12 ^{1 2} لازم نركز بعيوننا على المسيح مصدر وهدف إيماننا،من شان الفرح اللي كان ينتظره، تحمل الموت على الصليب،وما هموش أي عار، وجلس على يمين عرش الله. ³ فكروا بهذا اللي تحمل هذه العداوة من ناس مذنبين، عشان ما تيأسوا ولا تستسلموا.

⁴ أنتم تجاهدوا ضد المعصية،لكن لحد الآن ما قاومتم لدرجة أنه تضحوا بدمكم. ⁵ هل نسيتم الكلام اللي يكلمكم الله فيبه كأولاد له لما يقول:" يا إبني، لا تستهزي بتأديب الله، ولا تيأس إذا وبخك، ⁶ لإنه الذي يحبه الله يؤدبه، ويجلد كل ابن له" ⁷ فتحملوا التأديب،لانه يعاملكم معاملة الأبناء : هل في ابن ما يؤدبش أبوه؟ ⁸ فإذا كان الله ما يؤدبكم ، مثلما يؤدب بقيت أولاده، فأنتم تعتبروا أولاد زنى موش أولاد شرعيين له. ⁹ كان معنا آبائنا من البشريؤدبنحنا وكنا نحترمهم. فالأولى انه نحترم أكثر الأب الروحي،عشان نعيش حياة تمام. ¹⁰ هم كانوا يؤدبنحنا أيام قليل مثلما يشتوا هم، أما الله فيؤدبنحنا لمصلحتنا ، عشان نكون كاملين مثله. ¹¹ ومن الطبيعي انه كل تأديب نشوفه بوقته انه مُزعل ،لكن نتيجته بعدين سلام وخير للي تعلموا منه. ¹² عشان كذا،شُدوا عزيمتكم اللي ضعفت، وقوتكم اللي نقصة. ¹³ إمشوا على الصراط المستقيم، من شان ما يسقط التعبان، ويتعافي. ¹⁴ حاولوا انه تكونوا بسلام مع كل الناس، وتعيشوا حياة صالحة، لانه بغير الصلاح ماحد يقدر يشوف المسيح. ¹⁵ انتبهوا أي واحد منكم يحرم نفسه من نعمة الله،عشان ما ينبت بينكم عِرق مُر، ويعمل مشاكل بينكم. ¹⁶ وانتبهوا يكون بينكم زاني أو مستهتر مثل عِيسو اللي تنازل عن حقوقه اللي كانت له بإعتباره البكر، مقابل أكلة واحدة. ¹⁷ وتعرفوا انه لما رجع يشتي يورث البركة من أبوه،رُفض لأنه محصلش طريق للتوبة، رغم انه طلب البركة وهو يبكي. ¹⁸ أنتم ما جيتم لجبل ملموس،مولع بالنار،ولا لغيوم وظلام وريح عاصفة، ¹⁹ ونفخ بوق، ولا صوت يتكلم، خلى اللي سمعنوه يطلبوا منه يسكت مايتكلمش. ²⁰ لأنهم ما تحملوش هذا الإنذار:" حتى البهيمة لو لمست الجبل، لازم يقتل رجم بالحجار." ²¹ وكان المنظر رعب جداً لدرجة انه موسى قال:" أنا ارتعش من الخوف ." ²² لكن انتم أجيتم لجبل صهيون،لمدينة الله الحي، القدس السماوية، واجيتم لحفلة يتجمع فيبه آلاف الملائكة، ²³ أجيتم لمجموعة الأبناء البكور اللي اسمائهم مكتوب بالسماء.أجيتم لعند الله قاضي كل البشر،أجيتم لأرواح الصالحين اللي بلغوا الكمال، ²⁴ أجيتم لعند يسوع، وسيط العهد الجديد ،ولدمه المرشوش اللي يتكلم برسالة أحسن من رسالة دم هابيل.

²⁵ انتبهوا ما تسعموش الله اللي يكلمكم. فاللي رفضوا يسمعوا له لما حذرهم هنا بالأرض، عاقبهم، فكيف بنهرب نحنا اذا ارتدين وهو يحذرنحنا من السماء؟ ²⁶ باذاك الوقت ، صوته هز الأرض، أما الآن جاب وعد وقال :" مرة ثاني شزلزل الأرض موش وحده، كمان السماء." ²⁷ معنى كلامه:" مرة ثاني" يدل انه الأشياء اللي ماهيش ثابت بتنتهي ،واللي هي ثابت بتبقي. ²⁸ فالمملكة اللي حصلناها مملكة ثابتة ما تهتز،عشان كذا لازم نعبد الله ونشكره بالطريقة اللي ترضوه وباحترام. ²⁹ إتذكروا إنه " إلهنا نار