¹ ಯೇಸು ಎ ವಾಟೆನ ಕೋಜೆರಪಚ್ಚ ಗಲಿಲಾಯನ್ ಛೂಡನ್ ಯೋರ್ದನೆರ್ ಪರಲ್ ಜಾನ್ ಯಾದಯ ಮಲ್ಲ್ಕೆನ ಆಯೋ ² ಘಂ ಮನಕ್ಯಾರ ಮಾಲಾವ್ ಓ ರ್ ಲಾರ ಗೆ ಓ ಉನೆನ ವತ್ತಾಜ್ ವಾರುಕಿದೋ ³ . ಜನಾ ಫಾರಿಸಾಯುವಾಲ್ ಓರ್ ದಮ್ಯಿ ಅನ್ ಓನ ಪರಿಚೂ ಜರನು ಕನ್ ಸಾಸ್ಕರಣ್ ಏಕ್ಲೋ ಕೋಯಿಟುಯಿ ಕುನ್ನಿ ಏಕ್ ಕಾರಂ ಮೇಟಿ ಓರ ಘರೆವಾಲಿನ್ ಚುದೆರೂ ನೆವ್ ಕಂಯಿ ಕಿಂ ಕಣ್ ಪುಚೆ ಜನಾ ⁴ . ಉ ಮನಕ್ಯಾನ ಬನಾಯೋಜಕೋ ತಾರಾಗಡಿಯಾತಿಜ್ ಉನೆನ್ ಮತಿ ಬೀರ್ ಕಣ್ ಕಿದೋ ಅನ್ ⁵ . ಉನ್ನೇರ್ ಬಾರೆಯ ಈ ಕಾರನ್ಮ್ಮಾತಿಜ್ ಮಾಟಿ ಯಾದಿಪಾಪೆನ ಚೂ ಡನ್ ಓರ್ ಘರೆವಾಲೀತಿ ಬಹಳನ್ ರಚಚ್ ; ಓದೋಯಿ ಎಕ್ಕೆಜ್ ಜೀವಡಾವೇನ್ ರಚ್ಚ ಕನ್ ಕೆಮೊಚೆಕೆನ್ ತಮ್ ವಾಂಚೇಕೋನಿ ಕಂಯಿ ⁶ . ಏರ್ ನ್ಯೆ ಛ ಜೆಟಿ ಓ ವಜ್ಜಿ ದಿಕೋನಿ ಎಕ್ಕ್ಜ್ ಜೀಅದಾಸೆನ್ ಚ ಜೆತಿ ದೇವ್ ಏಕ್ ಕೊಡೊಜೆನ್ ಮನಕ್ಯಾ ಚೂಡಾನು ಕೋನಿ ಕಣ್ ಕೋ ⁷ ಓ ಓಅ ಹನುಕತೋ ದತ್ತ್ ಟುದೇರ್ ಕಾಗದೇನ ದೇನ ಓನ ಛೂದ್ದೆಣು ಕಣ್ ಮೊ ಶೇ ಕಸ್ಸೆನ ಅಜ್ನ್ಯಾದಿನೋ ಕಣ್ ಪುಚೆ ⁸ . ಉ ಮೋಶೆ ತಮಾರ್ ದಲ್ ಘತ್ತ್ರು ಛೆಜೇನ ಡೆಕನ್ ತಮಾರ್ ಘರೆವಾಲಿನ್ ಛೂದ್ದೆವಾಸ್ ಕಣ್ ಕೋ ಪಾನ್ ಧರ್ ಅಗಡಿಯತಿ ಹನು ವೇಟಿ ಕೋ ನಿ ⁹ . ಅನ್ ವದ್ದಳೆನ್ ಕಾರಣೆತಿ ಸವಾ ಓ ರ್ ಘರೆವಾಲಿನ್ ಛುಡನ್ ವಜ್ಜೆಕಿನ ಕವಾಯ ಕಾರ್ಮೆವಾಲೂ ಓತಿ ವಾದದಲ್ ಕರೆವಾಲೋ ವಚ್ಚ ಕಣ್ ಟೇಮ್ನ ಕೆರೋಚು ಕಣ್ ಕೋ ¹⁰ . ಓನ ಚೆಲಾವೂ ಘರೆವಾಲೀರ ಬಾರೆಮಾ ಓರ್ ಘರೆವಾಳೆರ್ ಧರ್ಮ ಹನುರಾತೋ ವಾಯ ಕರೆರೋ ಅಚೋ ಕೋನಿ ಕಣ ಕೆಜಾನ ¹¹ . ಉ ಉನ್ನೆನ ಈ ವಾತೇನ ಮಾನ್ಮೆರ್ ದಯಾ ಪಾಮಲೆಜಕೋ ಸವಾ ದುಸ್ಸ್ರ್ ಎ ವಾಟೆನ ಮನೆನಿ ಕಣ್ ಕೋ ¹² . ಯಾದಿರ್ ಪೆಟಿಮಾತಿ ಹಿಜ್ಜಡಿ ವೇನ್ ಹನುಮೇಲೇಕೋ ಥೋದ್ಸೆಕ್ ಛ; ಮನಕ್ಯಾತಿ ಹಿಜಡಿವೇನ್ ಬದ್ಮಾವೆಮೇ ಕೋಯಿ ಥೋದ್ಸೆಕ್ ಛ ; ಪಾನ್ ದೇವೇರ್ ರಾಜೆರ್ ವಾಸ್ ಉನೇನ್ ಓಜ್ ಹಿಜಡಿ ವಿಗೆಜಕೋ ಯಿ ಥೋದ್ಸೆಕ್ ಛ ಮಾನೆವಾಲೋ ಮನೆದ ಕಣ್ ಕೋ ¹³ ಜನ ತ್ಹೊದ್ಸೆಕ್ ಉಣ್ಣ ರ್ ನಾನಕ್ಯಾ ಛಚ್ಯಾವರುನ್ ಯೇಸುರ್ ದಮ್ಯಿ ಲಾನ ಉನೆಪರ ಹಾತ್ ಮೇಲಾನ್ ಅರಜ್ ಕರನು ಕಣ್ ಪೂಚೆಜನ ಛೆಲಾವು ಉನ್ನೆನ ದಲ್ಕಾರೆ ¹⁴ . ಪಾನ್ ಯೇಸು ಛಚ್ಯಾವರುನ್ ಛುದೋ ಮಾರ್ ಆಯೆ ನ ಉನ್ನೇನ ಆಡೋ ಕರೋಮಾತೋ ದೇವೆರರ ರಾಜ್ ಏನುರಜ್ ಚ ಕಣ್ ಕೇನ್ ¹⁵ . ಉನೇಪರ್ ಹಾಟ ಮೇಲಂ ವತೇತಿ ನಿಕಲನ್ ಗೋ ¹⁶ . ಜನ ಎಕ್ಲೊಂ ಅನಾ ಓನ ಭುಡಕ್ ಮ ನಿತ್ಯಾ ಜೀವನೇನ್ ಜಾನುಕತೋ ಕಂಯಿ ಅಚ್ ಕಾಮೆನ್ ಕರುನ್ನಕನ್ ಪೋಚೂಜನಾ ¹⁷ ಉ ಓನ ಆಚೆರ್ ಬಾರೇಮ ಮಣ್ಣ ಕಸ್ಸೆನ ಪೂಛೆಚಿ ? ಅಚೋ ಎಕ್ಲ್ಮ್ಜ್ ಪಾನ್ ಓ ಜೀವನೇಮ ಜಾವನುಕತೋ ದೇವೇರ್ ಅಜ್ನ್ಯಾರ್ ನ್ಯೆ ಸಮೋರ್ ಚಾಲ್ ಕನ್ ಕೋಜೇತಿ ¹⁸ . ಉ ಓನ ಕುನಸ್ ಕಣ್ ಪುಚೂಜನ ಯೇಸು ಮನಕ್ಯಾನ ಮರ್ನಾಕೆರೋ ವದ್ದಲೋ ಕರನುಕೋನಿ ; ಚೂರಿ ಕರನು ಕೋನಿ ಲಬ್ಬರಿ ಗವಾಯಿ ಕೇವಣು ಕೊನಿ ; ತಾರ ಯಾದಿ ಬಾಪ್ಪೆನ ಮಾನ್ ಕಾರಣು ¹⁹ ಅನ್ ಟಾರ್ ನಯೇ ತಾರ್ ಬಾಗಲೇವಾಲುನಿ ಪ್ರೇಂ ಆರನು ಕಜಕೋ ಏಜ್ ಕನ್ ಕೋ ²⁰ ಜನ ಉ ಮೊತ್ಯಾರೋ ಓನ ಎನ್ನನ್ ಸೇನ ಬರೋಬ್ಬರ್ ಚಾಲ್ಮಾಲೋಚು ; ವಜ್ಜಿ ಕಾಯಿ ಕಮ್ ಛ ? ಕಣ್ ಪುಚುಜನಾ ²¹ ಯೇಸು ಓನ ತು ಭಾಪುರ್ರ್ ವೆನುಟು ಜಾನ್ ತಾರ್ ಛಜೇನ ಸೆನ್ ವೆಚನ್ ಗರಿಬಿನ ದೇದ ಪರಮ ಮ ಟುನ ಘನೋ ಧಾನ್ ರಚ್ಚ ತು ಅನ್ ಮಾರ್ ಲಾರ ರ ಕನ್ ಕೋ ²² . ಉ ಮೊತ್ಯಾರೋ ಘನೋ ಆಸ್ತಿವಾಲೋ ವೆತ್ತಿಜೆತಿ ಈ ವಾಟೆನ ಸಾಮಳನ್ ದುಃಖಪಾನ್ ದಗರ್ರೋ ²³ . ಜನ ಯೇಸು ಓರ ಚೆಲಾವೂನ ಡೆಕನ್ ಘನ್ ಧಾನೆವಾಲ್ ದೇವೆರ್ ರಾಜೆರೋ ವೇಲಾಛ ಕನ್ ತಮೆನ ಸಾದಿಜ ಕೋರೋಚು ²⁴ . ಘನ್ ಧಾನೆವಾಲೋ ದೇವೇರ್ ರಾಜೇಮ ಜಾವಜೆತಿ ಹುಂಟ್ ಸೂಯಿರ್ ಅಂಕಿಮಾತಿ ನಿಕರೋ ವಲ್ಲಿವೇನ್ ಛ ಕೇನ್ ತಮೇನ ಫರಾನ್ ಕೆವುಂಚು ಕಣ್ ಕೋ ²⁵ . ಚೇಲಾವೂ ಎನ್ ಸಾಮಳನ್ ವಿಚಿತರ್ ಪಡನ್ ಹನು ರತ್ತೋ ಕೇನ್ ರಕ್ಷಣ್ ಮಳಚ ಕೇನ್ ಪೂಚೆ ²⁶ . ಜನಾ ಯೇಸು ಉನೇ ನ ನರಕನ್ ಡೆಕನ್ ಈ ಮನಕ್ಯಾತಿ ವಂಗಾಯೇನಿ ಪಾನ್ ದೇವೇತಿಸೆ ವಂಗಾವಚ ಕಣ್ ಕೋ ²⁷ . ಜನ ಪೆಟ್ರೂ ಓನ ಇದೆ ಹಮ್ ಸೇನಾ ಚುಡನ್ ತಾರ್ ಲಾರ ಆಯೆಚ ಹಮೇನ ಕಾಯಿ ಮಲಚ ಕಣ್ ಪೂಚೂಜನ ²⁸ . ಯೇಸು ಉನ್ನೆನ ನವ್ವೋಸೃಷ್ಟಿರ್ ದಾಡೆಮಾ ಮನಕ್ಯಾರ್ ಬೇಟಾ ಮಹಿಮಾರ್ ಸಂಹಾಸನೇಪರ ಬಿಸಜನಾ ಮರ್ನಾರ್ ಆಯೆಜಕೋ ತಂಸನೆಪರ ಭೆಸೊಚೂಕಣ್ ತಮೆನ ಸಾಸಿಜ್ ಕೆರೋಚು ²⁹ . ಅನ್ ಮಾರ್ ನಾಮೇರ್ ವಾಸ್ ಘರೆನ್ ಕೂ ಭಿಯಾ ಭಾಯಿನ್ ಕೋ ಬಾಯಿ ಭೆನೆಜ್ ಕೋ ಬಾಪೆನ್ ಕೋ ಯಾದಿನ್ ಕೋ ಬೆಪ್ಪಾನ್ಕೋ ಜಮ್ಮಿನಕೋ ಚೂದಡಿನೆಕೋ ಹಯೇರ್ಕೆನಿ ಸೊ ಹಂಸೋ ಘ್ನೋ ಮಲಚ ಎನ್ ಓ ನಿತ್ಯಾ ಜೀವನೇನ ಖೇವಚ ³⁰ ಪಾನ್ ಘಂ ಮನಕ್ಯಾ ಅಗಡಿರ್ ಪಚಾದಿನ್ ಪಚಾದಿರ್ ಅಗಾದಿವಾಲ್ ವಚ್ಚ