¹ Kpomela wo lisihia wawe na etomititisi na litemia ngi wa Zuzi na wakonzi,litemia na haitakpa haili, ² watakpomela moto, wawe na hai,na wendo lyali,wa yale na itemia ngi watokpa. ³ Nesu kamu tolumbi hakili,twendi obe,toi mwamba,tofoti na kunda na haito kpa wa na haluhani ha ndoto,tumi na wotomboki na kamo,towai wato wafele esu ,na tofeta watowasiha. ⁴ Kamo, waliwo ndungu mobikesi ohoiso na lundo lita liwaito lya enena. ⁵ Abikisa esu,soo lita likasala hali hane tokeli esu na ndenge elehe e howa, na ndole e wateme e wa waleli e wakundoli mwenda mongai, ⁶ Amwanga ngaiso ondje,nandole o Yesu Kristo mumesi, ⁷ naenu, towai ngia nalita lipasa iyahe, twisi haluhania, na wumi woliwelanaliwela. ⁸ Liohi limelo li lisolo,nundi ine unole haita hane,wane wiunola Aungu wakela hasala haali. ⁹ Haita hane hihali na litomba ngi waito.Emesia wokpomakpomi pamba itinatina, moto molo,wowiani, tembe ene o ngele,yokpa iti natina iwai pamba. ¹⁰ Kowa,mbuse u felo owokebisi ,ono esusania wofetani, ¹¹ Liwa ine moto na ndengeelo eti mwali,ekela wobe,nawoyatitisi he mangine. ¹² Nemotombelambo Artenasi na Tisike,emala waa otumane na Nikopoli,ahande ne mambineso nete na fiyo. ¹³ Kela wokpamu na lwendo lo Zenasi,mokeli ngele,Apolo ,wata kelele heema. ¹⁴ Wane awayiso wanane na wokeli haita haali,lita walite okamu ine iwai,watawe wane wetiwota tohuma. ¹⁵ Wanekpa wisi nango wakalia enu wo palia, kalia wopalia na wane wiundi esu nalundo.Pasa iwe nenukpa!