما وعد الله إبراهيم،أقسم بنفسه، لإنه مافيش احد أعظم منه عشان يحلف فيبُه. ¹⁴ قال لإبراهيم :" شاباركك بكل بركة، واجيب لك ذرية كثيرجداً." ¹⁵ فصبر إبراهيم وانتظر وحصل اللي وعده الله فيبه. ¹⁶ فالناس يحلفوا باللي هو أعظم منهم، واليمين عندهم ينهي أي مشكلة. ¹⁷ عشان كذا الله أكد للي بيحصلوا على وعده إنه قراره ما يتغيرأبداً، وثبت وعده بقسم . ¹⁸ استخدم الله شيئين ما يتغروش ولا يمكن إنه يكذب فيبهم،الوعد والقسم، الله يشتي يشجّعنحنا، لإنه لجأنا له عشان نتمسك بالرجاء المقدم لنا. ¹⁹ هذا الرجاء يعتبر مرساة ثابتة وآمنة لحياتنا، ويوصلنحنا لوراء الحجاب السماوي. ²⁰ مكان ما دخل يسوع قبلنا بالنيابة عننا، ورجع رئيس كهنة للأبد مثل ملكي صادق.