2 ¹ كنتم أموات بسبب معاصيكم وذنوبكم، ² اللي عشتم فيها بالماضي، وكنتم تمشوا بطريق هذه الدنيا،وتتبعوا هواء إبليس،وهو الروح الذي يتحكم الآن باللي ما يشتوش يطيعوا الله. ³ ونحنا كلنا كنا بالماضي مثلهم،نمشي بعد شهواتنا الجسدية،وننفذ رغبات طبيعتنا وافكارنا. عشان كذا كنا نستحق عقاب الله مثل الباقين. ⁴ لكن الله رحمته علينا واسعة ، وويحبنحنا كثير، ⁵ لما كنا أموات بسبب الذنوب،جاب لنا الله الحياة مع المسيح،أنتم نجيتم بنعمة الله. ⁶ وأقامنا مع المسيح وجلسنحنا معه بالسماء، لإنه نحنا ننتمي للمسيح يسوع. ⁷ عشان يُبين بكل الزمن اللي بيجي إنه نعمته كثيرة وبلا حدود، لإنه أشفق علينا بواسطة يسوع المسيح. ⁸ أنتم نجّيكم الله بنعمته لإنه آمنتم فيبه،موش بسبب مجهودكم،إنما هدية من الله. ⁹ ولا هو بسبب عمل عملتنه،عشان ماحد يفتخر. ¹⁰ الله صنعنحنا،هو الذي خلقنحنا بواسطة المسيح يسوع عشان نعمل الصالحات اللي جهزه لنا من قبل. ¹¹ إتذكروا إنكم ولدتم من أصل موش يهودي، فكانوا اليهود اللي يسموا انفسهم "المختونين" يسمونكم"اللي موش مختونين" رغم انه ختان معمول بالجسم باليد. ¹² بآذاك الوقت كنتم بلا مسيح،وموش محسوبين من شعب الله،وما ومالكمش نصيب بعهود الله ولا وعوده لهم،وكنتم تعيشوا بهذه الدنيا بلا أمل وبلا إله. ¹³ لكن الآن بواسطة المسيح يسوع، أنتم اللي كنتم من قبل بعيدين عن الله،رجعتم قريبين بدمه اللي ضحي فيبه.

¹⁴ فالمسيح هو سلامنا،لانه وحّد اليهود وغير اليهود وخليهم شعب واحد، وبجسمه هدم حاجز العداوة اللي كان يفصل بينهم. ¹⁵ وابطل قوانين وانظمة التوراة، عشان يحقق السلام ويعمل من الاثنين شعب واحد جديد ينتسب له. ¹⁶ ويصالح الإثنين بجسد واحد مع الله، وينهي العداوة بينهم،كل هذا حصل بموته على الصليب. ¹⁷ وبعدين جاء وبشركم بالسلام كلكم : أنتم اللي كنتم بعدين عن الله،واللي كانوا قريبين منه. ¹⁸ بواسطة المسيح نحنا كلنا نقدرنتقرّب للآب بروح واحد.

¹⁹ إذن، انتم موش غرباء ولا أجانب بعد الآن، أنتم مواطنين مع شعب الله،واعضاء بعائلة الله، ²⁰ وانتم بناء مبني على اساس الرسل والأنبياء،وحجر الزاوية هو المسيح يسوع نفسه. ²¹ وهو اللي يخلي البناء مشدود مع بعضه، عشان يرتفع ويكون بيت مقدس للرب. ²² بالمسيح انتم مبنين مع الآخرين مسكن يسكن فيبه الله بروحه.