1
Yedha sinone lebabatone la Aba ghe ewanisi , ghe tadhe baniba Kunzi, talebani boghe. Olengale keyibi, bansu aghete bu bayibiyi.
2
Bamibama , tale bami ba Kunzi , denge ghe tadhe ;kamenanili , e tango amenana takukana pa nanyi, mpe tamena yi ngoto.
3
Moto wanzu mawhonegha a ebo ghisa gha , ade ghe yimalemoto ali.
4
Ali moto wanzu maza bakwae benene abuni lekea , nakwa etene bakwa bene ale bune lekea.
5
Kasi yibabetene , Yesu asu ete atusi bakwa benene;
6
Dhe bighe bakwa benene ka motoo nanzu mali beghekale bakwa benene , moto maza kwa enene kameni pe kayibi.
7
Bami bokeke , kabamo zologhe : Moto wanzu mazelea bosembo , ale ozaghe yi malemoti ali.
8
Moto wanzu maza bakwe enene a naesumuhi , na kwa ete esumuhi abuki mobeko mpodhe eghali abhadhi .Mima Kunzi adhu etene awole esale wa esumuyi .
9
Kwa enene nakwa ete a le alekopo la Kunzi , kaze bakwa benene , nakwae Kunzida abhoti.
10
Nasoyo nde boyiba bami ba Kunzi , na bamiba esumuyi, moto wanzu mokazi bakwa i ezaza kana Kunzi ndenge emoti na moto makomo mamee.
11
Pache bamopachi, mawhoyi ambola, bete tabanane bau na basu.
12
Katali ghe Kaina , mima esumuyi amodhee mame . Amodhe na kwa esina? Akwa ete alindele na mosalame monyenye , mame alindele na bakwa bezaza.
13
Kakomoyeme ; bamabame lo engalite a mokomi ,
14
Tayiba betene tasoyise kuwa , na whoye na kwa ete tatobhaa bamamabasu . Moko baa mameye abika pa kuwa.
15
Moto wanzu makomo mame , ale moto momo batho yiba ebete wanzu momo bato , kaye tele yi.
16
Tayibi lebatome , nakwaee etene abi bomoyi bo ghe nakwa gbasu , aboghi ete basu tape bomoyi bogbasu na kwa ba dhasu.
17
kasi moto wanzu nazui batomate ta engali tee, pe amena mame mazangi , akomo gabele yi , denge esisina lebabato me la Kunzi akuki alia bighe?
18
Bami bokeke , katabuyi kelebhe na edhadha , kasi na mosala me mozaza ali epene.
19
Wobha detayiba ete tale bato epene pe emeleme ogbasu abi ghe.
20
Ho emeleme ogbasu alipa angha , Kunzi ale osi asoyi emeleme ogbasu , pe ayiba bakwa yanzu.
21
Bamama bamamabame o emeleme ogbasu kalipanga , aghetene tabuni Kunzi.
22
Ata alia pagho , apa takonghu , pata luwa na yi na kwa ete apa tabatela lekea.apa mogho pe taza bakwae alibedhe bigho.
23
Wane lekea leghe , tabuyi lina leghe apesi ya mane Yesu Klisto , pe tabaname alegbonoho ghe ewanisi lekea leghe.
24
Moto wanzu mabatele lekea ba Kunzi , ale na Kunzi pe Kunzi anayi : pe ta yiba betene tanayi apesi ya molimo mosantu mo ephi.