6
1
ದಾಸ ಆಯಿಕ್ರಾ ಮತ್ತೊಂಡ್ ವರ್ತಿ ಅಧೀನತಾಳಿ ಇಕ್ರಾತಮ್ಮ ಯಜಮಾನರತ್ತ ಅದ್ದಿ ಮಾನತ್ಕೂ ಯೋಗ್ಯರಂಡ್ ಅನ್ಪಿಚ್ಚಟ್; ಇಲ್ಲ ಅಂಡೆಕೆ ದೌರ್ರ ನಾಮತ್ಕೂ ನಂಗ ಹೊಂದಿಕ್ರಾ ಉಪದೆಶತ್ಕೂ ನಿಂದೆ ಉಂಟ ಅಕ್ಕಾದ್
2
ಎವಲಿಕೂ ಆನೆಕ್ಯೂ ಕ್ರಿಸ್ತನಕ ನಂಬ್ರಾ ಆಯಿಕ್ರಾ ಯಜಮಾನಂಗ ಇಂದಿ೦ದೇಕೆ ಅಂಗ ಆ ಯಜಮಾನಂಗಳತ್ತ ದೆಂಬೆ೦ಗ ಅಂಡು ಉದಾಸೀನ ಸೇಯದೆ ತಮ್ಮ ಸೇವೆತಾ ಫಲತ್ತ ಹೊಂದಂಗ ನಂಬ್ರಂಗ ಪ್ರಿಯರೂ ಆಗೀದ್ ಅಂಡ್ ತಿಳಿಸ್ ಅಂಗಳಿಕಿ ಎಕು ಆಯಿಕ್ರಾ ಸಂತೋಷ೦ಡ ಸೇವೆ ಸೇಯಿಬೇಕ್. ಈ ಉಪದೇಶತ್ತ ಸೆಂದು ಅಂಗಳಿಕಿ ಎಚ್ಚರ ಸೇಯಿ. ತಿಮೋತಿಯು ತಪ್ಪ ಆಯಿಕ್ರಾ ಬೋಧನೆಕ್ಯು ಪಣಟಾ ಆಶೆಕ್ಯೂ ದೂರ ಆಗಿಂದು ಸದ್ಧರ್ಮತ್ತ ಅನುಸಾರ ಸೇಯಿರಾಂವು ಬೋಧನೆ ಸೇಯಿರಾಂವು ಆಗಿರಬೇಕಂಡ ಖಂಡಿತವಾಯಿ ಎಚ್ಚರಿಕೆಯು
3
. ಯೇವ್ ಆನೆಕ್ಯೂ ಏರೆ ವಿಧವಾಯಿಕ್ರಾ ಉಪದೇಶತ್ತ ಸೆಂದು ನಂಗಳಟಾ ಕರ್ತನಾಯಿಕ್ರಾ ಯೇಸು ಕ್ರಿಸ್ತನಟಾ ಸ್ವಸ್ಥವಾಯಿಕ್ರಾ ವಾತಿಗಳಿಕಿ ಭಕ್ತ ಅನುಸಾರ ಆಯಿಕ್ರಾ ಉಪದೇಶತ್ಕ್ ಸಮ್ಮತ ಸೇನ್ದ್ಗರ್ಕ್ ಓನೇಕೆ
4
ಆಂವು ಒಂಡೂ ತಿಳಿಸದೆ ಕುತರ್ಕ ವಾಗ್ವಾದಗಳತ್ತ ಸೇಯ್ರಾ ಭ್ರಾಂತಿತಾಳಿ ಇ೦ದು ಮದದಿಂಡ ಕಣ್ಣು ಕಾಂಗ್ರಾ೦ವು ಆಗಿಂದು. ಇವಿಗಳಿಂಡ ವರಗ್ ಕಿಚ್ಚ ತಂಟಿ ದೋಷಣೆ ದುಸ್ಸಂಶಯ ಇಂಗಳತ್ತ ಉಂಟ ಅಕ್ಕಾದ್.
5
ಈದ್ ಅಲ್ಲದೆ ಬುದ್ದಿ ಕಟ್ಟು ಸತ್ಯಟಾ ವಿಹೀನ ಆಗಿಂದು ದೌರ್ರಟಾ ಭಕ್ತಿಯತ್ತ ಲಾಭ ಸಾಧನ ಅಂಗ್ರಾ ಈ ಮನುಸಂಗಳತಾಳಿ ನಿತ್ಯವಾಯಿಕ್ರಾ ಕಚ್ಚಾಟ೦ಗ ಉಂಟ ಅಕ್ಕಾದ್.
6
ಸಂತುಷ್ಟಿಸಹಿತವಾಯಿಕ್ರಾ ಭಕ್ತಿ ಬೆರ್ರಾ ಲಾಭ ಸರಿ ಇಗದ್. ನಂಗ ಲೋಕತಾ ವುಳ್ಳೆ ಎಂದೂ ಅತ್ಗೊಂಡ್ ವರ್ರಲಿಲ್ಲ ಅತ್ನೆ; ಅತರ ವುಳ್ಳ೦ಡ ಎಂದೂ ಅತ್ಗೊಂಡ್ ಓಗದಲ್ಲ.
7
ನಂಗಳಿಕಿ ಸೋರು ಬಟ್ಗ್ಯಾ ಇಂದೇಕೆ ಶಾನಾ;
8
ಐಶ್ವರ್ಯವಂತಂಗ ಆಗಬೇಕಂಡ್ ಮನಸು ಸೇಯಿರಂಗ ದುಷ್ಪ್ರೇರಣೆ ಅಂಗ್ರಾ ಉರ್ಲಿತಾಳಿ ಸಿಕ್ಕಿಕೊಂಡಟ ಬುದ್ಧಿ ವಿರುದ್ಧವಾಯಿ ಹಾನಿಕರ ಆಯಿ ಇಕ್ರಾ ಅನೇಕ ಆಶೆತಾಳಿ ಬುಗಾದ್. ಅಂತ ಆಶೆಯಂಗ ಮನುಸಂಗಳಿಕಿ ಸಂಹಾರ ನಾಶತಾಳಿ ಮುಳುಗ್ಸಾದ್.
9
ಪಣಟಾ ಆಶೆಯು ಅದ್ನಿ ವಿಧ ಆಯಿಕ್ರಾ ಕಟ್ಟತನತ್ಕ್ ಮೂಲ ಆಗೀದ್.
10
ಕೆಲವರು ಅತರ ಸಲವಾಯಿ ಆತುರ ಪಟ್ಟಟ ಅತರಿಂಡ ಕ್ರಿಸ್ತ ನಂಬಿಕೆಯತ್ತ ವುಟ್ಟು ಅಲದಾಡಿ ಅನೇಕ ವೇದನೆಗಳಿಂಡ ತಮ್ಮನ್ನ ತಿವಿಸಿಕೊಳ್ಳಾದ್.
11
. ಎಲೈ, ದೌರಟಾ ಮನುಸನೇ, ನೀನ್ ಆನೆಕ್ಯೂ ಇವುಗಳಿಕಿ ದೂರವಾಗಿರು; ನೀತಿ ಭಕ್ತಿ ನಂಬಿಕೆ ಪ್ರೀತಿ ಸ್ಥಿರಚಿತ್ರು ಸಾತ್ವಿಕತ್ವ ಇವುಗಳತ್ತ ಸಂಪಾದಿಸಿರ್ಕ್ ಪ್ರಯಾಸ ಸೇಯಿ.
12
. ಕ್ರಿಸ್ತ ನಂಬಿಕೆಯುಳ್ಳ೦ಗ ಸೇಯ್ರಾ ಶ್ರೇಷ್ಠ ಹೋರಾಟತ್ತಾ ಸೇಯಿ, ನಿತ್ಯ ಜೀವನತ್ತ ಪುಡಿಸ್ಕೋ; ಅತಕಾಗಿ ದೌರ್ರು ನಿನಕ ಕರ್ದ್ನು, ತಿರಗ್ ನೀನು ಅನೇಕ ಸಾಕ್ಷಿಟಾ ಮುನಕ ನಲ್ಲ ಪ್ರತಿಜ್ಞೆ ಸೇಂದಿರಲ್ಲಾ.
13
14
13. ಸರ್ವಸೃಷ್ಟಿಕಿ ಜೀವನಾಧಾರಕನಾಯಿಕರಾ ದೌರ್ರಟಾ ಮುನಕೂ ಪೊಂತ್ಯ ಪಿಲಾತನ ಕಾಲತಾಳಿ ಶ್ರೇಷ್ಠ ಪ್ರತಿಜ್ನೆಯತ್ತ ತಾನೇ ಸಾಕ್ಷಿ ಆಗಿಂದು ಸ್ಥಾಪನೆ ಸೇಂದಿಕರಾ ಕ್ರಿಸ್ತ ಯೇಸುನಟಾ ಮುನಕೂ ನಾನು ನಿನಕ ಖಂಡಿತವಾಯಿ ಸೋನ್ನರಾದ್ ಎಂದ್ ಅಂಡೆಕೆ-
14. ನಂಗಳಟಾ ಕರ್ತು ಆಯಿಕ್ರಾ ಯೇಸು ಕ್ರಿಸ್ತು ಪ್ರತ್ಯಕ್ಷ ಆಗ್ರಾ ತನಕ ನೀನು ಸುವಾರ್ತೆತಾ ವಿಧಿಯತ್ತ ನಿಷ್ಕಳಂಕವಾಗಟ್ ನಿಂದಾರಸಹಿತವಾಗಟ್ ಕಾಪಾಡ ಬೆಕ್ .
15
ಭಾಗ್ಯವಂತನಾಯಿಕ್ರಾ ಏಕಾಧಿಪತಿಯು ತನ್ನ ಕ್ಲುಪ್ತ ಸಮಯತಾಳೆ ಆತನಕ ಪ್ರತ್ಯಕ್ಷ ಪದಸಿದ್ನು.
16
ಆ ಏಕಾಧಿಪತಿಯು ರಾಜಾಧಿರಾಜು ಕರ್ತರಟಾ ಕರ್ತು ತಾನೊಂಡೆ ವರ್ತಿ ಅಮರತ್ವವುಳ್ಳ೦ವು ಅಗಮ್ಯ ಆಯಿಕ್ರಾ ಬೆಳಕತಾಳಿ ವಾಸ ಸೇಯಿರಾಂವು ಆಗೀರು; ಮನುಸರಾಳಿ ಎದೂ ಆತನಕ ಕಾಂಗದಿಲ್ಲ, ಎದೂ ಕಾಂಗ್ರ ಮಟ್ಲೇ ಇಲ್ಲ; ಅಂವನಿಕಿ ಮಾನು ನಿತ್ಯಾಧಿಪತ್ಯು ಇಕ್ಯಟ್. ಆಮೇನ್.
17
ಇಹಲೋಕ ವಿಷಯತಾಳಿ ಐಶ್ವರ್ಯ ವುಳ್ಳ೦ಗ ಅಹಂಕಾರಿಗಳ ಆಗಿ ಇಕ್ಕದೆ ಐಶ್ವರ್ಯತ ಮೇನೆ ನಿರೀಕ್ಷೆ ಅಕ್ಕಿದೆ ನಂಗಳಟಾ ಅನುಭೋಗತ್ಕೊಸ್ಕರ ನಂಗಳಿಕಿ ಅದ್ನಿ
18
ಎಕುವಾಯಿ ದಯಪಾಲಿಸ್ರಾ ದೌರ್ರ ಮೇನೆ ನಿರೀಕ್ಷೆತಾ ಅಕ್ಕಿಬೆಕ್ ಅಂಡ್ ವಾಸ್ತವ ಆಯಿಕ್ರಾ ಜೀವನತ್ತಾ ಹೊಂದರ್ಕ ಅಂಗ ನಲ್ಲಾದ್ ಸೇಯಿರಂಗ ಸತ್ಕಾರ್ಯತಾಳಿ ಐಶ್ವರ್ಯಂಗ
19
ದಾನಧರ್ಮಗಳತ್ತ ಸೇಯಿರಂಗ ಪರೋಪಕಾರ ಸೇಯಿರಂಗ ಆಗಿಂದು ಮುನ್ನ ಇಕ್ರಾ ಕಾಲತ್ಕ್ ನಲ್ಲ ಅಸ್ತಿವಾರ ಆಗ್ರಾದ್ ತಿರಗ್ ತಮಕ ಕೂಡ್ಪಿಚ್ಚಕೊಳ್ಳಬೇಕಂಡ್ ಅಂಗಳಿಕಿ ಅಜ್ನಾಪನೆ ಸೇಯಿ.
20
ಎಲೈ ತಿಮೊತಿಯನೇ, ಜ್ಞಾನೋಪದೇಶ ಅಂಡ್ ಸುಳ್ಳಾಯಿ ಸೋನ್ನರಾ ಬೋಧನೆಕಿ ಸಂಬಂಧಪಟ್ಟ ಪ್ರಾಪಂಚಿಕ ಆಯಿಕ್ರಾ ಆ ಹರಟೆ ವಾತಿಗಳಿಕಿ ವಿವಾದಗಳಿಕಿ ನೀನು ದೂರ ಆಗಿಂದು ನಿಂಟಾ ವಶತ್ಕ್ ಕುಡ್ತಿಕ್ರಾತ್ತಾ ಕಾಪಾಡು.
21
ಕೆಲವಂಗ ಆ ಸುಳ್ಳ ಆಯಿಕ್ರಾ ಜ್ಞಾನತ್ತ ಅವಲಂಬನೆ ಸೇಂದಟ ಕ್ರಿಸ್ತ ನಂಬಿಕೆಯಿಂಡ ಭ್ರಷ್ಟಂಗ ಆಸು. ಕೃಪೆಯೂ ನಿನ್ನ ಬೇಟೆ ಇಕ್ಕ್ಯಟ್.